越男仔

營業中

休息中

本身去旺角係想食sharishari🍧當晚餐🙈點知平日都大排長龍😯 之後喺附近行下行下見到越男仔就入咗去食啦～•🥢 胡志明市紅蕃茄四寶湯檬粉 $92四寶係指豬頸肉、脆豬肉、豬扒同扎肉，每樣份量都唔少，所以好大碗，脆豬肉幾有驚喜✨，浸咗落湯到半腍半脆又有啲咬口，蕃茄湯好濃郁，同比較淡味又唔吸湯嘅檬粉好夾，加埋豬扒，我哋覺得好有焗豬扒飯嘅感覺，不過成個湯底油咗少少，同埋檬粉有啲碎~•🥢 牙車快沙律 $49沙律堆到成座小山咁，比想像中大份！最頂係手撕雞肉，充滿黑胡椒嘅味道，再帶點焦香，下面係椰菜絲同同蘿蔔絲，仲有啲柚子粒粒，可以自己再加魚露撈勻調味，幾freash，不過柚子味就唔突出啦，但咁大份都幾滿足！•🥢 法式芝心蝦多士 $49蝦多士有4件，上層係沾上芝麻嘅蝦餅，下層係多士，兩層都有唔同嘅脆脆口感，蝦餅比較結實，應該有加到麵粉(?)，中間仲有流心芝士，口感同味道都好豐富！

黑糖鳳爪沙律，鳳爪的皮軟嫩，搭配上甜蜜的黑糖醬汁，形成了一種有趣的對比。沙律中的其他成分，如蔬菜和水果，為這道菜增添了豐富的口感和清新的風味。手撕雞檬紙卷，雞肉的質地嫩滑，搭配上鮮榨檸檬汁和香草調味，帶來了清新的風味。紙卷的餅皮薄而鬆脆，為整道菜增添了口感的層次感。海南雞飯，雞肉香氣，配以嫩滑多汁的雞肉和香氣四溢的米飯。米飯是用雞湯煮熟的，因此質地鬆軟且帶有濃厚的雞肉風味。配搭的醬汁，增添了一些刺激的味道。這道菜的美妙之處在於它的簡樸和平衡，每一口都帶來了雞肉和米飯的完美結合。

同老公嗌咗兩碗粉，係牛肉湯，係我史上食最鹹嘅越南餐廳，已經加咗一杯水落去碗粉嗰度，仲係好鹹，完全食唔到😢直程鹹都覺得要洗腎嘅感覺。食兩啖已經食唔到！然後買單兩個人三百幾蚊，我同先生小都叫咗三個餸，個份已經夠少，仲要好鹹真係搞唔掂，我哋兩個都飲梳打，個菠蘿梳打都有問題，啲菠蘿係超級酸，然後個梳打水係熱嘅，仲要係冇氣完全唔值得有服務費，以後都唔會幫襯👋🏻不了👋🏻👋🏻對呢間嘢係超級失望！以前食都唔係特別好食，今次係完全唔會再俾機會本身幫襯純粹都係因為支持💛

👑皇牌3+2撈檬 $63呢款皇牌果然巴閉 有齊雞肉牛肉豬肉分別係手撕雞 豬頸肉絲 扎肉絲 脆豬肉同埋烤牛肉其中最多係豬頸肉絲 每條都粗粗肥肥 肉感滿滿油脂平均 唔會乾鞋又唔會過份油膩 香香脆脆最鍾意絕對係脆豬肉 雖然細細粒但鹹香味好突出口感硬身得嚟帶啲嚼勁 似係昇華版送粥嘅鹹豬肉烤牛肉偏甜 手撕雞就帶黑胡椒香氣 都幾有層次檬粉溫度唔會太冰 爽滑彈牙 另外一提係佢有大量醃蘿蔔絲 青瓜絲 同生菜 增加飽肚感之餘可以降低膩感 更加清新清爽配搭嘅越式魚露汁 酸酸甜甜好開胃🐮火炙燒牛+脆雞撈檬 $72牛肉大大塊而且份量都好多肉質軟稔得嚟帶啲咬口 炙燒到微微脆令人食唔停口😩調味鹹中帶甜都幾惹味同上面嗰款一樣檬粉溫度同樣唔會太冰爽滑彈牙之餘有大量醃蘿蔔絲 青瓜絲 同生菜上面仲撒咗大量炸蒜 同埋蔥花 非常鹹香香口🔥越式素春卷 $28 (跟餐+$19)春卷好足料 條條都肥嘟嘟入面包著Q彈嘅粉絲 木耳絲 蘿蔔絲春卷皮呈網紋 咬落薄脆酥炸

