遇見小麵 (黃埔天地奇妙坊(第1期))

營業中

休息中

今日4:56pm到黃鋪買了外賣。。我點了餐就去問了一位客服小妹妹，問她酸辣粉可否分湯上，我願意比錢都沒有問題的。。她就好好人，幫我問問另一位服務員戴眼鏡亞姐，亞姐就即答沒有，小妹妹再幫我問廚房師傅，師傅答不可以我就算繼續落單。。全程都是位服務員小妹妹幫我，她亦好有禮貌，這職員妹妹真的直得加許給她。。至於另一位戴眼鏡服務員亞姐，佢就黑口黑面，好似唔想做咁樣！真係好激氣😡我坐向度等咗好耐，其實佢見到，但佢包完外賣就咁放埋向出面，問都唔問客人號碼係幾多。。我等咗好耐，已經好唔耐煩！就去問服務員妹妹，點解要咁耐，妹妹就問我號碼係幾多號，就講出面嗰袋就係我，同我講外賣都係放向出面的，我第一次來買，我點知道呢？佢都會講句唔好意思！我就攞完自己外賣就行去同戴眼鏡亞姐講，明知我係坐向度，點解可以唔出聲問一問？貴公司係咁樣服務客人咩？佢就回應都唔會應，我走佢就同服務小妹妹講鬼知道我等外賣！點解可以請一個咁樣服務員？簡直係幫公司倒米趕客走😡😡😡

聽講係過江龍，見食評獲得一致性好評，午餐未唸倒食咩，就去試吓。入到餐廳，非常多人，係自助形式，自己㨂位，自己嘟qr code落單，員工非常忙碌，完全冇人會得閒理你咁。似去了國內一樣，qr code落單及即時付款後，耐心等待（應該是因為太多order)食物會自行送上我們分別點了紅碗碗雜麵加滷蛋（微辣）及番茄肥牛麵等了又等，先來了番茄肥牛麵，同伴食了大半才來紅碗碗雜麵，飲品就等了很久才出現。兩款麵都正正常常，又講唔上好好味，但又唔係難食嘅，普普通通，微辣嘅紅碗碗雜麵可以話完全唔辣咁濟。公道啲講，價錢唔係話特別平嘅，麵也不特別出色，差唔多價錢嘅麵食附近選擇都唔少，如果要等位嘅就唔會再特別去邦襯。不過眼見邦襯嘅真係國內人居多，大約比例係7:3，可能過江龍點都啱返佢哋嘅口味？飲品點了白玉厚椰乳及熱檸茶’所有的事 都是小事‘哩句就幾啱聽👍椰奶加愛玉冰？都ok嘅😅整體感覺員工非常非常忙碌，唔混亂嘅，但就完全冇停手，沒有什麼服務可言，只見佢哋密密手機械式操作

昨天在旺角吃飯的時間看到遇見小面，此店聲稱可以無上限添加飯/面，便立刻被吸引，結果，翌日便去朝拜！這裡原來是可以隨便入坐的，又能夠自助掃碼點餐了，真的是很方便，不過有時或者真係太方便，有點過猶不及！（不過餐廳也有照顧未能掃碼點餐的朋友們，可以安排侍應幫忙）。這裡真的是眼花撩亂，有麵有飯，也有小食！我們點了1️⃣招牌菜紅碗豌雜面；2️⃣羊肉串；3️⃣鹽酥雞滷肉飯。此店主力是售賣重慶菜，本以為主力是吃辣的，但這裡也有標榜不吃辣的，照顧到各方好友！而辣度方面，也包括了微辣、重慶辣、霸道辣及魔鬼辣，這個好像譚仔的鋪排令人感到開心！首先來了招牌菜紅碗豌雜面，根據指示，將麵條和配料攪拌 30 秒，這個舉動雖然令我有點辛苦，但吃下去每⼀啖我也能夠感受到⿇辣的鮮香，令我⼀試難忘！另外也來了鹽酥雞滷肉飯，這個鹽酥雞炸得剛剛好，吸引！滷肉飯的飯則有待改進，飯或者是預製飯？感覺很黏身，令人吃下去有點失望！最後來了羊肉串，這個羊肉串跟我以前在工展會吃到的不太相同，這個號稱用了半肥半瘦的羊肉就只有吃到瘦肉，不過這個價錢有3串，勝在夠便宜！最後為了看看是否真的免費任添飯/面，就利用了手指應用程式下了一個面，然後運用外面的配料

