越食越旺

由舊鋪食到中匯街再到而家呢度搬鋪嘅變化係衛生上嘅改進一次比一次好但係食物質素完全冇變仲保持到水準👍🏻👍🏻Menu形式好懷念🥺食飯時間人流車水馬龍個馬拉盞通菜炒到非常爽口，唔會過火候個菜炒出嚟仲係好翠綠色🥬菜心面頭仲有啲炸蒜片 脆卜卜而菜嘅部分就有淡淡嘅咸咸甜甜味👍🏻👍🏻👍🏻超正嘅印度式咖喱羊腩🐑 食過咁多次，每一次都一定會食呢個印度咖喱但係就一次都未食過越式咖喱🤣 因為佢哋個印度咖喱真係好好食😋😋勁重香料同配料 沾薄餅簡直係Perfect match ✔️相比之下覺得蒜蓉包比下去🥺 寧願要多份薄餅同埋溫馨提示，佢哋嘅小辣都頗辣㗎！用平時我食開譚仔中辣做標準🤭如果唔食得辣嘅朋友仔，可以叫佢個辣醬另上右下個越式酸辣鳳爪 夠晒酸又夠爽口👍🏻👍🏻右中個越式蒸粉卷個粉卷皮好滑 唔會好厚又唔會韌入面配料又好豐富，口感好好🤤🤤越南春卷好香口，唔會炸過龍配上酸蘿蔔同撈檬汁好match其實好大碗但都可以食得晒🤣🤣…查看更多

收工到大角咀搵野食，行過見到呢間小店，鋪面並唔起眼，但入面坐滿客人，麻雀雖少，五臟俱全。決定同男朋友入去試下。後尾發現原來係之前有幫襯過嘅「越旺美食」舊班底係原區重開，之前已經好有水準。雖然新鋪面唔算大，但內部環境十分乾淨同舒適，店員十分友善有禮，落座後仲推介我地可以嗌啲乜，而且晚市仲有套餐可以揀。馬來濃湯蝦摻掺店員極力推介呢款摻摻，果然無介紹錯。超級濃郁嘅蝦湯，有三隻大蝦，幾片魚片頭，配有豆卜通菜。摻摻意思係將油麵同米粉兩種唔同口感嘅麵條混合係一齊，油麵本身口感彈牙，但較唔易吸收湯汁；而米粉則能夠充分吸收湯底嘅精華。將兩者混合一齊食，可以同時享受到油麵嘅口感同米粉飽吸湯汁嘅美味，創造出豐富嘅層次感。加埋秘製醬，更加係一試難忘。咖喱牛腩配印度手工薄餅咖喱可以自選辣度，十分貼心。香濃充滿椰香味嘅咖喱，相當惹味。牛腩配有少量牛筋，十分腍身同入味，配埋酥脆嘅手工薄餅，沾咖喱一齊食，完全係完美配搭。小食方面：越式酸辣鳳爪、越南小食拼盤份量比想象中大份，十分足夠。越式酸辣鳳爪係我男朋友嘅最愛，每隻鳳爪都大大隻，去骨乾淨，而且十分爽脆，酸酸甜甜恰當好處，係唔錯嘅開胃菜。越南小食拼盤，分別有春卷、扎肉、串燒、雞翼、蝦片，十分豐富。特別春卷、雞翼炸至金黃香脆，蝦片上亦有少量粉絲、炸蒜及肉碎，十分特別。凍越南咖啡、珍多冰主食跟餐嗌特飲可以半價，相當劃算。當中越南咖啡好夠特別，用金屬滴漏濾杯，慢慢萃取出濃縮咖啡液，然後店員再俾一杯冰杯我地，將滴漏完嘅咖啡倒落去，充滿咖啡香味。而珍多冰中，綠色粉條軟滑中帶點Q彈，加入左西米令口感更豐富，同時唔會太甜太膩。整體而言，性價比極高，食物質素亦相當唔錯，十分推介馬來濃湯蝦摻摻、各款咖喱菜式，同地道嘅越南咖啡，相當有東南亞風味。…查看更多

