連和燒味餐廳

是夜經過見佢仲未收鋪，就入咗去食咗個油雞燒鴨飯，講真，我覺得個飯冇乜問題喎，就連嗰幾條菜心都唔錯，又唔似之前有啲食評講到咁差。公道啲講，去咩地方，就用返乜嘢水平去評論，呢個價錢，呢個質素，正常喎我覺得，俾佢更好食嗰啲，就唔係呢個價錢啦! 😆 (我絕對唔係打手，只係一個鍾意食燒味飯嘅人😄)不過最令我失望，就係薑蔥油! 😩 淮鹽太多，極度鹹，完全唔可以享受得到薑蔥嘅味道！希望店主可以正視一下，換咗供應商又好，自己整好啲又好，唔好敗咗喺配角上，因為配角都會令人唔再返轉頭食！…查看更多

入邊d阿姐好似個個唔優做咁樣，其實過嚟買嘢啫，唔使下下俾你鬧嘅，你唔想做嘅可以唔做嘅，酸梅醬另外俾錢都算啦，加咗錢都冇俾到，問過姐姐攞返佢仲鬧返我轉頭，話佢點知你加錢，咁你自己睇單執嘢，你冇俾到問返你攞，仲要俾你鬧，咁我真係唔知我究竟做錯啲咩啦！唔知你就唔好咁惡啦，問你兩句好似爭你好多錢咁，其實唔明我都係去食嘢啫，點解要俾你攞嚟出氣？唔會再食囉服務態度差到爆，真係不知所謂，去食嘢仲要一肚氣，唔會再幫襯…查看更多

真係忍無可忍 可能我下午茶時段買平啲啦 次次叫肥叉飯 都因為佢比既叉燒好瘦好難食 由其有個紮馬尾女人斬既真係一舊都食唔得落肚買個飯 當係乞食咁 今舖柴到乾屍咁忍無可忍 有圖有真相 只想食過安樂茶飯姐 其實洗唔洗咁 ？ …查看更多

成日經過諗住幫襯下，叫左個燒鵝飯，我見到門口寫$90，之後佢就話冇呢個價錢，跟住我就問佢有咩好食，佢介紹我食燒腩加燒鵝，就話$95連杯嘢飲，仲幫我寫咗係食燒鵝胸會多肉啲，幫我買完之後我拎返公司食，一打開我忍唔住，即時打返去呢間舖頭度同佢講，問佢個價錢先，佢同我講係$50 ，但後來又話$90，佢一路話要收線，又話幫你對單，留左電話都唔會覆，呢間野，唔會有下次，唔好再幫襯…查看更多

林住行開經過想買舊叉燒番屋企加餸，點知買之際個阿姐態度極差😤我點知你點賣姐，唔知以為我得罪你，真係激到一肚氣😤你甘樣既態度我一定唔會幫襯你囉，你簡直倒你公司米差差差差差…查看更多