越華茶餐廳

營業中

休息中

越華茶餐廳，位於西貢福民路16-17號金寶閣地舖。 小店細細間，有室內和室外位置， 下午茶🍴～越華熱狗皇$38、 千島醬豬扒包配沙律$39、 凍咖啡$2、齋啡。 🔸越華熱狗皇$38 ～ 脆皮熱狗腸配蕃茄和生菜， 加上酸酸甜甜的千島醬，好味。 🔸千島醬豬扒包配沙律$39 ～ 包皮香脆，豬扒入味， 沙律開胃。 🔸凍咖啡$2 ～ 咖啡香濃，好飲。 🔸齋啡 ～ 味道醇香，濃郁。 整體價錢貼地，味道不錯。🏷️溫馨提示～ 整個用餐體驗均屬個人分享意見， 只作參考😊。    

西貢有好多茶記，喺冇做功課之下見到呢間好多人幫襯，就比人流吸引咗入去。餐廳有戶外和室內座位，由於天氣炎熱，我哋選擇室內。室內差唔多坐滿，冇選擇之下被安排坐喺廁所隔離🚽，當刻感覺認真麻麻🤢鹹魚雞粒炒飯🍚🥢有不少配菜，例如生菜絲、雞絲、鹹魚鬆、蔥粒，還有日本豆苗作裝飾，估唔到茶記會有如此心思。 炒飯粒粒分明，軟硬適中，係即炒的，好有鑊氣。 以往食嘅鹹魚雞粒炒飯多數過鹹，呢碟味道啱啱好，實在有驚喜，個人非常滿意。星洲炒米 🍝🥢米粉炒得鬆散， 有洋蔥、叉燒絲、蝦仁、火腿絲、蛋好足料。 份量好大，一個人食綽綽有餘。 辣得來又唔會搶過咖喱味。整體來講，食物質素屬於茶記天花板👍🏻 每人約$60，有一個主食和飲品，性價比甚高。唯獨室內環境和衛生一般，下次幫襯應該會坐出面👋🏻

一早要學潛水，好耐冇入西貢，都唔知邊間好食，見到門口侍應哥哥好熱情就走咗入去，叫咗個肉碎酸辣米線早餐，酸菜爽口好食，再加上少少辣椒，非常開胃，米線又唔會太腍，有食連鎖米線餐廳嘅質素另外見到好多人叫奶茶，奶茶茶味好重，非常濃郁，從顏色也睇得出茶膽很濃，隨便入了一間餐廳，想不到有驚喜！👍🏻 埋單才$41 $，再加上餐廳有濃濃的人情味，經常和街坊打招呼，值得讚賞

同老公西貢買餸，諗住是但走入一間茶餐廳度食，住咗呢邊咁耐都冇試過，就膽粗粗試下啦點知唔差啵👍🏻👍🏻我叫沙嗲牛公仔麵餐，配咗煎雙蛋多士我老公就叫咗福建炒飯沙嗲牛嗰個醬好味夠濃唔太辣，恰到好處，因為我喺西貢食過另外一間嘅茶餐廳超級難食，沙嗲牛冇味，而佢估唔到可以做返舊式茶餐廳沙嗲牛嘅水準👍🏻👍🏻反而最出色就係個福建炒飯，估唔到幾好味超多配料超多醬汁食碟頭飯，最緊要就係有汁😬👍🏻🤣🤣仲有唔好以為茶餐廳店員就粗粗魯魯店員哥哥同姐姐都好友善👍🏻👍🏻終於有一個平民價錢食到好嘢嘅茶餐廳

