影片
以上資料只供參考, 請與餐廳確認詳情
明明香港嘅食肆都話唔夠生意做，但係國內嘅餐廳老闆似乎就對香港呢片土地情有獨鍾❤️ 除咗商場旺舖開咗唔少國營餐廳，最近就連民居一帶都會搵得到😅 #小秘書 呢日就比打扮得紅噹噹嘅重慶麵店「遇見小麵」吸引住👀 點知…. 打開餐廳大門，發覺呢間麵店同一般國營餐廳大有不同，冇人主動過嚟招呼不待止，就連眼尾都冇人哨吓我😆 不過反正當時大把吉位… 就等我自己顧自己啦😅😅 掃上枱上嘅QR code，終於搵到餐牌，食物選擇唔算太多，幾乎就只係有 #重慶辣湯 同 #蕃茄湯底 兩個選擇🤪 不過嚟得幫襯，梗係要試吓佢哋馳名嘅重慶湯底啦！心多多嘅我，最後揀咗個 #超級碗（餐牌上嘅解釋係 #多拼澆頭麵）套餐… 我估即係咩都有啲嗰隻啩，啱晒為食嘅我😎🍜超級碗 - 講到咁勁！但係原來碗麵嘅配料就只有豬肉片、豬大腸、滷水蛋同埋一啲鹹菜😅 先講個麵底，師傅似乎煮得未夠徹底，成堆麵揦埋一柱之餘，一夾起嚟已經聞到有勁大陣「豬腸」嘅「獨有氣味」😅 加上湯底唔夠熱，亦食唔出重慶嘅香辣風味😅😅 🥥凍白玉厚椰乳 - 杯飲品冇乜特別，除咗有少少椰奶味道，杯底嗰層「白玉」就好似啲無乜味道嘅果凍咁😅 可以不試！雖然$69個麵餐唔算得好貴，但係味道不似預期之餘，服務都爭咁啲😅 Hmmm… 我諗短期內都唔會「再見小麵」㗎喇🤣🤣📍 #遇見小麵
繼續閱讀
我在下午三時許光顧，地面滿佈垃圾，很多張枱面沒有清理，自助枱面污糟邋遢，想找個服務員問都沒有，叫咗個安格斯牛肉飯啲飯冇味，一間開業不到一個月嘅食肆咁嘅情況，真係令人懷疑他的管理是怎樣？
繼續閱讀