道鮨日本料理

今日原本請假諗住去離島放空一下，點知收到老友求救，要幫手整整電腦，為老友冇計，整好之後原來已經係lunch time, 佢就二話不說要帶我去食餐好來報答我。到來了日式餐廳，佈置十分清雅舒適我就不客氣點了客三色丼飯，先來了沙律跟茶碗蒸。沙律清新爽脆，而蒸蛋入口蛋香滑溜，很不錯主角三色丼海膽，三文魚籽，大拖羅滿滿的鋪滿碗内，十分吸晴三文魚籽粒粒飽滿，咬開濃濃汁爆開，配飯剛好，而海膽濃郁，而且份量滿滿，而最愛還是拖羅，入口溶化，油脂滿在口腔，幸福滿滿。最後以豆腐雪糕跟咖啡作為完美既完結…Read More

因某天星期六心情唔好, 就想食好野令心情好轉, 就獨自一人去道鰭食LUNCH 。 這店裝設不錯,好有日本風,好似置身於日本。* 我坐在吧枱前可以睇到師傅細心製作料理。**我選午餐【吞拿魚御膳】 $420 首先,送來沙律菜,具甜甜酸酸味道,十分開胃,而熱辣辣的日式蒸蛋,好有雞蛋香及好滑溜。* 主角來送來壽司､小卷及麵麵鼓湯。* 分別有二件赤身(吞拿魚背)壽司､二件中拖羅(吞拿魚中腩肉)壽司､二件大拖羅(吞拿魚上腩肉最肥位置)壽司､四件吞拿魚蓉小卷。* 拖羅的美味程度毋容置疑了, 我會先食由淡至濃味,由赤身壽司->中拖羅壽司 -> 大拖羅壽司->火灸大拖羅壽司->吞拿魚蓉壽司。 紅色就是赤身壽司是油脂較少的部位,口感軟嫩; 粉色就是中拖羅壽司 ,口感較肥嫩,香味濃郁; 最淺粉色就是大拖羅壽司,肉質肥美油潤軟滑, 魚味濃郁豐腴,入口即化,充滿魚脂香; 火灸大拖羅壽司經了火灸,迫出油指,入口充滿油香。 吞拿魚蓉小卷入口有綿滑細緻的吞拿魚,味道不錯。 * 最後,飯的尾聲送上雲尼拉雪糕 及 熱的袖子茶。…Read More

由於好耐無見姊妹,所以就揀左去間好啲既餐廳去食飯!環境十分之舒適!職員們既服務態度都十分好!食物非常之好食又唔洗同其他人迫!真係一個非常適合一啲lunch time 有比較長時間既人黎食!叫左一個咖哩豬扒飯set,好味到不得了!!佢頭盆有salad 同埋刺身,向來唔會食呢兩種魚既刺身因為之前食過啲唔好既令我有陰影,但姊妹話好食好正所以我就勇於嘗試一下結果,真！係！好！好！味！啊！頭盆我已經食到好開心同好滿意食完salad 同刺身仲有燉蛋,滑到不得了無得輸!食到好開心時我最期待既頭盆就黎了..我share左一舊俾姊妹食,佢點左啲咖哩汁,然後話好好食!我都即刻食,真係相當唔錯!如果啲咖哩汁可以再熱少少就好了之後...我姊妹仲係咁點我啲咖哩汁撈佢個飯黎食-.-搞到我差啲唔夠汁食飯,因為佢話個汁實在太好味我影哂相俾老公睇佢都好羨慕我有得食好野,所以下次有時間既我都會帶老公一齊去食返個咁正既lunch先整體黎講我地兩個都超級滿意今日既lunch!員工服務好,好親切,室內設計舒適,食物非常好,上菜速度適中,價錢都合理唯一不足之處既就係我地坐bar枱隔離嗰兩位客人講野非常大聲,都幾影響我地,係未完全感受到呢間餐廳有幾咁舒服就要轉場搵其他地方..如果職員們可以幫幫忙叫客人聲浪細聲啲既,就更加好…Read More