上星期入咗西貢嗰度行下玩下水散下心搭船出海，咁好多人都會係出海玩之前食啲嘢嘅，咁我都唔例外，想搵間食飽啲嘅早餐餐廳，咁呢間喺對正小巴站巴士站入邊嘅越華茶餐廳就啱曬喇。因為通常我哋都好早就要去隔離西貢碼頭搭船出海，所以都冇乜考究邊間好食唔好食，早餐都係嗰幾味，我就叫咗一個豬扒炒蛋米粉，每一杯熱檸茶，感覺麻麻地，但入到去呢啲地方都預咗。間餐廳係有d窄嘅（香港土地問題😀），呢間都算keep住有人出入算好生意，但講返個早餐真係好一般，塊豬扒可能脂肪比較多，所以好似炸豬油咁冇咩肉，個炒蛋亦都偏細份，而且冇乜蛋味，最後杯熱檸茶嘅檸檬有好多白色檸檬皮，得一塊有檸檬有肉，只能說我唔好彩！🥲不過呢個價錢係西貢碼頭黎講，我真係有心理預備左，但仍然比預期差，唯有下次試下午市下午茶會唔會好食d🙈

平時多數入西貢試下唔同茶餐廳既炸脾今次好想試滷水雞脾差唔多行完成個西貢，原來滷脾真係好難搵，正想放棄既時間，見到依間有！一於試下！可能期望過高，有點失望。冇諗過唔似滷水味，反而有少少似黑椒味🤣可能炸脾會出色D。🙌有機會再試。

🌺嘩！好耐無同樹熊出去玩，今次揀左西貢郊遊遊。 📌出發前要醫醫肚，就係‪西貢大街‬隨意地揀左間《越華茶餐廳》。📌有室外有室內，大熱天時，室外就熱啲🔥，大排檔feel啲，室內就有冷氣🌀同電視📺， 不過坐位就窄啲。📌大路常餐、特餐入有。📌三點幾一定有下午茶餐，價錢正常，$30-$40，包飲品🍹。生炸雞脾配沙律，$40熊妹食例牌下午茶餐，雞脾沙律。生炸雞脾炸得金黃，好大一隻，雞皮好酥脆，雞脾肉幾嫩滑，不過就無咩味，似係無調味過就咁生炸，欠缺點誠意，要靠茄汁調味，咁樣就爭少少喇。常餐，$42常餐最普通，樹熊最鐘意食常餐，沙爹牛肉麵加火腿奄列加多士。其實真係好簡單，沙嗲牛肉味道都幾濃烈，牛肉好淋，公仔麵再加啲辣油調味，就係樹熊平時喜愛嘅食法。比較特別嘅係送上幾舊翠玉瓜，有啲蔬菜纖維好似健康啲咁，當然就梗係熊妹包辦晒啦。火腿奄列煎蛋薄薄一片，入邊包住幾條火腿絲，有少少蛋汁，多士係普通白多士，烘熱過，搽牛油食鹹香味。凍檸茶一杯正常，一杯走甜少冰，篤篤篤篤，檸檬嘅酸融入冰紅茶嘅苦澀，真係消暑佳品。📌食完簡單嘅下午茶，填飽左個肚，然後向晴朗的一天出發。🌞

今日中午我在「西貢」墟，選擇在其他茶餐廳裡面享用午飯，餐廳是位於小巴總站旁邊，前身名稱叫做「越華快餐店」，現在名稱叫做「越華茶餐廳」的食店。以前的「越華快餐店」，是小巴總站一眾小巴司機，在午餐時間會選擇用餐的午餐場地。雖然「越華快餐店」已經結業，連店主店員，甚至店名都已經變成了「越華茶餐廳」，不單只做快餐給上班族，還需要兼顧其他遊客食客。現在的「越華快餐店」店舖樓面設置了一部電視機，電視機正在播放礙眼的新聞報導，所以我寧願坐在「越華快餐店」戶外露天檯櫈，起碼用餐時會比較安心自在一點。雖然現在的「越華茶餐廳」廚房，終於都已經有製作像「牛腩飯」這種慢煮牛肉飯食品，但是實際上「越華茶餐廳」廚房其實只製作「蘿蔔牛腩飯」而已。想起現在的「越華茶餐廳」暫時還未有製作和提供「咖喱牛腩飯」，我好不容易才找到一款類似「牛腩飯」食品的「蘿蔔牛腩飯」，總算解決我在「西貢」少有遇到需要解決的「牛腩飯」問題。至於「雞肉」食品方面，「越華茶餐廳」開放式廚房跟以前的「越華快餐店」開放式廚房同一樣，都有即場製作鹹味的「生炸雞髀」食品，讓我很快就能夠解決午餐遇到的問題。由於「越華茶餐廳」裡面的「蘿蔔牛腩飯」屬於「中午飯

