路邊海南雞

營業中

休息中

辣鳳爪好正，酸辣夠味! d豬頸肉好香，燒得好好食!雞去骨好方便，睇落已經覺得好食，配埋d醬料真係無得頂。芒果糯米飯買兩個，可以直接攞一個芒果自己翻屋企整，好人性化。醬料跟到足，一定夠用，唔會好少唔夠用!整體好滿意ps: 整體職員態度唔錯。尤其是個男職員，不停回答我問題都無嫌棄

經過見晚餐時間經常有人等外賣，所以搵日試下。6點幾都，可能算早，前後2至3個客，未見人龍。基本上只做外賣。有張吧枱可能冇疫情嘅話預人立食卦。服務正常 ，見其他人有問題都有回應，雖然語氣一般。但只收現金就唔太方便。可能因為試業期間卦。包裝企理，但食物份量超小，同茶餐廳下午茶差唔多。要飽女士都好勉強，男士一定唔夠。試左海南雞飯同豬脾飯。味道正常，冇驚喜。海南雞有全翼同5條幼薄鷄胸，冇乜味 ，靠個汁。油飯略嫌太乾身。豬脾都唔係好多舊，鹵水汁味道還可。整體黎講，試業價所有飯42蚊可以一試。不過真係太細份同唔包餐飲唔算超值。正價應該唔會考慮。

平時每個禮拜六或者隔一兩個禮拜都會去金魚街度買糧食比自己啲貓狗 嗰日咁啱經過見到依間舖頭個裝修幾特別幾靚仔! 原來係食海南雞嘅! 於是乎就用$42價錢買咗盒海南雞飯返屋企食 油飯唔錯油香味夠 同埋飯仲係熱辣辣可惜份量少咗少少 然之後海南雞我覺得幾有雞味同埋幾滑 色水都幾好👍$42食到咁嘅海南雞飯我覺得幾滿意🙏🏻會有下次 大家都可以去試吓幾抵食 

昨晚星期日6:00，原本想食90後海南雞，但見佢關半閘咁周圍行，行到依到見好多人排隊，原來新開，就試下啦叫左隻海南雞外賣，大約十分鐘後就有，拎時待應問我要唔要餐具，咁我環保無要到。拎回家煮埋其他餸7:30前開飯，打開見隻雞好細，食d雞肉鞋嘅，要咬幾口先食到，肉同皮之間無啫喱狀，應該無用冰水浸過，可能新開張多生意就減工序，但好失敗，醬汁得一款，無咩特別以168價錢細size雞仲要鞋無肉味嘅唔會有下次

收工行去始創中心，見到對面開咗間叫路邊雞海南雞店，裝修好有味道簡潔,望一望個Menu應該主打係海南雞，晏晝就仲有豬扒飯、海南雞飯，唯有試一試啲新嘢睇吓有冇驚喜，既然係咁一於就叫一隻海南雞試吓，望落去個樣就好得有色澤，大小適中，疫情下唯有買返屋企晚飯加料出乎意料，返到屋企一樣咁好食，雞有雞味又唔貴$160有一隻，真係抵過自己去街市買，但係最驚喜嘅係順手買多個芒果糯米飯啲芒果清甜，糯米飯又正，飯後甜品冇得頂好介紹包冇中伏