辛味屋

營業中

休息中

今日公司比較忙，決定搵個地方快手食個靚飯就算，近近地揀左去荃新天地呢間食個日式咖哩🍛~ 一去到就有位，唔洗等，完全符合今日要快食嘅要求。👍🏼佢地提供幾款唔同價錢嘅套餐選擇，由普通日式咖哩🍛，到拉麵🍜甚至定食🍱都有，一定有一款啱你口味。店員姐姐帶左我坐角落位置，當時都未算多人，可能係我食早左？🤔不過地下好滑，感覺好似唔太乾淨。落完單，等左唔夠5分鐘就有得食。咖哩汁有薯仔🥔、紅蘿蔔🥕、洋蔥同肉粒🍖，更帶得出日式咖哩嘅甜味。飯🍚幾乾身唔黏口，唔錯。可惜豬扒粉醬太厚，做唔到外脆內軟嘅效果。😰另外套餐重有一個薯蓉，食落會咬到少少薯粒，滑得黎口感唔錯。😋總結：時間符合今日快食要求。呢個價錢食到呢個質素，算不過不失。加上儲夠一定印仔，又有現金劵送，對於慳家人妻算係一個唔錯選擇。😝

今日同媽媽黎到荃新天地2期，如果冇睇到水牌，應該都唔會搵到呢間舖頭～佢位置係角落到，雖然黎鍋呢個商場幾次，但都留意唔到佢好好彩搵到一間物超所值既餐廳：） 其實辛味屋隔離間拉麵店係同佢聯營既，所以食物選擇好多，拉麵，定食，一人邊爐......都有得食 點左兩個餐～ -牛肉燒鍋定食（$75） 覺得呢個一人邊爐中上吧，鍋入面有好多配菜,牛肉有好多塊，差唔多成7塊：）幾啱食肉獸黎食！ 係相入面都見到牛肉係上菜既時候就已經放左係鍋入面滾，所以煮熟之後好韌，建議佢將d牛肉另上，口感應該會好好多～ 但平心而論食物質素唔算突出，同吉X家相比，CP 值冇佢高～ 如果唔鐘意吉X家甘逼既環境可以揀呢度既～有好多卡位，同埋好闊落，可以好relax係個頗安靜既地方食晚餐：） 黎呢度食飯既話會推介你揀以下介紹既咖喱番 - 雞排奄列咖喱飯 （$66） 外貌有點嚇人，因為上菜既時候d雞肉同d雞皮好似分開曬甘～ 但其實味道真係好好食～ 佢有陣好濃烈既燒烤味，唔係就甘係個pan度煎架，好有心機！

今日係荃灣行行下見到間野，明明星期日午餐時段，度度都爆哂人，見間鋪都仲有一半位無人坐，咪入去試下囉，廢事要等位啦，點知係中伏既開始，落單時d侍應好似唔係香港人咁，我明明都講廣東話，都係d溝通唔到。。。雖然佢主打係咖哩，但係入到去見9成人都係食拉麵，打開餐牌，見好耐無食過鰻魚飯，咁岩俾我見佢有，咪諗住試下，點知個飯一黎到，心入面真係講左句粗口，d鰻魚少到，等3分1條，有無搞錯，我再睇返佢個餐牌係半條黎（無影到），咁到呃人有咩分別。

一排冇黎荃新天地食野，本來諗住去食札幌拉麵，但原來佢地隔離開左間「辛味屋」，話係一樣menu但坐得舒服啲，咁就去試下啦。環境係闊絡既，同埋星期一冇乜人，我地包場咁滯😂我叫既雞肉親子丼($58)質素唔錯，唔會好似某啲地方咁整到乾爭爭，而且份量夠哂大。黎多張近鏡：燒肉丼FYI呢個燒肉丼係豬肉黎架！個味同個樣都整到好似吉野家牛肉飯咁，唔錯咁啦😂最後，亦都係令我最失望既，就係呢個咖哩汁漢堡扒飯我地以為係蛋包飯，而啲店員都係咁講，點知黎到原來係蛋鋪飯🙄 而且咖哩汁過咸，唔好叫😥