下午我在九龍灣商場裡面，食完日式「梳乎厘班㦸」甜品，加上甜味「水蜜桃紅茶」飲品作為下午茶之後，馬上坐小巴返回回到西貢市中心。我在小巴總站落車，一看見小巴總站旁邊，有我也曾經光顧過的快餐店「越華快餐店」，「越華快餐店」正在賣算是平價的「晚市即炒粉麵飯」及客飯套餐，套餐還附送飲品，立刻引來我的注意。我購買了一盒外賣自取「蘿蔔牛腩飯」，加上飲品「凍奶茶」，總價錢盛惠港幣四十五元正。當然「一分錢一分貨」，只賣港幣四十五元的「蘿蔔牛腩飯」，當然不太可能有分開另上的大份量「蘿蔔牛腩」。原來「越華快餐店」選擇了，使用內部的細格的飯盒，去盛載主菜食品「蘿蔔牛腩」，亦間接令「越華快餐店」製作的「蘿蔔牛腩飯」，「蘿蔔牛腩飯」的實際份量變得頗小。儘管「越華」「蘿蔔牛腩飯」裡面的醬汁味道頗為濃厚，有來自「蘿蔔」和其他蔬菜的甜味，奈何「牛腩」受制於「越華」飯盒的規模，「牛腩」實際上只剩下大約八塊左右而已。儘管「蘿蔔牛腩飯」裡面的「牛腩」口感頗腍，奈何「牛腩」附送沒有連着脂肪，也沒有連着例如「牛筋」的部位，所以等到「牛腩」肉質慢慢熟成之後，「牛腩」實際口感也開始變得有點韌。在「越華」「蘿蔔牛腩飯」「牛腩」實際口感

是日路經西貢，正值下午茶時間，好想食炸脾，於是就隨便搵間茶餐廳食地道炸脾～隨便入左黎越華，叫左炸脾薯條膽炸脾沙律配紅豆冰紅豆冰....... 係我飲過最多奶既紅豆冰搞勻左杯野飲之後，正常飲開應該係帶深粉紅色，但係呢杯搞完之後係白色... 飲落好甜同好重奶味..我個人就唔太中意咁甜同咁多奶既紅豆冰....至於個炸脾，落單即炸到上枱前後約十分鐘～雞脾生炸食落脆卜卜又多汁！非常令人驚喜！沙律正正常常，薯條都唔錯，幾脆同熱～唔計杯紅豆冰我覺得都唔錯～

作為一個草根在西貢生活，當然有不少心儀的街坊食店成為我周不時會光顧的目標啦。好多時，想取道西貢墟那一個方向上班時，都會作一個小停留，食個靚早餐，飲返杯靚奶茶先上小巴走。就在小巴站的旁邊，有一間好似好兜踎下的茶餐廳，名字叫《越華茶餐廳》。門面及內室都非常之簡陋同舊，不過，這兒經常得到不少的街坊及釣魚客的垂青，也可以說，這一家茶餐廳好佬。好多時，我上班前，都會幫襯一下。 餐廳的內觀，我可以說，真係唔見得人。前兩排檯是給客人坐的，後兩排檯.....總之每一次我在早餐時段來，後兩排都是用作處理食材架啦。在這兒，我習慣食雞扒麵，因為他們的是原隻雞肶扒，食食下你一定會食到雞肶近腳位的一粒軟骨。此外，店方為方面客人食用，把雞扒切成細塊，很有心。麵，雖然是普通的大光麵，但醃雞扒的豉油味混合了麵湯，再把雞蛋的半熟蛋黃搞散至流汁，會令到個公仔麵的味道更豐滿。 奶茶雖不是我心目中的西貢最好，但濃味啱我，奶味啱我，茶味亦啱我，既然啱我口味，又點會話唔好飲呢? 簡單，方便，快捷的一個早餐，食飽搭車去上班，的確是精神一震。若是來西貢玩，平平地，快快趣食飽再去玩，也是一年快樂的事。