那個ㄋㄚˋ ㄍㄜ (半島大廈) (已結業)

之前喺新屎坑見到呢間店新開試業，心諗試吓都無妨。見門口好多人排隊，裝修又唔錯，吸引咗我哋入去。點知一入到去，原來所有嘢都要自助！門口咁多 Staff，原來只係負責帶位，落單之後要自己睇 Number 出去拎飯，連嘢飲都要自己出去拎。價錢偏貴，叫咗個牛肉麵，湯底濃到死，咸到爆，雖然好想食晒佢，但真係食唔落，失望透頂。今次俾多次機會佢，話晒有冇進步。有咗少少改善係唔使自己出去拎飯，有 Staff 會拎過嚟俾你。可惜員工態度真係唔掂，叫咗好多次都冇回應，最後仲對我呼呼喝喝，態度惡劣到不得了。飲品方面依然要自己出去拎，地下又滑到差啲表演飄移，仲要痴立立，食客行路真係要小心啲。今次叫咗個三文魚飯，好彩汁係另上，但個汁同三文魚完全唔夾，飯硬到咬唔落。整體體驗差到爆，真係唔明白點解咁多人捧場。總之，呢間店我係唔會再黎，建議大家三思！

最近我光顧了這間新餐廳，對於這次的經歷感到非常失望。首先，餐廳的衛生狀況非常欠佳，地上黏乎乎的，令人不禁質疑這裡的清潔程度。每一步都感覺像是踩在一層不知名的物質上，讓人十分不安。此外，服務態度也相當惡劣。店內負責人似乎對顧客毫不在意，接待甚至不耐煩，讓人感到不受尊重。至於食物質量，更是讓人失望。今次下單的產品是荔枝角限定，口味極鹹和不熱，食材新鮮度令人堪憂，吃下去後甚至感到不適，我對這家餐廳的衛生和服務產生了諸多疑慮。總之，這家餐廳完全無法達到基本的期望，我不會再光顧，也不建議其他人嘗試。希望他們能夠改善衛生和服務，否則很難在競爭激烈的餐飲市場中立足。

呢間餐廳真係極度唔推介，食完一次真係唔會再幫襯！本身以為個同事帶我哋去食好西，點知完全係踩咗個地雷，後悔到不得了！態度和語氣差：啲員工成個死樣，問佢哋嘢好似欠佢錢咁，答又唔答，仲擺款俾你睇，招呼都冇一句，完全冇服務可言。明明見到有位，喺度企咗成5分鐘，職員竟然當透明，仲成日睇住部手機，完全唔理人。叫佢安排位，佢仲串你話“等啦，咁急做咩？”真係離晒譜。食完要自己攞埋啲碟碗去收，咁我俾服務費俾嚟做咩？仲要啲垃圾桶喺個角落，成個場地冇人清潔，餐具亂擺，垃圾桶仲成日滿晒，真係搞笑。個地板又油又黐，行兩步隻鞋都想甩，完全冇人抹過，仲要啲枱椅都污糟到好似啱啱執返嚟咁。成間餐廳感覺好似喺垃圾場入面食野咁。總結：本來諗住係食好嘢，點知成個體驗差到爆，呢啲咁嘅餐廳真係封晒頂都唔會可惜，食極都唔會再幫襯，仲要俾錢俾人串，痴線先再嚟食啦！👎👎👎呢間餐廳真係極度唔推介，食完一次真係唔會再幫襯！本身以為個同事帶我哋去食好西，點知完全係踩咗個地雷，後悔到不得了！

呢間餐廳，我有食過灣仔分店的。食物質素一樣，好吃。灣仔餐廳感覺似cafe; 荔枝角呢間空間感大D，可能樓底高D，似工廠風。店員很友善。荔枝角分店，用餐完後，自己收食物盆到回收櫃。咁樣幾好，維持枱面乾浄。午餐：1）台灣腸滷肉飯，好吃😋2）鹽酥雞飯👍🏼👍🏼飲品：3）常溫寒天QQ奶茶，從顏色看奶太多，味道普通，唔覺奶太多。個menu 冇珍珠奶茶既😶‍🌫️😶‍🌫️

