車輪餅小姐

營業中

休息中

➖➖➖美孚。推介爆餡車輪餅 $12@ ➖➖➖性價比高，見到爆餡料真係好驚喜。其實好多人介紹過，不過我第一次食咋😂。▫️流心宇治抹茶車輪餅 $12▪️流心雲呢拿奶黃車輪餅$12▫️OREO 金莎朱古力醬麻糬 $12▪️台式芋泥 $12.拎返屋企途中已經覺得好香好香不過食落蛋香唔算濃翻熱後，每一個都爆餡😍😍😍😍😍.個人排名：1.台式芋泥2. OREO 金莎朱古力醬麻糬3. 流心抹茶🍵4. 雲呢拿奶黃..▪️芋泥好綿好滑，芋頭味濃▫️OREO 金莎朱古力醬麻糬幾特別味道有層次，少少鹹味（餅底）跟住食到金莎，又有朱古力醬嘅甜，麻糬Q彈▪️流心抹茶🍵有少少回甘但不算濃郁，被奶黃蓋過了抹茶的味道▫️雲呢拿奶黃不過不失 ....➖小總結：性價比超高 $12 係抵食每日的味道也不同經過也可以買黎試試啊

作為美孚居民，一直都好支持地區小店，今日朋友上屋企開Party，買左幾個車輪餅招呼朋友，佢地都大讚好好味，不得不寫個好評！當日有幾種味，包括奶皇味、抹茶、蕃薯同Oreo麻糬味，一律$12，其中榴蓮味$18，不過我就無試到榴蓮啦～車輪餅係即製，等左一陣就有食，外皮熱辣辣，富有蛋香；而且好鬆軟，裡面既抹茶醬濃郁，帶有少少回甘，好正！不過朋友最欣賞既都係Oreo麻糬味，食落好多層次，煙煙韌韌，十分推介！！

提起車輪餅，第一就會諗起銅鑼灣Sogo 地下間日式車輪餅。第二就係呢間本地薑。車輪餅小姐位於不起眼嘅小通道，但好彩離地鐵站好近，都容易搵。門口掛著寫上是日口味嘅牌仔。其實睇食評，我本身最想食紅豆麻薯車輪餅，可惜今日沒有。最後揀咗都多人推介嘅流💙抹茶車輪餅。攞上手暖苙苙。一口咬落去，個餅好鬆軟，蛋味重。如果邊位可以脆d，會更好。抹茶分量足料，咬咗一口就已經有抹茶嘅蹤跡。再咬多幾口，就不斷流出黎。抹茶味重，有d茶澀味，唔會死甜。個人黎講，鐘意甜少少。另外，由於只有一種料，口感較單一。如果有得加麻薯就好。朝聖一次就夠，唔會話太大驚喜。若果順路，買一個食都得。車輪餅小姐仲有買其他甜品，例如千層蛋糕，布丁。不過，毒l自己一個覓食食唔到咁多。

為食花太郎 Fafafoodblog #fafafoodblog甜品 #fafafoodblog日本菜 #fafafoodblog美孚<終於有機會試下美孚車輪餅>👍🏻呢間開左幾年既車輪餅 因為開喺美孚好少去 就算出出地名都未去過。 反而喺日本(車輪餅仲有好多唔同稱乎) 台灣(叫紅豆餅) 韓國(韓文黎😂) 就食唔少 今日經過美孚終於有機會試下 其實就係一間冇坐位既外賣小食店 主要食糖水同車輪餅 當然 要叫佢主打。 每日都會喺黑版寫左有乜野味 . 我最想食既雪糕味冇哂🤨 唯有點番佢最常有既味道試試佢 la 🤣🍴自家煮紅豆車輪餅 12 蚊👍🏻個餅皮幾軟熟 蛋味幾香 可能係日本風味 (叫車輪餅) 所以我個人覺得比台灣嗰 d 甜度高 d 而入面既紅豆蓉 都落足料 紅豆多而且煮得好軟熟夠黏稠同香甜 😃十分唔錯 👍🏻🍴流心日本宇治抹茶車輪餅12 蚊🍵呢個好食 餅皮夠香 同紅豆味一樣蛋香同偏甜 入面既宇治抹茶勁流心 食得出係日本抹茶製 帶 d甘香 甜度適中 味道香濃🍵 而且温度暖暖地好啱食👍🏻 呢個推介😃#抹茶 #紅豆 #紅豆餅 #車輪餅 #紅豆蓉 #宇治抹茶Score 平均分