朋友仔找我去行街街，荃灣比葵芳更多東西看，於是邊行邊找吃的，之前行街時都想入去吃，但因為吃完另一間出來才看到這間餐廳，於是這次再度路過，一於入去試試!朋友點叫了饅魚蓋飯，饅魚比較細件，但都算厚肉，肉滑不乾身，汁剛好夠拌飯。我要了吉列豬扒奄列咖哩飯，炸得很脆不油膩，且肉不算厚也不算薄，肉質不硬，日式咖哩汁有幾粒薯仔粒都煮得淋且不辣，伴飯吃都不錯，只是蛋包飯反而不是我期待那種，似一般煎蛋放上飯面就叫蛋包飯，我不太欣賞。套餐各配一球薯蓉，有點滯，如果是有生菜的沙律會更好以前飲麵豉湯都覺得太鹹，這裡麵豉湯不太鹹，不錯！

已經和家人來過這間餐廳數次，說真的，價錢真係好平，午市五六十元套餐已有主食+飲品+迷你薯仔沙律。我曾經食過佢地嘅拉面、便當等等，今次就點左燒肉咖哩飯，雖然咖哩汁不算太厚，但也不至於像水般稀薄，重點是很夠味，燒肉很大塊厚肉有燒汁味，可惜我本身唔好肉，對我來說略嫌heavy左少少，但總體來說，以這樣的價格來講，食物質素算係好唔錯！出面有好多勁貴嘅日本菜但食物質素平平，性價比極低，但這間是少有做到平價食物又ok嘅餐廳，坐位尚算舒服，雖然餐廳位置隔涉，但我都曾經見過日本人和韓國人來用餐。服務方面都ok，我地一家大小都好喜歡來呢到食嘢！

同男朋友嚟荃灣拍拖，行到嚟呢頭，喺門口睇咗陣餐牌，見價錢喺呢頭都算平，咪行入去試下囉，行到入去個侍應竟然帶我哋去一張擺咗留枱牌嘅四人卡位，感覺怪怪的。是但啦，叫嘢食叫埋餐飲，我叫咗個嫩雞壽喜燒鍋跟烏冬唔跟餐飲，我男朋友就叫咗個定食跟汽水，個侍應仲好好咁提醒咗一句跟飲品就無餐湯。等食物嘅期間，個侍應拎完個爐過嚟就拎咗個碗仔過嚟俾我食鍋物用，望真啲個碗仔，係我哋平時屋企食飯嘅膠碗，乜⋯⋯我上咗朋友屋企食飯咩？之後個侍應又拎咗個餐湯過嚟，然後佢企喺度拎住個湯問我男朋友，「你係咪叫咗汽水嫁？」⋯⋯我男朋友無奈答返佢係，當時個場得幾枱客，絕對唔係忙，你仲要覆過單，都仲要問多次？ok，是但啦，起碼佢都肯再問先丫。之後食物嚟到，我男朋友食得快，三扒兩撥就食完佢個定食，仲好快咁飲埋佢罐汽水同一坐低俾你果杯水，之後佢問我杯水飲唔飲，因為個定食好多味精，但又搵唔到人加水。好啦，講返我個鍋，叫嫩雞鍋，你會聯想到啲雞係咩樣嘅？打邊爐啲滑雞柳？sorry，你真係諗多咗，我見到嘅雞，個樣比較似去骨烚熟嘅白切雞再連皮放返落個鍋度俾你。無錯，啲雞一上已經係全熟，再俾個熱嘅湯底你放喺個 Gas 爐上面再煲滾佢，所以我食

琴日年廿九，周圍餐廳都好多人。行到好攰見到呢間野唔洗等位。入左去食，個餐牌好吸引，價錢平叫左2個野食 一個饅魚飯/一個漢堡咖哩蛋包飯饅魚飯唔係我食 味道唔清楚 但一盒飯入面得2條饅魚 仲要+$10到我個個極品漢堡咖哩蛋包飯，D咖哩係我20年食過最難食既咖哩！ 個飯暖既又唔熱，咖哩甜甜地又有d似水， 總之好難食。之後個塊蛋薄到呢.... 呵呵。蛋皮囉，成個飯都勁唔好食食到我一肚氣仲有個男侍應急急腳過黎收走d碟，收走埋我覺得最好食個個薯仔配菜。侍應無禮貌，唔太識變通我見到有個客賣單俾錢，咁準備走嗰陣時就着返件外套啦，個侍應見到之後就問個客使唔使找錢啊，個客話要。邊有侍應咁樣問人，唉 總之食完我好唔開心，去大x活食好過！