秋天一到，令人食慾大開， 乘機同熱愛日本料理的好友，一嚐時令Omakase的風采! <道鮨>是高質日式餐廳，簡樸木色裝潢，格調高雅，我們坐在bar檯前，觀摩師傅的刀工和手藝，別有一番滋味。我們點了$1300元的Omakase，有前菜、六款刺身、燒物、酢物、六款壽司等，令人莫名期待。前菜有三小碟，菠菜三文魚清甜，配上綿蓉的三文魚，十分開胃；魚餅煙韌彈牙，淋上微辣的芥末醬，更是惹味；若帶竹筍清爽多汁，甘甜脆感像馬蹄，每款都很醒胃。第一道刺身: Wasabi漬水八爪魚，切成薄片，質感爽口、帶嚼勁，沾上Wasabi，泛辣並提鮮。底部墊有青檸，中和了辣味，特別清新。第二道刺身: 鮫鰈，薄切至晶瑩剔透，肉質細嫩柔軟，吃下去啖啖清甜，沾上酸醬汁，令人食慾大增! 第三道刺身: 石垣貝，厚身潔白，入口鮮甜，口感酷像海蜇，質感爽口而帶嚼勁。第四道刺身: 火炙太刀魚，用刀切成割痕，用火槍燒至焦香，魚皮帶燶而香口，魚油被迫出，魚味濃郁而不油膩，灑上岩鹽點綴，甘香惹味。第五道刺身:珍蠔，蠔身圓潤、肥美，入口飽滿令人垂涎，軟糯的質感，盡是鮮甜。裙邊十分爽脆，吱上清檸汁，更加吸引。第六道刺身:拖羅，刺身厚切，油花均勻滿佈，魚脂豐腴，綿化口感真是很幸福呀! 燒物: 蟹膏醬燒大蝦，即時製作，熱霧中散發誘人蟹膏鮮香。 大蝦表面填滿焦香蟹膏，蝦肉軟嫰，被濃郁的蟹膏完美包裹著，能一口品嚐滑溜蝦肉及惹味蟹香，真是雙重享受! 第一道壽司: 毛蟹壽司，蟹肉拆成一絲絲，整齊的放在醋飯上，入口的鮮甜蟹香，絕對適合懶惰的蟹控! 第二道壽司: 赤貝壽司，色澤呈橙紅色，沾上少許醬油送入口，口感十分爽脆，鮮甜味道中沁出淡淡海水味，洋溢獨有的海洋氣息。第三道壽司: 銀鱈魚壽司，銀鱈魚經火炙後，魚鮨郁香放大了幾倍，入口細嫰、即溶，不沾豉油更能細味魚之鮮味，滋味不平凡。第四道壽司: 右口魚邊壽司，裙邊口感最好吃，因為活動量較高。魚肉被火炙後，入口散發魚油甘香，鮮甜之餘，配上BB蔥及明太子，新鮮而惹味。第五道壽司: 拖羅壽司，拖羅是魚腩最肥美的位置，肉質粉嫰、油份極重，魚味濃郁，豐盈細膩的質感，叫人難以忘懷! 第六道壽司: 海膽壽司，色澤澄黃的海膽疊至高高，紋理清晰，帶淡淡海水味，Creamy口感夾合在脆紫菜中，啖啖窩心! 最後，店員端上熱騰騰的蜆肉清湯，清甜暖胃，吃過時令的水果，完成了美滿的Omakase! …Read More

呢間位於銅鑼灣上樓嘅日本料理，供應omakase，而午市都有供應一啲定食，有熟食、刺身、壽司、海鮮丼等，豐儉由人。呢度地方唔大，但坐得幾舒服，好有日式食店氛圍。御膳會包左沙律、茶碗蒸、甜品、飲品，沙律好新鮮，清新開胃蒸蛋夠熱，又滑溜，唯獨蛋味唔夠濃郁。我點左個吞拿魚御膳，價值$420，一份10件，全部係吞拿魚，啱哂我。分別有拖羅、火炙拖羅、兩件吞拿魚腩、兩件赤身、四件吞拿魚蓉卷，擺盤精美。火炙拖羅油份滿滿，肥脂爆棚，燒完後將魚油香味散發哂出來，味道超好；拖羅壽司雖然無炙燒，入口滑溜，口感飽滿，油香四溢吞拿魚腩相對無咁肥美，肉質軟腍，比一般壽司店食到嘅就已經高幾個層次啦。赤身色澤紅潤，油脂冇咁重，口感清爽，魚味濃郁，另一種風味吞拿魚蓉卷都好有驚喜，用上赤醋米飯，加上份量不少嘅吞拿魚蓉，配合脆紫菜，口感、味道都突出，令人留低深刻印象最後送上一份豆腐雪糕，味道清新冰涼，作為飯後甜品，都甚為出色。…Read More

