都島屋

營業中

休息中

假日經過一田超市, 由於還未到晚飯時候，但又感到有點肚餓。　於是搵到呢間燒八爪魚球醫肚先。今次點了不＄４０　Ｅ餐，包括有六粒八爪魚球和一個燒餅，價錢幾抵。燒餅內有大量菜混埋漿粉，而每個八爪魚球都有一粒八爪魚肉，幾有咬口，可惜漿粉太稀，好一般。

我也不知道怎樣比食評，因為根本食唔到幾多。如下:我同老婆同仔一齊去買了一枝比個 仔食，個仔坐定定食。叫唯一男職員比一枝小小的外賣匙羹，他說不可以給？？(明明就一大個膠箱都是外賣匙羹，很昂貴呀？)(什麼，McDonalds幾蚊雪糕 Or $13手作之站也有提供 (其實根本未試過有雪糕店不肯給，此店賣$38!)才剛開始用舌舔了兩小口，第三下就自然跌落。不是我的小朋友把雪糕部分舔落，而是雪糕筒既餅乾受不起力，整塊餅連雪糕掉!! 就只剩下紙的部份的雪糕筒還在手中。我個仔當然好失望，小朋友遇到呢D情況一定唔開心。根本個雪糕筒既餅乾就太脆太薄，不應用來盛雪糕的。事後我同個男講，你看，個雪糕筒已跌在地，問他拿匙羹當然有原因。因為小朋友要舔，雪糕易斜，容易成手都係。不過最估唔到今次竟然係成枝斷開。個男的仲話"唔係唔比你，係唔比得你"。下？公司有D咁既規舉？？咁你真係沒有資格賣雪糕! 基本野都未識。味道？舔了兩小口 + 雪糕筒底的小量餅乾位，可以有什麼味道？

作為專業的無飯主婦，晚餐基本上都係買外賣，今晚自己食又唔太肚餓，於是去一田睇下有咩好食~最後揀左呢間，分量剛剛好，價錢合理，最重要係味道keep住都好!!今次叫左set D，章魚燒配炒麵，章魚燒一貫的好味(吸引到夾起擺到埋嘴邊先記得影相，即刻放返低XD)，炒麵今次肉片較少但不影響味道

行到疲累又肚餓的時候，真的不想排隊等候食午餐！突然想到「都島屋」！雖然選擇不是太多，但勝在是廚師👨‍🍳用心煮（因為透過玻璃，看到他們的工作）！由於每樣食物我也喜歡吃，所以先坐下，然後才買票！如果可以有飲料提供購買就更理想！

自從試過依度啲炒麵好好食之後差唔多每個星期都食一次其實佢啲八爪魚丸同大板燒都係超好食佢入面又有菜又有肉呢感覺上好似好健康咁我都會係肚餓就繼續諗起佢佢嗰啲炸物都係超好食我依家一田做緊VIP Day依個餐仲要特價先$40

今晚見肚餓行過一田又再次黎食但今次我就食大阪燒配炒麵。我老公就食八爪魚丸大板燒配炒麵今次唔係好多人所以呢好快就有得食好鍾意食呢度個炒麵因為佢個面本身就好大又配左好多蔬菜30幾蚊來講真係唔算貴就算我老公嗰個餐又有八爪魚丸又有大阪燒先40幾蚊佢嘅座位唔算多如果想食有冇位買外賣都唔錯

今日行行吓街突然之間好肚餓又要去一田超市買嘢見到啲嘢食咁吸引就黎左買個套餐當下午茶食眼見都好多人黎依度買嘢食爭啲都搵唔到位錯我就買咗呢個有炒麵同埋八爪魚丸嘅套餐買嗰陣個店員同我講八爪魚丸要等15分鐘因為當時真係好多人個嘢食不論賣相味道都好好炒麵好有彈性 入邊又有菜又有肉 八爪魚丸都好好味呀個餐先$38食到好飽下次可以試埋佢啲炸嘢睇食評都好似話唔錯

行完將軍澳一田超市，看到都鳥屋破璃貼了一張雪糕的poster，賣相相當美觀，於是買了一杯。雪糕的拉花與poster 有少許出入，但都有八成相似，從店員手中接過雪糕後即咬一口後，心裡不禁說了一句:「不得了!」牛奶濃列的程度比3.6牛乳強兩、三倍，質地十分細膩、軟軟，感覺猶如一條真絲絲在舌豆滑溜，這種味覺與觸覺的刺激，十分震撼。更意想不到的是它的雪糕筒，口感鬆化之如，散發出陣陣的奶香，令整個雪糕的層次更上一層樓。

見到一田 重點唔係去買野而係第一☝🏼時間走去睇有咩小食經過依間日式小食店 口痕痕就睇下有咩好食見到有個Special Recommend既自創熱狗🌭️見到個包好似幾吸引 就叫左一份依個熱狗🌭️係比較特別脆脆地既包底 再配埋佢既sauce絕對比普通既更加好味同香口Ps. 記得拎多幾包sauce

原來香港除咗阿乜郞之外,仲有呢間叫做"都島屋"嘅都係食日式章魚燒, 日式燒餅同炒麵嘅快餐,唔細心留意個名,仲以為佢哋係同一間嘢來。因為無論店舖裝修格局以至菜單都十分相似🤭客人嘅座位都好似吧枱型式咁,價錢亦都差不多🤣 今日阿肥話想食,就由佢叫啦,佢嗌咗個set C,裡面有燒餅+炒麵+八爪魚球,一次過滿足哂佢三個慾望,$44蚊嚟講已經算好抵食,如果散叫嘅話睇下餐牌,都要廿幾三十蚊,所以叫set都係最化算。 我痴咗佢幾啖,味道都OK,炒麵好香蒜味,唔太油,個燒餅都係日式大阪燒餅嘅味道,配上醬汁酸酸開胃的,至於八爪魚球我今日唔係咁想食冇試到~就唔評論啦