到荃新天地睇戲,剛巧有食飯9折優惠。只要出示當日戲票或票尾 就可以享有9折。所以我地都唔走太遠, 去左戲院樓下間辛味屋。本來睇個名 以為會好辣，食落先知係日式咖哩,味道偏甜,不會太辣。不過咖哩味道略為普通, 炸豬排比較乾身，蛋包飯都唔係蛋全包裹飯，只是蓋左上面。沒有驚喜, 平衡味道及價錢 不過不失,可以接受。

一入到黎啲待應既服務態度已經吾多好，對住客人死下死下咁，好似吾想理你咁。都算，預著今日有cam man黎幫呢間公司既食物影相，所以我地order既野食就成間辛味屋得2台客都可以等成30分鐘。點解要等咁耐？因為佢不斷煮野拎去影相，客人就無理。催左3次佢先開始整。都算，成60蚊食一碟又甜又怪既咖哩，啲牛肉好似咬吾爛咁，又咸到嘔，我真系寧願食麥記，吾會再幫襯因為咁，即刻走去down反個open rice。

今晚行過荃新天地，媽咪話想食咖哩，就揀左呢間辛味屋。我地order左吉列豬扒咖哩湯烏冬同埋炸雞咖哩汁蛋包飯share食賣相都不錯吉列豬扒炸得香翠，不油，豬扒不是厚切但不太薄，適中，但食落有d靭湯底淡左d，可能加多左水，烏冬面煙煙靭靭不錯至於炸雞蛋包飯-比較上好食好多，炸雞不油，肉質仍是嫩滑，咖哩汁香濃不辣亦不太甜，好味⋯蛋只是輕輕放係飯上，覺得不是蛋包那種，但整體都算不錯

一條友搵食，無須太奢華，醒起荃新天地2期的新日本咖喱店，即管一試。這店子，跟旁邊的日本拉麵，相信是同一個集團。或者，這裡仍是新，客人１總沒有拉麵店那麼多。簡簡單單來一客燒牛肉咖喱飯，咖喱汁頗濃，味不辣，帶點甜，很正路的味道。牛肉沒太韌，洋蔥更腍，還有薯仔粒、蘿蔔粒等，算係咁。飲埋杯凍檸茶，平平地又一餐。

今日情人節，晚上緊係燭光晚餐啦，所以呢 之前個餐5可以食咁飽。由梨木樹出完show落返荃灣西，脆脆地就喺荃新附近搵餐晏仔。講真成日出團嘅我緊係5想食中餐，搵到幾間日本菜，見到呢間價錢相宜日式咖喱又吸引，入去坐啦。門面光鮮，客數頗多，lunch 有好幾款set,揀左個奄列飯，2款試哂。熱檸水檸檬片切得夠薄，易督，味道酸甜，沒澀。咖喱飯材料豐富，有紅蘿蔔粒，薯仔粒，牛肉/豬肉粒，如果淨叫咖哩相信都能吃出個美味，而咖哩甜辣味適中，大眾化口味。奄列有點流 沒有包住飯，只係放了一塊炒蛋在試，誠意欠奉。但蛋是滑的，蛋黃汁依然流動，嫩。吉列豬扒脆口，但有點過龍，微焦，肉有點韌，味道可口嘅。米飯軟硬適中，可以洽好帶餸吃。整體算不錯，希望可以再改善。

睇戲前打算快食一餐填下肚，見平平地就食。2個人去，我叫左咖哩豬排奄列飯。另外叫了就親子丼 加凍檸茶。先來了杯，凍檸茶，一望點解唔係平時清澈嘅紅茶，而系奶茶用個啲？！之後豬扒飯來了，我第一時間問:點解奄列得蛋白？再試咖哩，溝水咁。啲炸完嘅豬扒，猶如加左雞皮去炸咁！un 嘅！ 雞上有條毛，都唔知咩毛黎嘅。。。。之後個親子丼，一開蓋成個蒸飯咁，啲蛋可以係暗黃色的，沒有汁！尼個價錢可以食好啲，不會再比錢買難受

睇完戲揾野食見到佢地擺出窗櫥既幾好就入去食。老婆叫左咖哩海鮮烏冬熱檸茶我就咖哩吉列朱扒蛋包飯凍檸水，個烏冬先到老婆放對筷子落去就覺得唔對路，個咖哩湯底好稀，水+色冇乜味，到我個飯黎到個汁唔杰好似湯咁，蛋包飯仲揾笨飯上面放塊蛋皮就算，埋單仲要$140，唔使講都永冇下次。