越男仔

營業中

休息中

呢間越南菜好出名一直bookmark左好耐，呢一日甘岩係附近做完野就買左外賣黎試，結果都令我幾失望！🐷皇牌3+2撈檬 $63呢個3+2撈檬有手撕雞，豬頸肉絲，脆豬肉，扎肉絲同埋烤牛肉；一打開膠袋見到有兩兜甜酸汁好開心，平時d撈檬外賣成日得一兜唔夠喉，點知原來係唯一抵讚既位。手撕雞調味過咸，份量雖然好多但咸到食唔到。豬頸肉同脆豬肉唔識分，但都係好乾，乾到咬落去牙都崩；扎肉絲都偏咸，但尚算食得到；烤牛肉明顯係鬆肉粉整到勁淋；檬粉原來好乾好乾，唔怪得有兩兜甜酸汁😂呢個撈檬不推薦👎🏻👎🏻👎🏻

我看到店內裝潢特別，🫶🏻擺設精心，菜單上的選擇也很多。這家餐廳的越式生牛肉河粉值得一試，比其他餐廳的相同菜品更好。🥩牛肉非常嫩，份量也很足，不像其他餐廳只放幾片就算了事。食完一碗河粉，🐮仍然能吃到牛肉。河粉非常滑順，👍不會黏在一起，搭配牛骨湯非常美味。如果喜歡重口味，🍜可以加上他們的蒜油，味道更上一層樓。 還有他們的手撕雞檬紙卷，口感豐富，鹹香的煙熏三文魚，❤加上下面的肉鬆、粉絲、蔬菜的口感，整體來說挺清新。

我吃過沙田的越男仔分店，今天來到旺角想吃越南料理。✨所以我和朋友，趁機試了一下這家分店的出品如何。🥰他們的越南蒜香牛油雞翼🐤，雞翼又大又脆，上面還有一層濃郁的🧄蒜蓉味和牛油味，非常適合喜歡重口味的人！另外，他們的手撕雞椰汁酸湯檬粉🥥，一上桌就飄來了香濃的椰子味道。碗中鋪滿了手撕雞肉、扎肉，🧅更加有洋蔥和蒜粒提香，湯汁帶有濃香的椰汁，帶有少少酸味，可以中和🍜椰奶，味道層次豐富，非常好喝。

之前食過一次晚餐堂食，唔算難食但係唔抵，食完二人餐好似唔夠喉，之後無再打算再試偶然機會下今次試佢既外賣，可謂對小店再俾次機會，但係都失望👎🏻👎🏻👎🏻皇牌3+2撈檬午餐連飲品($63)👎🏻👎🏻👎🏻撈檬有五樣餸：手撕雞、豬頸肉絲、脆豬肉、札肉絲、烤牛肉手撕雞有醃過但超級咸，分唔清豬頸肉絲同脆豬肉，係好乾好乾既肉，唔脆，好難咬，札肉絲都係咸，情願佢淥起原味就算，烤牛肉得1-2件，明顯見到係滑牛，所以分得出唯一成兜讚既地方係好大碗檬粉同有2個甜酸汁碌冧，可能佢都知自己既食物好乾好乾

前排約左同事收工一齊食飯，去到旺角見到有間叫越男仔嘅越南野就走入去試下。店鋪入面都幾光猛，而且好多擺設，幾得意。3+2撈檬 ($84)呢款3+2撈檬有好多配料，有手撕雞、扎肉、燒豬頸肉、牛筋仲有燒肉粒添，真是超級豐富。再加上撈檬專用嘅汁，好開胃﹗值得一讚是佢有好多青瓜絲同生菜，減低油膩感。窩蛋火車頭湯河 ($105)朋友就叫左呢款窩蛋火車頭湯河，好大碗，當中有牛肉、牛丸同埋白蘿蔔。而且湯底好濃好夠味，好正﹗蝦多士(跟餐) ($54)之後再叫多個蝦多士share，個多士炸到好脆口，而且有蝦味，再加上少少沙律醬，掂﹗#devietson #越男仔 #越南美食 #越男仔旺角店 #旺角美食

