逸逸居 (嘉湖海逸酒店)

營業中

休息中

5月18日家庭5人聚餐, 點4小菜+上湯龍蝦伊麪，睇到第一道龍蝦伊麪已經反眼，食落覺得蝦肉是霉的，伊麪似水煮唔係上湯，已經冇乜胃口，跟住金沙骨就乾到似條柴咁，啫󠄁啫生菜就過得去，冇乜特別，跟住叫左白飯後其餘2個小菜就等好耐都冇上，飯都凍晒，吹左幾次都上唔到，等左好耐先上左一個菜，5個人對住一碟菜，都冇晒癮，但其他枱嘅菜一直不停咁上，即係hold住我地嘅單，先做其他客人，難道我人少好蝦d 咩，直到我話要取消張單先上埋最後一碟小菜，大家都冇晒胃口，極之冇瘾，飯都唔食就走，影響晒我地嘅心情，呢間嘢極不推薦，連新北江商場小舖嘅師父都好過佢多多聲。

網上見到下午茶點心叫3送1，大中小點同價，吸引我去試。下午茶點心選擇多，比較富x多。勝價比高，味道唔差。3個人星期六叫了12個點心，都係$254。每人唔洗一百蚊，抵食。

舊時中學住天水圍，約埋成班中學同學食飯，搵番天水圍就近大家方便，一行6人。店舖位於酒店1樓 但同商場通連，所以我地由商場入口進入，場內環境係長條形，還好不算太老舊，但同地址標為酒店期望上有少少落差，但不過不失的。酒店進的門面其實係靚的天花裝飾掛了好多白色波波，在裝修上其實見到有花過心思，但相信保養得比較不佳。容器及用具沒有太整潔，用茶洗洗勉強湊用還好，菜單價位跟民生酒家差不多 所以唔要求太高了💬 某些大品牌連鎖式差不多的心態吧因為大家都唔打算食太多，所以大概叫了7道小菜，真正嘅評價於此啦宮保雞丁像是沒有調味，同想像中出入都好大… 似家庭主婦餸…薯仔牛柳沒有鑊氣，汁掛不上，又係似屋企煮一樣… 菜料算新鮮搭救..小炒王呢度菜好講功架同鑊氣，但呢道可以話完全無，以為用電磁爐煮食，真係唔應該係酒家或小炒館嘅出品…醬燒雞呢道菜算係相對正常，雞肉稱不上嫩，但絕不鞋口，正常發揮

一上菜見到碟蝦餃皮爛晒🙂‍↕️見到都唔開胃咁基本嘅菜式都做到咁樣如果唔係近都唔過嚟食腸粉皮都未蒸熟，入面啲皮好黏滑係滑嘅，但係可以再蒸熟啲其他菜式就還好有待改善

很少很少寫差評，幾個員工服務態度極其惡劣,好似欠咗佢哋成家一樣,貼錢買難受,簡直不知所謂。胡亂入單,明明只叫老鼠班,被改成加多一條東星斑,好彩及時發現,否則被劏到成頸血！！

依間酒樓由於服務欠佳，好耐都冇去過啦。今次再嚟發覺啲食物好食咗，以天水圍酒樓來講呢間都算抵食。午市特價迷你粉麵飯，價錢減半，但份量依然大大碟，抵食！蝦餃，燒賣都好食。座位編配都好咗，多咗二至四人枱，入座時間都快咗。見二人都唔使搭枱，而家好少酒樓咁做了。但係服務依然欠佳，大部份員工都遊手好閑，愛理不理。水壺冇水，好耐才有人換水，普遍行過都當睇唔到。又見好多客叫人都當聽唔到，行過就算。如果啲服務個個好似男店長同金俞咁，依間酒樓絕對值得幫襯。另外佢哋個apps落單就神神化化。經常亂跳同出2件要小心落單。好處係可以即時check住啲落單同價錢。

我和家人到這裡飲茶，可能肚餓關係沒留意午市特價紙，吃了特價点心，蒸魚頭沒刨鱗、又腥吃不落口，其它点心還可以，到埋單先發覺特價仲貴過正價，跟收銀理論她還說你自己沒睇清楚，找店長，知客又說他不在，真的投訴無門，吃下一肚氣飽了，以後可以不去這裏飲茶，真不知還有多少陷阱收費

中哂伏，晚市小菜。叫左個龍蝦一斤兩両+脆皮雞半隻套餐，隻雞營養不良，瘦到無肉，齋食骨。個龍蝦一黎攞麵墊底，得幾両龍蝦肉。問左經理，佢話為我地攞隻一斤二両龍蝦再煮，唔要麵，第二輪煮左出黎，隻蝦咸到苦。索性取消算數了。揚州炒飯，飯生骨，大人小朋友食不下。叫一條沙巴魚，$238/一斤多，又係瘦到無輪。叫一碟蒜蓉炒白菜，$118，份量似街市$5一碟。叫佢換先加多少少！無論環境/味道/份量，每樣都惡劣。唔會再去！