今晚我又約左同我一樣咁鍾意食日本野既朋友去食omakase自從之前食過omakase之後，一試便愛上了。家下當我地看到唔同既日本餐廳都會去食下omakase,令自己係平凡中既生活帶多點點樂趣同驚喜今晚食既呢間日本餐廳位於銅鑼灣，地點十分方便。餐廳入面座位都不少，有些座位仲會坐係師傅前面，一邊睇住師傅預備食材今次我跟朋友都係被安排坐係bar檯前面我跟朋友點了呢款每人$1300的餐入面有前菜、六款刺身、煮物、酢物、六款壽司、湯、水果呢晚食得好開心，食左好多野食，一款又一款先比大家睇下個overview睇下幾正每一款都好好味，呢張圖集合了前菜、六款刺身、酢物同漬物先說一說前菜，分別有三小碟，有菠菜三文魚芥末魚餅若帶竹筍每款都好醒胃菠菜好綿好入味碎碎的三文魚味道不錯芥末魚餅，魚餅質感好好，口感彈牙，配埋淡淡的芥末香味竹筍較為清新爽口，又別有另一種清新滋味食過前菜之後，師傅開始為我們準備刺身，一道又一道的上菜每款都好新鮮好好味食了wasabi漬水八爪魚鮫鰈石垣貝珍蠔toro我重點介紹幾款我特別喜歡的刺身呢款係wasabi漬水八爪魚外形已好特別，八爪魚切成一片片薄片，口感已經好爽口彈牙，我最鍾意係仲沾上了wasabi漬水，呢個味道好特別，又有wasabi味，但加入了水去中和，所以會散發出淡淡既wasabi味，好清新呢款經過火炙太刀魚既表面，而且仲𠝹左刀痕，師傅仲灑左鹽係上面，所以食起來除了有又香又濃既個魚油味外，仲有淡淡既鹽香，味道一流珍蠔又大隻又肥美好鮮味大大隻蝦，蝦上面鋪滿了蟹膏呢款就係蟹膏醬燒大蝦蟹膏又多味道又香濃而且經過燒之後好滋味蟹味滲入了中蝦既蝦肉中，所以一邊食啖啖肉大蝦，又有鮮甜濃郁既蟹味好正之後就開始食壽司、湯、水果壽司食了六款每款都係由師傅即製的睇得又食得師傅超用心的做每一道食材欣賞師傅又認真又用心地製作壽司毛蟹、赤貝、銀鱈魚、幼口魚邊、大toro、海膽毛蟹壽司，一絲又一絲既蟹絲穩穩地放到壽司飯上壽司飯已有點點特別的味道，因為壽司飯經過了醃製已好滋味放上了鮮甜蟹絲，鮮味跟壽司飯的味道好夾好靚呀賣相師傅會把壽司放到黑色板子上，放到板子上，仲有個壽司倒影好優美呢款壽司好惹味經過燒後，濃濃魚油，入口即融上面仲放了蔥跟明太子，味道又清新又惹味爽食曬壽司，端上一碗熱辣辣又香既蜆肉湯清甜、鮮味最後食埋生果，甜甜的為呢一頓美好既omakase劃上一個完美既句號…Read More