自由配搭越南菜套餐，店子永遠都是朋友最愛到的地方。特色鳳爪沙律這是朋友最愛吃的前菜，酸辣無骨鳳爪開胃，棒，酸酸味令人在晚餐時有胃口，店子的這個小吃，酸辣開胃，無骨鳳爪，最方便，洋蔥及蕃茄，又成為美味的前菜。一滴油也沒有放，是一道輕盈前菜。手撕雞檬紙卷越南手撕雞檬紙卷，底層口感豐富，份量也很多，爽脆生菜、手撕雞～味道淡配上上層鹹鹹的調味，放入口，味道很好。跟無骨鳳爪沙律同是開胃吸引，有咬口外，微微甜味，配上酸辣的醬汁用，好好吃。牛豬Pho紅蕃茄湯檬粉食肉獸會點牛及豬喔！橙紅色的湯底～令人輕鬆。鮮紅的蕃茄油，質地濃稠有蔬菜蓉感覺，很足料，蕃茄味道濃鬱，一來先喝幾口便對喔。檬粉吸滿濃鬱蕃茄湯，吃掉一碗也沒問題！豬頸肉有烤帶焦香味，有肉汁質爽口。生牛肉烤牛肉，肉質非常嫩滑牛味很好。豬扒炸到香香，香茅豬扒。脆度好，粉漿薄，沒有皮肉分離。雞扒飯不用跑到越南！店子越式香茅雞扒～材料很大份，魚露味香～油香，加點蒜頭。好棒的感覺。小吃亦多，不過湯粉已經很大份，吃不下其他東西。多叫幾位朋友來一起品嚐更多菜式喔！越南菜方便抵吃～極品湯河粉，一碗滿足喜歡吃肉之人心思，棒棒。

旺角雖然餐廳好多 但係我偏偏鍾意食呢一間越南菜 因為價錢親民 不同時段有唔同優惠款式都好多 今日晏晝嚟到入到去即刻有位 坐唔使排隊叫咗一個好想試嘅 生牛生蝦椰汁酸湯檬粉 $108蝦頭炸過好香 紅蝦好大隻 生牛肉份量都好多配上酸湯非常開胃 椰汁味不算太重所以唔會有好肥膩嘅感覺 值得一試 跟餐$29蚊有個冰蕃茄 上面加咗啲麥芽糖 蜜糖甜甜酸酸 好開胃好啱夏天食 蕃茄好新鮮好juicy 另外點咗個. 海膽春捲$48 炸過越式春捲 好香口上面仲有兩大嚿海膽 物超所值飲咗個好滋陰嘅熱 #雙檸香茅蜜 都係加$12蚊 感覺好滋潤喉嚨好養生 呢一餐感覺好飽豐富又健康 好啱同同事或者閨蜜嚟開餐

好多年前幫襯過，記得老闆係個有要求既人，所以食品一向保持到水準。不過晚市成日大排長龍，所以好耐無食，因為平日放假，下午2:00左右，唔使等位就食到，依然保持到水準，正正正

🥥 鎮店四鳥 配 椰汁酸湯檬粉($88)店舖招牌，上枱未食已聞到好香椰子味。第一次試椰子酸湯，色澤帶淡黃色，有少少似淡黃咖哩既顏色，入口有淡淡既椰子味之後就係酸味啦，感覺真係幾特別，酸酸地又夠開胃。當然食之前仲可參考店舖建議食法，加入青檸汁/辣椒/蝦油蒜蓉醬。今次仲放左蝦油蒜蓉醬，湯底即刻有淡淡嘅蝦鮮味，即時有兩種唔同既享受阿。另外好多人應該唔知咩係四鳥，原係就係手撕雞+脆皮雞片+滑雞件+脆雞)，配料份量夠多之外又夠哂抵食！🐮 沙嗲烤牛撈檬 ($62)沙嗲烤牛既沙嗲味夠香夠濃而且仲有少少花生香味，將檬粉撈既魚露甜酸汁一齊食，清爽得黎仲幾開胃。🦐 法式芝心蝦多士 ($49)講起蝦多士，表面鋪滿芝麻勁香口，送到上檯夾心既半溶芝士流哂出黎，而啖啖蝦肉又夠彈牙喎，簡直勁邪惡，真係食完一舊又一舊阿。提提大家記住一定要襯熱食阿！🐥 蒜香牛油雞翼2隻 ($29)新鮮熱辣炸起既牛油雞翼，咬落外皮脆身肉質嫩滑多汁，牛油味勁香，唔錯既。🍹 香茅青檸 Soda ($29)梳打加上左香茅同青檸，夠清新，幾好飲。仲冇個 🍅 冰鎮蜜糖凍番茄 賣曬 😭 下次食！