Those were the days when Haagen Daaz was respected as an expensive icecream, but not anymore!Practically everywhere you go, any so called softserve or icecream claiming to be from Japan is going to cost more than $30.It was fate that I had the softserve because they have stopped serving pancakes.The only thing that is special about this softserve is the appearance with the piping and the cone is different.Thankfully, it tasted good as it didn't cause me to throw it away.Although it was palatable

喺將軍澳嘅商場嚟講，三十幾蚊通常都係早餐嘅價錢，但係如果三十幾蚊想食午餐， 除咗連鎖快餐店之外，呢間都係一個唔錯嘅選擇，呢度咁大份嘅一個大阪燒，加埋一個奄列炒麵， 承惠三十零蚊 。個蛋就比較老啦，所以呢入面嘅炒麵相比之下就比較好食 ，配菜都好多嘅，有椰菜，洋蔥，蘿蔔，豬肉等等，炒麵嘅質地煙韌，係平時嘅日本拉麵，同埋佢嘅醬汁調味都幾好，配埋蛋食 ，其實都已經好飽,所以大阪燒其實可以同人share。 而大阪燒嘅醬汁都比較多，所以就唔夠脆 ，但係我好鍾意佢啲椰菜碎加埋啲豬肉咁樣煎，再點埋啲燒汁 ，味道幾好。

放假，是令人心情愉快，總想將時間停留着。初嘗美食，令人難以忘記它的美味。這間"都島屋"，座落於一田超市內，只有六張吧櫈，吧枱連接着厨房，中間置放一道透明玻璃，當上食客，便可透過這道玻璃看着員工忙着忙着，你所點選的食物如何烹調，一一盡入眼廉。心情愉快，美食當前，點了它......款式雖然只得四、五款，可單點(約20多元)或雙併(約30至40多元)，但價廉物美啊。講下個炒麵，配上紅蘿白，椰菜，冬菇，瘦肉，所有都切得很幼小，下點油，把它們混合炒，再與麵兜一兜，完成，上碟。麵條與其他食材配合一流，不油不腻，爽呀~章魚燒，當然要倒下粉䊢，大大粒章魚粒放進烤盤，經人手把它反覆轉動，上碟，再加入沙律醬，香料，熱騰騰的，當放進口滾動，章魚粒煙煙靱靱，好味道到不得了至於燒餅，由於是預先煮熟，烹調過程不能提供，但只需要食客咬一口，不難發現它是椰菜與粉䊢合成的，口感不會是油腻的，味道鮮美。美食有了，可惜欠缺飲品選購，唯有向其他店舖購買來滿足自已吧!

日式食物一向都是香港人的最愛😊即使面對其他中西美食，日本餐廳依然在香港䇄立不倒😍但要食一餐有質素的日本菜，每位$100左右是少不免😣如果食魚生刺生燒肉放題，$100絕對是天方夜譚😑今天竟然給我意外發現一間又平又好味的日本小食店。它位於一田百貨一個不太起眼的角落。剛好我見到收銀機旁邊有大約五到六個位，可以堂食，我就立即叫了一個set B (燒餅+奄列炒麵),之後就立即坐下等食😝不過我頭頂上有幾盞好猛的大光燈，照到我雙眼好不舒服和好熱..下次都是選外賣較好..加上一田很多顧客和職員經過，總是坐得不太舒服。唯一可取之處是所有座位對正店內的廚房，大家只是隔一塊玻璃,令顧客可以一邊等食，一邊望住自己order的食物，其製作過程😂😂是幾得意🤪但廚師煮完後望住你食他剛整好的食物，都幾大壓力😶如果好難食真是不知給什麼反應/表情😛😛等了很久(忘記了多久，大約20-25mins吧..),終於食得😫我不太喜歡沙拉醬😑所以要在食前把所有cream and source都移走🤭我先品嚐燒餅，個餅都煎得給香，只是粉漿比蛋漿的比例較多，所以個餅都幾厚粉。不過有木魚乾舖在餅上，真是幾好味。咸咸地。不知為什麼，我覺得加

好熱啊好熱啊☀️我要食雪糕食完飯去左東港城一田食個飯後甜品！CREMIA引入左香港後我都係食過一兩次😍真心勁好食!!!♥️♥️♥️我問店員點解可以入口即溶❓：佢話雪糕嘅空氣含量只有30%比起一般嘅40-60%嚟得低口感更Creamy更入口即溶❗️▫️▫️▫️▫️▫️▫️▫️👉🏻CREMIA 軟雪糕 $48▲雪糕係選用北海道既新鮮忌廉製作🍼奶味超濃郁個口感極之幼滑🤤🤤仲帶點香醇另外一個亮點✨就係雪糕筒🍦用上格酥英式餅乾((langue de cнaт))製作!!超好食超有牛油味🤩脆筒加上有曲奇口感！好驚喜👏🏻👏🏻而且好特別既係用左波浪紋流線造型的方式往上拉👀比一般軟雪糕靚喔👅不過影呢張相真係要影得好快啊😛事關CREMIA係用「 12.5%牛奶軟雪糕」！係完全沒有防腐劑的關係...軟雪糕融化速度唔好睇少...影完第一張...試啖...影多張...搞店！！！慢慢食慢慢享受！▫️▫️▫️▫️▫️▫️▫️$48這個價錢未試前會覺得有點貴...但試過後又覺得非常合理同值得呢～～你們會試嗎？😄