越男棍

營業中

休息中

總結：烤雞法包幾脆，雞幾香嫩但稍鹹；春卷撈檬賣相唔錯但味道相對普通；班蘭牛奶都係賣相唔錯但味道相對普通。整體偏中上水準。叫左嘅食物有：1. 烤雞越南法包（$ 50）：烤雞幾香嫩，但調味對我黎講稍鹹，個法包幾脆，連帶一塊生菜，都幾爽脆。偏中上水準。2. 春卷撈檬（$52）：賣相唔錯，但撈檬汁對我黎講口味偏甜，春卷唔太脆，個餡比較諗。比較普通水準。3. 班蘭牛奶（$15 ）：賣相唔錯，一層鮮綠嘅班蘭汁再跟下面一層鮮奶，但飲落唔太覺有班蘭嘅香味。甜甜地嘅牛奶咁。偏中上水準。總恬黎講，雖然味道未算太出色，但賣相同性價比都唔錯。評分：7.３/10詳細評分解釋：綜合各方面嘅因素, 包括食物同飲品（味道同賣相），環境（氣氛，空間同衛生），服務，性價比。比分偏重食物同飲品（味道同賣相）。1‐5分：不推薦5‐6.9分：普通，低機會回訪7‐8分： 都可以，會考慮回訪8.1‐9分：相當不錯，大機會回訪9.1‐10：各方面都好好，一定會回訪

其實我每個星期都一定會食一次，食過發包，但係我多數都係食飯嘅，每次都係配杯越南咖啡，一路都覺得好好食，但係有時會食得開心啲，有時會食得無咁開心，好似今日咁，飯嘅豉油落多咗食完覺得好鹹，涼拌瓜絲又落多咗令到我感覺個飯少咗，啲牛有陣時多啲有陣時有少啲，蔥油有時少啲，有時就落好多。就係因為個份量冇揸緊，就會影響到佢嘅水準。建議員工要好謹慎咁樣落好每一個份量先至可以keep住個水準，如果唔係，連我呢啲每星期幫襯一次嘅都開始有啲猶豫。

香葉包牛肉法包 烤豬法包 呢排成日心思思想食越南發法包， 所以周圍搵黎食， 見咁多人讚呢間， 就滿心期待特登揸車去買黎試下。 首先，個法包焗得唔夠脆， 入面d 涼拌瓜絲竟然係加沙津醬去做個酸味，令我諗起係咪整緊熱狗🙄🙄， 只能說港式做法， 加沙律醬可能慳水慳力。 要講正宗既涼拌瓜絲個酸味， 應該係用醋掩浸去做個清新而酸既味道， 所以呢個越南法包並不是越南味道。 裡面d 肉就無咩特別， 普通味道。平時好食既越南法包， 我可以一次過食兩個， 呢間， 我同女友每人一個都食唔晒放棄左， 無下次。

有誠意而性價比高的小店係值得推介，這店我哋叫了5款食物（法包，撈檬，烤雞飯，春卷及雞翼）我地2個人全部都吃哂，就係因為好味希望小店繼續努力，好味有誠意旣，係一定要讚🌟

放工唔係咁肚餓 但係又想食啲嘢就見到呢間餐廳 賣越南嘢食 係新開 只做外賣order咗四樣野烤雞法包 $50 老公話味道唔錯 好脆口 但佢話個人感覺有dd硬 佢話整體係唔錯豬肉撈檬$52 幾細心 完全已經去骨嘅豬扒 切到細細件方便食 但係略然檬粉較少 相信男士食應該不足夠 ，如果可以多啲青瓜絲蘿蔔絲配菜更清爽 越南春卷小食$40 ／3條呢個我覺得好好食 入面好似有啲冬菇 肉碎粉絲， 平時食開嗰啲個皮偏硬但係呢個就偏軟身 的確唔錯 👍🏻 我相信我好快會在order同埋香葉包牛肉小食 $35／5件呢個小食 又唔可以話佢唔好食 其實味道ok不過本人就覺得 唔似食緊牛肉（ 應該係免治牛肉做？）總括嚟講會畀佢85分， 相信我好快會再試試佢其他味道嘅法包🤭🤭🤭

呢間鋪新開黎講都算多人排隊 見佢地social media有寫住平日晏晝可以經whatsapp落單👍🏻預早嗌定過去拎就唔洗等好耐叫左烤雞飯、牛肉撈檬、春卷、雞肉湯檬外賣番屋企隔左成個鐘先食都幾有驚喜個春卷仲脆脆地同勁足料！！個汁都好惹味其他肉醃得好入味同埋唔柴 賣相都唔錯 幾高質😝雞肉湯檬個湯底好好飲 成碗比我清哂見其他人排隊多數叫佢個越南法包🥖不過今次就無買到 係social media見到啲圖望落都好似幾吸引🤩下次再試佢其他野食同野飲

一開已經想試，今日經過終於買了:1) 烤牛法包2) 烤豬法包3) 香葉包牛肉4) 越南春卷5) 越南咖啡6) 青檸紅茶7) 班蘭鮮奶外賣番到屋企都攤左2小時先食，但春卷仲脆，法包無出水浸濕個包，外觀已經好吸引。法包足料肝醬味出色。香葉包牛肉配辣醬其實係越南未食過，但香葉味好出點埋辣醬好開胃同解油膩。越南咖啡濃厚唔會過甜，依個係同越南飲到既非常相似了。班蘭奶未飲今晚宵夜。總結係超乎預期，屯門元朗都食過幾間出名，但依間我係覺得超越我食過既店。會再幫襯😋😋😋

收工經開見到新開越南菜個名幾盞鬼，懶得煮飯，即刻試下🤣🤣🤣 買左番屋企同老公兩份食，我哋都好滿意。叫左法包、春卷同牛肉檬，好惹味，下次可以encore🥰🥰🥰

今日終於都試咗啦！記住係「男」唔係「南」呀！好似係越南人開，店舖細細只有外賣，而且工作人員唔多，如果單多可能要等耐少少，新開張都幾多人幫襯，晚上唔係太夜所有嘢已經賣晒。之前攞咗張外賣紙，今日諗定叫乜，點知老公去到店家話menu有啲更改咗。😅本身諗住叫，1。越南法包 烤牛肉+$跟餐 小食：越南春卷，飲品：芒果薄荷梳打水「冇」改：經典青檸薄荷梳打水2。香茅豬扒湯河，豬扒「冇」改咗烤豬，整體全部都覺得好食，法包唔過硬，啱啱好脆口，配料好足，牛肉亦唔少，味道我覺得好食過元朗另一間XX表嫂。烤豬湯河，豬肉份量好多，好抵食，春卷都唔錯，青檸梳打正常合挌，一定會再試。😁營業時間唔太記得，下次再更新，另外佢而家暫時逢星期一休息。