Discovered a delicious and very filling snack at a cozy alley in MeiFoo. It offers a variety of Japanese / Asian desserts, out of which, their shop is named after it’s best selling “wheelpie” thick pancakes.It’s still hot when it’s served, easy to takeaway.As a matcha lover and a highly recommended flavour, I picked the matcha lava flavour, I did not regret. It’s so satisfying to see the oozing lava sauce, very rich and creamy. The ‘wheelpie’ itself has a soft yet bouncy texture, like that of

上次父親節試過佢嘅蛋糕 覺得好正 今次呀媽生日我又照辨煮碗一星期前訂左個蛋糕同呀媽賀一賀佢XDDD今次要左個6吋抹茶草莓流心決提 $338 過左數之後當日去佢門市度拎 好好咁比左個好好睇嘅盒我放好佢 不過拎到番屋企果陣有少少溶左 STRAWBERRIES跌晒落黎 我食之前要自己砌番好先得XDD 之後同店主講番 佢有講之後會改良下 好欣賞佢會同客拎意見 好有心食落都仍然係好好味 抹茶同牛奶味平衡得好好 唔會太苦 亦唔會太甜 3個人食左成個都唔會滯 

車輪餅小姐真係已經bookmark左好幾年！但因為美孚太遠了 所以一直冇機會試☹️ 咁啱前排入開美孚 二話不說就走去買車輪餅食！😝_呢度每日都會提供四五款唔同口味既車輪餅 今次黎到好好彩幾款想試既都有！一於每款買一舊翻去試！_{流心日本宇治抹茶🍵}一切開真係有滿滿的流心抹茶醬 抹茶吉士口感滑身 色澤美 可惜抹茶味唔夠濃郁 雖然都食得到些許甘澀味 但整體都係偏甜偏淡🙈_{Oreo金沙朱古力麻糬🍫}大家都極力推介既口味 果然係唔錯！車輪餅入面除左榛子醬 麻糬 仲要真係有一整塊oreo！口感豐富之餘 味道亦夠晒rich！尤其鍾意呢度既麻糬軟硬適中 夠煙韌💓 但👧🏻小編唔係特別喜好榛子醬 同埋稍嫌整體甜膩左啲 所以呢個口味就稱唔上最愛😛 不過都係好食的～_{流心雲尼拿奶皇🥛}相對其他口味 呢款就比較清淡啲 不過小編反而幾鍾意🙊 奶皇雖然唔算好流心 質感較稠身 但甜度適中 而且富濃郁既奶香同雲尼拿香😋_{黃心甜薯🍠}本來對呢度既蕃薯餡冇太大期望 估唔到有驚喜呢！蕃薯非常綿密 味道仲非常之香甜😻 蕃薯控表示滿意！_整體黎

之前曾經聽雜誌介紹過呢間車輪餅 ,亦都試過一次 ,不過嗰次就好多味都賣曬,買咗隻一般唔係太鍾意嘅口味,所以連食評都冇寫 。今次我見到前面嘅客人又買呢個咪我就試下啦 !Oreo金莎朱古力醬麻薯車輪餅 $12評分:3/5就好似大家見到咁一咬開就有三層 ,有朱古力醬麻薯同埋oreo餅碎 。當中最值得讚係夠曬熱辣辣,而且個麵皮係唔甜嘅 ,都幾鬆軟 !可惜金莎朱古力醬似普通朱古力醬味, 好在唔係好甜。Oreo雖然有,但食落已經被朱古力醬蓋過曬 , 如果可以再多啲oreo就好啦 !