📍   越食越旺🌍 香港大角咀大全街26號地舖📝整體評分：9／１０之前叫越旺美食，平靚正，會特登黎食，好彩舊班底原區重開，可以繼續返黎食！✿ 越式咖喱牛腩配手工薄餅牛腩塊炆得軟爛入味，咖哩湯超多香料熬製，微辣不嗆。手工薄餅脆薄有嚼勁，吸滿咖哩汁，勁邪惡！一百蚊都唔洗，揀薄餅又唔洗加錢，好抵食✿ 香茅牛肉炒河切薄片快炒至外焦內嫩，香茅的清新檸檬香完全滲入，每一口都鮮辣平衡。炒河鑊氣十足，不黏但細碎。✿ 香茅豬扒豬扒厚切，仲要3大塊，，醃滿香茅汁，咬下多汁不柴。✿ 越式炸春卷金黃酥脆，內餡是豬肉絲、木耳與胡蘿蔔的經典組合✿ 生牛肉湯河微微牛香不膩，加左香葉，層次清新~ 生牛肉比太多，反而令清澈湯底有啲混濁。食左咁多野先300蚊🫣…查看更多

大角咀嘅街坊有福啦！👏 以前「越旺美食」嘅班底原區重開，改名「越食越旺」，由擁有20年經驗嘅前任大廚王生親自主理，味道依舊咁正宗，仲多咗份新鮮感！🤩今次試咗幾款招牌菜，真係款款有驚喜🌟馬來濃湯蝦摻摻($88) 湯底係自家淆製，鮮甜中帶微辣，蝦味超濃郁！原隻鮮蝦爽彈又新鮮，加埋滑溜魚片同吸滿湯汁嘅豆卜，每一啖都係滿足🐷越式豬頸肉 ($32/半份) 表面燒到焦香，入口爽滑彈牙，油香慢慢滲出！點埋秘製香蔥油，味道層次即刻提升，真係忍唔住食多幾舊！🦑咖哩魷魚配手工薄餅 ($66) 咖哩濃稠得嚟香料味好豐富，薑同香茅味特別突出，魷魚柔軟有嚼勁，蘸滿咖哩汁再包入香酥唔油膩嘅薄餅，辣得嚟又香口，絕對係必點！🍤越式炸蝦餅 ($32/半份) 外層炸到金黃脆口，內裡保持軟嫩，蝦味鮮明，係一道唔會出錯嘅小食！🥬馬拉盞炒時菜 ($68) 通菜份量十足，炒得鑊氣滿滿，鹹香得嚟唔會油膩，食完濃味菜式之後嚟一碟，平衡返剛剛好～🍹青檸梳打 (+$14) 清新青檸味加上冰涼梳打，酸酸甜甜，解渴又消滯，同濃味菜式超級夾！成個體驗都好滿意，尤其係咖喱同叻沙摻摻，真係感受到大廚嘅功力！👨‍🍳 如果大家懷念舊店味道，或者想試下高質越馬菜，一定要嚟「越食越旺」支持下！💖…查看更多

🌟🍴 【旺角•越食越旺】 💥💥✨📍 越食越旺 (大角咀)大角咀大全街26號地舖🍖🥟🍟🥚🍰🍲🍇 • 🥪🍓🍤🍪🍜🍡🍹 越式串燒（4串）豬肉牛肉兩串豬頸肉、兩串牛肉，香茅＋魚露＋五香粉醃足一夜，炭火燒到焦邊滴油！一咬「啾」噴汁，豬肉肥香、牛肉嫩甜，4串直接讓你飛去胡志明市街頭！越式酸辣鳳爪鳳爪去骨炸到半透，冰鎮後泡進青檸＋魚露＋辣椒＋蒜頭汁！一咬「咯咯咯」超爽脆，酸到齜牙辣到流汗，筷子根本停不下來，鳳爪界的越式核彈！咖喱牛腩印度飯牛腩腩＋牛筋慢燉5小時，咖喱用10幾種香料爆炒，濃稠到舀不起來！印度香米吸滿金黃咖喱，一鏟下去椰奶香＋辣勁＋牛香三重奏，飯掃三碗不喊停！鹹檸檬梳打自家醃製鹹檸檬手榨＋蘇打水＋微糖，氣泡「嘶」一聲衝腦門！鹹甜酸三味在舌尖跳舞，解辣解油續命神水，一杯不夠直接再點！椰汁奶正宗越南椰汁＋煉奶＋冰塊，濃到吸管站直！椰香撲鼻甜到心臟停拍，喝一口像被椰子樹抱住，夏日甜蜜暴擊！蒜轉牛油雞翼（5件）雞中翼先炸再爆蒜蓉牛油，5隻金黃發光！一咬皮「喀啦」、蒜香牛油「滋啦」噴汁，蒜味濃到隔壁桌都聞到，5隻秒殺，10隻剛好！🍙🥤 餐廳評分🥤🍙 🔥 餐廳環境：🔥🔥🔥🔥🔥 ⛄ 服務質素：⛄⛄⛄⛄⛄ 🍾 食物味道：🍾🍾🍾🍾🍾 🎟️ 性價比：🎟️🎟️🎟️🎟️🎟️ 💰 消費：HKD 400✨🥢🍣🍕🍜🍴🍰✨ #旺角美食 #web3旺角 #越食越旺…查看更多