旺角廣華街附近好多美食今晚帶同朋友仔探店行經一間越南湯粉店～見到門口poster已流口水🤤🐮牛豬pho 生牛肉+烤牛肉+豬頸肉+豬扒 配紅蕃茄檬粉蕃茄湯底好濃郁，晚餐份量十足⋯⋯有牛肉豬頸肉等等，啱晒鍾意食肉的朋友～肉類煎得好香口，配埋蕃茄湯酸酸甜甜好開胃🐔招牌椰汁酸湯滑雞湯檬粉椰汁酸湯色澤帶金黃色，入口淡淡的椰汁味和酸甜味，感覺真系好特別，雞肉嫩滑食過返尋味🦐法式芝心蝦多士蝦多士外層香脆，口感十足😋中間夾著流心芝士，外層鋪滿一粒粒的白芝麻，非常惹味

旺角真係好多嘢食 不過我同朋友多數都會幫襯呢一間越南菜嘅 地點方便 係地舖 算係近地鐵站 走嘅係新派越南fusion 菜式 創意style. 可以自由搭配嘅 河粉套餐 我今晚就揀咗個三加二撈檬裏面有雞肉豬肉牛肉 等等 加咗啲醬汁撈埋真係好啱夏天食 呢度最出名個水果茶裏面有菠蘿 薄荷 等等 夠曬健康 我最鍾意嘅係呢度嘅蝦多士裏面夾住流心嘅芝士蝦肉真係 一試難忘另外都鍾意牛油雞翼呢個小食好香口 埋單都係$200蚊到真係好抵食 呢度坐得都幾舒服 服務態度又速度快 好經濟實惠

🐱聽店名都知係食越南野🇻🇳款式超多，撈檬、湯河、海南雞、多士、春卷等等☝🏻你講得出既都有🤓食得出用心製作，同埋佢係特登調教個味道迎合返香港人品味😋招牌椰汁酸湯滑雞湯檬粉：$82🌕🌕🌕🌕/5餐廳建議要落調味三寶：新鮮指天椒、新鮮青檸同蝦油蒜頭🧄當然即刻加✌🏻個湯飲落重椰汁味，另有少少酸酸咪咪，加埋三寶，係非常完美嘅搭配😜係出面冇食過既味道👅而個雞件都真係好滑😍係用咖喱汁煮成，都好好食😋沙嗲烤牛撈檬：$62🌕🌕🌕🌕/5撈檬汁放台面任加😜我個人好鍾意食酸酸甜甜嘅嘢，所以落咗好多汁🤓呢個汁配埋檬粉都好難唔好食🤣想讚讚個烤牛🐮個沙嗲醬都算香濃，但唔會過膩，個牛肉好淋✌🏻備注：有加一💰

天氣熱辣辣，就想食東南亞菜式，咁岩今日見到越男仔唔洗排隊，就即刻去幫襯下佢。招牌無骨雞配黃薑飯$89中午套餐有2個小食送，我就叫左牙車沙律同椒鹽脆蛋魚柳。牙車沙律酸酸甜甜非常開胃，而且配料爽口。椒鹽脆蛋魚柳炸得剛剛好，外層酥脆，內裏鬆軟又保持到魚柳既嫩滑。加上外層椒鹽更加惹味。套餐免費贈送雞湯或牛骨湯，我就選擇左雞湯，味道濃厚，雞湯味十足，飲用都唔會口渴。無骨雞份量十足，啖啖都係肉，雞肉肉質鮮嫩多汁。黃薑飯椰漿味十足，飯粒又軟硬適中。蒜蓉牛油雙蝦札肉撈金邊粉$108不得不讚既係廚師好細心將蝦頭炸過，但蝦頭中既蝦膏又保留到係入面。蝦肉有濃濃既蒜蓉牛油香，令人食慾大增。金邊粉加上撈檬汁，酸酸甜甜更令人開胃。金邊粉份量亦都唔少。漏漏啡（+10）黎到越南餐廳緊係要嘆番杯越南咖啡啦，好有越南風味。越男仔📍地址：旺角廣華街2-20號翠園大樓二期地下5號鋪

