都市樂

營業中

休息中

今日去咗紅磡新開的家庭式經營的韓國餐廳「都市樂Urban Meal Box」晚餐…小店營式經營，簡簡單單😘韓式前菜拼盤，任添的🤭🤭香葱煎餅 Spring onion pancake…有3大塊煎餅，每塊都煎到金黃色，香葱份量好足，香葱味好香好好味🤭香辣豬骨濃湯麵…湯底夠濃，啲餡料都好足味道不錯！炙燒豬肩肉配飯…份量好足，肉質好嫩滑，配料亦好豐！伴食飯超正超！凍草莓拿鐵 ..好香草莓味，而且啖啖草莓粒👍

好耐冇過嚟紅磡呢邊，今日就同朋友嚟呢邊食韓國嘢都市樂。餐牌嘅嘢食都好吸引，我哋落單之後店員就送上六小碟，有香腸翠玉瓜、醬油薯仔、泡菜、芽菜、菠菜、甜番薯。我最鍾意佢嘅泡菜，味道同其他泡菜有少少唔同，比較甜。另外甜番薯脆脆地，都好食。所以我哋叫店員添咗呢兩款，食到好滿足。Rosé忌廉辣炒年糕好有驚喜，甜甜地唔算太辣，年糕好煙靭，個蛋係糖心蛋，真係好好食。炙熱醬油雞肉配飯啲雞熱辣辣，香得來唔會太鹹，用嚟送飯真係一流。本身想嗌炸紫菜，但係賣晒，所以揀咗韓式香炸雞球。炸雞啱啱炸起，熱辣辣脆卜卜，食到停唔到口。嘢飲嗌咗糖漬檸檬伯爵冰茶，飲落好清爽，用嚟送辣嘢好夾。朋友要咗檸檬氣泡咖啡，話估唔到咖啡同檸檬咁夾，飲完好消滯。

主食奉送最少3款伴菜，款式會每日替換有得添食，而且款款都幾好味🥒 泡菜忌廉扁意粉 ($98) ●●●●○平時食忌廉意粉好快腬，但因為呢款有泡菜嘅酸辣味，令人食上癮！🍝炸醬墨汁意粉 ($98) ●●●●○兩種醬汁嘅味道好夾，係creamy嘅意粉🦑泡菜煎餅 ($58) ●●●●○薄脆香口🌶️微辣點汁食正👌🏻（我舊年十月食，當時平$10👀）草莓蘇打 ($42) ●●●●◐有濃郁嘅士多啤梨味🍓甜度接受到夏日之選🧊✍🏻 份量多啲就好💡 都市樂由「도시락」呢個字直譯出嚟，韓文意思係「便當」📍 都市樂💰：●●●◐○環境、服務：●●●●○

今次我地黎左黃埔諗住行街食野，經過呢條巷仔見都有唔少餐廳，呢間韓國小店唔算好大間，咁就不如試下d小店支持下😗餐廳一眼睇曬，就得幾張枱仔，大約10幾個位咁，野食就有飯有麵有小食，小店黎計都好多選擇👌🏻韓式前菜本身如果叫飯或者麵，就會送一份3款韓式前菜，係隨機出3款既，我地叫左兩樣野食，所以有6款，仲要全部唔同👍🏻炙燒牛肩胛肉配飯（$168）呢個牛肉既醬汁係用自家製醬汁加入雪梨，洋蔥等蔬果整成既，食落甜甜地，果酸仲可以有助軟化肉質，牛肉食落一d都唔韌，呢個口味既牛肉飯都幾特別😋香辣豬骨濃湯麵（$98）豬骨濃湯麵佢地有辣同唔辣揀，我見韓式食法，就揀個辣既，諗住泡菜味我都鐘意，佢個湯除左係辣辣地似泡菜之外，仲飲得出豬骨湯既味，唔係味精咁，飲完都唔覺口渴，而個麵就似係烏冬黎，碗麵都唔錯✌🏻香蔥煎餅（$58）湯味揀左泡菜味，煎餅就揀左普通香蔥味，佢新鮮熱辣整出黎夠脆口，要記得點個汁食，咁先好味😁呢間小店個職員都幾好人，得佢一個好忙碌，但都有求必應，食物整都幾好食，呢d小店都幾有特色，值得支持💪🏻

