輕時光

營業中

休息中

本身比較少黎天后呢邊，但一直都知道天后有好多美食，呢日咁岩黎到呢邊就發掘下美食，咁岩見到清風街呢邊開左間健康飲品店，見到裝修咁靚就忍唔住試下。其實唔知裝修好用心，呢度賣既飲品都係其他地方少見既，例如優格蓋茶，其實地方都賣既芝士奶蓋，就令呢度既優格蓋茶更加特別。今次點左杯紅火龍優格蓋茶，紅火龍都係少見既飲品用料，所以覺得值得一試！杯上面貼心地提醒大家可以唔用飲管，90度咁飲就可以飲哂茶同優格蓋。優格蓋真係太有驚喜喇！好香乳酪味之餘係非常之濃同滑，好似真係食緊一杯杯既乳酪咁。茶底揀左桂花烏龍，其實本身紅火龍果味道唔算太出，帶少少甜味，但飲落就有淡淡既桂花香味，配搭紅火龍果既甜味剛剛好。優格蓋同個茶配埋感覺健康，完全唔覺膩。另外都見到有賣優格果昔，下次一定要試！！

舖頭嘅文青裝修同鄰近嘅商舖好唔同，幾突出。白雪雪又充滿植物，最值得加分係成個廚房都睇哂，用咩料同環境衛生一眼睇哂👍🏽仲見到一箱紅龍果，粒粒都大大粒添呀。但見到有seasonal飲品緊係試啦，就係椰子龍眼優格蓋茶。佢地嘅signature就係優格蓋，並不是一般嘅芝士或奶蓋，濃厚得黎又健康！而且有桂花烏龍茶底同茉莉綠茶底，我揀左後者。😛跟返佢嘅tips就咁飲，因為個層優格一啲都唔手軟，我第一啖只係飲到優格，但如我所講，口感好似芝士咁濃厚，又有奶蓋嘅奶香，但事實上佢係健康嘅優格，完美呀！😚第二啖就飲到茶啦，椰子嘅清爽同龍眼嘅香甜湧出黎呀，仲會有啲椰肉粒俾人咬下。杯野嘅份量唔少，但飲極都唔會膩唔會濟。下次會再試其他味👍🏽👍🏽👍🏽

又搵到一間優質茶店啦！唔係賣街知巷聞嘅珍奶，而係主打健康水果茶及Yogurt蓋茶🥰 店鋪裝潢行清新風格，有唔少精緻裝飾同植物，播住輕鬆音樂令人感覺舒服自在～。🔅超級水果茶🔅水果份量勁多同埋好大杯！口渴時飲就岩哂😆 水果種類都幾多，有蘋果、橙、菠蘿、熱情果等等，飲完可以當水果杯食～ 茶底可以選擇桂花烏龍或茉利綠茶，Handsup就揀左桂花烏龍🥰 雖然有好多水果，但依然飲到烏龍茶香味～。🔅 紅火龍優格蓋茶🔅優格即是Yogurt，Yogurt蓋比起奶蓋更健康味道更香滑，感覺清爽唔膩，配搭紅火龍果味道幾夾，清甜可口😚 建議直接傾斜90度飲，咁樣就可以完全飲到Yogurt蓋搭配茶嘅味道啦😋。如果鐘意更厚身嘅Yogurt蓋，加$6就可以雙倍Yogurt，下次一於試試～