今日行經附近，用openrice搵有咩食，見到呢間餐廳都算多好評，所以嚟試試。唔需要排隊直接入座，全程係自助落單，店員送餐。 出餐時間大約10至15分鐘，算有效率。招牌菜紅豌碗離麵味道尚算可以，但較單調，用料上並沒有什麼特別大的驚喜， 反而眼見其他客人的鍋物、湯麵選擇，都較此招牌菜吸引。白玉酸梅湯標準味道選擇上，較坊間酸梅湯淡；白玉份量少得要搵，睇睇店家究竟有無加入杯中。鍋巴土豆味道正常，外脆內軟，係今餐入面比較好的一款食品；索價只需18蚊的前題下值得一試。店員都是快餐店一貫機械式服務，難作出高評分。如果經開，可能會再幫襯，尤其是茶餐時間，平好多😅

見有人介紹就去黃埔店食下、入到去已經見到場面極度混亂、還見到係度教緊新人做嘢、店面職員起碼都9-10個、有男有女、見到有個位就自己坐低掃碼落單、落單後、需要電子「預付」、點完就坐係度等食啦。同行朋友叫個牛肉雙拼飯加咗杯酸梅湯飲品、我就叫咗「碗豆肉碎」麵配酸梅湯。一陣之後、2 杯酸梅湯先上枱、但由於酸梅湯內有愛玉/蒟蒻、當拉開枱旁嘅櫃桶、發現冇飲管可以自取、但眼見其他人都有俾飲管、一問職員之下、原來漏咗冇俾朋友個飲餐先到、眼見朋友都差唔多食完、我個麵都還未到、咁正常就叫職員幫忙跟下、因為「碗豆肉碎」麵都應該係簡單嘢、冇理由等咁耐、店家正常操作就梗係叫你等等架啦、眼見廚房係咁出「外賣單」、再等多陣真係忍唔住、直接叫店家退款完事、因眼見隔離枱點了一樣的「碗豆肉碎」麵都已經食完離開、而我等咗足足「45分鐘」都只係得杯飲品。雖然店家肯退錢、但一般情況下、客人已經催單一次、係咪應該跟進一下、催促廚房出單的進度、而唔係要個客等到不耐煩就退錢了事。完全覺得店家需要改善一下、雖然我一定唔會再幫襯、但都唔想有其他人受害

難得去黃埔，就打算揾下有冇新嘢食，見呢間幾多人，裝修滿滿內地風情，就入去試下。點餐用現在最流行的自助點餐，而且先付款再上菜。食物選擇都幾多，有餐，有麵，有小食。雨個人叫咗個牛肉麵，還有一個可以隨便加餸的鍋（忘了名字）。另外再加兩個小食。牛肉麵味道算可以，份量也足，不過牛肉較薄，驚喜有隻蛋响入面幾好食。那個窩味道略淡，加咗肥腸，鴨血，好多料。最好食反而係個小食，我叫咗土豆和豆腐，個豆腐串非常非常惹味，蓋過其他食物，差啲想叫幾串攞走。但服務方面真的有待改善。並非態度問題，而是技術問題。可能佢唔夠力，每次上桌也是貼著客人身體上桌，連火爐和熱鍋也是。非常危險。我好幾次也要起身避讓，真的需要改善...

