越棧越式湯粉專門店 (荷里活廣場) (已結業)

真係聽到大家話呢間嘢態度差我就放心啦。先唔講我個friend係呢問嘢食碗面都可以食出隻螞蟻，而且某個女員工 （望上去係四五十歲，身型肥肥哋）態度仲要極差 ！專登收多我兩杯嘢飲錢，仲喺度同我詏，好似教我做人咁。唉好啦，最後佢發現佢錯啦，原來真係收多錢，佢就將個獲掟畀其他員工，喺度鬧佢哋打錯單。到最後仲要好唔啹我，喺度串我喎！如果唔係我強硬啲，我都真係畀佢厄錢啊！大家，真係，離呢間嘢遠啲，真係有幾遠得幾遠。人生第一次寫食評居然係因為呢種事 ！我唔明點解呢間嘢允許啲態度咁差嘅員工對住啲客！唔識開餐廳嘅話其實可以喇喇臨執咗佢

因為屋企附近冇越南餐廳， 今日特意去Hollywood 越棧買外賣撈檬。滿懷希望以為有美味的檬， 汁又俾大大包。 一倒倒了半包， 怎知吃不出味道， 只有微酸和辣。 以為是沉淀了在底， 再攪拌再倒， 仍然很淡！ 感覺中伏。其實不用俾太大包汁， 有真才實料， 夠味就可。 為何要破壞我們期待的‘’美食‘’。大家沒必要也別要光顧， 以免失望！希望大家慎入， 這個回到家才發現令我十分憤怒， 但實在沒可能特意回去追究吧！這真是一次很差的外賣經驗！

唔好去，唔好去，兄弟姊妹們千祈唔好去，貼錢買難受！食唔夠半個鐘老闆娘就開始趕客走，每一枱客都係，等嘅客又唔係多，趕客技倆無所不用。我啱啱食完最後一啖，老闆娘就極速收碗，之後用塊臭到飛起嘅布抹枱。唔夠一分鐘，就想收埋我只飲咗一半嘅椰汁冰，之後同個同事講呢度有張4位枱，但我未走喎？？？之後老闆娘夾硬隊塊防疫板喺我哋4人枱中間，我同佢講我哋幾個重未走喎，你咁做想點呢？佢話之後拆做2張2位枱……雖然我有教養，但面對如此無禮之徒實在忍無可忍，我一下無影手就將塊防疫板拆下，還番俾老闆娘，但佢居然反攻將塊板放喺我背囊張櫈度😳埋單睇番張單，由入坐到走都係半個鐘多啲，我同老闆娘講話你塊防疫板整污糟我個背囊，佢重大聲話睇唔到。一直以為越棧係大集團管理，但經過今次恐怖經歷我懷疑有啲店係特許經營。如果你有緣睇到呢篇食評，呢間店千祈唔好去，除非你鐘意食住走。第一次寫食評，實在忍不住，間嘢差到一個點。五個字，差差差差差差差差……

同朋友SHOPPING完，諗住搵個地方食個午餐。大家都想食越南料理，剛好鑽石山有越棧，諗都唔使諗就快快行去。幸好只係等一陣，職員就已安排入座。枱與枱之間較迫，感覺肥少少都唔知點算咁......這餐廳唔使掃QR CODE，職員有餐牌遞上給我們看看。1️⃣越式粉包（半份）。$30🔎好似越來越難找到這種食物，可惜這裡整得只是一般。2️⃣春卷（1條）。$18🔎春卷比粉包出色。3️⃣湯粉。$58 🔸胡椒豬肉 - 湯金邊粉🔎一見到胡椒豬肉既反應係....黑咗啲喎！不過食落還算可以。4️⃣三色冰（跟餐加$4）🔎天氣有點熱，飲凍野好爽呀！

今日攞位，個啊姐叫我係門口等，係門口等左陣，連續睇住兩對後過我黎既客黎攞位，個啊姐就即時俾左枱佢地。我見唔對路就問啊姐話我等左段時間啦喎。🤔點知個啊姐鬧返我：「嗌左你又唔入！講咩？」我心諗，我一路企係門口你又望到我，我又冇戴耳機，你有嗌我點會唔知？然後就駁返佢話：「我一路企係門口邊有嗌我？😵‍💫」最癲既係個啊姐無啦啦發惡大聲鬧：「你唔好咁大聲，你收聲！出返去等！」呢下真係著左，你自己做錯左野唔認屈落我到都算，自己大聲又話人大聲之餘，仲鬧我收聲。唔好話客唔客，就算係普通人你都唔會無啦啦喝人「你收聲」啦下話？嬲到震即刻走左人。呢間餐廳既態度之差真係前所未見！！😡

11:33落單我哋好正常咁嗌嘢食，嗰阿姐唔知抽左邊條根，係咁催我哋快啲，間鋪唔多人，但佢又好趕咁，洗唔洗啊我哋嚟食飯唔係嚟受你氣，好地地咩都無做過要受你氣，我真係食唔落呢啖氣，我哋慢少少就走鬼左，我哋又無嗌成5分鐘，1分鐘都無啊姐😀第一次食以後都唔會再食，都會叫身邊嘅人唔好食

