重慶小食

之前去葵芳食完重慶小食，已經愛上食麻辣小食，因為地點問題所以想搵一間比較近嘅分店去買，就搵左九龍城喱間。今次淨係叫餸，咁就叫左幾樣最鐘意食嘅小食，包括有牛柏葉，雞腎，雞心等等，感覺份量小。下次去其他分店試下個份量先 ~~~…查看更多

今日喺九龍城重慶小食試咗佢嘅麻辣拌麵，味道令人印象深刻。麻辣醬汁調得恰到好處，辣度適中，帶點麻香，唔會過分刺激，適合想試麻辣風味但唔太耐辣嘅人。配料真是一個亮點，牛柏葉切得薄而均勻，入口煙韌有嚼勁，吸收咗醬汁嘅精華，味道濃郁。豬耳爽脆可口，切片厚薄適中，咬落有彈性，帶點麻辣香氣，令人停唔下來。枝竹則軟硬適中，入味十足，吸滿咗醬汁嘅鹹香，增添咗口感嘅層次。麵條煮得彈牙，掛汁能力強，每條麵都均勻裹上麻辣醬，食落順滑又開胃。整體而言，呢碗麻辣拌麵份量足，配料新鮮，味道均衡，麻、辣、香三者融合得宜，令人滿足。店舖環境簡單乾淨，服務效率高，價錢公道，係一個平民化嘅好選擇。對於鍾意麻辣風味嘅朋友，呢度絕對值得一試。…查看更多

酸辣粉好食，已經食過幾次！😋會再幫襯！最近試左佢個麻辣豬耳同手撕雞，豬耳味道可以，口感彈牙過出面餐廳，推薦！不過手撕雞就比較普通。總結，如果想食酸辣粉呢間係唔錯既選擇😋…查看更多

原本諗住肚餓食個宵夜，揀咗呢間叫外送，以前食過大圍分店都叫做過得去，點知今次中曬伏叫咗兩份涼皮加一份小食涼拌青瓜，收到外送未得閒食就成袋3盒嘢放雪櫃先啦，一心諗住3盒嘢就啱嫁啦，點知到我忙完打開曬嚟睇先知，原來無比到涼拌青瓜比我，算，可以搞退款咁照食啦，唔食由自可，一食把幾火！兩份涼皮都超難食，我份多餸涼皮簡直係刷新認知嘅級數，首先牛栢葉嘅食物預期應該係爽滑脆嫩嘅，佢嘅牛栢葉係令我懷疑自己係食緊橡筋，超靭！跟住雞腎應該係又爽口又腍身，佢係超硬！仲有蒜泥白肉，又乾又鞋又硬，仲衰過食豬肉乾，完全唔知點形容，好似食緊鞋底咁就恐怖係連腐竹都係硬嘅差到無話可說😶…查看更多

只有外賣，之前買過涼皮覺得很好吃，這次試試涼麵。涼麵底，配油炸過的花生、黃豆，花生香口，黃豆酥脆，還有清爽的青瓜絲、蔥、芫荽，再加上一些調味汁。我又加配了海帶絲和雞腎，店員會幫你拌好裝盒的。相比涼麵，涼皮更筋道。因為都是涼拌，更適合夏天吃。…查看更多

重慶小食嚐鮮記今天受朋友推薦,我迫不及待地點了重慶小食外賣,品嚐了他們家的經典小吃。打開外賣盒後,熱騰騰的香氣撲面而來,讓人食指大動。首先嘗試的是麻辣雞腎,口感鮮嫩彈牙,辣椒和香料調味恰到好處,不會過於刺激,而是帶有令人上癮的麻辣回甘。手撕雞肉肉質細嫩,沾上特製的醬汁後,鹹香可口,入口即化。接下來是手工涼皮,薄如蟬翼的皮料恰到好處,配上爽脆的黃瓜絲、香辣的香菜和爽口的醬汁,清涼順口,解膩愜意。搭配涼拌土豆絲,爽脆爽口,淋上醬汁後,更顯鮮甜可口。涼拌豬頸肉入口即化,肥而不膩,越吃越有味。整體來說,重慶小食的各式小吃都別具特色,在色香味俱全的同時,又能夠兼顧健康與營養。這裡的小吃讓我重溫了重慶家鄉的美味,無一不是道地可口。下次還會再來光顧,繼續享受這份正宗的重慶味道!…查看更多