曾經喺餐廳新開不久就到訪過，事後朋友圈中一直有聽聞仍然甚有水準，但老實講，要我一頭半個月就食廚師發辦，我都負擔唔來；知道佢地午市有其他套餐供應，今次就選擇中午到訪。週六約一點鐘到達，餐廳位置不少，分成三個用餐區，裝潢日式，簡約風格，環境寧靜舒適。想唔到生意十分好，師傅前面嘅吧枱都坐滿了，我地被安排到另一邊嘅二人枱。由於環境太舒適，我地慢慢食、慢慢傾，不知不覺過左接近兩少時。偶爾聽到師傅同客人交談，下次要早些預約坐吧枱呢午市餐牌除左同樣供應兩款廚師發辦(刺身/壽司)之外，仲有超過15款御膳，包括自選壽司、刺身、海鮮丼、西京燒、天婦羅、燒活鰻、網燒西冷等，套餐附沙律、茶碗蒸、味噌湯、甜品、咖啡/茶，點餐後，定價二百至四百零蚊店員先送上熱毛巾，雖然係午市，但應有嘅服務都做到足，加茶、收拾、上菜速度等都有細心留意，起碼令客人覺得物有所值。沙律、茶碗蒸首先送上沙律、茶碗蒸，茶碗蒸香滑料多。自選壽司12貫 配稻庭烏冬 $280喜歡呢度嘅壽司御膳提供自選，畢竟唔係所有魚生都啱食，可以自己揀就梗係最好啦。而且自選壽司款式有約20款，除左固定款式，仲會有每日精選，除左海膽外，每款可選兩件，好吸引，我樣樣都想食！最終揀選左吞拿魚腩、深海池魚、三文魚、燒右口魚邊兩件、帆立貝、赤蝦、真鯛、炙銀鱈魚兩件、蔥吞拿魚腩、北海道海膽，共12件包含海膽、拖羅、真鯛、太刀魚等款式，性價比不俗，最重要係質素相當高，同樣採用時令食材，不輸廚師發辦。店家幫我地將軍艦後上，以免紫菜變腍，非常細心先上十件壽司，我只係按個人喜好食，冇特別去按魚味濃淡排次序。真鯛白嫩，味道淡雅；帆立貝極度新鮮，鮮甜程度令我十分回味三文魚肥美；深海池魚口感爽滑，魚味比較濃。赤蝦軟滑，吞拿魚腩肥美無筋，魚油甘香。最後當然少不了我最喜歡嘅炙燒右口魚邊，燒過後香氣濃，油份喺口中爆發，點夠兩件先滿足炙銀鱈魚同右口魚邊口感唔同，但魚油一樣豐腴飯粒中已加左山葵，用上赤醋米，壽司本身唔會好大件，米粒黏性適中，夾起唔散。見我食得八八九九，店員就安排送上剩低嘅兩件軍艦，包括係蔥吞拿魚腩及北海道海膽，魚腩幼滑，加上蔥香，一定要點！最正係海膽軍艦啊鮮甜飽滿，欲罷不能，可惜只係可以點一件，哈哈。味噌湯、稻庭烏冬 (可選冷/熱)食完12貫壽司後，來一碗小小嘅熱烏冬，烏冬煙韌滑溜，腸胃都滿足了。套餐包括甜品、餐飲，是日甜品為豆腐雪糕，豆腐味濃郁，雪糕細滑，高質呢…Read More

今日來到一間食日本東西的店，由於一早預約了，所以都比較快速。我叫了安格斯牛扒套餐，而且可以選擇要全熟，肉質非常豐富，但有少許難咬，所以下次推介大家可以試下七成熟。他很好的地方時，他每個套餐都會配上蒸蛋，和沙律給我們先二下肚，他的蛋非常之滑，而且一邊還有海鮮，而且他的沙律正正適合一些減肥的人士，而且他選用的沙律菜，並不像其他餐廳一樣，會苦的。所以大致上也令我很滿意。而且他的飯是用了一半的珍珠買，所以很合我的口味。而且他陪給我們的面試湯，我有個個人喜好，就是把少許湯放進飯裏，簡直是非常之好吃，而且入亦可以帶出飯的鮮味。最後每一個套餐都會有一球雪糕和熱飲配送，二當天便是紅豆雪糕，味道平庸沒有什麼特別。…Read More

打風前夕，人人嚴陣以待，我卻懶得理它，一於去銅鑼灣找間餐廳享受一下我的週末午餐。日本料理是首選，清淡不油膩。渣甸中心的道鮨去過一次晚飯，無論水準，質量，服務都值得比讃，不知午餐又如何呢？午市套餐有多款選擇，價錢豐儉由人，由百多元到四，五百左右。我點了三色丼 （$400）。三色即吞拿魚腩，海膽和魚籽。賣相吸引。魚籽閃閃發光，粒粒晶瑩爆漿，那鹹香味好濃。海膽有著海水味，綿綿的，濃郁的，口腔內回甘。吞拿魚腩當然極品，入口即化的口感，感覺好幸福啊！最大驚喜是赤醋飯，坊間多數是白米飯，但嚟到用上了赤醋造飯，醋的香，醋的酸，另味蕾提升了。越食越停不了囗。套餐包沙律，茶蒸碗，麵豉湯，甜品和飲品。蒸蛋火喉控制得宜，好滑溜有蛋香。今日甜品是豆腐雪糕，豆腐味道突出，質感幼滑。好滿足的一頓午餐，是時候回家做好防風措施了。…Read More

