車輪餅小姐

營業中

休息中

搬黎美乎都一段時間 雖然唔係美食沙漠 但係高質既好似真係無乜...唯獨車輪小姐好似比較有名氣 上次去到撞正休息 平時返工又趕頭趕命 😅 今次終於有機會食到 又咁岩有我想食既味 因為好似每日既味都會唔一樣每一爐會出唔同既味 咁岩我買果陣未有OREO 朱古力 所以要等20分鐘出爐好香蛋味. 個餅皮唔太厚 最重要既係我咬完第一口已經隱若見到D 料!!試問邊個唔怕食好多啖都未食到d料  而且仲要係食到最尾兩啖都有!! 即刻覺得好抵食 因為真係好足料OREO餅係成塊放入去 仲有 朱古力醬 同埋軟淋淋既MOCHI係車輪小姐同我講要等20分鐘既時候 我就決定先買個阿華田千層食住等 $42真係有好多層 阿華田味都好重 ! 不過食到尾就開始覺得太甜下次都要試埋其他味

食完晚餐，散下步。。是時候食甜品！經過美孚，當然要買好好食的車輪餅！唔係第一次食這裡的車輪餅，但是還是百吃不厭！食完之後，真係好滿足！皮香餡多！日日食真係變豬啦！以後經過再買！

成日都聽人講話車輪餅小姐好食，今日探完病落返美孚醒起就買左個黎試下。MENU上既四種口味每日都唔同，抹茶呀紫薯果啲我都麻麻，所以揀左呢款OREO紅豆麻糬，聽個名就好豐富啦。落完單即刻就拎得，可能無客既原因，啲車輪餅一早整定哂喺度上手既時候已經係微溫，本身諗住即叫即做熱辣辣咖嘛……味道真心唔錯既，外層幾軟熟，餡料多。三種唔同餡料層次分明，麻糬煙韌但無咩味，紅豆蓉唔會太甜太加工feel，成個車輪餅最主要既甜味係源自塊oreo，但可能因為濕同整好一段時間既關係，oreo感覺有啲淋，但整體口感幾豐富既。感覺呢間野紅既主要原因都係因為多新奇味揀，$11又唔係貴，而且日日唔同，香港人中意新鮮野嘛

美孚搵車輪餅小姐，平時好少食車輪餅，因為感覺上一大舊麵粉，餡料嚟嚟去去都係紅豆，對於小食嚟講感覺食完會好飽肚，當正餐又唔夠。今日嚟到美孚，順便來呢間車輪餅小姐看看，以為好難搵到但又俾我好容易咁搵到喎，見冇人排隊之下，揀咗Menu上唯一一個有麻糬嘅Oreo 車輪餅同流❤️日本宇治抹茶試一試。返到屋企搵微波爐加熱半分鐘左右，暖暖地就ok啦！Oreo 朱古力麻糬 ，覺得好有層次，又軟又脆又QQ, 不只是甜仲有D花生醬帶起過味道👍🏻👍🏻 流❤️日本宇治抹茶，都好好味，雖然冇其他材料，但都好軟熟，抺茶唔太苦亦唔太甜👍🏻Good Try ! 下次都可以考慮吓外賣返屋企食，一齊share開心D❤️🤗整體上車輪餅好軟熟，雖然無冇蛋香，但勝在唔太甜。$11嚟講我覺得係可以一試，支持一下小店用心製作吖嘛。

點解會紅。。。點解咁多人話好食。。。可能我買既時間唔岩，只有微微暖既餅，紫薯餡好普通，冇網上睇到話好用心做既果種感覺，就似普遍香港食店咁，做出唔算難食但一定唔算係好既質素。。。只可以話just入到口，但只係填肚，唔會令人開心滿足芝士糯米糍ok, 都唔係驚豔架啦，不過都叫正常野咁囉完全覺得被騙，有啲嬲，好彩唔係特登搭車來買Btw香港用心認真做食物既真係冇乜。。。諗起以前既稱譽"美食天堂" 覺得有啲羞愧，外國遊客黎到食到啲咁質素真係失禮死人

一向都好鍾意食麵粉製品，例如格仔餅，雞蛋仔。早左放工， 5點半，路過就試下個車輪餅可能仲早，冇乜人，同埋佢都整好左啲車輪餅，所以跟Number 嗌就即刻有喇今日有四隻味：珍珠奶茶流心抹茶oreo麻薯粒粒紫薯作為抹茶控當然試個抹茶兼且呢個餡冇咗伏。拎上手，標準size,唔會燶到啡色，不過就唔夠熱，冇熱辣辣嘅感覺真係有啲失望。 一啖咬落去好香蛋味，相信冇餡都會好好食真係好流心，仲好多抹茶餡。好彩個非常慷慨嘅抹茶餡cover 到唔夠熱嘅失望，$11算抵食喇。希望下次食到熱嘅就好喇

✨👱🏼‍♀️美孚車輪餅小姐❣️機緣巧合到美孚工作，target to try 😋是日口味都買左一個‼️-------👉🏻朱古力Oreo 麻糬：三重口感係幾豐富，但不太喜歡Oreo 淋左做夾心的口感，味道混成一遍😅中規中矩🤔👉🏻麻糬夠煙韌同甜度適中的👍🏻👉🏻抹茶流心：咬一啖就有爆餡抹茶流心而出，不會過甜膩，🍵抹茶味亦出😋個人比較喜愛這個💓👉🏻台式芋泥：無影相，比較遜色，沒有芋頭粒口感，個芋泥過水帶甜，失望🙍👉🏻加上車輪餅皮好腍，好似粉漿包住左夾心，整體口感變得不討好🤦🏻‍♀️又變左似pancake🥞咁！-----$11 每個👉🏻雖然不貴，但在有期望之下略為失望🙈🚗美孚車輪餅小姐