近年香港進駐了不少來自台灣嘅台式茶飲店， 掀起一陣黑糖珍珠奶茶風～ 不過一杯珍珠奶茶嘅卡路里、熱量何其多， 珍珠奶茶飲得多，會容易肥胖。🙊 所以小編今次想介紹返， 有間來自本土創業嘅， 主打天然健康水果奶酪—「輕時光」， 英文名「Take your time」比較文青🤓吧！😂 小店藏身於天后電氣道， 但給我與眾不同嘅感覺～ 係煩囂嘅城市裏，好難得找到一個空間可以靜下來～ 各式各樣綠色嘅盆栽植物， 令小店像遠離塵囂一樣，格調清新～ 「輕時光」悠閒寫意、富文藝氣息， 啱晒文青黎打卡 嘆一杯無添加嘅健康飲品～😎 店家有5款不同系列嘅茶飲， 有果昔、優格蓋茶、水果茶、牛奶、乳酸， 還不時有季節限定嘅特式飲品。😍 最吸引小編就係以Yogurt 製成嘅優格蓋茶， 因為加左奶蓋嘅蓋茶飲得多，份外幼滑滋味， 但優格蓋茶真係第一次試！😜 芒果優格蓋茶 ($34) 優格蓋質感非常幼滑， 口感比普通奶蓋更為輕盈， 唔會讓人有好大嘅罪惡感，不油也不膩， 以烏龍作茶底，再配以新鮮芒果， 口感有d似smoothie， 但不失烏龍茶嘅香醇， 反而多了一份乳酪嘅幼滑～☺️推薦！👍🏾 鮮橙菠蘿🍍乳酸（$30）

數天前到了天后吃晚飯，很難得地發現到一間有乳酪蓋茶的飲品店，什麼是乳酪蓋茶？平時我們喝的飲品頂層大多是芝士奶蓋，而這間則有一種飲品叫「優格蓋茶」，即是yogurt蓋的意思。店舖沒有中文名字，就這樣叫「Take Your Time」，如果在中文的意思，就是珍惜你的時間的意思。店內又有我喜歡的霓虹燈牌，彷彿是第二次的提醒，提醒客人要珍惜自己的時間。飲品的價錢就在牆身，細分為果昔、乳酪蓋茶和水果茶等等，一目了然。先喝了一杯芒果優格果昔，其實即是乳酪加奶昔，我認為四杯中最好喝的就是這杯，完全喝到很重的奶味，對喜歡喝牛奶的我來說簡直是恩物還有恰恰好的芒果味，加上乳酪也不會太酸，也許是因為有牛奶的調和。第二杯飲品名為「紫薯。時光」，即是紫薯牛奶，紫薯蓉在底部，上面的都是鮮奶，首先當然要把鮮奶和紫薯蓉攪拌直至均勻，很快便完成了這個步驟。淡淡的鮮奶中又能吃到帶點香甜的紫薯蓉，味道挺好，但紫薯蓉的數量略嫌少了一點。終於喝招牌的優格蓋茶，紅火龍優格蓋茶即是火龍果茶，上面時yogurt蓋，我還真是第一次嘗試這樣的配搭，用yogurt蓋來取代了常見的芝士奶蓋，真的健康又美味。說是茶，但茶味不太足夠，火龍果味倒

城中茶店多過便利店，沒有一間另我印象深刻。終於被我發堀到一間滿意的。永興街食完晚飯，慢步行去地鐵站途中，近天橋底，發現一間燈火通明，門前放滿植物的小店吸引著，原來是一間茶店。店子小小，文青感覺，店員亦是年輕小伙子，增添青春氣息，眼前一亮。好奇心驅使下，前去問問店員有什麼特別之處，這店採用的全是底脂乳酪，比較輕巧健康，不是坊間的芝士奶之類。還有甜度是自家製的冰糖加入桂花所做的糖水，聽落好吸引喎！於是乎買了一杯藍莓優格蓋茶。茶底有桂花烏龍和茉莉綠茶可揀選。我比較喜歡茉莉綠茶，因味道會清香一點。採用了yogurt 較為輕盈，沒有那麼稠身，口感順滑得多。yogurt, 藍莓和苿莉緑茶混合起來，配合得完美。終於找到我杯茶了。