今次去食咗內地過江龍遇見小麵，咁啱經同阿媽經過紅磡，所以試吓。叫咗兩個麵同兩個嘢飲。講下酸辣粉，呢碗係招牌菜，湯底酸辣適中幾開胃，辣味都勁。粉質地爽滑彈牙，唔會爛亦唔會過硬，吸收咗湯底嘅味道。跟住叫咗紅碗碗雜麵，呢碗麵拌上各式配料，每一口都有唔同嘅質感。配搭上濃郁嘅紅油醬汁，食落去幾正。麵條亦都煮得啱啱好，唔會過淋，整體味道非常豐富，但辣味比較勁。唔太能食辣嘅朋友可能要小心啲。至於飲品，叫咗白玉酸梅湯，呢款酸梅湯夠酸夠甜，非常解膩。另一杯白肉厚揶乳，椰香味非常濃郁，口感好似厚實版嘅椰子奶，呢杯唔會話好甜，冇嗰種糖精味，係幾推介。

是日入黃埔梗係順便揾下野食啦😋下午茶時段都要等位🈵🈵🈵🤎番茄麵配脆皮半隻雞酸香番茄湯底🍅麵條彈牙🌀脆皮半隻雞🐔外皮金黃酥脆🔥肉質嫩滑勁Juicy～🤎酸辣粉配蔥油餅酸辣粉粉條滑嫩😋湯汁夠哂酸辣夠爽口👍🏻蔥油餅🫓外酥內韌✨蔥香四溢💨💨💨🤎蔥油拌麵配脆皮大餃子麵條掛滿住香蔥同醬油🥢香氣撲鼻💨脆皮大餃子🥟比一般餃子大～內饀好足料飽滿💥外皮金黃酥脆💥內餡多汁💦

開始落雨嘅時候又肚餓 咁啱喺黃埔轉角位就見到有間遇見小麵🤩睇到餐牌都有好多選擇，連唔食辣嘅人士都照顧到真係好貼心🥲後尾先知原來佢係內地連鎖熱門餐飲品牌兼性價比好高嘅舖頭😋環境嚟講呢真係闊落又乾淨，啲位唔會好迫！最緊要我覺得佢嘅價錢真係好抵⭐️⭐️⭐️⭐️⭐️食物方面我就揀咗 -軟骨丸子番茄湯麵🍜蕃茄湯非常之濃郁，個面唔會太軟亦都唔會太硬～我最鍾意嘅都係佢個軟骨丸子🍡食落好彈牙😋-蔥酥骨湯抄手😍估唔到份量比想像中多！！湯底睇得出非常之清，飲落都好清甜，抄手有好多，做法都好傳統！食落的確啲餡係會少啲，啲皮比餛飩更加薄而潤滑，大小比餛飩更加小一d😋😋小食方面-鍋巴土豆🥔土豆外邊焦脆，入面好嫩，真係充滿薯仔味🥸仲可以選擇香辣椒麻或者番茄醬添🥫-原味酥脆雞扒🐓估唔到真係炸得好入味！又喺出邊脆卜卜，啲雞扒肉原汁原味😍-炭烤腿肉串 照燒味嘅兩串🍖鮮嫩既雞腿肉經過炭火烤熟，每串都充滿濃香炭味肉汁，有啲甜甜地咁😋腿肉鮮嫩多汁，真係啖啖肉啊飲品方面-白玉口椰乳🧡呢個真係非常之推介！！第一啖飲落嘅時候仲未意識到！！點知原來佢係有香好濃郁嘅椰子味🥥陣陣椰奶但又唔會有假甜的味👅配埋白玉真係有一個昇華