越男仔係旺角都幾出名~長期都坐滿人，有機會要等位~3 course dinner $109🔺牛+豬pho生牛肉+烤牛肉+豬頸肉+豬扒配 紅蕃茄湯檬粉，牛肉覺得正正常常，豬頸肉係厚切得嚟，又唔會好硬，豬扒都一樣！每樣餸都會有2舊左右，都好夠~湯底係蕃茄，好濃味，有埋幾舊蕃茄係度，配檬粉係幾不錯~🔺 無骨黑糖鳳爪沙律鳳爪只有3舊左右，下面係青瓜蘿蔔等配料，會有少少酸辣味道，幾清新🔺 手撕雞檬紙卷呢個有驚喜，靠手撕雞嘅味道帶返啲鹹味，再落平時撈檬個隻汁，係好夾👍🏼就會好開胃· 四寶蕃茄湯檬 $92其實同另一碗差唔多，不過淨係得豬肉~扎肉都好食😋· 咸檸七 $18🍽 越男仔 | 旺角📍 旺角廣華街2-20號翠園大樓二期地下5號舖

來到越男仔旺角分店 食物份量十足 非常抵吃 CP值極高主食和小吃的選擇非常多 全部都想試撈檬醬汁十分開胃 清涼透心 是夏天的首選牛筋和牛柏葉軟腍入味河粉爽口彈牙 浸久了也不影响軟硬度湯汁層次豐富不死鹹豬排和豬頸肉的份量十足香脆而不油膩 肉質鮮嫩多汁配上花生味濃郁的沙嗲醬 超級好吃紙卷餡料十足 單吃偏乾身 建議加配撈檬醬汁食用蝦膠爽口彈牙不乾熱辣辣脆卜卜的多士配上流心的芝士 非常邪惡_有點期待下次再訪時可以嘗試其他小吃 飲品和飯類

🎏️ 食盡油尖旺 — 越南仔✨🇻🇳 ➖➖➖➖➖呢間越南仔好耐之前喺荃灣食過一次，唔講唔知原來沙田同旺角都有分店😱 早排喺旺角染布房街呢邊重拾一下佢嘅味道，的確唔錯絕對係鬧市之中嘅必食嘅越南菜🇻🇳😌美味指數 😋: ⭐️⭐️⭐️⭐️環境指數 🏖: ⭐️⭐️⭐️⭐️服務態度 👨🏼‍🍳: ⭐️⭐️⭐️⭐️翻兜指數 💫: ⭐️⭐️⭐️⭐️(五粒星為滿分💯)🍜 椰汁酸湯無骨海南雞 $86🍜 Dinner set E - 紅蕃茄湯檬 $109本身呢個無骨海南雞飯都吸引，但只能夠講轉左椰汁酸湯更加吸引🤩 轉左檬粉底，配搭呢一個湯底真係冇得輸，本身湯底酸酸地都已經好開胃，而且佢嘅海南雞啖啖肉唔算太鞋口，非常唔錯😏另外一個晚餐同樣係分量十足，配料上邊有牛肉有豬頸肉，豬頸肉燒得剛剛好非常香口，重點係佢個蕃茄湯底好濃郁🍅 成個蕃茄拍緊入口咁😂 分量都唔使呢個絕對抵讚而且會上返兜！唯一可惜嘅係呢個價錢居然係唔包嘢飲冇包小食🤔 以一個晚餐來講其實都略嫌少少貴，性價比老實講就麻麻哋啦，不過食物質素特別係湯底方面都幾有驚喜絕對係唔會想再食😌💰Total: $215✅ 質素絕對有保證，特別係湯底冇得輸😤❌ CP值真係麻麻哋百幾蚊一碗 呢個就交俾大家自