市面上有好多間飲品舖都係用奶蓋來做主要嘅主題，有陣時因為太多間飲品鋪頭都係用奶蓋黎做主題嘅關係，所以有時會飲完都唔知自己係飲緊邊一間嘅。今次小編行天后嘅時候比我搵到一間用乳酪嚟做主題嘅一間飲品舖，其中紅火龍果優格蓋茶，我係覺得最好飲嘅，估唔到乳酪同茶都幾夾有一種驚喜呀，乳酪嘅酸度調較得幾好，相信大家都會喜歡，成件事變得好西式，呢間飲品舖仲有其他種類嘅飲品，例如乳酸類同奶昔類，呢啲都係幾好嘅選擇大家不妨一試。

今日同朋友特登去天后，尋找呢間隱世果汁小店！曾經喺網上見過一個報道，係呢間果汁店嘅店主放棄咗賺錢嘅教育事業，毅然出嚟開咗一間健康飲品店，決心同毅力真係令人佩服。嚟到店舖嘅時候，見到門面非常之簡潔企理，綠色嘅植物又帶俾人一種舒適嘅感覺，話係鬧市中嘅綠洲亦不為過。我同朋友多點選咗兩杯優格果昔，係用yogurt製作嘅smoothies。一杯係士多啤梨口味，另一杯係紅肉火龍果口味。果昔嘅漸層做得非常之漂亮，令人忍唔住打咗卡先開始飲。本身見到製成品咁靚，都開始懷疑會唔會只係「打卡飲品」，味道會唔會冇保證？答案喺飲第一啖已呼之欲出：絕對唔會！Smoothie唔會太濃稠，啜起上嚟唔會卡住卡住，係控制得剛剛好👍🏻 我嘅紅肉火龍果每一啖都有水果香甜同yogurt嘅微酸，兩種味道一拍即合，而且火龍果一啲草青味都冇，非常開胃！士多啤梨口味亦非常討好，酸酸甜甜令人回味！呢間水果店絕對值得有更加多顧客知道佢嘅存在，無論係鍾唔鍾意健康飲品嘅朋友，我都相信會喺呢度揀到啱自己口味嘅smoothie/ tea!

現時市面上有太多的手搖飲品，每間飲品店都會諗諗新意思，令更多人關注，令更多人購買。 今次，我同老公去了維園散步， 慢慢行去天后尋覓一下有咩好野食。 結果俾我發現到一間行小清新風格的手搖飲品，他們的裝修，我9秒9就衝過去， 因為係果到影相一流係果到影文青相一流。 小店外牆就有得座，剛好見人係到溫書。 係咁綠化嘅環境溫書，應該好易入腦入返正題先 ，睇返餐牌主打以新鮮果汁打成的手搖飲品。 不是用調味料、色素糖，已經令我好吸引。 結果我叫咗兩杯左手邊： 芒果優格 見他們以新鮮芒果肉整成，每啖飲落去好fresh ，而且係清甜，並非一味的死甜。 感覺整個人都健康好多。 右手邊：草莓優格蓋茶可以看到有三個層次，最底果層係綠茶底， 中間是鮮榨草莓蓉 ，最上果層是好厚實嘅奶蓋。 每次飲落去都有驚喜，一樣不是死甜，是感受到天然的果糖，仲有粒粒草莓蓉咬到，正。 下次到天后，要試下其他果飲先

今日收工行過Take Your Time, 外部裝潢令人Fresh感覺。之前有印象電視見過呢間店，主打健康果茶及Yogurt蓋茶，店鋪糖漿係採用自家製桂花糖。餐牌掛在牆上，好似白板字排出黎，好有書卷味。雜莓優格果茶($34)呢杯果茶好幾特別，果茶優格蓋茶系列，茶底都可以選擇桂花烏龍/茉莉花茶，我選擇左前者，茶味幾香。蓋茶就選用yogurt而非一般芝士奶蓋，好適合我呢種食唔到奶類人士飲，而且yogurt相對健康點。 芒果。時光($30)呢款係牛奶系列，外表好似smoothie，朋友話口感都幾似，芒果味道香，飲落芒果味都濃。