位於紅磡黃埔天地奇妙坊 （第一期）地下G9號舖的遇見小麵 （Xiao Noodles），主打性價比高川渝美食。筆者和朋友在星期日約下午四時多到達。餐廳剛巧提供下午茶套餐，頗為便宜。餐廳採用手機掃描二維碼去下單，方便又快捷。下單後，可以去自助取水區拿取清水及免費小前菜。約十分鐘後，食物陸續到達了。📌E3 套餐 - $36酸辣粉 （微辣）配 鍋巴土豆 及 飲品酸辣粉的份量頗為大碗，男士也絕對夠吃。酸辣湯底味道十分濃郁。筆者點了最低辣度的微辣，仍然吃得血脈沸騰。順便一提，餐廳的菜式和飲品的味道相對較為重和濃味。鍋巴土豆（炸薯仔）即點即炸，新鮮熱辣，外皮脆口，裡面頗為軟綿綿。旁邊還有一小盤茄汁（蕃茄醬），和炸土豆同吃，更為美味。。白玉酸梅湯當天天氣炎熱，所以點了一客冰凍消暑的白玉酸梅湯。酸梅湯用外賣杯盛載，喝不完可以拿着走。📌F3 套餐 - $39蔥油拌麵 （免辣）配 脆皮大餃子 （免辣）及 飲品朋友則點了一個不辣的蔥油拌麵，怕吃辣的食客也不用擔心。拌麵份量十足，滿滿一大碗，蔥油和醬汁的份量也充足，不會太過乾。 飽滿的脆皮大餃子有三件，炸得香脆又可口。。醬香滷牛肉小鍋冒菜湯底：醇厚骨湯 （不

依間麵店好抵食，50 蚊唔駛就可以食咁大碗飯 / 麵🤯🤯。酸菜滷肉飯好多滷肉，啲滷肉汁又多，用嚟撈飯一流🤗。啲滷肉汁唔會太鹹，幾惹味。番茄湯有好香濃番茄味😋😋。隻雞啲雞肉好滑嫩，唔會燒到好乾柴，雞皮都炸得好脆👍🏻。脆皮大餃子唔算好油膩，餡料多，每啖都食到啲餡料，漲卜卜嘅外型好吸引😍😍。蔥酥骨湯抄手都唔錯，估唔到依嗰價錢有咁多抄手，好似食極都唔完咁😌。仲有多款特色小食、甜品可以揀，味道都好好，CP 值超高！🍽酸菜滷肉飯: HK $38🍽️蔥酥骨湯抄手：HK $42🍽️脆皮半隻雞番茄湯麵：HK $49🍽️脆皮大餃子： HK $19🍽️炭燒腿肉串：HK $17🍽️琥珀冰粉：HK $18

經開黃埔睇醫生，見奇趣天地對面新開呢間就試下。食完再上網查下先知，原來呢間係內地以重慶小面為主打既川渝風味連鎖品牌‼️係內地已經有300幾間分店‼️黃埔呢間係佢地開喺香港既首店‼️一入到嚟就好香，係好地道既麻辣香氣。店面都幾大，入面座位好多！枱上面有QR code,scan qr code點菜同時要用alipay/wechatpay俾埋錢，如果現金就要叫人落單。有小朋友或者唔食辣既都唔怕，佢地有不辣推薦。🍅🐮🍜蕃茄牛肉麵晚餐套餐價，連飲品，$54咋‼️唔辣的，湯底超濃蕃茄味！都有幾多菜，牛肉係用牛展，唔厚，但都有幾片。麵質彈牙既。連埋野飲，呢個價，好抵食，無得輸！🐣🍜脆皮半隻雞麻辣小麵辣度可以選微辣/重慶味/霸道辣/魔鬼辣，係一份脆皮半隻雞另外一碗小麵，小麵有豌豆、榨菜、芫茜，保守咗啲叫咗微辣，感覺唔係好夠辣，雖然都係會食食下出汗，鍾意食辣嘅話建議嗌辣d😆🔥豌豆好香脆，脆卜卜，係呢個豌雜麵嘅特色，面有韌勁，幾好咬口，面質不錯👍套餐價$56，都係嗰句，呢個價無敵！恩物‼️😂🤣🍡炭烤腿肉串豪少少加個串(講緊都係十幾蚊🤪)用既係雞脾肉，有照燒/芥末/麻辣味，照燒味甜甜地唔辣，幾好。飲品要左檸檬茶同白玉