這陣子分別買了幾個味道來試一下.西米露 $12這個好特別真的有粒粒西米露在入面味道比想像中不算甜之後想再買來吃可惜餐牌已換了.宇治抹茶 $12不過不失.榴槤 $18原來榴槤跟車輪餅的味道也頗夾呢不過就不是太特別了而且也比較貴.珍珠奶茶 $12真的有粒粒珍珠吃起來好有趣

平時有咩節日生日嘅蛋糕都差唔多 所以今次就想特別啲 訂一個流心蛋糕 一早喺whatsapp 度就講好咗訂邊款 揀咗小朋友鴛鴦味 即係好立克加阿華田 畀咗錢 咁佢就當日新鮮製造畀我 我去到拎嘅時候 佢先啱啱新鮮出爐整好包裝緊可能係知道用嚟慶祝父親節 所以亦都好貼心咁送咗一個會著燈嘅天使翼 影相超級靚 蛋糕入面係有阿華田流心 上面就會林好立克像 一拎開塊膠紙 就好似山泥傾瀉咁冧落嚟 好震撼 到食嘅時候 雖然醬係好多 但唔會太甜 而且口感好滑 蛋糕軟綿綿好新鮮 食得出佢整蛋糕嘅熱誠

美孚好多小食，都係街坊小店，所以味道同選擇都同連鎖店唔同。今日朋友介紹嚟呢間車輪餅小店，喺一個小商場入面，隔離仲有間車仔麵，食完鹹嘢食甜嘢，啱曬！一睇個menu，有個特別推介，係呂宋芒加雪糕，本身車輪餅夾雪糕已經好吸引！但都會諗佢整得好唔好呢？唔好既d雪糕會溶。我揀咗好立克雪糕，因為好少見到呢隻味既雪糕。嗌雪糕餡有另一好處，就係一定係即叫即整！等咗幾分鐘就整好了！入面餡料好足，雪糕仲係好凍，個餅皮好脆，但就唔夠香，餅皮用料應該無講究。芒果就好甜，熟得啱啱好！

車輪餅小姐終於唔係淨係整車輪餅啦，出左醉新芋圓系列，有唔同糖水底配搭嘅芋圓，我就揀左 #黑糖桂花芋圓 $18，價錢都幾親民，一拎上手，正呀喂哈利，勁多粒，又大粒，今鋪可以慢慢歎 😛 食第一啖，哇 😍😍😍 好伏呀！首先一啲口感都冇，又唔煙韌又唔 q，一咬落去都唔知想點，好似散左一舊粉咁，好難食，芋圓蕃薯味都冇，明正言順合法食粉呀喂 🤘🏿 糖水更離譜，冇黑糖冇桂花味，只係一兜小小甜嘅色水，咁難食嘅芋圓可以係到搵到，真係唔簡單 💕-車輪餅小姐美孚美孚新邨吉利徑 19 號 50B7 號舖

#流心抹茶車輪餅 $11成日見人ig up台灣爆饀車輪餅，好羡慕🤤雖然冇得去旅行😢咁就食著香港既先啦😋都唔錯👍下午一點到去到，抹茶咁岩買剩一個😳🤭睇黎非常好賣👀車輪餅外層脆⚡內層鬆軟🌼一咬爆晒啲汁出黎👍🏻非常流心，抹茶香濃，唔苦澀❤但記得趁熱食😌😚 。

實習關係 終於有藉口去美孚😎欣賞小店依然用親民價錢做街坊生意 斷斷續續都有客人 但不至於排隊 而且拎上手仲係暖手嫁👍.💜香芋西米💜又幾足料喎 係芋泥同芋頭中間嘅口感 夾有不少芋頭粒味道比唐記天然少少 亦無咁甜以芋頭甜品來說 $12 好滿意啦😍😍.🍪Oreo麻糬榛子醬🍪亮點一定係個麻糬👍👍夠軟糯 而且還可以拉絲的燒韌Oreo仲有少少脆 榛子醬正常 暖手車輪餅中 有流心效果假如有榛子粒/脆片嘅榛子醬就perfect la🙊.🌱抹茶🌱都算有回甘啦 都唔會好甜同好假🍶珍珠奶茶🍶奶茶醬似台灣統一嗰種奶茶味 偏甜 !但嗰味ok嘅 係可惜珍珠無曬Q勁 好淋😢

另類的麵包🥯非常帶出香港嘅地道小食，而且麵包非常鬆脆，但內餡一般來說比較普通。。。。。買咗五個不同的，最好食的是金莎朱古力黃金麻薯車輪餅！呢個真係值得食完再食🥰🥰其他抹茶、榴槤、西米露，就連台灣奶茶嘅味道都比較普通，不出色。