辣媽川湘私房菜

營業中

休息中

見佢搬咗新鋪、疫情有好轉去吓先、搬咗去西菁街鋪位大過以前三分二、環境舒適衞生、服務亦不錯、採用電子取票放式可先下戴Apps 預先取票、再去現場就唔洗大熱天時係條街度等位、方便閒時間、而家仲收visa’master 同現金、店舖大了很多位置亦非常舒適不錯、店內還有顯示屏介紹食品、餐牌比以前更加選擇、加了新菜式很好、在門口外還有吸煙位置提供非常貼心、服務態度也專業提升了不少、有專人負責安排坐位、等位時附上餐牌一邊睇一邊等、當然其他員工會整理好位置才讓你入坐、繁忙時間上菜太約15-20 分鐘非常合理、注意喎繁忙時間用餐為90 mins , 今天選了酸菜貴花魚$299條、小食芥茉先魚皮$58、膠原脆豬手$98鹹蛋脆苦瓜$79、至於飲品非常多選擇又大杯、正、我地擇咗冰爽薄荷鹹檸七$33、金桔青檸特飲$33、菜式可自由選擇辣度或不辣、味道非常美味貴花魚非常嫩滑、入面仲有粉絲同其他配料、豬手外脆內軟、味道不錯、十分推介大家去試、連加一每人$230 價錢亦合理、由於今次得3 個人食唔到咁多、下次再去試其他嘢

之前幫襯辣媽酸菜魚麵，已經覺得好食，今日再試埋辣媽私房菜覺得仲好食，叫咗口水雞，味道調較適中啱哂我口味，雞唔鞋夠滑，有時出去其他鋪頭食，啲雞會有雪味同鞋，試咗酸菜魚同水煮象拔蚌都好食，象拔蚌夠鮮味，不過涼麵就普通，飲品有特色兼大杯抵飲

識我嘅朋友都知我鍾意食辣嘢跟呢半年冇得北上唯有留港消費， 之前玩嘅朋友都應該知道有一間係叫辣媽私房菜， 除咗有四川味口味嘅小菜 佢仲有一間分店係食麵嘅不過今次我哋介紹咗私房菜， 而家開咗一間新嘅打算和菜西菁街地方比較點解好多可以坐到好多人嘅環境都好舒服， 今晚我哋排咗大概20分鐘因為係星期日所以比較多人， 秋色好多選擇我哋兩個人其實唔可以叫到太多嘢食， 所以今晚我哋就叫咗一個剁椒魚頭， 味道好濃同埋都夠辣🌶️🤩係我是我嘅辣味菜式之一， 個魚頭都好大隻💖 一個炒椰菜花， 仲有一個冷盤酸辣花甲。-- 2人埋單$428

因為中意食辣就同朋友去試試呢間新開既分店 總體環境和嘢食都ok，，酸菜魚一般，水煮魚好食d，魚皮推介。酸菜豬大腸韌左dd，蒜泥白肉既肉比較嚡，冷麵好食。有一名年輕員工，上世差佢錢咁，一問三不應。眼啤啤。服務態度好差個人衛生方面做的差，落單個捲毛波頭ee過來✍🏻️單盡然半脫口罩，成個嘴完全暴露曬來落單，邊食邊落飲料有漏單情況發生，叫左3個餐，來一杯，後來同佢講，個靚妹仲好冇禮貌咁話，下，差乜嘢？？眼超超，整跌人哋把遮，仲大大聲話，你遮跌左哦過來消費又受氣。做得呢行，好心你態度好d啦。嘢食ok又點。提升下職業道德同質素啦😡

每次在元朗想食辣野一定係諗起辣媽，係屋企叫外賣都唔例外，今次係外賣自取，落單，点咗八個餸，當然五小得，最愛既水煮桂花魚超正今次試佢個黃金苦瓜都五錯，唔苦的午餐肉炒飯，雖然簡單但配辣也不錯田雞好食，辣東風螺都好食，之前食過象拔蚌都唔錯，其實仲有好食的都數不完，可能我是辣媽粉絲吧，所以我覺得好多都好味整体來說，味道不錯，很川菜的風味，份量不算小，價錢合理，值得推介，我本人已經食過無數次这間餐廳了喜歡吃辣朋友可以試下

小弟一向都買開外賣專登由屯門去元朗，今日心血來潮同老婆揸車再買兩個餸返屋企食，去到發現原來搬咗去之前元氣舖位，裝修靚咗好多，但對我黎講冇咩特別，因為都係買走返屋企order 後等咗30分鐘有得攞眼見都好多人叫外賣算快手，之後車返到屋企開黎一食原全兩個味，辣子雞原全唔得冇咗辣子雞味連天麻味都冇得個辣子，另外酸菜魚味好怪唔知點形容，我都幾肯定佢轉咗個廚定轉咗人做，同我之前搬舖時食兩回事，根本同之前差天共地，好失望，唔會再揸車去幫襯

去到辣媽拉左閘，以為疫症頂唔住😳，問問隔離鋪話搬咗去西菁街😊，去到新鋪環境大左好多，新裝修好靚，六個人等左十五分鐘就有位，服務員好好禮貌落單細心介紹菜式，仲有大、中、小辣選擇，首選我至愛幹鍋肥腸、羊肉串、酸菜魚、蓮藕餅、辣子雞、豬手、象拔蚌仔，比起之前仲好食左，朋友仲話依去左四川食既味道，最後叫左碟磁巴好味到要再加多一碟，最可惜申請緊酒牌要月中先有啤酒叫，好彩隔離有七仔買，老闆仲話新鋪有午餐供應，有時間再試吓先！

朋友出糧請食飯 揀咗呢間✌🏼一行三人都係鍾意食酸菜魚 呢啲惹味嘅～所以一嚟就一定要嗌酸菜魚 一睇個樣就知係好食啦 哈哈啲魚好滑好大塊～個底有粉絲辣子雞啲肉唔會好乾 都幾好食 乾煸脆肥腸 外脆內軟 肥腸係咬得開咁嘅 🤣（因為食過其他四川店 有d好難咬開 好似食擦子膠咁）金桔青檸正常 不過覺得有啲酸清炒萵筍C唔記得影相 不過都係正常嘢冇乜特別簡單講 呢間野啲嘢食係幾好食 👍🏼當晚都好多人 不過枱與枱之間有啲迫 條通道侍應行過都撞到張凳 推住垃圾車就係隔離（意思好易撞到客人坐緊張凳 會撞到客人）