這間位於大角咀的【越食越旺】，原是【越旺美食】的班底重新開店，由超過20年越菜經驗的大廚親自主理，其中多款招牌菜更是必吃，包括咖喱牛腩配薄餅及叻沙摻摻、咖喱煲仔菜、口水雞、怪味雞等。炸蝦餅蝦餅十分彈牙，半份份量都頗多。越南小食拼盤有春卷、扎肉、串燒、雞翼、蝦片，足2-3人分享，春卷、雞翼炸至香脆，串燒配上沙嗲醬惹味。馬來濃湯蝦摻摻蝦湯底十分濃郁鮮甜，濃濃蝦頭油膏溶入湯內，摻摻沾上了蝦湯，入口鮮味無比，是必點之一。咖喱牛腩配手工薄餅有分印度及越式咖喱，前者以洋葱煮，後者落椰奶，印度咖喱洋葱甜味配搭咖喱十分惹味，亦可中和辣度，牛腩炆得夠腍又入味，配薄餅一流。最後飲返杯青檸梳打解一解膩。…查看更多

今日嚟到大角咀嘅「越食越旺」，一於試吓佢嘅幾款招牌菜！咖喱羊腩燜得極之軟淋，夾起嚟幾乎有種融化嘅感覺，羶香入味得嚟又唔會太過，啖啖肉都掛滿濃郁嘅醬汁，食落暖笠笠，非常治癒。跟住係通菜，鑊氣十足！有好多炸蒜非常香脆，菜莖保持爽脆，菜葉就索盡咗鹹香鮮味嘅蝦醬風味，鹹香惹味，食極都唔膩，係一道完美嘅清口小菜。壓軸係炭燒豬頸肉，一上枱已經聞到香噴噴。外層燒到微微焦脆，帶住啲燶邊，咬落去「索索」聲，內裡肉質卻保持住驚人嘅彈性同肉汁，份量又多 更加帶出肉香，真係令人食到停唔到口！…查看更多

舊舖「越旺」最出名嘅 “招牌咖喱” 呢度而家都食得返，咖喱香濃惹味🍛，仲可以自選辣度，牛腩炆得好腍入味，份量好多仲有牛筋🐮，一定點埋焦脆嘅手工薄餅🫓。“生熟牛肉河” 嘅份量多到兩個人都食唔晒，但河粉浸得比較淋冇咁爽口(¬_¬")仲食都好少見嘅 “越式蒸粉包” ，外皮軟韌包住好多豬肉、沙葛、蝦肉和紅蘿蔔，好好食🤌🏻！”越式串燒” 好惹味🍢必點椰汁綠豆冰，超多料唔講以為自己食緊碗糖水😂EE們好nice，有種感覺似屋企人怕你唔夠飽係咁俾好多嘢你食，小店嘅人情味🫶🏻📍越食越旺 大角咀大全街26號地舖…查看更多

因為想搵一間性價比高又有水準既越南餐廳同朋友小聚，所以我就黎到大角咀新開既「越食越旺」。原來係「越旺美食」舊班底原區重開，再由20年經驗既前任大廚王生親自主理添👍菜單入面既招牌咖喱牛腩配手工薄餅，叻沙摻摻，咖喱煲仔菜、口水雞、怪味雞等，都係必食推薦，感覺係傳統味道加埋熟手功夫，性價比好高。🍽️✨.蒜蓉包 $22蒜蓉鋪得吾手軟，表面微微香脆，入面麵包仍然鬆軟，蒜香同牛油香平均散開🧄🥖.蒜蓉炒時菜 $62炒時菜入面蒜蓉味濃但自然，菜保留住爽脆感同清新既甜味，油量控制得好，吾會太膩。每條菜都有鑊氣，食落帶住少少焦香同蒜香，簡單但好夾飯。🥬🔥.香茅雞翼飯 $59雞翼醃得好入味，香茅味好突出，炸得金黃香脆，肉仍然保持多汁。原本係飯底，但加+$10可轉做炒飯底，陣陣蛋香同蔥香，有鑊氣，整體更有層次。仲有+$14優惠價可以加配菠蘿冰，或者+$26加配越式蒸粉卷——蒸粉卷皮薄，中間餡好多，有紅蘿蔔絲、粉絲、香菇片等，口感軟滑又有咬口，好推薦。成份雞翼飯既香茅香、鑊氣同配料既爽感，好容易令人食完仲想再叫。🍗🍚🍍.咖喱雞扒配手工薄餅 $66餐廳必食之一，咖喱香濃而且層次足，既有香料既甜亦有微辣，雞扒外皮微香，肉質嫩滑好juicy。手工薄餅薄而有彈性，用黎包咖喱拎住食好正，整體好有滿足感。🍛🥙.椰汁綠豆冰 +$14（優惠價加配）椰汁香滑，綠豆蓉份量超多，口感綿密但吾會過甜，冰涼清爽.越式炸春卷 $26外皮炸到香脆，一咬即刻有餡料既香味溢出，入面有粉絲同肉餡，味道調得均衡，配上酸甜魚露醬更提升層次。熱辣辣既春卷做頭盤或者配餐都好夾。🌯🔥…查看更多

