輝煌越式法包 (已結業)

叫咗個牛肉法包 ($48) ，但冇諗過得勁少牛肉🥲同埋蘿蔔絲都算少，一啲都唔好食，食完嘅感覺只係食咗一個冇咩餡嘅包。真係非常失望。味道完全比唔上正宗嘅越南法包。$48嚟講，真係好唔抵食。屯門區有更好嘅選擇，足料好多🙏🙏🙏 應該唔會再幫襯下次了，有心做落去的話 真係要諗吓方法改善下質素🙏 唯一優點係出餐快🫡建議大家真係唔好信foodie講嘢🗣️呢度啲comment應該有好多都係為咗優惠先咁講🙏 …查看更多

好鍾意食越南法包，所以見到有都會買來食。今次叫咗一個2人餐，再另加多一個法包。冇諗過咁出名，咁多人介紹嘅一間餐廳，越南法包個味一啲都唔正式，仲要可以稱得上難食。得好小肝醬，仲要一啲都唔香，醃菜冇味。個飯啲肉仲要冇味。但我見其他食評話醃得好好味，到底係我黑仔定真係差左呢仲有個小食拼盤，完全係垃圾，真係唔識形容係咩味道同口感。同區附近有更好嘅選擇，真係試過今次唔會再有下次呢餐差唔多要四百幾蚊，唔好意思，真係唔值。…查看更多

井財街真係好多餐廳，今次想食越菜，見到轉角落有呢間越式小店。店內環境好有家庭式經營感覺，好平實既裝潢。今次嗌咗撈濛，加咗一個小食，食完覺得還好，唔會覺得係正宗越南菜，似係fusion多啲，不過都值得一試支持下小店！…查看更多

🟠 屯門越式小店 - 輝煌越式法包Banh mi Huy Hoang🟤味道 : 🟠🟠🟠🔸 3.5 / 5價錢 : 🟤🟤🟤 4 / 5環境 : 🟠🟠🟠 3 / 5位置 : 🟤🟤🟤 3 / 5推薦 : 🟠🟤🟠🟤 3 / 5➿ 環境 · 衛生 · 服務 . 店內只有幾張枱 唔算迫 但乾淨程度一般. 唔知道咩原因堂食都係用哂外賣餐具🤷🏻‍♀️所以食物一上枱未食就心諗左一句：唔會再幫襯➿越式魚露雞翼撈檬 $52. 雞翼醃得好入味，似係有啲南乳味咁，好食. 魚露汁唔夠酸，一般. 個檬粉係微暖，唔夠凍，青瓜絲紅蘿蔔絲果啲配菜太小，所以撈埋個檬粉一齊食時冇乜口感➿越式雜錦飯 $68. 啲肉都係醃得好食嘅！不過男朋友食話食完要即刻再食下午茶😮‍💨話量太小，飯太小. 有個比較特別嘅蛋粉絲卷，都幾好食不過一啖食晒➿越式青檸可樂 餐加$13. 係想像得到嘅味道～食越南野咁濃味，必須要嚟個檸樂fresh 一下➿越南桔仔冰 餐加$22. 冇乜特別，不過都冇太多期望，還好. 明白小店運作可能考慮到人手問題所以為方便而用即棄餐具，但絕對係扣分點😮‍💨味道又不足以好味到要再去，始終虹橋都有好多好野食，試過一次就夠☕ : 輝煌越式法包 Banh mi Huy Hoang📍 : 屯門青柏徑6號鹿苑地下16號舖🕑 : 星期一至日 11:30 - 20:30 📞 : /分店 : /…查看更多

去開虹橋呢個美食集中地，梗係要買啲嘢食返屋企同大家分享。見到一間輝煌越式法包，試下越南菜都唔錯。餐牌有越式法包、撈檬、飽同小食，每道菜都充滿傳統味道，仲有多款味道特別嘅越式咖啡。越式香茅牛肉法包醬汁夠味，牛肉口感軟嫩，香氣逼人，生菜新鮮事，醃菜清新爽口，法包鬆脆，香脆可口。越式豬扒撈檬豬肉醃製打成丸狀，甘香幼滑，充滿肉汁，檬粉口感爽滑，檬汁自家調配，味道清新不過酸。魚露雞翼甘香脆口，酸酸甜甜，非常惹味。…查看更多