酉是酉胡

營業中

休息中

呢間主打台式乾拌麵同炸物小食，午市人龍少少但流轉快，今次係衝住佢哋$60麵套餐同台式小食去 。小店格局，翻枱快，等位大概十分鐘以內；上枱速度也利落，適合去食個快捷台式午餐 。整體份量啱啱好，價錢亦唔使加一，午餐嚟講算親民；2:30後仲有$38套餐優惠， 有齊麵、小食同台式飲品真係幾抵食 。鹹香乾拌麵（台灣拉麵）賣相乾淨企理，麵面上鋪住肉燥、蔥花、滷蛋半邊同少量椰菜，拌勻之後醬油底帶微甜，蔥油香撲鼻；台灣拉麵條身幼直、有嚼口，最重要係夠「掛汁」，每口都有鹹甜平衡嘅濃香 。配菜雖少但能中和油膩感 。台風鹽酥雞外層薄脆不厚粉，肉汁保持得唔錯，輕輕辣度令味道更起 。台灣香腸切件後，面頭油亮，咬落甜香突出，口感多汁，單食或伴麵都好夾；鹹甜味型偏台味正宗路線 。柑桔蜂蜜（熱）清香柑橘味同蜂蜜酸甜度平衡，熱飲暖胃又解膩，配鹽酥雞特別稱職 ；可惜飲到最後有啲乾澀。建議與貼士- 午餐繁忙時間要排小小隊，但通常十分鐘內有位；趕時間可先睇定餐牌入坐即點更快 。- $60套餐未使10%，包麵＋小食＋飲品，性價比可以；如果時間允許，2:30後$38 set 更抵，想飽肚慳荷包就揀呢個時段 。- 口味偏重鹹香，怕

嗌咗擔擔湯+刀削闊麵+鹽酥雞一食好驚喜，冇諗過咁好食！！擔擔湯好濃，好香麻醬味，仲有得揀辣度。食完個麵我仲飲咗幾啖湯，好好味。麵條都中上，有咬口又唔會太韌。滷蛋中上，唔會太乾又夠味。肉燥好食，夠味夠香又唔會太肥，但又唔鞋烚烚。鹽酥雞中上，外皮夠脆，肉唔算嫩但唔鞋，食完唔會好口乾好涸喉。唯一係調味鹹咗少少。飲品揀咗跟餐珍珠奶茶，好香茶味，仲有幼滑嘅口感。珍珠都中上，有咬口香香地，唔係得舊粉。呢間舖頭嘅台式飲品係認真嘅，唔係跟餐就求其沖杯嘢嚟hea你，係真係可以攞出去賣嘅質素，但佢跟餐仲要唔洗加錢，真係良心價😂埋單$58，真心覺得好抵食，每樣item都滿意又夠飽，其實佢賣貴$20都仲得店員仲好好禮貌，雖然座位窄坐得唔係咁舒服，限時又有d短，但咁嘅性價比真係完全唔會令人唔開心！整體嚟講，感受到老闆係識食嘅（因為好多時出街食飯都心諗個老闆係咪冇味覺，咁嘅質素都攞出嚟賣），而且亦都有心去提供好嘅食物同service俾客人。食完好滿足，嚟開西灣河一定會再幫襯！

Living here for long and passed by twice - but the restaurant decoration is so so and never caught my attention. Today just ordered take away to give it a try, turned out everything is good - food quality & taste are all surprisingly good 👍🏻 the 刀削麵拌面is so chewy and tasteful, the matcha toast is so thick & full of matcha aroma, the bubble tea’s bubbles are Q彈too! Will definitely recommend so for my friends and will reorder myself !

呢間鋪頭其實都食左好幾次早期覺得比較有台灣風味（可能因為有珍珠奶茶）近期再食見到有麻辣元素🌶️🌶️🌶️呢個餐單覺得唔算好台灣但幾好食所以想介紹下味道：今次呢個係麻辣拌麵麵款有三隻比你揀我揀左闊麵，感覺會比較有咬口跟餐可以揀一個小食，今次食係手撕雞呢個麻辣對於我來講唔算好辣係屬於香口少麻感覺加上有肉碎同菜絲，撈完之後口感好好揀左手撕雞，將呢個雞撈埋落個麻辣麵到真係perfect match如果手撕雞就咁食都算嫩滑，不過比較淡味飲品：另外跟餐有飲品，揀左珍珠奶茶🧋味道適中唔會太甜，珍珠有咬口又唔會太淋不過宜家無飲管要用匙羹食食完先諗起唔記得影餐牌其實呢間餐廳有麵有飯飯好多年前食過一次 覺得比較乾身所以之後都係食麵為主係門口影左茶餐參考下食嘅嘢差不多係價錢唔一樣價錢：午市來講係西灣河中規中距啦太安樓又有再平啲，出蘇豪又再貴啲特別一提比錢只係可以現金/Payme沒有八達通喔！環境/服務：環境來講地方真係細唔係坐得舒服架職員方面服務都無咩特別正常咁淨係落單上菜比錢咁不過用來過下口癮食下台灣嘢飲下奶茶都ok

