通記麵食專家

營業中

休息中

之前試過通記的爆汁牛丸和鳳爪，牛丸超级脆，汁液在口中澎湃著，美味可口，鳳爪淋滑入味，今日路經通菜街，又唔想食飯，便行入通記，坐低就叫咗個牛腩撈麵和芥蘭。當時正是午飯時間，店内都非常爆，通記在女人街頭都開咗幾十年了，店内裝修頗為殘舊，大蓋有七八將枱啦。牛腩撈先到，五香牛腩蓋滿了半個碟，色澤鲜明，麵底金黃，沒有梘水味，加些荔枝醋，味道更好，軟硬度適中，不油脷，但略嫌有些過醎，$45 一碟五香牛腩撈麵一定係用雪藏牛肋條啦，没有牛味，但炆得剛剛好，有咬口，跟麵碗湯也略嫌過醎。這碟牛腩撈，麵好食過牛腩！油菜灼得剛剛好，青青綠綠其實通記出名在魚蛋粉、牛丸和鳳爪，外賣片頭魚片，約要$200一斤比别店貴一倍多，只不過一般人喜歡吃牛腩牛筋，貪佢濃味又飽肚。此行吃的五香牛腩只是一般般，吃新鮮又有牛味的都係清湯腩好些。

近排經常睇谷友介紹，今日專程過嚟，點知原來係無牛什⋯咁我叫左牛筋米，湯頭我感覺淡左D，牛孖筋好冧，但米粉好似有D硬，多幾秒效果應該更好⋯最後學谷主話，加多兩滴辣椒油，嘩⋯ 不得了，效果味道馬上提升⋯#通記 #旺角

讚1.食物水準係保持到，炸魚皮香脆唔油膩，魚蛋河既魚蛋有魚味又唔會過鹹，河粉滑身又唔會碎晒咁，辣油落少少已經好香，整體都有水準2.環境以老字號黎講，保持得幾企理彈無乜

每次出旺角，就算不覺肚餓，有些少時間都過來幫襯這老店，我細細個都已經好鍾意食呢度嘅墨魚丸同魚片頭，墨魚丸好彈牙有咬口真材實料，魚片頭也不錯，配上河粉，十分美味，成廿多年，質量依然保持到，湯底也真材實料，有鮮味，再落少少這裏自製辣油，簡直一絕，這裏辣油都十分辣，落少少吊味就可以了。但近十年自己轉食得清淡些，就覺得丸稍鹹。入來食應主要求美食，不會要求舒適環境，都是老香港粉麵檔口模樣，店內衛生也可以。價格合理，份量不小呀。

這是一間老麵店，已經幫襯過好多次，食物和服務都很好，舊式裝修，今日又引起，回味傳統港式麵食。牛孖筋河粉$55牛孖筋份量好足夠，含豐富的膠原蛋白質，對關節同皮膚都好😆。牛孖筋入味夠腍，彈牙爽口，件件厚身大舊有口感。河粉幼滑，腩湯甜美可口，飲完唔會口渴。🔥鍾意食辣嘅朋友一定要試佢自家製嘅辣椒油，我呢到落咗半茶匙，已經辣到飛起，情況係由咀唇辣到入喉嚨。蠔油芥蘭$15芥蘭翠綠甜美，清脆爽口，超好味👍。