星期一和家人一起去嘉湖置富商場二期逸逸居飲茶，環境不錯，可能星期一嘅關係，所以無需等位直入就可以攞到一張四人枱！但奇怪的是，當我哋攞咗枱號去到指定臺的時候，竟然有一位伯伯已經坐在這裏，那我就將我的枱號紙給他看，他立即起身走了，証明一些熟客走進酒樓，看到沒看空抬就自己坐下，希望逸逸居應該加強管理哪些不守規矩攞枱的茶客！服務員好快就幫我們開咗普洱茶，我哋亦都見到有好多特價點心，其他點心我就不介紹啦，我只想推介呢度有特價乳鴿38蚊隻，皮脆肉嫩值得一試！更加上這裏有我最喜歡嘅芋角！真的不是每間酒樓都有芋角供應，你喜歡這兩樣食物嘅，就可以來試試！其他點心質素亦都算中上，如蝦餃，燒賣，腸粉等；雖然服務員人數不多，但服務都仲算周到，要舒適地享受一個午餐，逸逸居真係一個幾好嘅選擇！

今曰點外賣平台的脆皮雲英燒雞餐$158這套餐真不欺場！真係有全隻脆皮雲英燒雞！雖然切開兩半，没有斬件，但雞皮又薄又脆，皮下沒什麼脂肪，雞肉入味又嫩滑，即使是雞胸也不鞋口，真係幾juicy,正！魚湯浸菜看似很素，但魚湯幾鮮美，白菜浸得軟身但保留蔬菜的爽脆感。揚州炒飯真有鑊氣，而且有爽彈蝦仁、叉燒、脆肉瓜和炒旦，味道香口，飯粒軟硬適中，粒粒分明，也不會太油膩，幾滋味。這家店在天水圍來說，真係十分不錯。

經過見到特價的黃金軟殼蟹吸引到我 黎到熱辣辣的 好食！但係同場嗌左蘿蔔牛腩 黎到舊舊都帶厚皮 睇落已經唔太開胃之後咬落一陣味 用筷子了多兩野 睇落似係羊腩 但係樓面又堅持佢地冇羊賣 係一個謎 但難食係改不了的

今日同屋企人去咗中式酒樓食飯，我哋叫咗個馬拉糕同埋乾炒牛河，食物不錯，份量好夠，唔會細細碟，食到好飽，而且乾炒牛河係即叫即整，熱騰騰的，好有鑊氣，所以個乾炒牛河係一流，至於個馬拉糕，都係即叫即整，放到上枱是噴煙，熱呼呼的，而且質地很綿，所以呢一間嘅食物有保證，只要環境方面，更加係舒服好楚，侍應服務很好，會好有禮貌的對待，覺得自己是貴賓一樣，例如叫佢拎一壺水，佢會即刻到，非常主動熱情，而且有笑容，我覺得呢個好加分，做服務行業最緊要係服務，呢度冷氣都好夠，唔會太多人，好擠迫，反而係好有空間，覺得傾偈都有私隱，所以我覺得呢一間好適合一家大細嚟食飯，下一次都會再嚟，值得推介俾朋友！而且地方位置在銀座站，一落車， 1分鐘就到呢一間酒樓，所以呢一間係非常之受歡迎！

環境尚算可以，餐廳位置酒店樓下食物唔熱不特止，又冇嬰兒坐位，冇安全帶嗰隻泊車仲要冇優惠又唔講清楚比人知，等人買單去問佢先話冇價錢同食物不成正比，小到爆，疫情期間求其想搵間中菜來慶祝生日，但真係食到出火一定冇下次

大家如果好少入大西北，應該未必知天水圍有咩酒樓好食，今日就講下呢間位於嘉湖銀座商場既逸逸居，如果去開濕地公園可以試試啊！乾炒牛河多數都係好油膩同好鹹，今次呢碟牛河味道適中，唔會過鹹過淡，整體有少少濕，未去到好乾身，牛肉係冰鮮，但都處理得幾好，份量足夠，以酒樓乾炒牛河黎講100分佢都有75分啦，比較可惜係蔥段較少，韮黃欠奉，而佢用左紫洋蔥，缺少左白洋蔥既辛辣味，味道亦較甜，從而影響左整體味道。蝦餃燒賣呢度午市同下午茶時段會有$10.8一盅2件燒賣或者蝦餃，即叫即蒸相當新鮮，平均$5一粒蝦餃你唔會預佢有拳頭咁大，但係佢大細適中，一啖一粒，咬落去有鮮甜味，肉質彈牙，而燒賣亦有油香，兩者性價比都十分高。蒸排骨大大粒有肉有骨，係一個出色嘅肉排，亦都係傳統嘅港式做法，用鬆肉粉醃過，相當爽口，不知不覺間一粒接一粒。鮮蝦腸粉既粉皮太厚有少少黏口，記得以前食過係好好食，今次原完全唔同左，另外鳳爪蘿蔔絲酥就一段。之前食過馬蹄糕同煎堆都好食，推介！

係收銀比錢位置有菜單「陽洲炒飯」，跟住係燒味部小食位置又有「陽洲炒飯」，但分別係$58與$38，不經常去買就唔話比客人知，到我發現問回話兩個部門大家唔知大家賣咩，咁而家我知道，就問返，仲係度大大聲聲話係咁架，好啦咁我就攞電話出嚟影，再問多一次係咪唔處理，之後就叫左個經理出嚟，個經理話咁想點就點，嘩，我話咁退錢食都唔想食啦，經理話咁而家退番20蚊啦！