今日食既呢間位於大角咀既越食越旺，主打越南菜色，門口大大個既馬來濃湯蝦麵勁吸引，一入到去已經聞到陣陣香料味，即刻開胃馬來濃湯蝦麵湯底超濃郁，椰奶香滑中帶微辣，蝦隻新鮮彈牙，啖啖肉！麵身煙韌，吸晒湯汁，一碗落肚暖笠笠，冬天必試！越南小食拼盤春卷外脆內嫩，餡料鮮甜；蒜蓉牛油雞翼香烤得金黃，蒜香撲鼻，咬落juicy；串燒煙韌入味；扎肉蝦卷爽口彈牙，一次過試晒經典，超滿足！怪味雞雞肉嫩滑，醬汁麻辣酸甜四味交織，怪得過癮！雞肉嫩滑，醬汁麻辣酸甜四味交織，怪得過癮！配埋炒底煎蛋飯，啖啖都想再夾多塊～最緊要價錢吸引，又冇加一，性價比極高！！！特別係個濃湯摻摻，完全係誠意之作！…查看更多

冇時間千祈唔好食，等完又等，有幾好食到值得等成個鐘？見隔籬枱遲過我哋已經都食緊，不過見佢哋咁忙，費事催佢哋，隔咗一陣先第一次問，個員工仲話我哋有幫你跟㗎，不過我哋呢啲即時搓即時焗，所以耐少少。OK唔緊要，所有嘢已經食完，留返好多咖喱汁送薄餅，跟住見住隔籬3張枱遲過我哋半個鐘入嚟，都食緊，我都仲未有，再等多一陣，再問，先話唔係食緊咩，唔好玩啦。。你哋得兩個員工。。送去邊張枱唔知？見隔籬枱遲過我哋已經食緊，再問先知原來漏咗單，漏單就漏單，講啲咩即刻整緊俾你，真係勁無奈，人哋啱啱落單就即刻有？即係將我嗰份俾人定係從來都冇整過我嗰份？跟住話又要再等三四個字，即係我為個薄餅要等兩個鐘？唔怪之得啱啱坐低嘅時候隔有枱客喺度嘈等咗好耐薄餅，原來安排咁混亂，其實你一早講話漏咗單，跟緊啲，大家都有禮貌既人。食完等咁耐，留低咁多咖喱，就係為咗送薄餅，仲要啱啱坐低嘅人都食緊薄餅，可能佢個薄餅係全世界最好食，所以到而家都仍然咁多人去食，不過我就唔會再去食了，冇咁多時間浪費。但係如果有時間浪費，面皮夠厚做西客，係值得去食嘅，因為真係好食，不過我都覺得奇怪星期五晚上間間舖頭都坐爆門口排隊，但點解咁好食嘅餐廳會唔使排隊食到最尾我明白了…查看更多

幾年前曾經有間性價比極高的越南餐廳是我同先生很喜歡的，當時知道這店會原區重開，新名叫越食越旺，已經急不及待去食，由舊店20年經驗前大廚王生親自主理，印象中食物真的是很高質。越式豬頸肉湯河，湯很清甜，但完全不會油膩，豬頸肉肉質彈牙，加入新鮮辣椒又令到味道更上一層樓，吃完會很滿足。套餐可以用優惠價加小食，點了酸辣無骨鳳爪，超級開胃，而且無骨很方便，一隻食完接一隻。馬拉盞少炒通菜，炒得很香很惹味，最難得是調味不會過鹹，最怕吃到最底又油又鹹，這道完全，可以清光光。炸春卷，炸得鬆脆，餡是豬肉碎粒，點一點個酸汁，好吃！雞翼炸得香口，肉質飽滿多汁，隻隻都脹卜卜。秘製越式咖喱牛腩加酥餅，秘製咖喱香又濃加上半肥瘦牛腩，酥餅新鮮即製，又是必點的招牌。特飲半價，青檸梳打沒有糖，解渴又解膩。總結是食物質素保持一如既往，價錢仍然很划算，兩人叫了一整檯食物，捧着肚走都只是約$300左右。…查看更多

