農米莊

營業中

休息中

同事強力推介，今日午餐見冇乜人，便入去一試。侍應冇乜禮貌，我問：「湯同飯可唔可以分開上？」侍應晦氣地回：「你鍾意咪分開囉。」算，等主食。菜來了，雞冇味，湯唔熱，飯亦都硬。除咗雞都算滑之外，完全冇回頭嘅意欲。

叫左二碗湯麵，兩碗湯麵都轉晒雞髀，一碗薯粉一碗竹升麵。來到啲湯係唔熱嘅，其中一碗雞髀裏邊只有三舊，其中一舊會無啦啦出現咗雞胸。立即投訴，服務員都肯同我換過另一碗。但之後啲湯都係唔熱嘅，竹升麵只有兩三啖，入邊嘅配菜都係好零碎。再叫多一個黃金皮蛋，普普通通冇咩驚喜，黑松露芝士墨魚餅，呢個都唔錯。最離譜嘅係，燒三文魚鰭，真實同相中裏面出入十分之大，零零碎碎，只有骨，唔多見有肉。同個服務員投訴，佢只係敷衍答我，來貨係甘，燒完後就會縮。我話食唔到退咗佢，咁佢最後咪都退俾我。唔會再有下次幫襯

今日試芫茜雞湯轉拉麵配凍奶茶走甜, 等左一陣先來凍奶茶走甜, 之後來芫茜雞湯拉麵, 好多芫茜, 再試啖湯, 個湯好綠色, 飲落好似芫茜水🤣, d雞依然好滑😋😋, 拉麵浸湯好好味😘😘份量好足夠, 再飲凍奶茶, 可能走甜帶不到奶味, 飲落有d苦, 但自己也接受😚😚家人要黑蒜雞湯拉麵配凍奶茶少甜, 另加黑松露生菜螺片的小食😋😋家人說黑蒜湯也不錯

藥膳湯非常夠火候很香！(推薦藥膳雞湯飯)~ 飲完都吾會覺得口渴(椰子雞湯湯非常濃郁)雞肉剛剛好沒有過熟的情況~ 飲完都吾會覺得口渴~旺角地區~價格都叫合理我個人好中意食

今日又來農米莊, 想清d, 叫左椰子雞湯轉拉麵, 配熱檸蜜, 由於仍然是午餐時段, 價錢會優惠少少, 我覺得同平時散叫的分量差唔多, 等左一陣, 先來熱檸蜜, 稍後再送來椰子雞湯拉麵, 今次記得走青😅, 先飲啖湯, 唔係好肥好油, 好清甜👍😋不過就唔係太飲到有椰子的味道, 再食拉麵, 好味😘, 唔會好淋, 一啖麵一啖湯, 胃都會暖d😍, 再食舊雞, 唔會感覺好肥, 亦唔會好鞋, 不過我照都會咬左塊皮唔食🤣, 整體來講, 九龍區唔洗60元的午餐有埋野飲, 都算唔係好貴, 雖然唔稱得上好抵食, 但份量會比一碗魚蛋粉多, 亦高質過x記粉麵的套餐, 值得去食, 不過個人覺得太子店比較好味d😋

今日去開金魚街買寵物用品，俾我屋企果2隻寶貝，行到咁上下見有啲肚餓，就諗住搵間餐廳食吓野，但係又唔想食茶餐廳….經過見到一間米線舖，寫住可以連湯都飲埋，就諗係咪咁正呢？就入去試試啦，原來呢間米線店，主打係食雞湯米線，🍜但係原來都有酸菜魚同芫荽皮旦魚米線，雞同魚我都想食點算呢？😅最後我揀咗呢度主打嘅椰子雞湯米線，仲跟個藤椒魚皮小食，咁咪滿足晒兩個願望囉…. 呢碗椰子雞湯米線，同平時飲湯嘅有少少唔同，但係配埋雞湯又有另外一種講唔到嘅清甜口味，真係可以連湯都飲埋😳係幾好食!個藤椒魚皮又有驚喜夠爽仲有少少香辣！絕配⋯⋯

呢間米線店原來係寵物街都有分店，唔係落開嚟買嘢，都唔知….平時收工喺尖沙咀食開，我每次食親都係食椰子雞湯米線，因為每次佢個椰子雞湯米線，唔知點解飲完之後好想又好快想再食，所以每次都係食埋同一款米線，但係近排天氣凍轉天氣，好想食返啲藥膳嘅嘢，所以今次我就揀咗個懷舊藥膳雞湯米線試吓，碗米線一到張枱已經聞到陣陣嘅藥材香味😍配料仲有蟲草花同杞子，同川弓!未食就已經感覺到非常之滋補，第一啖湯飲落去就已經好有藥膳味道同米線好夾，啲雞仲好滑👍🏼食完碗米線再飲晒啲湯！相當滿足…. 呢碗米線，簡直係冬天恩物！😊