呢間台灣嘢我食過好多次成日食完都好想再食麻醬擔擔拉麵配台風鹽酥雞（即叫既炸，熱辣辣好好食）另加台灣腸一條（好食）飲品白雪公紫（紫薯奶蓋鮮奶配小芋圓）（好好飲）麻醬擔擔關廟麵配秘製手撕雞（好香鹽焗味）另加府城蝦卷 (蝦卷好好食）飲品薑母薑茶麻醬擔擔刀削闊麵配府城蝦卷另加鹽酥花枝丸（哩個麻麻地）飲品水蜜桃紅茶招牌咸香乾拌拉麵配秘汁雞扒（煎得好香好好食）飲品金桔蜂蜜

喺西灣河除咗去太安樓掃街出名之外，附近條街都有好多隱世、又高質嘅小店㗎🥰～今次介紹嘅酉是酉湖雖然舖仔細細，但係又有台灣主食、仲有甜品食添～不過我次次食完個主食+飲埋杯珍珠奶茶，都頂住個胃喇而食唔落甜品啦🥹⋯搵次真係要帶多啲朋友嚟，試多啲唔同嘅菜式先得啦🤤！✨招牌咸香乾拌刀削闊麵+配秘製手撕雞 $58個刀削麵面質彈牙，加咗好香嘅肉燥同炸蒜🧄，而個滷蛋都好入味🤤！本身肉燥同醬汁都有啲油，加埋椰菜同蔥一齊食，會平衡返啲☺️～另外，手撕雞用雞髀肉整～好嫩滑，有好香嘅麻油味，份量都算足料🤩✨招牌珍珠奶茶🧋（微糖少冰）味道正正常常啦，茶味唔算好突出，奶味會比較重😉⋯值得一讚嘅係～啲珍珠好彈牙🦷～好好咬口😁～套餐嚟講，唔使加錢就飲到廢水～都幾抵㗎🥹！我見OpenRice有唔少食客dislike餐廳服務員嘅態度🙈，我只可以講，佢哋服務員態度唔係殷勤、好nice嗰隻，我去食嗰日咁啱想去廁所，但餐廳個廁所唔對外開放🥲，係有少少唔方便，要去附近借個廁所😫不過我去咗廁所嘅時候嘢食好快到咗，服務員哥哥都幫我用外賣盒冚住啲嘢食同嘢飲，感覺會衛生啲😳，呢個位又係窩心嘅🫶🏻P.S.🫶🏻個人認為麵嘅調味偏鹹，鍾意食清啲嘅

街坊住附近其實都一直有幫襯開，不管外賣定堂食，呢間台式餐廳性價比都好高，當然唔算頂級。佢主打麵餐/飯餐+小食+ 野飲 其實唔難食已經大把人幫襯。今日主要唔係講嘢食，所有餐都試過，咁嘅價錢可比4分至5分。態度: 有一位應該係老闆(男士)態度極度惡劣，次次去食，等位又好外賣又好，全程西口西臉。明白peak hour忙人係會醋啲。不過講嘢咁串好似欠咗佢咁就真係趕客。其實做得服務性行業係咪便宜就可以串？我有保留。希望日後呢間舖有所改善，比多10蚊一個餐我都唔係好介意。

佢係算係比較港式嘅台灣嘢食，好好味真係有啲似網上面人哋講似仙跡岩咁！我食麻辣乾伴刀削麵，雞扒！雞扒煎到好香，有少少蜜糖甜甜地！餐飲包珍珠奶茶個啲，我揀茉香珍珠奶茶，好飲，唔使加錢正！

⭐️手撕雞肉燥飯set ⭐️包台式飲品，可以揀珍珠奶茶Set $63 好少餐廳lunch set珍珠奶茶唔使加錢， 以呢個價錢嚟講性價比高⭐️手撕雞用上雞髀肉，調味啱啱好，唔會太鹹👍🏻 肉燥份量好足夠，亦都有唔少肉燥汁，用嚟撈飯，好惹味😋😋 平時我唔多食飯，但有肉燥撈飯，好開胃，最後食晒成碗配菜重有半隻滷水蛋，涼拌海帶，糖醋醃蘿蔔。全部都好滋味😛 家庭式經營台式小店，乾淨企理👍🏻舖頭唔算太大，座位大概有20個總結，成個set好豐富，份量亦都好多，一定唔驚唔夠飽，性價比高☺️

朋友介紹來食等到下午2：30，食下午茶時段等左5分鐘左右就有位，鋪頭細細，坐位唔多我地揀左下午茶麵食，加錢要其他飲品。麵食就中規中矩，味道都很香，我見大部分食客都係揀刀削麵來食，我唔知佢地是否自家製or買現成，但都是有彈性的。但我想講一講杯野飲，加錢（+$5），很合理既價錢叫左杯小芋圓奶茶，其實感覺同珍珠奶茶差不多，但因為位杯太高，佢地枝粗管又太短，所以飲到一半時，就很難飲到底下既小芋圓，用鐵匙羹食芋圓，但十分無奈就係佢地隻鐵匙羹都很短，很難食用。就是杯飲品既原因，令我對餐廳扣左分喲。