紅磡附近一向好多野食今次試下韓國嘢，呢間小店有唔少韓式正宗料理試左幾款小食同年糕✨-伴菜有成六款！炒魚仔好香，泡菜同海帶都酸酸地好開胃菠菜，芽菜，薯仔都一樣好味-ROSE忌廉辣炒年糕 $98有蛋，有魚糕同煙肉🥓，洋蔥蛋仲要係溏心蛋！好好食！年糕煙煙韌韌唔會冧晒/太硬醬汁少辣但係好好味，甜甜地🤤調味啱啱好👍🏻-香蔥煎餅 $58有3小塊，完全做到外脆內軟點埋醬汁更好味🥹-炸紫菜卷 $58熱辣辣，食落唔會太油點返香蔥煎餅嘅汁/年糕汁都好夾！👍🏻👍🏻-韓式香炸雞球 $58 一碟有好多粒雞粒而且肉質唔乾而且唔肥有埋沙律醬可以點不過就算用咗沙律醬都夠入味👍🏻-最後就係飲料柚子茶 $28熱情果梳打$42兩款都好好味，隔離仲有啲特飲可以試下😚

今日在紅磡開工，做完嘢想揾嘢食，朋友致電約食晚飯，咁緊係答應啦！佢話知道有間韓國菜好食又抵食，帶我們去一試。餐廳細細間，座位唔算多，但坐得都幾舒適，服務員好nice。先点咗個主菜炙燒牛肩胛肉配飯，入口鬆軟香滑有牛味，齒夾留香。小食叫咗香蔥煎餅同炸紫菜卷，香蔥餅香口好味，紫菜卷包住韓式粉絲非常有特式。飲品order咗蜜桃伯爵冰茶同手製熱情果梳打，裡有很多蜜桃和熱情果，係我最近飲過最正的飲料！仲有六小碟前菜免費送上，都很好味道，服務員仲話可以免費追加，我哋就唔蝕底加咗蓮藕，芽菜同菠菜。結賬都係三百多元超抵，值得一試再試！

黃埔好多特色小店，今晚我就同朋友試左呢間由韓國人家庭主理嘅餐廳，試下正宗但又有特色嘅韓國菜😋前菜係送嘅，仲可以refill 添架泡菜煎餅：泡菜在內，炸得好香口，但又唔會太油膩👍🏻炒粉絲，韓國菜必食，如果可以兜亂啲餸就仲正！陪隊煱，又係民間韓國菜之一，辣辣地好開胃炸雞，配沙律醬，香口，啖啖肉炒年糕，煙煙韌韌，每食一舊年糕都黏到厚厚嘅醬汁，仲有一隻半熟蛋係中間。店內唔算好大，但都好整潔。牆上掛有店主同食客嘅相片，人情味滿滿的。

紅磡 都市樂評分：🌕🌕🌕🌕🌑行過黃埔見到有間隱世小店，突然有啲想食韓國菜就一於入去試下 😀•小菜一入去首先例牌送幾碟小菜，全部都清新爽脆唔錯，特別黑糖蕃薯甜甜地好開胃👍🏻•泡菜煎餅煎得啱啱好，外脆內軟，泡菜用粉漿煎成餅之後惹味得黎又唔辣🤫•炙燒醬油雞肉配飯用鐵鍋上果時仲會有熱油既滋滋聲，一入口肉質鮮嫩有肉汁，鹹甜搭配既調味調得啱啱好，好適合送飯🍚•炸醬墨汁意粉醬汁入面慢慢既豬肉碎真係入口啖啖肉🫢雖然睇落好黑但係食落口鹹香得宜，韓式炸醬麵既底蘊配搭意粉又別有一番風味👍🏻