作為黃埔之友，新開了內地網紅店「遇見小麵」又怎能錯過呢！今晚放工就過來品嘗一下重慶地道美食😋晚上7:30依然非常多人，可見受歡迎程度😁 主打川渝美食，價錢大眾化而且味道正宗，絕對不能錯過！🍜紅碗豌雜麵鎮店招牌菜式之一，選用了18 種佐料，完美還原重慶秘製油辣子，香辣不燥，而且份量非常多，半碗都是料！有四種辣度選擇，重慶辣比想像中少辣，下次可以上一級試霸道辣👍🏻 有伴麵和湯麵兩款，伴麵就比較乾香，攪拌後佐料和麵混在一起更加滋味😋🍲虎皮鳳爪小鍋冒菜另一款常見的重慶小食，將蔬菜和肉放入辣底料湯汁中燙熟，入面有豆皮、薯粉，少辣麻香非常惹味，而且鍋子有爐㷫住，更加有風味！🍢炭烤腿肉串雞腿肉非常嫩滑，燒烤醬汁帶甜幾好味🍢爆漿豆腐串這個出奇地好味，必試推介，豆腐外面炸得香脆，內裡質地絲滑，獨特風味難以抗拒！#遇見小麵 #重慶地道美食 #紅碗豌雜麵 #金碗酸辣粉 #黄埔美食 #抵食 #香港美食 #冒菜 #爆漿豆腐

紅磡竟然俾我發現有川菜！金碗酸辣粉粉條彈牙爽口,加上精心調製的酸辣醬汁,酸香麻辣,回味無窮鍋巴土豆同樣出色！外酥內軟的薯仔淋上麻辣醬汁,一口咬落去實在過癮！環境方面,店鋪大且十分整潔舒適，服務人員也很親切熱情❤️價格上也相當合理，大多數單點菜品在50港幣左右，小食更加$20樓下！確實是一家性價比很高的川菜館😍下次黎紅磡，不妨黎呢間新開嘅川菜！推介遇見小麵📍紅磡黃埔天地奇妙坊(第1期)地下G9號舖

這間位於紅磡新開的餐廳主打口味獨特的重慶小麵🍜餐廳光猛乾淨企理感覺幾開揚 除了午晚市套餐外仲有下午茶餐👍🏻食物飲品配搭好多 就算不吃辣的也有選擇 價錢亦好親民✨脆皮半只雞＋大餃子＋飲品秘制脆皮半隻雞先滷後炸🐔新鮮炸起熱辣辣 炸得皮脆肉嫩帶肉汁好入味🥟餃子夠大隻外皮煙煙韌韌餡料夠飽滿🧋飲品要了白玉厚椰乳 白玉似仙草滑嫩口感 椰香味濃郁好解辣✨蔥油拌麵＋雞排＋飲品蔥油拌麵不辣的🍜麵條粗身口感煙韌 不算太重口味要趁熱食 加入自助區的炸豌豆及酸辣豆角更惹味😬配上炸得酥脆不油膩的原味酥脆雞排 下午茶來講都幾豐富👍🏻飲品要了凍檸檬茶帶微甜 已經預設甜度🍋✨醬香滷牛肉小鍋冒菜冒菜一整鍋連熱爐上♨️要了滷牛肉加雞肉脆骨丸子 麻醬香辣口味 辣到可以選擇要了BB辣 味道鮮香麻辣好惹味😍配料豐富有魚片丸🍢金菇 豆皮🥬菜同有勁道的薯粉🥢📍遇見小麵 (紅磡)紅磡黃埔天地奇妙坊(第1期)地下G9號舖