最近工作忙碌，每天都忙得透不過氣來，爲了慰勞一下自己，便相約朋友來吃頓好的。我們選址就在銅鑼灣的道鮨日本料理吃omakase。我們被安排坐在bar台，可以一睹師傅的握壽司的手藝。omakase的menu有以下幾款，我們選了第一款。先來了我們的前菜。前菜一共有3樣，分別是明豆蝦、梅貝煮還有雙色蛋。3款前菜不只外觀漂亮，味道也很好呢。明豆蝦的凍蝦爽口又彈牙，梅貝煮的螺肉不會靭，同樣也是爽口，而且味道帶有甜甜的醬油味，雙色蛋有點像吃蛋糕一樣，甜甜的味道很是討好呢。吃完前菜後，便正式來到刺身環節了。第一款刺身是真鯛刺身，裏面包著海膽。薄切的真鯛口感爽脆，包著鮮甜的海膽，味道豐富，還有淡淡的柚子香氣，沾上酸汁一起吃味道更是提升不少。第二款刺身是角螺。切成薄薄一片的角螺，口感脆卜卜，而且鮮味十足，配搭淡淡的檸檬香更能凸顯螺的鮮甜。第三款刺身是太刀魚。這款太刀魚有稍微用火槍燒過，經焰燒過的太刀魚感覺更加肥美，魚味更爲突出。第四款是日本珍蠔。看到這隻肥美的生蠔已經讓人食指大動了，一吃果然高質素。珍蠔口感creamy，蠔鮮四溢，配上酸汁很夾。第五款是秋刀魚。一直都很喜歡吃秋刀魚刺身，這裏的秋刀魚更是當晚最喜歡的一款之一。秋刀魚刺身魚味甚爲突出，師傅更將秋刀魚包在紫菜之中，再加入木魚、葱等材料，口感更豐富更加好吃。第六款是中拖羅。雖然不是最肥美的大拖羅，但同樣非常肥美，入口即化的味道太幸福了。吃完刺身後，先來了點漬物。之後便上了燒物-燒香魚。香魚沒有過多的調味，只是簡單的鹽燒，但已經足夠帶出香魚的鮮味。内裏的魚肉也很滑，沾了酸汁之後，讓整道燒物料理變得清新。吃完燒物後，便開始吃壽司了。第一款壽司-白蝦。白蝦口感滑溜，味道又十分鮮甜，不錯。第二款-深海池魚。深海池魚口感較爲扎實，但卻魚味十足。第三款-毛蟹。毛蟹拆了肉後，再混入了蟹膏，難怪味道會如此鮮，蟹味濃郁。第四款-赤鯥。焰燒過後的赤鯥壽司，魚油香四溢，肥美十足。第五款-赤貝壽司。赤貝壽司是這餐其中我最喜歡的一款，赤貝非常新鮮，口感爽脆，有著突出的魚貝鮮。第六款-海膽壽司。吃omakase絕對少不了海膽壽司這一環。這裏的海膽同樣高水準，口感creamy，而且十分鮮甜，吃完之後齒頰留香。吃完多款刺身和壽司之後，其實都有點飽了，店員再端上了湯品。𩶘魚湯，湯呈現漂亮的奶白色，每一口都盡是魚肉的鮮甜，還有蘑菇等材料。最後的飯後水果是日本產杏水梨和日本桃。日本的水果果然是品質保證，杏水梨爽脆清甜，而桃則香甜多汁，口感軟熟。這餐我們都吃得很是滿足，更激勵了我們要努力工作再顧的決心。…Read More