同同學去食，我嗌咗個炒豬肉。我同學同我一齊炒咗個辣炒豬肉，啲豬肉勁嫩口，辣醬又炒得適中！ 最重要係佢嘅小菜配料仲有得任裝！而家真係好少有呢啲良心食肆，下次一定會再光顧！之後我仲裝咗兩次飯同埋添咗兩次配菜我同我同學都食到津津有味真係覺得好好食，店員好細心，即使我哋簽咗兩次份，但係佢哋都係好有禮貌同我哋講冇問題其實韓國餐廳本身佢哋正常都會任添配菜嘅，但係喺香港好多企業都唔會做到呢樣嘢！所以可以遇到呢啲咁良心嘅企業真係好少！仲要做緊$68呢啲咁優惠嘅價錢！以食物質素亦都好好好好食

最近收工同同事經過紅磡呢間完全唔起眼既小店就入咗去試吓🙈 點知發現原來食物都幾有驚喜！小店面積唔大，裝修簡約，裏面都播住韓國嘅音樂，感覺都幾温馨。-泡菜煎餅 ($48)我哋一嚟就叫咗兩個小食兩個煮食，小食叫左泡菜煎餅，佢呢個同平時食開大大塊嘅煎餅有啲唔同，係三塊圓形既小煎餅，平時嗰啲擺一陣就勁淋出勁多油，但呢個泡菜煎餅炸到好香脆，識落完全唔油膩，同埋份量又唔會太多，2個人食係岩岩好👍🏻-🐤韓式香炸雞球($48)炸雞球形狀係一啖可以食到，炸到金黃香脆，內裏肉嫩多汁，要加分嘅係佢個醬真係超好味，食唔停口😆-🍝泡菜忌廉扁意粉($98)呢個韓西合璧嘅cushion 菜吸引到我哋，做法好似卡邦尼意粉咁，佢嘅泡菜忌廉醬煮得好濃郁，味道恰如其份，扁意粉煮得啱啱好食落好煙韌又掛醬汁，推介！-🐤🍚炙燒醬油雞肉配飯($98)呢個韓式雞肉飯用鐵鑊呈上，上枱嘅時候仲有啲「炸炸」聲😆 雖然用鐵鑊但雞肉依然嫩滑唔會鞋口，用左特色嘅醬汁去煮好岩送飯🙈 作為重口味人士，如果啲汁再多啲應該會更加正😆 整體嚟講，餐廳質素唔錯，感受到廚師用心製作每一道食物，價錢親民，可以一試👌🏻😛

朋友住紅磡，常常在外用餐，有地胆帶路吃好東西。想必是好店！星期二晚7:20來到要等位，小店地方不大，但見店員一個人很忙碌，我們等一下便有熱情的招呼。餐牌上寫明全部伴菜堅持手工製作，未食已知是用心的出品。果然，每款都好味。小食我們點了炸紫菜卷，像天婦羅似的，薄薄的炸漿，紫菜卷內裡是韓式粉絲，炸得香脆而不油膩。另一道必食的是泡菜煎餅，有少辣和「韓國口味」兩個選擇，我們當然選了韓國口味，想正宗一點！ 雖然只是簡單的泡菜餡，但質地外脆內軟，新鮮熱辣，絕對是即叫即做，而且份量適中，價錢合理。飲品也有驚喜。檸檬氣泡咖啡和糖漬檸檬梳打都好好味。朋友由等位開始已心儀秘製炆牛肉配飯和泡菜鍋配飯。果然利害！賣相靚，味道更正！牛肉粒應該是牛肋條或是牛腩的部位，入味，有咬口得來又不靭。蘿蔔吸收了精華，超級好味，幾十蚊有這水準，大滿足！熱辣辣的泡菜鍋，佐飯一流！添加好味的前菜時，與店主傾談，原來他是在香港長大的韓國人，在本地學校成長，廣東話無難度！而廚師也是韓國人，感受到正宗的韓國味道！