「酉是酉胡」，是餐廳的店名。憑此絕對猜測不出它的底蘊。「酉」，與發酵而製成的食物有關。但是，店內亦沒有主打相應的食物。一層又一層的迷思，仿忽進了圈套，一探胡同裡的虛實。 (1) 台南擔仔清湯底+ 刀削麵 + 和風金菇肥牛 湯底大多配備招牌肉燥、台式滷蛋，盡現台式風味。自家熬製高湯作為基底、亦可演變出另一款濃烈口感。小吃肥牛走向和風路線，但辣醬亦調較得宜。 (2) 麻醬擔擔濃湯底+ 刀削麵 + 府城蝦捲 擔擔湯底相比起上海店的溫和、辛辣度亦相應下調。至於蝦捲的肉身不夠紮實，蝦味亦不算突出，頗為一般。 店內的麻辣、台式小食及其調味粉較為突出。例如：麻辣咸香乾拌麵、鹽酥花枝丸及台風鹽酥雞都是技高一籌。

好耐之前食過一次已經覺得好好食，平得黎杯飲品仲要好大杯，但一直都搵唔返。今次下午茶嗌左個抹茶多士同一杯芒果梳打，塊多士唔係淋晒濕晒，有小小脆同埋暖嘅。個醬嘅份量都岩岩好，個醬都唔係冇抹茶味嗰啲。而飲品差唔多半杯都係芒果蓉，同埋好滿，超有份量。

「酉是酉胡」每次經過都覺得佢個名好古怪，好似將個字拆開左咁，完全唔識讀，不過一見就會記得佢，太特別。因為個名好怪所以一直無試，今日無啦啦想試下🤔基本上食物既相都幾吸引。$58一個餐包埋台飲其實都ok抵食。⋯⋯⋯⋯⋯⋯⋯⋯咸香乾拌麵刀削闊麵 配台風鹽酥雞 $58實物無張相咁靚，不過睇落都唔差既。個撈麵味道ok啦，正常味無咩驚喜，個雞炸得幾好。⋯⋯⋯⋯⋯⋯⋯⋯台南擔仔麵拉麵 配鹽酥花枝丸 $58擔仔麵個湯有少少似雲吞麵個湯底？！拉麵係拉麵味🤔正常普通不過不失。個花枝都係普普通通咁。⋯⋯⋯⋯⋯⋯⋯⋯跟餐野飲茉香珍珠奶茶(凍）少甜原味珍珠奶茶（凍）跟餐係細杯，想要大杯可以加$3。我覺得細杯呢個份量剛剛好，唔錯。好少跟餐珍珠奶茶唔洗加錢，讚茉香珍珠奶茶 🧋好味，值得推介茉香個味係我中意既茶底，珍珠軟硬甜度剛好，不錯原味珍珠奶茶 🧋我個人唔太欣賞，因為茶底用左錫蘭紅茶，個人唔太中意錫蘭個味做珍奶，所以麻麻地。⋯⋯⋯⋯⋯⋯⋯⋯整體黎講附近無咩台灣餐廳，想坐低食下台灣野飲台飲都係唔錯既選擇。味道唔差只係無咩驚喜，正正常常咁，價錢都ok抵食，都可以有下次，茉香珍珠奶茶幾好。不過鋪位細左啲，啲位迫迫地咁。

今日黎到港島東西灣河搵食～唔打唔撞行下內街仔搵到依間食台灣野～好似幾好咁一於入去試試～轉頭同大家報告一下先😎麻醬刀削闊麵配和風金菇肥牛～珍珠奶茶💰$58麻醬味夠唔會好濃剛剛好～闊麵條唔會太淋～兩者加埋起好夾～金菇爽口彈牙唔會煮到好淋👏肥牛數量都唔小～配上和風汁味道好出🤤鹽酥雞味粉偏多～變相有d濃味～雞肉夠入味～整體唔錯👍—————————————————☻非專業食評·純個人口味☻—————————————————📍總結:味道唔錯👏👏環境簡單乾淨～下午茶時間會比較小人～如果觀眾們黎開西灣河的話小編推介你地黎依間試試👍或者係西灣河搵到有咩好食不妨介紹俾小編～小編等你地

西灣河嘅太安樓一向都好出名，其實太安樓附近都有好多值得幫襯嘅小店！呢間餐廳座位唔多，lunch hour 嘅時候都有機會要排隊。Menu 上主要都係分左飯同麵餐，可以揀一個餸，包一杯飲品（冷熱）。今次揀左招牌咸香乾拌關廟麵，配鹽酥雞，水蜜桃紅茶。$58鹽酥雞一上枱已經覺得好吸引🤩 岩岩炸起好脆！啲椒鹽粉佈滿曬所有雞粒！好香口！真係要大推😍關廟麵個麵質係軟身果種，撈埋秘製蔥油，唔會死咸，都幾惹味！水蜜桃紅茶偏甜，怕甜嘅朋友可以叫少甜，味道就會岩岩好了😋