道鮨本身我來過一次，感覺比一般omakase 座位闊落，山林裝潢盡顯氣派，而且到訪的人大多都是社會名流，比如上次就有上市公司主席，今次又有校長，最潦倒的，應該是筆者吧！來得道鮨，當然是吃Omakase ，師傅發辦，以這間餐廳的名氣，$1300，銅鑼灣區是非常抵的價錢。前菜：昆布 帶酸，提胃之選菠菜吞拿魚 味道天然，無渣甘草漬 咸香，為前菜帶來終結的味道刺身6貫：水八爪魚加山葵漬 刺激拱鼻，水八爪魚煙韌彈牙。水八爪魚吸盤煮 光是水煮就已帶出八爪魚本身濃郁鮮味。鮫鰈 紫菜 醋 這白身淡而爽脆，前菜級的刺身，加點醋為後面濃味的魚作準備。石垣貝 帶貝類的特有鮮味，口感爽但軟稔，加點現磨山葵吃正好。秋刀 肥美帶魚香，入口非常濃的秋刀魚香，非常軟稔易入口，可加點輕醬油吃，更顯美味。比較重口味的刺身選擇酒漬鮑魚 帶微微酒香，鮑魚非常煙韌有嚼勁，而且是鮮鮑，把肝位打成醬就可以當調味，不用過多調味品。中拖羅 肥美又帶吞拿魚獨有的香，入口即溶又不會沒有味道，所以是筆者最愛的吞拿魚位中轉站，第二前菜酢物：蟹膏醬燒大蝦大蝦非常新鮮而且彈牙，配上奶油香重的微燒法，沒有搶去蝦鮮的同時，又提升了味道層次，很抵讚鮨：帶子鮮甜，ＳＩＺＥ大份，質感細膩，配以赤醋飯，非常出色赤貝即時手握製作的赤貝是會還有一點彈性的，在上飯前以手輕拍一下，赤貝馬上收縮表示非常新鮮，不可多得的鮮甜！銀鱈魚肥美至極的銀鱈魚把上面烤過，油膩溢出，喜歡吃油脂的我當時非常欣喜毛蟹腳算是是晚高潮位，非常好吃，特強蟹鮮，鮮甜，帶點蟹膏的咸香用以調味，出色！赤鯥不輸銀鱈的肥美度，赤鯥會多了一陣魚香，大概是６４之比吧，層次豐富海膽海膽是壓軸，配以軍艦十分香甜湯：蝦仁清湯非常喜歡他們的清湯，咸味不算突出，蝦仁十分稔滑彈牙，而非乾瘦的雪藏品，妙！…Read More