流心日本宇治抹茶 $11係ig成日都要好多人話好食 終於可以試下去到唔太多人排 等咗15分鐘到就抹茶醬真係好流心 但偏甜 冇個種回甘味而且車輪餅口味偏實 就算熱食都唔鬆軟 同想像中差太遠💔 期望愈大 失望愈大😔😟評分:4/10🌟台式珍珠奶茶 $11相比之下呢個有啲喜出望外入面真係有珍珠 好好咬口 而且奶茶味都濃個醬仲熱同車輪餅好夾 但車輪餅都係偏粉偏硬評分:6.5/10🌟總括黎講唔經個頭可以唔洗試 都係一般冇其他人講得咁好

早有耳聞呢位車輪餅小姐，但今日呢位車輪餅小姐令我大失望了。我一心諗住車輪餅難食極有限，所以豪氣地四款口味各要其一，另外再買了一盒綠茶糯米滋。是日四款口味如下：流心雲尼拿奶黃，流心日本宇治抹茶，日式芋泥，OREO麻糬，我就唔逐一評論各個口味，因為對我來講每一隻都好粉！雖然話係流心，但比較近似吉士狀，但做得並唔滑，而且陣麵粉味好強，芋泥同奶黃嘅味道太相似。如果你要我揀一款最好食就應該係OREO麻糬，因為OREO都幾難唔好食。不過公道講車輪餅本身都好食，尚算鬆軟，但既然你要賣特色車輪餅，餡料就應該要做得好味，否則我寧願搭車出返尖沙咀City Super食更好了。最大的伏是綠茶糯米滋！因為店面姐姐話剛剛做起就決定買一盒走，剛剛做起理應好軟糯，但係糯米滋異常地硬又實，完全並非糯米滋應有嘅質地，而且綠茶味欠奉，跟車輪餅犯同一個錯誤，就係好粉好粉！甚至比車輪餅更粉，大概應該係因為糯米粉無炒熟了。我地八個人分食，都竟然食唔晒，似乎真係有待改善了。

店員態度不友善，價格過貴😓一件千層蛋糕要售$42元,味道不怎麼樣，剛買時已開始有溶化情況，味道過甜。期望越大失望越大不推薦専程來吃，質素差。網上評論應自行判斷是否中肯😓😓😓。車輪餅並非即叫即整，只是翻熱。味道只是中等，唯一好的是不算太甜。售價要$11，有點兒貴，質素就只算合格並沒有拍下照片，只因越吃越失望下次一定不會再來太令人失望的味道了不值得一試，難食衛生情況欠佳，令人不安black list這店

之前已吃過車輪餅小姐的抹茶味和紫薯味車輪餅，已經覺得便宜又美味得讓人感動。這天來到附近面試，於是再次拜訪車輪餅小姐。是咁的，它是Oreo麻糬朱古力車輪餅。這個真的很美味，但也真的很難拍得美。$11，看它身型細小，但富有內涵、非常足料。車輪餅本身是暖暖的澱粉質，已經夠飽肚。之後咬一口，內裡既有流質的朱古力，又有軟糯的麻糬，還有硬中帶軟的Oreo餅乾，口感層次豐富，而且不會太甜，抵讚👍🏻👍🏻👍🏻

上次品嚐完佢嘅車輪餅，今次就試吓佢嘅糖水啦因為我鍾意食芋圓所以今次都點左呢一個西米芋圓如果你唔鍾意食太甜呢個糖水會好啱你，因為呢個真係一個幾淡口嘅甜品，我估係佢啲椰汁開得太淡加得太多水，變咗成個甜品都冇咩味，但係勝在啲芋圓都幾大粒，一碗應該有五粒左右，同埋啲西米都非常之大粒，好好咬口

綠茶流心車輪餅，外面既蛋糕軟熟，厚度適中，涵料豐富，綠茶味略有不足，貪食左友朋既Oreo糯米慈味，反而有驚喜，未到啱啱好，不會太甜專登到來食就不需要啦，個係附近行開就

/<車輪餅小姐>Oreo紅豆麻糬($11)▪️我覺得同葵芳間 #魷味 嘅4餡車輪餅相比有點遜色🙁價錢兩拍相距($1)，好早之前曾經光臨過一次，個時仲排長龍，買了紫薯同芋蓉味💜餡料飽滿，甜度天然，但相隔一年多再買，已沒有再翻食的衝動了😣-🌸差不多1:00來到，完全不用排隊😲攞上手仲暖。👉🏽車輪餅皮軟熟🙂但沒有蛋香味🤷🏼‍♀️掰開兩半有一大舊慷慨麻糬，口感偏軟韌。內裡還有一塊Oreo，幾欣賞食到仲脆脆地☝️但個紅豆好唔夾，食得出係自己煮，有顆粒口感，但偏中式嘅味道🤔都係覺得日式甜甜地綿密口感嘅紅豆蓉會更匹配，我覺得成件事，無乜衝擊性嘅味。

次次行經過呢美孚大巴士站旁既小商場都會睇到條小人龍出現，原來係車輪餅小姐 ，所以忍唔住點都要排次隊買黎試試先我買左Oreo 咖啡，雲呢拿流心奶黃既車輪餅同一件可立克千層蛋糕！先講講佢地既車輪餅，熱辣辣所以入面既醬仲係流心，同時令到件餅唔會太乾，口感唔錯，味道都唔太甜，$11一件做下午茶一流但佢既可立克千層蛋糕我買到返去屋企10分鐘路程因為天氣太熱已經溶到一pat野咁，食落去半件左右我已經掉左，太太太甜啦，之後要不停飲水，所以千層蛋糕我就唔建議啦