🔸雞撕扎肉椰汁酸湯好香濃椰汁味既湯底，加上酸汁，酸酸味味，成碗粉都不膩，湯底都可以飲埋🔸窩蛋火車頭有牛丸 生牛肉 牛柏葉 熟牛肉組成 份量都非常足夠 湯頭係清甜香濃既牛骨湯🥹🔸牛油雞翼雞翼炸到香香脆脆，而且封住哂d肉汁🔸春卷春卷好足料，都唔細，平時食度都係細細條，外皮輕炸，唔會覺得梗口，配上餐廳自己調配越式汁酸酸甜甜略帶微辣，清清爽爽，頭盤一流佢仲有自選配搭🤪自由選擇唔同已湯底 配料 醬汁 及 粉麵等等車仔麵咁既概念 又幾好wo😆

旺角一向係覓食好地方,今次同朋友嚟到旺角梗係要搵啲好嘢食啦！朋友話想食越南菜,見到附近有間「越男仔」,就入去食午餐。一坐低,服務員好有禮貌咁遞上餐牌。餐廳內嘅裝修有特色,坐得又舒服。招牌無骨雞配黃薑飯$68雞肉嫩滑,份量十足,粒粒分明嘅黃薑飯帶有椰香味,配埋個醬汁真係好食。自家製沙嗲串燒(牛+雞+豬)撈檬粉$66牛、雞、豬各一串,肉質嫩滑,沙嗲醬濃郁。檬粉爽口彈牙,好食。越式蝦餅(跟餐$42)蝦餅炸得鬆脆,美味可口,非常惹味。牛炸醬春卷(跟餐$23)春卷內有牛肉絲、木耳絲、紅蘿蔔絲和粉絲,炸到非常香脆。另外跟餐免費送熱奶茶和熱檸水。#devietson #越男仔 #越南美食#越男仔旺角店 #旺角美食

😋🍽️胡志明市紅蕃茄四寶湯檬粉 $69餸料很豐富 有豬扒 扎肉 豬頸肉 脆豬肉 每樣都先經過煎香 加上濃濃的酸甜蕃茄湯底 非常開胃 食指大動😋🍽️招牌手撕雞椰汁酸湯檬 $51椰汁份量很足 十分濃郁 帶酸解除了椰汁的膩感 非常開胃 再加上辣椒 青檸及蝦油蒜後 令整個湯底味道𣊬間提升 有層次 雞絲浸透湯汁後 更為美味 大推🍽️雙拼小食 +$35😋無骨鳳爪沙律沙律調味帶酸 非常開胃清新😋手撕雞檬紙卷紙卷帶軟糯煙韌口感 加上包裹的內餡 有層次味道清新簡單😋🍹凍拉茶 +$3叫了小甜 覺得此甜度剛好 茶味很濃及香醇🍹乳酪漏漏咖啡 +$18咖啡味濃 味道偏酸 喜好因人而異

喺附近搵食，最後揀咗依間越南菜。隔離仲有兩間泰國菜，仲有一間食清湯腩，要排長龍。依間越南菜都幾出名，一直想試都未有機會。第一次食當然要試吓佢嗰「鎮店四烏椰汁酸湯檬粉」。所謂四烏包括1）雞脆皮2）手撕雞3）滑雞4）香脆雞首先係面頭嘅係塊雞脆皮，好似平時打邊爐食嗰啲魚皮咁趣卜卜好香口。然後有三件滑雞，無骨嘅，啖啖肉。兩件大嘅香脆雞，即係炸雞扒，好味嘅。手撕雞就覺得整得太碎啦，冇咩口感，變左湯底料咁。個濛粉都幾大碗，個湯的確有啲酸酸味味，亦都有啲椰汁香。另外叫左沙嗲芝士焗雞扒飯。一開始個侍應都話個焗飯要等耐少少，估唔到都真係等到個檬粉差不多食完先上枱。用個鑊咁拎上嚟，但唔會太熱。塊雞扒勁大塊，遮住咗個飯。個底係有飯焦好香。有沙嗲醬其實都唔會唔好食，不過我覺得撈落個雞扒好似唔係好夾，另外本身以為面頭嗰塊係炸到好香脆嘅雞扒皮，點知原來係一大片芝士，其實佢叫焗飯係咪應該係啲芝士溶落個飯度，而唔係成塊焗脆左嘅芝士。另外跟餐叫咗一杯凍檸水一杯越式奶茶，大家可以試下越式奶茶都幾香幾甜。最後埋單張收據吸咗四個印仔；儲夠五個當$20，十個當$40，發單後一個月內堂食使用（下午茶及外賣除外）80幾蚊一個餐，仲