道鮨辛苦工作過後，就是吃好東西的時候，今天星期六也要加班，特別約了朋友到銅鑼灣品嚐一個超滿足的omakase。 頭盤是若布竹筍、梅貝煮及金醋漬三個前菜，最喜歡就是金醋漬，非常開胃，帶點酸味，這個以醋醃過的蓮藕片，非常入味。另一道新鮮八爪魚，亦都係驚喜，因為實在太爽口，加上Wasabi，即刻將八爪魚嘅鮮味帶出。太刀魚廚師在這一款刺身的表面以鹽作為調味，並在表面輕輕一燒，所以進食時，根本不需要加上任何調味都可以能夠吃出這款刺身的鮮味。魚肉口感結實，魚的外皮被廚師稍稍用火槍燒過，帶有少許的焦香。間八魚配海膽同芽葱這道間八魚，真係好合時令，加上海膽非常新鮮，芽葱作為食材，喺香港比較少見，屬於高級日本料理常用，特殊香味，普遍使用在湯類及壽司！顯出廚師嘅用心。新鮮活北寄貝青瓜卷新鮮活寄貝顏色呈淺灰色，而急凍的就是平常我們吃到的紅色，當然新鮮的較為矜貴，日本口岸真蠔日本生蠔，真係非常肥美，淨係賣相，已經賞心悅目而且口感帶creamy!秋刀魚刺身最後一款，就是這一別外型非常漂亮的秋刀魚，切秋刀魚上面的花紋，以看出原先的刀工非常利害，秋刀魚卷裏，捲着蘿蔔、芽葱和木魚碎，三種食材的配搭，出奇的好味。蘿蔔的甜味，帶出秋刀魚的鮮味。意想不到原來秋刀魚作為刺身，是這樣的美味，其實我們吃到的都是嫌少，第一次吃到刺身秋刀魚，是喜出望外的感覺。漬物完成了六款刺身，廚師很有心思的，為我們安排了漬物，讓我地的味蕾先refresh一下。四款的漬物，顏色配搭已經非常吸引，淮山、蒜頭、橋頭和蒜。四款之中，都是帶點開胃的酸味，但是個人最喜歡的就是淮山，因為吃出一點點醬油的味道，還有淮山上面的芝麻，芝麻的香味四溢，令味道層次豐富了。燒蟹腳配以蟹醋一個字鮮！壽司六件深海池魚深海池魚，以清甜爽見稱，鮮而不腥，肉質軟中帶韌。其實池魚刺身，更顯廚師的道功，太大條或太細條的池魚都不適合做刺身，太細的幼骨太多，只有大約六至七吋長的池魚才適合薄切成刺身。加上魚身細小，魚骨又脆又幼，所以下刀要非常準確。下刀太淺，肉感不夠豐厚﹔而下刀太深的話，就會破壞魚骨的組織，無法徹底去除魚肉的幼骨。 白蝦白蝦約有6種,都分佈在印度洋-西太平洋地區溫暖海域或淡水中。 這種蝦，雖然細小，不過肉質是非常清甜，而且彈牙非常。銀鱈魚壽司銀雪魚，一般我們都會在定食是吃到的，但是是否用溫水做壽司。銀雪魚的表面用火槍燒了表面，入口帶點焦香。廚師的功力也應記一功，銀雪魚容易取得焦黃效果但也較容易散開，相反時間太短也較難達到焦黃效果。不過這件壽司做得相當出色。海膽壽司這件壽司，真的只有三個字：大滿足。食海膽，是非常非常的新鮮。這款海膽，非常新鮮，一點負面也沒有，更加沒有腥味，最後漢中，感覺到一股海膽的味道不斷在打圈。大拖羅拖羅係我最鍾意嘅刺身之一，油香四溢，入口即溶。最肥美的拖羅，一定是大腹，而且魚香最濃郁。這個部位，油脂豐富，其實是因為他是由魚頸至魚身中間的位置，運動量相對較少，所以容易積聚脂肪，也是整條魚最肥美的部份，佔整條魚30%，故特別矜貴。如果喜歡吃油脂豐腴的，應該會對這件拖羅相當滿意。總括來講，呢一餐係高質素嘅一餐，希望日後再來重訪一次。…Read More

上次食咗道鮨嘅廚師發板，實在太好食，所以決定要再食多次。可惜今次太遲book， book唔到廚師發板，被安排去房入邊食，不過一樣咁好食！先來嘅刺身有鮫鰈，真鯛，深海池魚，太刀魚，牡丹蝦，中拖羅，真蠔，淡味濃味嘅選擇都有。本人鍾意食啲油香更重嘅魚，中拖羅固然好就不在話下啦，深海池魚同埋太刀魚亦都係一絕。尤其係太刀魚，有少少咬口得來，又唔會太多筯，而且油香十足，仲齒頰留香！真蠔同牡丹蝦同樣係味道濃郁，適合啲鍾意食刺身，但係又唔食魚既人士。之後嚟嘅係壽司，有中吞拿魚，間八魚，鮫鰈，帆立貝，毛蟹，白蝦，赤陸魚，火炙銀鱈魚，火炙大拖羅同海膽。當中海膽最值得一讚，食落去充滿着海膽嘅鮮味。除咗海膽之外，火炙銀鱈魚同毛蟹都係十分之好。師傅將毛蟹啲肉拆晒出嚟，等你食得來又唔使自己拆咁辛苦，但係又可以啖啖肉，啖啖都係蟹嘅鮮味，令人十分滿足。至於火炙銀鱈魚，唔好睇少佢。唔好以為淨係火炙大拖羅先至又香又淋，火炙銀鱈魚逼出油香，入口即溶。再之後已經係鹽燒香魚，香魚肉質嫩滑，配以鹽燒既煮法，一方面食起上黎唔會太乾，另一方面魚皮上面小小既鹽同魚肉一齊食嘅時候，可以加強魚肉嘅鮮味。跟住係炸物天婦羅。未食已經聞到好香，茄子同辣椒外面香脆，裏面一啲都唔油膩。白色嗰個其實係炸魚，食落入口即溶。最重要梗係炸蝦啦，蝦身爽口彈牙有蝦味，就不在話下，蝦殼亦都炸得十分之脆卜卜，直接食都冇問題。最後再嚟多個蕎麥冷麵，蕎麥麵爽口彈牙，配以蒜蓉、蔥同醬汁，份外清新，平衡返頭先食天婦羅嘅罪惡感。…Read More