星期六落咗旺角行街食飯 街舖已經變得好多人呀 每次出旺角都係嚟呢間 喺旺角嘅 #越男仔 因款式較多 價錢親民今日八點去到已經都好滿座喇 店員服務周到點菜 上菜時間都好快 menu上面選擇好多呀 都真係要用時間睇一睇今日就試咗去個 #招牌無骨海南雞黃色飯 $76黃飯好香 真係好嫩滑呀 冇骨嘅 啖啖肉 好嫩滑 鮮甜 特製醬汁惹味 套餐加$13蚊有凍檸檬茶飲 呢度嘢飲款式選擇真係好多 跟參加$89蚊有個 #海膽雞絲紙卷一共有四塊海膽味濃郁 脆卜卜有生菜有米粉 感覺清新 酸辣醬真係好開胃 同埋健康 地方細細但係嘢食種類多價錢親民 真係值得支持#devietson #越男仔 #越南美食 #越男仔旺角店 #旺角美食 #mk #hkig

今日去開旺角行街又想食呢間越男仔旺角呢間係總店舖頭座位幾闊落 坐得都舒服今晚二人叫左無骨鴛鴦雞配黃薑飯 $64一次過試到海南雞同蒜蓉牛油雞扒海南雞幾嫩滑 蒜蓉牛油雞扒炸得好香口黃薑飯都夠味 好食仲跟埋牛骨湯/雞湯 試左牛骨湯 少少鹹但都幾濃牛骨味沙嗲串燒撈檬粉 $76有雞牛豬各一串燒得好香仲保留到肉汁加埋沙嗲醬好惹味同撈檬都幾夾小食揀左蒜蓉牛油雞翼 跟餐價$29雞翼炸得好脆又好重牛油味雞翼大大隻 推介呢度嘅小食都幾特色 同其他越南餐廳唔同次次黎都可以試到唔同嘅口味😋

佢哋嘅Lunch Set選擇非常多有2款小食，1款主食，1個餐湯同1杯飲品性價比好高好超值同朋友人每人點左一個set小食有四款：牙車快沙律、無骨鳳爪沙律、椒鹽脆蛋魚柳、手撕雞檬紙卷特別推薦大家試吓佢嘅手撕雞紙卷咬落去有唔同層次幾香口開胃招牌無骨雞配薑黃飯同海南雞飯唔同相對冇咁油膩薑黃飯非常香口豬牛紅蕃茄湯檬入邊嘅肉類有生牛肉、烤牛肉、豬頸肉、豬扒檬粉都幾彈牙餐廳仲有好多特色飲品我哋就點咗椰汁紅豆冰同鮮菠蘿梳打冰如果鍾意飲咖啡嘅朋友仲可以試吓越式漏漏啡人均都係$100樓下咁經濟嘅價錢就食到越南風味大家經過旺角不妨試吓