🌟 那個ㄋㄚˋ ㄍㄜ 算係幾出名嘅台灣菜館，依家已經開咗好多分店 🏠，今次去荔枝角分店發現仲係試業中 🤔，上個月都係咁，唔知要試到幾時。🍱 台南蝦卷便當 $58蝦卷炸到香脆，咬落口感唔錯 ✅，外皮夠脆但唔會刮口 🦷，調味亦算適中，唔會過鹹 🧂。不過，蝦味 🦐 唔太出，期待會有濃厚嘅蝦鮮甜味，但實際上只係略帶少少蝦香，內餡口感偏向魚漿感覺 🐟。便當附送三款隨機配菜 🥦，今次送嘅係粟米 🌽、紅蘿蔔 🥕 同粉絲 🍜，都係正常水準，調味唔錯，但冇乜特別驚喜。🔍 以前依間餐廳好出名係佢嘅精緻配菜 🍽️，依家感覺愈來愈普通，冇太大心思擺落去 😕。雖然整體味道唔差，但便當確實冇以前咁吸引。不過如果未試過呢間餐廳，推薦一定要試下佢哋嘅滷排骨飯 🍖，水準一向穩定兼好好味 😋。講真，香港台灣菜水準唔算高，要搵間味道好、價錢合理嘅餐廳都唔容易，那個ㄋㄚˋ ㄍㄜ 依然算係可靠之選 ✅。

成日經過見好多人排哂長龍，攪到我記住佢要搵日試試今日早左放飯，記約埋約個一齊去試新野12點左右到唔洗等位，直份即坐。用QR落嘩無問題，但個版面好有問題，到比錢個度我地6個人4個click住唔郁，等左好耐有個比左錢仲又無出單號，攪到都係要出去問落左單未，我記長期loading…等左5分鐘左右都係要行出櫃枱🥲送餐又亂又耐，湯麵等左30-45分鐘先到，壽喜燒牛肉飯等左一個鐘。等左咁耐有野食記試下啖湯先美啦，味唔差但凍既，麵底一早沸好放係碗，湯又唔夠熱，所以係一餅野咁，排骨記炸得唔錯，但$76 湯凍，又要等位等野食，淨係得個排骨好唔值

星期六晚經過附近，見到有間新開嘅餐廳，同老公仔入去試吓。試業期間任飲，叫左兩個餐，一個餐平均$60-70，正常價錢。滷排骨飯超大塊，一咬落去好鬆軟，又好入味😋香脆雞滷肉飯有三塊雞，炸皮少少硬（基本上台式餐廳都係咁）。叫左兩份小食，八爪魚炸皮有啲燶，但八爪魚唔會好老，仲係Q彈；蝦卷好好食，下次會再叫。

星期六同朋友MCL睇完戲，喺附近搵嘢食，偶然發現呢間台灣菜門面唔係太明顯，唔細心睇都發現唔到，位置喺MCL商場後面街口轉彎行幾步就到，距離地鐵站5分鐘路程左右去到咁啱有下午茶，同朋友叫咗一個午餐同下午茶share食，午餐香酥排骨便當份量好誇張，個炸排骨成塊面咁大，配菜都好豐富好多，食量細既兩個人食都夠，不過炸排骨肉質就一般正常下午茶就叫咗一個脆薯芝士蛋餅，好多拉絲芝士好好食，另外仲有汽水機同茶任斟整體嚟講唔錯，如果有經開附近睇戲或者行街都可以去呢間台灣餐廳試吓

