影片
湯真係夠酸，但個酸味同椰汁、牛肉唔太夾。可能因為個椰汁唔夠香濃，食唔出椰奶味，仲蓋過咗牛肉嘅鮮味。牛肉口感就普普通通，冇乜特別，不過都算OK啦。湯檬粉我就麻麻哋，質感有少少"膠"，我個人比較鍾意煙韌有咬口嘅麵。成碗嘢最大優點係份量夠多，食咗一半都已經好飽。如果你好鍾意食酸嘢可以試吓，否則就唔太推薦。 反而雞絲越南米紙卷真係好食！口感好清新，米紙煙煙靭靭，入面仲有啲軟滑嘅粉絲，加埋爽脆嘅蔬菜，層次好豐富，食落好開胃！
繼續閱讀
喺德福玩完夾公仔掟銀仔，近近地走入隔離嘅Foodeli，睇吓會唔會咁啱有冇位坐低食晚餐，呢度都算多位容易搵，喺度諗食乜嘅時候，就揀咗對正座位嘅呢一間「越南仔」。佢都有幾多選擇，叫咗個晚市套餐，有熱飲，仲有碗湯，湯仲有得揀冬陰功添～今次食呢個炸豬排、炸雞黃薑飯，基本份量都還可以，豬排同雞外皮都炸得金黃鬆脆，講真係意想不到嘅～有啲驚喜；至於黃薑飯，色就有啦，但味就唔係好夠，真係要再調教吓～冬陰功湯諗住都會好辣，但飲落又唔係喎，我諗應該係因為例湯關係啦，易入口啲～下次可以再食吓第二個餐嘅～～
繼續閱讀
跟朋友過來九龍灣這邊行街，九龍灣真是美食天堂，很多餐廳，所以都揀了一段時間，剛好來到food court這邊覺得很肚餓，發現了這間名字那麼特別的，所以就試下，價錢味道不錯，合格！
繼續閱讀
越男仔喺附近行開唔知食咩好，就入黎試下越南菜，價錢適中，味道都好食 。C1 -招牌精裝海南雞黃薑飯雞肉鮮嫩滑口，飯充滿黃薑味。加埋特製醬油，讓每一口都充滿層次感！值得一試！如果鍾意食黃薑飯嘅朋友就一定要嗌一碗試吓。手撕雞沙律雞肉鮮嫩，唔會嚡，配上蔬菜，口感清新。沙律醬汁恰到好處，令整體味道更添層次手撕雞檬紙卷檬紙薄脆，用來包手撕雞，好適合。味道清新，搭配特製醬料，味道豐富，值得一試！青瓜青檸梳打味道清新，可以一試
繼續閱讀
經過food court個職員係咁Sell話佢哋下午茶好抵食，就叫咗個L8 ：皇牌3+2撈檬粉（手撕雞+豬頸肉絲+脆豬肉+扎肉絲+烤牛肉）$68感覺好一般，檬粉好碎，夾到夾唔起，嗰五樣嘢好似啲頭頭尾尾執埋俾你咁一陣另外叫咗個下午茶T7:法式芝心蝦多士配沙律，蝦多士四件，唔多，不過味道還可以，但係要$49
繼續閱讀