今晚喺大角咀食晚餐 見到有間新開嘅餐廳「越食越旺」原來就係以前「越旺美食」嘅原班人馬回歸！大角咀嘅街坊一定有食過佢嘅招牌菜咖哩牛腩配薄餅同埋叻沙摻摻依家喺原區開返 感覺親切小店座位唔算好多座位都闊落 夠光猛店員都好友善親切海鮮喇沙摻摻 $88喇沙湯底香濃帶辣 辣味滲滲地但唔嗆喉 椰香同蝦膏味平衡得啱啱好入面有蝦 魷魚 蜆 魚片同豆卜 全部夠新鮮 米粉爽口唔糊 掛湯力又好整體味道層次豐富 食完仲想飲多啖湯咖喱雞手工薄餅 $64咖喱汁香氣濃郁 微辣帶甜 雞肉炆得腍滑入味 仲配有薯仔 撈飯一流薄餅焗得香脆 配咖喱汁好正蒜蓉包 $22大大份 外脆內軟 牛油蒜香味超濃郁 趁熱食最正單食已經好味 配返咖喱汁一齊食更加出色越南小食拼盤 $102拼盤好豐富 一次過有春卷 炸雞翼 札肉 沙嗲豬肉串燒同越式蝦片春卷炸得香脆唔油 入面餡料實淨雞翼外皮香口 肉嫩多汁札肉煙韌夠味 沙嗲串燒帶炭香 豬肉唔乾醬汁甜中帶辣整體幾有驚喜 啱晒兩三個人share椰汁綠豆冰 +$14三色冰 +$14椰汁綠豆冰清香順口 甜度適中三色冰嘅綠豆 紅豆 啫喱 椰奶配得好 賣相靚又消暑…查看更多

以前都已經食過「越旺美食」宜家搬左新店重開😍改左名叫「越食越旺」咖喱雞 配手工薄餅呢款揀左印度咖喱 印度咖喱比較惹味🌶️第一次食咖喱手工薄餅 原來越式薄餅係咁既樣😛薄餅皮烘得到脆脆地 加埋啲咖喱汁 勁正咖喱魚柳 配手工薄餅呢款揀左越式咖喱 越式咖喱就比較甜辣🌶️魚柳外脆內軟 有埋咖喱汁更加口感香濃🤣札肉芙蓉蛋飯好大碟 份量足😋外香內嫩配料豐富 有蔥、芽菜同札肉等等食落滑嫩口感同鮮美滋味👅香茅雞扒湯河湯底好入味🤤河粉勁滑溜😍香茅雞扒炸得外脆內嫩 肉質嫩滑😋😋越式炸春卷春卷皮薄且脆 內餡豐富😛搭配埋特製甜酸醬 味道出色😝越式炸蝦餅炸蝦餅炸到呈金黃色 香脆又可口肉質爽彈 鮮味十足 點埋泰式甜辣醬勁正🙈…查看更多

12/10 (日) 於大角咀攀石場練習過後，我們到了這間越食越旺食午餐，不過我好似揀錯左🥲 (係我衰，我話唔想去隔離間連鎖店越北食lunch!!)雙蛋香茅牛肉飯 ($59)FD揀左香茅牛肉飯，我試左一塊牛肉，覺得味道好神奇；then 佢同我講，其實原來d 牛肉係變左味呀，之後佢一啖都無再食🤣🤣 雙蛋香茅雞扒飯 ($59)雞扒即煎，外脆內嫩，係幾好食😄越式串燒4串 ($62)豬肉串＆ 牛肉串各2串，豬肉串比較好食; 牛肉串都幾韌下，個人覺得串燒真係麻麻🙄🙄蒜蓉牛油雞翼 ($62)一客5隻的蒜蓉牛油雞翼，賣相係幾吸引，可惜雞肉係柴架，一d 都唔嫩滑，牛油味又唔夠，我又係好失望🫢🫢凍檸茶 (+$3)走甜的凍檸茶連冰都溶哂，唔夠凍，真係唔知講乜好🙃🙃P.S. 佢叫我唔好寫出嚟，但我想餐廳睇到真實食評可以改善下食物質素，其實我真係好想支持小店，不過今次真係幾失望😅😅越食越旺大全街26號地舖…查看更多