醉香小食雞蛋仔

營業中

休息中

🌟醉香小食雞蛋仔🌟🤎伯爵茶朱古力🍫雞蛋仔💛濃濃朱古力🍫配上伯爵茶的確係絕配😋雞蛋仔 外脆內軟 啖啖蛋醬撈埋朱古力好足料老闆娘好親切☺️,又精通多種語言英文,普通話講到辣辣聲😲連日韓泰文都識講幾句老闆娘極力推介📣下次要加麻糬😛真係巧巧巧多人等住排隊😳😳#我真係好鍾意食雞蛋仔🤤✌🏻✌🏻#愛食雞蛋仔的必選🤤

香的經典街頭小吃-雞蛋仔外脆內軟，外層金黃酥脆，內部則柔軟滑嫩，咬下去的瞬間會感受到多層次的口感。雞蛋仔的獨特形狀使得每一口都有不同的咬感，讓人回味無窮。繁忙的街道上加悠閒的下午，享用一份熱騰騰的雞蛋仔，總能帶來愉悅的心情。醉香小食雞蛋仔 (尖沙咀)尖沙咀加拿分道8-12號地下12 GA號舖賣相：★★★☆☆口感：★★★★☆環境 ：★★☆☆☆整體評分：★★★☆☆#下午茶#雞蛋仔#美食推薦 #美食日記 #唔食唔知腸胃好#foodiefatty #foodie #foodies #foodiehk #foodiehkig #foodiephotograph#939439_foodiehk

真的很失望，買了芝麻肉鬆雞蛋仔(售價35)，質地是乾身脆口，但只有幾粒有肉鬆。這個也算了，雞蛋仔沒有蛋香味，叫麵粉仔比較合適。還有，芝麻好似壞了，有陣怪怪油益味！

朋友喺國外回來 係附近食完晚飯還想多聚一下 聊聊天 帶佢去回味一下香港雞蛋仔嘅味道有朋友推介呢間 我之前都有帶台灣朋友食過! 今次揀咗伯爵茶朱古力雞蛋仔 香香嘅伯爵茶味 加上外脆內軟 好味

之前一路bookmark咗醉香雞蛋仔🔖但上次嚟話開心果冇貨ฅ⁽͑ ˚̀ ˙̭ ˚ ⁾̉ฅ今次終於試到開心果脆醬格仔餅！一於期待下佢點爆醬法✧ 開心果脆醬格仔餅（$35）比起同類型嘅元朗eggcellent賣緊40幾蚊呢間位於尖沙咀嘅醉香算係平一打去的確係幾驚艷❇️首先講開心果醬比起eggcellent嘅真材實料醉香係落多好多糖但個濃稠度就控制得好嘅唔會太杰 張住個口應該啱大部分人口味多啲開心果碎亦都相對少啲不過犯賤嘅本豬反而覺得咁樣啱啱好😂只係本身以為叫脆醬會有埋粟米片嗰種再講返個格仔餅皮🧇醉香呢個做得比較硬所以硬得有啲辛苦同刮嘴另外見到佢哋新出咗薄朱味等嘅時候聞到勁香 下次可以試試～

还醉香呢，是谁醉了😵‍💫抹茶红豆鸡蛋仔🥚抹茶的味道蛮浓郁的，抹茶的苦涩毫无前奏的能直接充斥着口腔🍵。吃起来外酥里嫩，不喜欢吃抹茶的说觉得很苦，我觉得挺味道还可以，但是确实普通的又有些失望🏡门面很小，就在potato corner旁边，也还算挺好找嗫

平時買開雞蛋仔 ，經過就買原味， 雞蛋仔等了大概十分鐘左右就有得食 ，應該都係即叫即整， 但今次畀起同食平時有啲唔同， 雞蛋仔熱辣辣 ，真係幾香嘅 ，但係佢嘅外皮太脆 ，入面餡料有啲乾 ，平時會叫有餡料朱古力味 芝士味等 ，今次原味有啲失望

串串雞蛋仔-原味,oreo,黑炭朱古力🍡雞蛋仔變成一串串真係未見過 每串有7粒 加上佢地係即叫即整 覺得好新奇而試下😳🤫呢D肯定好飽肚 當然要share比朋友一齊試下啦🐽❤️✨原味✨同普通原味雞蛋仔一樣味 即係好香蛋味😋😋💛💛係好食 但..too common🙉✨Oreo✨原味雞蛋仔再加塊mini oreo而成 嗰塊oreo確實幾吸睛👁3款之中我最鍾意呢款 每一舊都好有咬感 好足料🤤🖤✨黑炭朱古力✨將黑炭粉混入雞蛋仔嘅麵湖之中 令成個雞蛋仔變成黑漆漆嘅顏色🖤餡方面 朱古力唔會爆餡 份量適中佢有我鍾意嘅「唔會好甜」🍫🤎