早幾日同家人去荷李活越棧食下午茶我同一位中年短頭髮嘅女侍應講 叫佢比三杯水我哋佢當時好大聲講，話我哋冇+1服務費然後指住個角落頭位, 叫我自己斟當時附近嘅食客都望住個侍應大家都O晒嘴當時我同我阿媽一齊費事同佢嘈交 嚇親老人家如果唔係我實鬧爆佢我同佢講話, 你使唔使咁現實啊佢就冇理我 真係想問吓嗰位中年短頭髮嘅女服務員有+1嘅話會有啲咩服務冇+1又會做啲咩 唔做啲咩真係想問吓越棧係咪冇+1服務費就要咁嘅態度對啲客人服務嗰欄都想填零

之前已經覺得佢難食兼污糟 ~見佢裝修咗~ 即管去試一試睇下有沒有改進~ 點知非常失望~ 叫咗豬扒湯檬同咸檸七~ 豬扒冇味兼厚~ 咸檸七即頭似清水加少許七喜~ 諗住起碼有樽橙色醋可以提升返碗湯檬粉~ 點知連呢個都難食咗得個酸味~ 真係唔會再返轉頭幫襯😡😡 激氣得滯~連相都冇影早走早著~

📍鑽石山荷里活廣場 越棧📍喺鑽石山荷里活廣場行街，行到差唔多，搵個地方食啲野！越棧都係一個幾好嘅選擇，幾十蚊一碗粉，地方有幾好坐！✨雞絲河粉 $50湯底好香濃，河粉嫩滑好食。✨特別牛河 $56有牛肉，扎肉，牛肚等料，都豐富！

今天luchtime的時候，和朋友在荷里活廣場找東西吃，突然覺得天氣冷冷的，想吃湯粉，結果想起這一間。香茅鷄翼湯河x2每次必點的，因爲本人十分喜歡是鷄翼。他們的鷄翼炸得好脆，又好香，完全唔會乾噌噌，當咬落去，果啲鷄汁流黎，超級好味。河粉就正常發揮，沒咩特別。呢一間的姐姐好有禮貌，當不知道要食咩好，，啲姐姐會推薦邊個好吃。十分有禮貌，重會提醒你唔好帶漏野！

好耐冇食既越棧今日再食二人餐已經唔係以前嘅味道套餐包括：湯粉兩碗小食兩款飲品兩杯小食之一嘅香茅豬扒 好咸反而扎肉蝦餅幾好味！兩碗湯粉正常發揮最唔ok係杯野飲兩杯都係椰汁底但淡而無味好似水咁真失望😥

野食食唔死你，態度嚇死你食食下野，見到朋友攞起咗放隔離櫈嘅袋，我話唔緊要啦，都未有人，有一個侍應姐姐就登起對眼話，呢個咪人囉，望住我，原來，佢剛剛叫咗隔離再隔離張枱嘅客人搬過嚟。我就同佢講，哦～我唔知人地搬過黎吖嘛，登番佢，大家眼望眼咗一陣，佢繼續做野。系咪紋條眼線框哂隻眼就以為自己好兇😂咁嘅態度，真係有啲差勁。特登上黎openrice 睇番啲評價，原來出名咁西。食個lunch 食到背脊骨落。呀姐咁有態度唔休做，出黎做野又做到咁嘅態度。犀利。

今天去了荷里活找朋友，當我倆還在苦惱吃什麼時，經過越棧傳出陣陣的香味，加上我們都想吃點濕濕的，便被吸引了。雞翼湯河每次都必吃的，雞翼相當入味，調味得宜，陣陣香茅香味，香脆可口，每口都多肉汁滲出，不會乾巴巴，還有雞翼面上的炸洋蔥，增加香氣，河粉亦相當滑身，湯底鮮甜，還可以在醬料自助區找自己喜歡的醬料添加，我最愛馬拉盞醬，令整個湯多了一份咸香鮮味。套餐還配搭一杯特飲，椰汁紅豆冰，紅豆量多，粉粉甜甜的，配上椰汁，香香的椰子味，冰涼透心，簡單滿足的一餐

以前經常食越棧，而家分店愈黎愈少。咁岩係鑽石山工作，就想食翻當初既味道。我地每人叫左一個餐，豬扒湯河同雞翼湯檬，必定要叫佢比埋辣椒青檸！完全為左個湯添加風味雖然豬扒同雞翼上枱都唔太熱，但就夠入味，而粉份量都唔算多。如果唔想晚餐食太盡既講，就真係可以考慮一下既。

The food was bland and mediocre. The ice made the drinks taste like tap water. There was blood on the side of my bowl. The manager charged me extra for a mistake he made. A special drink was supposed to be an additional $4 but he changed me an additional $12. Never coming back to this place.