我要準時收工，獲獲唔收工唔開會，收工係我私人時間黎架！全晚行程取消，淨係夠時間剪頭髮！婆婆拖地都好兇狠喎，不停掃人腳掃檯腳，我差一點就笑出黎喇，嘩哈哈！明明坐低時得小貓三四隻食客，轉眼不到 5 分鐘幾乎坐滿，您地唔好跟住我啦！無人敢埋黎同我搭檯。忌廉汽水，有趣地全場都飲忌廉，通記指定汽水嗎？臨埋單前終於有個白色肥仔飲可樂。沒有大支裝，好事成雙！操完拳非常頸渴，坐低一啖已飲掉一支。蠔油菜芯，老闆是否自己種菜架？芥蘭生菜就連菜芯都爽甜至極，嫩嫩多汁水潤，熱燙燙食到完全停不下來。紫菜八寶麵走蔥，雲吞、魚蛋、片頭、魚片、牛丸、肉丸、魚皮餃、墨魚丸！全部甜嫩滑鮮甜美可口，無法挑剔。柱侯牛筋腩河，唔係我大食，怪您過份細碗，好事成雙最少嘆兩碗！柱侯牛筋腩撈粗走蔥，突然覺得同大埔魚滑味道質素一模一樣喎。牛丸皇柱侯牛筋腩撈粗麵，招牌頂級牛丸皇無人能及，爽彈爆汁牛肉味醇美濃濃，牛丸皇堅多肉汁牛味濃略爽彈。柱侯牛腩幾乎跟大埔魚滑一模一樣味道，而且鬆軟棉棉不乾硬又無渣，味道香甜濃厚。牛筋膠黏滑棉大愛，膠膠滑滑兼爽口，爽爽牛筋膠黏牛筋。牛腩入味鬆乾又無渣，清湯香甜可口。粗麵充滿彈力，清湯平平無奇。每一啖麵都沾滿

放假去旺角買d烘焙野，上網見到呢間既牛丸好出色，咁岩經過就黎試下。講真第一次經過門口時我係有d卻步😂因為店面望落比較舊，睇落好似唔夠乾淨咁。係條街行前多幾步睇下仲有咩選擇，最後都突破左自己入黎幫襯。😆入到黎發現無我想像中咁污糟，只係殘舊左d🤣真係唔可以以貌取店呀！係傳統懷舊既麵檔！呢到d丸都係自製，見牛丸有個皇字就梗係試牛丸啦🤩牛丸咬落去係好juicy，有牛味!!有驚喜落左佢d辣椒油都幾辣下牛腩略嫌碎左d，但入味，夠淋！望落細細碗食完都幾飽下，好可惜試唔到佢地既自製炸魚皮，希望下次有炸啦！下次黎等我試下其他丸先！臨走仲買左半斤牛丸皇返屋企，$60半斤。

出開旺角，想食魚旦粉果類，但又唔想食啲通街都有分店既，上 openrice 是但搵到呢間，好簡單既 menu，對手打牛丸同埋魚旦有興趣，醒起自己唔應該食太多澱粉質，所以要淨丸再加碟菜算了，朋友就叫牛腩撈粗。淨雙丸 $40 都幾抵食，牛丸真係真心幾正，出面多數都係普通行貨，但佢呢度既真係好有彈性，一咬開仲會見到牛脂，仲會好多汁咁噴出去，彈到朋友件衫，哈哈🤣不過略嫌味精有點重手，而魚旦更加係重味精，食完都有啲口渴咁試左一啖朋友叫既牛腩，好香好淋又入味，都幾好食

大概兩點幾到無乜人。 叫咗牛丸魚蛋米($40)。 牛丸係粗牛丸，口感味道都唔錯。 魚蛋有魚味，唔會太多粉,但少量碎骨。 兩款丸都得出佢哋自己用心做。 好多時食魚蛋粉d丸都係外面攞貨， 呢間有誠意自己做，值得支持。 湯頭方便，清清地ok啦。餐牌寫係用豬骨同大地魚煲。米粉都夠滑，唔會碎濕濕。食完有少少口渴，不過可以接受。 唔太sure係啲丸定係啲湯落咗味精。門口有位婆婆負責收錢，應該係老闆媽媽。 呢d家庭式小店越來越少， 而且價錢親民， 大家多d支持下!