8月19日下晏4點幾之前食過一次都幾好味經開附近想食開心果格仔餅就排隊啦 本身到我但我後面個男人先開聲叫要3枝嘢飲個阿姐無問我要乜？要嘅嘢駛唔駛等而俾男人先😥我忍唔住問個阿姐，乜唔係要排隊咩？個阿姐好大聲話後面個男人只係買嘢飲我啲要等佢就做佢先第1我都未出聲落單？你又知我要乜？第2你又知我要嘅嘢，要等？定唔要等？只係我後面個男人開聲落單先過我，佢就俾佢先本身如果個阿姐話男人好快我拎俾佢先等陣轉頭幫你，我理解而唔會出聲我心諗係咪唔駛排隊，只用把口叫就可以買先？後面一直有人買唔駛等嘅嘢就做先？咁企前面買要等嘅嘢，要等做晒唔駛等嘅單先落到單？咁做乜要排隊？個阿姐之後大大聲爆粗鬧我我俾$佢落單，佢就好大力拍枱俾張飛同找返$5我把口話我可以唔做你生意但佢對手好誠實收我錢🤣🤣🤣🤣跟住我話你唔好咁大力拍呀佢仲話我鍾意做邊個先就邊個多單你做到忟一件事個客排隊買嘢你無秩序亂俾人先又唔同人講聲個客好聲問你又大大聲反駁爆粗鬧人自己態度有問題仲惡人先告狀講返食物先$35件格仔餅🧇開心果醬夠味幾濃嘅但好甜不過格仔餅淋嘅一啲都唔似之前食外脆內軟加上聲稱自己做咗10年嘅阿姐對客咁好態度幾好食都永遠唔再買

講到雞蛋仔，除咗mammy嗰間之外, 我一定食呢間.呢排次次去親都要等, 人氣越嚟越高. 最鍾意就係佢個香蕉朱古力雞蛋仔🍌🍫. 新鮮香蕉加大量流心朱古力, 整完出嚟會吹下先畀你。外面脆卜卜，入邊食到啖啖都係香蕉朱古力餡，簡直情唔到口。仲有好多其他味，例如黑松露，蒜香胡椒，太特別未試。食過佢嘅咖啡☕或者泰奶茶🥛，都係唔夠香蕉朱古力最鍾意。❤仲有自家無添加糖水同嘢飲， 下次經過尖沙咀不妨可以試埋😬🤗🤗

未食飯經過見到，就買咗一底雞蛋仔嚟食。揀咗一款平時少見嘅味道-泰式紅茶雞蛋仔。下晝5點左右，都有幾個人等緊。泰式紅茶雞蛋仔香濃泰茶味，隱約見到茶葉。因為我自己吾太食甜，多口問店主雞蛋仔可吾可以吾要糖，店家話可以幫我做，真係好好👍🏻出到嚟雞蛋仔熱辣辣，即叫即整，仲充滿泰茶香，又吾甜🥰 下次經過都會想試吓其他雞蛋仔口味。另外，鋪頭有少量款式嘅糖水、飲品售賣，仲有燒賣 $10/5粒。

之前喺觀塘食過佢哋嘅開心果格仔餅 覺得好好食 咁啱今日嚟到尖沙咀又經過呢間小食店 所以口痕試下-•開心果碎醬味格仔餅• $35 [👅5/10]今次有失水準 無論係個餅同醬都同之前食唔一樣格仔餅比較軟身 唔夠脆 好快就淋 上次食到最後都仲係脆脆哋 個醬感覺比上次食嘅甜 好似溝咗白朱古力咁😫無咗開心果個香味 而且啲醬搽得唔係好均勻同埋唔知係咪記錯 因為上次食啲醬係多到漏晒出嚟💧但係開心果醬本身偏杰 上次喺觀塘食嗰個我估應該有落煉奶同花生醬 所以味道比較豐富-希望佢地兩間分店嘅做法會統一返啦🙏🏻

今日突然間好想食雞蛋仔，同事介紹左依間，一去到已經見到排晒長龍，全店得一個姨姨一手一腳製作，所以等候時間相對會耐啲。餐牌有好多唔同味道選擇，除左雞蛋仔同夾餅，總有其他小食同飲品，價錢相對上比較高。————————————♥———————————- - - - - - - - - - - - - - - - - - - - - - - - - - - - -♥️ 伯爵茶朱古力雞蛋仔 $35熱辣辣雞蛋仔外脆內軟，伯爵茶味道香濃，但有啲遮蓋左朱古力味，唔係好食得出入邊有朱古力。- - - - - - - - - - - - - - - - - - - - - - - - - - - - -————————————♥———————————

今次叫左黑松露雞蛋仔，外脆內軟，佢整完之後會再用風扇吹30秒，但個人認為黑松露味唔夠，可以再多啲。另外佢仲有格仔餅，燒賣，糖水同唔既野飲賣。今次就只係試左雞蛋仔，食完超飽，記得要趁熱食

已經唔係第一次食醉香雞蛋仔啦😀之前食過開心果格仔餅都一試難忘，啲開心果醬好濃郁，好香滑，店員都落得好重手，啖啖都食到開心果味架所以今次經過都想嚟再試埋其他野食，今次就想試埋雞蛋仔店舖menu都有好多味道選擇，店員都好細心推介啲口味。除左雞蛋仔同夾餅，佢哋仲有自家製糖水同飲品可以買，價錢都好公道。佢哋仲有蒸燒賣，不過我哋之後仲要去食午餐，就冇買嚟試住啦🫣我哋叫左泰式奶茶雞蛋仔，可能算早人流唔多，好快就整好有得食啦。雞蛋仔粒粒都外脆內軟，粒粒份量十足，唔會好似出面果啲得個殼中間空心🤫而且真係好香泰式奶茶味，係食得出有少少茶葉苦澀味，而且唔會死甜，真係值得一試。價錢都好相宜，印象中都係30蚊左右下次經過都要再食呀