上次同朋友食過越南仔下午茶真係好滿意又抵食，今次帶媽咪嚟食晚餐店內一直播放著越南Rap及輕快音樂，令人心情輕鬆==========🔹3 Course Dinner Set E $109▶前菜牙車快沙律/無骨鳳爪沙律材料豐富有柚子、雞肉、生菜、紅蘿蔔絲、青瓜絲、青木瓜絲、紫洋蔥及蔥花雞肉帶淡淡的炭燒香；配料新鮮，沙律汁酸酸甜甜的好開胃推介指數：9/10椒鹽脆蛋魚柳/手撕雞檬紙卷+$1️⃣5️⃣ 配三文魚捲上三文魚花鋪在檬紙卷上，賣相得體煙三文魚帶微微炙燒香，味道不過鹹檬紙卷材料跟牙車快沙律大致相同，外皮做到軟滑煙韌；蘸上酸辣汁醬更滋味整體口感層次豐富推介指數：8.5/10▶️主菜牛+豬Pho生牛肉+烤牛肉+豬頸肉+豬扒配紅番茄湯檬粉湯底濃稠番茄味濃厚，加入紫洋蔥及蔥花生牛肉粉嫩，質感軟滑帶筋；烤牛肉軟嫩富牛香，非常滋味；豬扒緊實有嚼頭；豬頸肉爽彈帶肉汁四款肉均有恰好的調味檬粉份量充足，最後食唔哂推介指數：9/10==========🔹三文魚脆雞生菜包 跟餐價 $58 (單點 $72)將三文魚做到肉碎般的樣子脆雞的雞皮如其名，雞肉嫩滑同生菜夾埋一齊食能減脆雞的微膩推介指數：7.5/10=======

今日去左旺角行街，行過一間食越式菜嘅餐廳叫「越男仔」，我地一行二人好彩早去到，唔洗點等位，入到去環境唔錯好大😃，睇一睇餐牌發覺好多款式，而特色飲品都唔少，正❤️。我地唔係好肚餓，於是叫左個3 course dinner及蒜香牛油脆雞翼。⭐️牙車快沙津：沙津配上雞絲，雞絲食得出係烤過，非常香烤味😙，配上沙津清爽。⭐️手撕雞檬紙卷：個人幾喜歡呢個手撕雞檬紙卷，雞絲在紙卷上面，仲有啲脆片，而紙卷包住檬粉同蘿蔔絲，配上特色酸辣醬，非常有特色😊。⭐️牛+豬紅蕃茄湯檬：當中有生牛肉，烤牛肉，豬頸肉及豬扒配上紅蕃茄湯檬，湯底用紅蕃茄製成，鮮甜濃郁，配料及牛豬份量十足🥳，肉質都幾嫩滑。⭐️蒜香牛油脆雞翼：很有特色的炸雞翼😍，上枱時已經好香嘅蒜香及牛油味，食起上黎外脆內軟，而不失雞翼味。⭐️三檸七喜：以檸檬，青檸及咸檸製成的飲品，非常特別及解渴。⭐️椰汁拉茶紅豆冰：正宗拉茶，加埋紅豆，好飲🤩

平時行開行埋見到佢個menu好多花款，望落幾好食，今次就決定試吓餐廳環境感覺係越南文化溝少少香港特色侍應態度唔錯，就算人多都唔會hea今次兩個人試咗一個單叫嘅餸+一個3 course set。整體嚟講幾惹味開胃，食完好滿足芝士軟殼蟹配焗蒜茸包(單叫)上菜嘅時候軟殼蟹好熱辣辣，夾埋芝士同勁足料嘅蒜蓉包一齊食，好！和！味！食完炸嘢，可以叫餐廳俾啲酸辣汁撈啲墊底嘅粉絲嚟食，中和返。牙車快沙律 + 椒鹽脆蛋魚柳 + 越男仔葱油三味配黃薑飯 (3 course set)牙車快沙律沙律菜配少少似柚子味嘅沙律汁，沙田柚粒加已經醃咗咸咸地嘅雞絲一齊食好refreshing，有驚喜椒鹽脆蛋魚柳望落去以為好厚粉，食落去外皮薄魚肉餡厚身鬆軟多汁，完全係外脆內軟，都幾驚喜。越男仔葱油三味配黃薑飯三味入面嘅肉（扎肉+豬頸肉+豬扒）都係比較濃味，配黃薑飯食會剛剛好，好香。扎肉有輕微燒過，肉質會實過食湯河配嘅扎肉豬頸肉同豬扒味道醃得好入味，而且肉質超冧身，係非常加分嘅位