不一樣，特別的飲品。 店的門面走輕鬆日式風， 跟旁邊的餐廳的裝潢與眾不同，更能帶出店的年輕，輕鬆風格。這店主打的是果汁類飲品，這次點了 芒果優格果昔及士多啤梨優格蓋茶。他們沒有甜度選擇，但有小小太甜，也許是生果的甜度吧！在這兩杯選擇， 蓋茶比較好飲，佢跟X茶一樣，茶上面有優格，並不是奶，感覺上更健康些吧！見到他們是用新鮮的水果 攪拌更成，並不是一早整成的。所以飲品很新鮮，很有fresh 的感覺。下次再經過天后，會再幫襯。

喺天后一個唔起眼嘅小角落，發現到一間裝修別緻嘅小店，店名係Take your time。門面裝修佈置幾靚，擺們植物嘅門口，為小店添上幾分清新既氣息，睇真啲先知道原來唔係Cafe，而係主打健康同水果既特色飲品店。因為我同朋友都係奶昔愛好者，就一人叫咗一杯唔同味道嘅奶昔，包括雜莓味同草莓果昔。出到嚟個賣相非常夢幻，飲落去係濃厚嘅水果果。雜莓味香濃，草莓味就偏酸帶點，味道自然，唔會似麥當勞奶昔嗰種假既甜味。而且甜度適中，飲落好舒服。不過飲完一杯奶昔之後，感覺都幾飽，有機會會想試埋佢嘅優格蓋茶！

今日放假來到維園附近行下，想起之前聽朋友推介天后附近有間新開的水果優格茶店，環境裝修都好靚，又適合打卡，便過來飲返杯野。鋪頭門口裝修已經充滿綠林的感覺，擺咗好多有心思的花草，一片綠色，清新美觀。除咗收銀位的枱，側邊仲有一張懷舊式裝修的企長檯可以影相打下卡。鋪頭有多款新鮮水果茶飲品，大熱的水果春，綠茶等都有，而最近的招牌飲品就係水果優格蓋茶，我同朋友都各自點了一杯。芒果優格蓋茶，平時的奶蓋換上了Yogurt,飲落無咁肥膩同有罪惡感，感覺較輕盈而質感依然奶滑稠厚，下面的係新鮮芒果肉即整的沙冰加桂茶烏龍茶底，芒果味香濃，茶味清醇，滲入沙冰當中，同Yogurt 的味道好夾，令人飲不停口。草莓優格蓋茶，草莓味鮮甜可口，飲落唔會太甜，茶味特出，清新香甜。

這次的工作地點位於天后， 又到了下午茶的時間， 同事們也一同前往休息，是我路經此地發現這家如此有趣的名字。 在於網路上搜尋一番，哈哈。 一個追尋理想的女仔，放棄原有的舒適圈，跳出來。努力的故事，感人又大膽。飲品店餐牌，富有特色，簡單又清晰，內裡裝橫，充滿少女情調，看得出店長的少女情懷， 店舖細細，五臟俱全，該有的也有。紅火龍果smoothie，味道方面，火龍果味豐富，甜味十足，店舖採用新鮮水果，鮮味十足。自己時間自己定，因為一個名字不知不覺被吸引了。

上網見到Facebook,ig 都有提到依間鋪頭，所以想去試試。門口有好多植物，喺清風街附近嘅一間鋪頭。入到鋪頭有好清新嘅感覺。有次想入去買，12點幾時，好多OL等緊，所以放棄左買。今次終於買到。我叫左mixed berries yogurt top,32蚊一大杯，店主仲溫馨提示，教我飲一次。叫我最好一次倒嚟飲，唔好用straw，因為唔可以一次過飲到全部生果嘅味道。飲完好飽，唔太甜我當然飲到一半後，我懶就用straw,真係唔同感覺。一定會再翻嚟飲其他😊