好耐冇食過日本野啦，今日心郁郁所以你都要試一試。一嚟到，裝修是非常好的，間隔亦令人很舒適。我和朋友都十分滿意。我叫了$420的午餐，是吞拿魚御善。佢成個套餐都係以吞拿魚為主題，當中包括吞拿魚嘅唔同位置肌肉，我就認為中間嘅部份係最滑，同埋有入口即溶嘅感覺，廚師好細心，要用火燒嘅佢都會用手遮住，令我哋唔會話容易整親。而且佢每一件嘅frequency都會係等到我哋影晒相，食晒，佢先會上叻一舊 ，完全唔會話要我地快快食完就走。我朋友就叫安格斯牛柳嘅套餐，佢要全熟嘅，咁佢就嫌啲牛肉有少少難咬，但總括來講都普普通通。呢個套餐最好嘅地方，係因為佢會陪埋沙律，水晶蛋，俾我哋，二水晶打佢整得好滑，突變都係好足了。每一個套餐都會附送當日嘅甜品同埋熱飲，而我哋去嗰日就係咁啱我哋都好鍾意食嘅紅豆雪糕，同埋我就叫咗個熱檸水，咁全部都係普普通通，但係雪糕就好滑。總括嚟講佢哋環境都算唔錯，我就雷炎員工嘅態度可以有多啲進步嘅空間，除咗呢樣之外，我都覺得呢間係可以一試嘅。…Read More

悶熱嘅天氣的確令人感到沒有胃口，晚餐決定食我近期喜歡的清淡日本菜。今餐由廚師發版，選擇正確。頭盤是若布竹筍、梅貝煮及金醋漬，一定要順着這個次序去品嚐，若布竹筍即茶漬配以爽口的竹筍，喊味剛剛好，竹筍亦非常爽口，梅貝煮的田螺肉非常爽口，最後以酸味金醋漬作醒胃菜。接着是新鮮八爪魚配以自製Wasabi，八爪魚非常新鮮爽口，而自製的Wasabi口感非常特別，兩者搭配一起，簡直是絕配。緊接是八魚配海膽及芽蔥，海膽非常新鮮，亦非常足料，用筷子一夾，海膽不斷流出來，可想而知海膽的份量非常多，三者的配搭非常特別，味道恰度好處。緊接是北寄貝青瓜卷，廚師以薄薄青瓜片包裹着新鮮的北寄貝，真的誠意十分，兩者配合感覺十分清新。第一次吃太都魚，廚師在太都魚的表面塗上薄薄的海鹽，再輕輕一燒，海鹽帶出魚的鮮味，而且廚師燒的時間不是很久，魚的軟硬度剛剛好。終於到我最愛的日本囗岸真蠔出場，一看到這肥美的真蠔，已非常興奮，因為我最愛就是生蠔，這真蠔一點也不令我失望，它鮮味得不得了。而秋刀魚會豉油和姜一點也不令我失望，廚師在秋刀魚中加入芽葱、木魚及蘿蔔蓉，三者的配搭非常特別，進口不但有秋刀魚的鮮味，芽蔥爽口的口感，亦非常特別，這是我第一次試到的味道，實在一時太忙。當吃得飽飽地的時候，廚師奉上漬物，包括淮山、蘿蔔、蕎頭和蒜，四種不同的食物，有的酸，有的鹹，而我最愛的就是蕎頭，它的酸味剛剛好，酸酸的味道再一次令我胃口大開，令我可以有胃口再食燒蟹腳配以蟹醋，蟹腳非常新鮮，我是第一次以蟹醋配蟹腳，酸酸的蟹醋味，原來可以帶出蟹的鮮味。最後是壽司時間，爽口彈牙的深海池魚，鮮味的白蝦，足料的毛蟹蟹膏，火灸銀雪魚，脹卜卜海膽，新鮮到不得了，好似築地即開的海膽，還有壓軸的大拖羅，六種壽司各有特色，能滿足不同人的要求。正當你以為已吃完的時候，廚師奉上熱辣辣而魚味濃郁的𩶘魚湯和日本直送新鮮梨和桃，實在是大滿足。…Read More