最近見公司附近新開咗台灣餐廳，發現原來係book mark過想試嘅‘那個’，於是搵個時間嚟試吓環境：可能因為係工廠區，出面冇招牌，門面同內部裝修簡約，不過地方幾大，值得一提嘅係好多梳化位，而且座位唔會好迫，坐得幾舒服服務：行全自助模式食堂風，類似大家樂，包括落單/取餐/執返餐盤都係全自助，睇得出想慳返啲人手，如果要求有服務嘅應該唔啱食，不過自己就覺得好過出面好多餐廳人手唔夠，叫極都冇人應機食物：$64香烤豬扒便當+凍檸檬茶+甜不辣烤豬扒都幾好食，不過未到Juicy 反而值得一提嘅係配菜，有個人最鍾意嘅台式酸菜同炒粉絲，送飯一流而且仲有炒包菜同粟米炒蛋，夠晒豐富，宜家出街好難有菜食㗎凍檸茶正常，甜不辣煙煙韌韌幾好食$78玖香啤酒豬軟骨湯麵+凍炭燒烏龍奶茶+台灣腸同行友人叫咗另一個豬軟骨麵，豬軟骨煮得好腍好入味，啲肉唔會好嚡，好好食，鍾意豬軟骨嘅真係要試烏龍奶茶都有驚喜，炭燒味幾香台灣腸就同台灣食到嘅味道好接近價錢嚟講有少少貴，不過嘢食同餸嘅份量都好多，唔會得兩舊意思意思，附近做嘢嘅人可以多一個高質選擇，不過午餐時間就比較多人，如果趕時間嘅可能要考慮一下夠唔夠時間

聽公司同事話呢間幾好食所以過黎食，咁晏晝1點半左右都好多人排隊，幾乎都會有一大班人一齊排，四至六個人左右，我同同事八個人等左15分鐘好快就可以入到座。佢哋哩度好似同連鎖快餐店一樣都係自助形式去攞餐。我叫左個滷肉雞球便當，上菜嗰時我比個雞球嚇親左，佢一個雞球等於一個雞扒咁大，我等於食左3個雞扒，好飽肚差啲食唔哂 。同事話啲肉會有啲咸，我就可以接受到，值得一試。依家荔枝角係新店嚟，所以會有開張優惠，可以任飲汽水同茶，我就覺得還好。

之前去北角試過，今次開咗係公司附近，所以lunch排晒隊都去食。同北角比，環境座位，荔枝角好坐d, 但環境個人覺得有d嘈，因為出餐要自己拎，所以有個電視屏幕睇住，但仍然有個staff好大聲叫number, 坐係出餐位附近，不停聽到佢叫number, 真係有d騷擾。嘢食方面，食物都有d咸，同埋唔係好夠熱，食完要自己執返去返卻口，如果以平均65蚊一個set, 仲要自己拎同執餐嘅話，其實同區有其他更好嘅選擇...

位置方便，地鋪，鋪面闊落，食物整體幾好，價格中等，賣相也不錯，厚乳凍奶茶好飲。果頭出沒嘅朋友，可以多一個食堂～新張期可能比較多人，繁忙時段要排一陣隊，大家預時間啦～

🍽️食物方面：🦴啤酒豬軟骨湯麵💲78豬軟骨夠腍 櫻花蝦辣椒少少辣🐥嘉義雞肉丼飯💲62甜甜地 唔食炸嘢同牛以外嘅選擇 🐟香酥魚菲力便當好多炸嘢都sold out 幾特別同輕食啲🐷香烤豬扒便當💲67樣乾但食落👌🏻揀飲擇食仔唔食配菜🍅蕃茄湯粉配炒蛋多士💲51第1次係那個見到嘅菜式似好濃+酸酸地嘅羅宋湯❌唔鍾意嘢飲要等餐齊先出🆓試業中任飲汽水轉炭焙烏龍都係自己斟丼飯送特飲/其他+$3 濃厚奶茶普普📷打卡方面：似學校canteen 無裝飾🔈環境方面：Lunch等位+拎嘢食 要1粒鐘 QR code落單叫number自取 食完自執樓面戴眼鏡哥哥出晒煙都好有禮貌大家好冷靜 唔似打緊仗 出餐太耐💬其他資訊：📍 那個ㄋㄚˋ ㄍㄜ 荔枝角青山道538號半島大廈地下G1-G2號舖