尖沙咀食到無野好食，走左去紅磡搵野食德民街全條都係食街，有日本野有韓國野有米芝連推薦又有街坊開嘅小店。我同朋友都唔想食太多野就搵左間溫馨韓國菜食，一入門口見到係韓國家庭式經營，店仔細細但都好亁淨企理。店員推薦我地試豬骨濃湯麵，麵質有啲似扁烏冬，好掛湯，入面嘅配料亦非常多，啱晒兩個人share食。小食我地點左個泡菜煎餅，一碟有3塊細細塊比起一大塊更加香脆好味，重點係完全唔油膩🤤另一款主食係炙燒雞柳飯，醃得好入味，加上鐵板上碟，記得要趁熱食。最後不得不提韓國食店必備嘅餐前小食，常見嘅傳統泡菜外呢度有蕃薯仔同翠玉瓜，味道同份量都啱啱好！

今日放工同同事見到間新開嘅韓國餐廳 細細哋啱平日放工後搵嚟前菜同一般嘅韓國餐廳一樣有比較少有嘅 蓮藕 翠玉瓜 同馬蹄糕豬骨濃湯麵店員推介嘅新Menu湯頭幾濃郁 份量幾多 烏冬麵條又Q彈又有嚼口最有驚喜嘅佢哋嘅士多啤梨奶昔🍓超清新超開胃 士多啤梨味好濃郁 下次經過亼再嗌嚟飲炒辣豬肉配飯啲豬肉片好多 配合埋啲洋蔥同蔬菜辣辣甜甜 辣度我會俾bb 辣 適合啲唔係好食得辣嘅人整體黎講，呢個餐廳嘅性價比高 出菜速度快 啱就懶人放工食👍

韓國媽媽經營｜自家研發新派韓國菜｜手工製作伴菜餐廳鄰近黃埔地鐵站，只需要行走2分鐘就能到達。座位不多，最好早些到餐廳用餐。他們的晚市時段是下午5:30左右。韓式餐廳必有的手工製作的伴菜，有海帶，豆腐，菠菜，泡菜，芽菜等。🔸️秘制炆牛肉配飯($128)牛肉很嫩滑，蘿蔔十分之入味👍🏻，還有香菇、栗子、紅蘿蔔等。甜甜的湯汁還可以伴飯。🔸️炸醬炒年糕($98)這道菜屬於新派款式，有年糕、魚餅、一粒蛋，好大份😆👍🏻。炸醬汁鹹中有甜，很是特別。年糕輕易掛了醬汁，而且很Q彈香滑。🔸️泡菜煎餅($48)我們選擇的雖然是小辣，但其實並不辣，喜歡吃辣的可以選擇韓國口味，煎餅涼了，該餅皮還是脆的。🔸️蜜桃伯爵冰茶($38)伯爵茶味較重，不算太甜🔸️草本湯力水($20)這是一杯香水檸檬配合獨有香茅和薄荷清香的汽水😆，味道很特別。

係黃埔睇完戲想食韓國野，就搵到呢間，估唔到有驚喜一入到去就有個韓國姨姨招呼，已經好有韓國既感覺，睇餐牌有唔同種類既野食，價錢唔貴，不過選擇就唔多，但都幾特別點完野食之後就會有小菜，店員話係可以再加既，有6種小菜！全部都好食🤤呢到既飲品都好特別，叫左杯草莓latte同埋熱情果梳打。草莓latte係用3.6牛奶整，啲士多啤梨都好甜，好似食緊士多啤梨雪糕咁，好好飲。叫左個玫瑰醬年糕，有少少辣，加埋芝士就岩岩好叫左個炸醬墨汁意粉，炸醬好有韓國味道因為唔夠飽又叫左個炸紫菜卷，入面係包住粉絲，點埋醬汁食岩岩好，好少係香港會食到炸紫菜卷呢到啲菜色特別，價錢又唔貴，下次會再黎食