今日去金魚街的分店食, 都係叫番藥膳雞湯配拉麵, 想要南瓜佢話無😅, 加左個唐生菜👍, 來到先飲啖湯, 好似都係無初初食的時候, 敢濃藥材湯的甜味, 不過好似比豉油街分店好, 食啖拉麵依然ok, 紅棗蟲草花杞子好味🥰, 食件雞好滑唔肥😍, 不過我本人不食雞皮, 所以咬掉了, 亦忘了叫人走蔥, 唯有自己倒起😅份量十足, 一定夠飽, 不過地點方便, 價錢不算貴, 都可以試下無妨

之前食過，湯底比鼓油街店淡，雞肉嫩滑，抵食的。可惜服務態度差，今次再去雖然有吉枱，有個男的中年人店員指示一定要去四人卡位搭枱，實在太迫根本坐不了，不理他自行坐去吉枱，他就一路抹枱一路將雞骨掃向座位。叫另一個老女人來落單，一直不理你玩手機，三四次才過來，態度已經好差，叫了兩碗米線，就問我們叫不叫飲品，我們想食完出去買奶茶，但她就說「加幾蚊都無呀？」個咀臉真係經典。實在頂唔順，一句問候後離開。去唔去自己決定，反正我唔會再去。

到太子唔知食乜，見到有間米線舖聲稱連一滴湯都飲埋，入去試下。睇到有個新出芫荽皮蛋魚片米線，喜喇沙問可以轉湯底，就轉喇沙，黎到幾香喇沙味，好多魚片好多料好大碗，魚片好爽脆，唔知係咪脆鯇，原來同喇沙湯好夾，米線偏淋。一啖米線一啖湯，真係爭D飲晒，唔涸喉，好味。有D驚喜，見到有椰子又係鍾意，下次試下。

【養生又美味的藥膳雞湯米線】 聞名而來，養生一下。沒有看其他，直接點了懷舊藥膳雞湯米線🍜份量重，一碗大大滿滿的米線，熱氣騰騰的端上，藥材味濃👍先嚐一口湯，足味不咸，很養生的感覺，可以整碗喝下。雞肉連骨，特別嫩滑，雞皮也有韌感，真的不錯。友人點了椰子雞湯底的米線！更滋味，清甜，惹味度比藥膳雞湯更高！下次會續點椰子雞湯！平時吃得較重味，米線也喜歡重味的，不過想偶爾清一點，這家很推薦。 農米莊 (太子)太子通菜街154號地舖

有時加班遲咗返到去都唔知食乜好！又買唔到餸，又懶得煮！喺太子閂得比較晏嘅餐廳就得返佢！所以通常加班就會揀食濃米莊！米線一向都高質，雞非常之嫩滑！例牌我就會點椰子雞米線，男朋友就鍾意藥膳雞米線！我覺得雞比湯底更加好味！平時就好少點小食！今次點咗個醉雞、反而覺得一般，個汁好甜冇咩酒味？小食嘅醉雞冇米線。個雞咁好食！皮蛋就有流心OK嘅！不過餐廳好似得現金俾錢，有時唔係太方便！但係可以開到深宵，搵到間餐廳算係咁！

是日叫左個外賣 冬陰公米線，份量偏細、味道清清地唔似冬陰公。六七十蚊都算啦，但埋單$122，唔值呢個價錢。但蝦同帶子都算唔錯，都彈牙既。整體黎講唔會再食第二次，百幾蚊值得更好。

突登整左個account留個食評。人生第一次寫食評，因為真係好難食。有日夜晚好肚餓是旦揾左間餐廳填肚，本身人肚餓都冇乜要求/期望，擺得落口話得。點知一擺落口話知中伏。湯底完全冇味，清水咁，雞肉更加冇味。藥膳湯底好苦，苦到令人不安，未食過藥膳係咁既味，飲藥水咁。椰子雞湯底就係落椰絲，真係第一次見，椰絲點取代到熬出黎嗰種味。煮嗰啲人一定係有啲反社會人格，正常人冇可能煮得出啲野。最後，評論話好食嗰啲人一定係打手。

下午茶想食米線就入去試試，喺午市menu揀咗個椰子雞湯米線，$48唔包飲品老實講，四十幾蚊對佢要求都唔會好高，但冇諗過椰子雞湯米線係審啲椰絲喺雞上面，唯一好彩嘅唔係帶甜嗰種，唔係真係好地獄撇除椰絲問題其餘都ok嘅，雞件俾咗五六件，少骨有雞味，仲有幾條菜、豆卜（不過係空心嘅😵‍💫）、腐竹、香菇、雲耳。雞湯飲落唔似係純雞湯，食完唔涸喉，味道略帶甜，但可以接受個人覺得對得住四十幾蚊嘅質素，當然都稱唔上好好食，算係不過不失，只係椰絲雞湯米線就不了🤢