有人話香港好難搵到好食嘅牛丸，我話好易啫，去通記就食到，絕不是宣傳通記嘅牛丸絕對冇老點你包你食過返尋味淨係評牛丸啫，其他野我未試過，不予置評首先講講呢度嘅辣椒油，同坊間一般粉麵店嘅不同，通記嘅係自家製，冇味精，聞落去係好香，食落去好辣，唔係好食得辣嘅師兄點之前要諗清楚牛丸河$35 佢啖湯都正，飲落順喉，話係豬骨同大地魚做湯料通記嘅牛丸係爆汁架，食落去彈牙之餘係好有牛味同油香，唔知打個陣落左啲咩加埋啲辣椒油簡直絕配可樂$10支

我係一個粉麵控，最愛周圍食粉麵，而通記係我最愛嘅其中一間。餐牌上所有嘅食品我都試過，但要揀我認為最好食一定係豬手撈麵👍麵夠爽、豬手夠䭃又夠入味😋 食粉麵喎就當然唔少得佢呢度嘅噴火辣椒油啦亦係我最欣賞之一、無得頂大家出開旺角一定要試吓

難得有個星期五同朋友一齊行街，行完肚餓，朋友提議呢間。嚟到門口，好熟悉嘅感覺。入到嚟回憶番哂黎，以前放學會黎女人街食個下午茶，呢間係其中一間，原來已經咁多年無黎。價錢當然會變，但都係合理。我叫咗魚片頭麵，魚片頭唔係譚仔個種彈，但係更入味。麵嘅鹼水味唔勁，相反算香，唔易斷，但係非常q。嚟到牛腩麵，入口即溶，但夾起個下唔會散，而且好多，絕對係超值。呢碗不得不介紹，係超彈牙又juicy嘅牛丸。湯頭豐富，有魚味，飲一兩啖都不錯。佢嘅自家製辣醬不得了，小小非常辣，但好惹味，如果喜歡辣嘅朋友一定要試。本來都食到啲，食完之後有啲口渴，相信都有加到味精。整體都唔錯，每人都係60元唔駛，但好滿足。

幾年前無意中發現😍就已經愛上了，每次經過旺角都會心思思去食，大家如果怕食麵太飽可以㸃淨餸，而我自己就一定會㸃牛丸食。🥢🥢🥢🥢🥢小時候，我外婆家住在汕頭，我同媽媽放暑假便前去棎望，我外婆就會煮很多佳餚給我們品嚐，😊而我最喜歡就是食汕頭牛丸。汕頭牛丸咬下去、多汁彈牙又鮮甜，而通記的牛丸好似我外婆煮的味道，👍🏻實在另人回味。😘🥰👍🏻🥰🥰🥰👍🏻👍🏻👍🏻店的裝修一般，但其實內有乾坤💕有實力的👍🏻👍🏻👍🏻店內還有墨魚丸丶魚蛋魚片巧手自製🥰🥰🥰🥢🥢這就是我最愛的淨牛丸💕💕💕🥰🥰值得推介比大家🥢🥢🥢🥢🥢牛肉丸真是肉汁鮮味又彈牙😊

間鋪近亞皆老街方向既女人街舊式小店， 唔會有靚裝架啦。坐位真係麻麻。今次叫左雙丸河，40蚊， 一款丸就35。但係都係得5粒。啲牛丸好香， 好足料，好有牛味， 彈口。 墨丸都好有墨魚味。之前試過佢啲魚皮， 麻麻地。提提大家， 辣椒油好辣。

常常都會出旺角的我們，好常到通記！因為通記的牛丸是全世界最好味的！如常地，我們不會揀正放飯時間，多數都是三點打後，不會無位！雲吞米 HKD 30.00因為某種原因，未能食牛！所以有選擇困難症的我，揀了雲吞。一碗米粉，有五粒大大粒的雲吞，每粒都用粒十足，有大大隻蝦在裡面。加上通記的勁辣辣椒醬，相當惹味！牛丸河 HKD 30.00名物牛丸是必食的，這碗是肥膏的。當然牛丸保持一貫水準，爽口彈牙！又好重牛味！六十大元解決一餐，雖然不是好夠飽，但大滿足！