影片
以上資料只供參考, 請與餐廳確認詳情
同個女各自叫咗燒雞撈檬同燒雞喇沙，燒雞皮脆肉ok唔乾，撈檬配菜好足，好開心有咁多蔬菜，檬量又啱啱好。喇沙湯底味道濃鬱，好味。食咗越菜咁多年，可以算係我哋試過嘅撈檬、喇沙中，top1 or 2 in taste and value for money，連跟餐油菜都比人多。唯一鮮榨果汁size比較細，但食完晒其實有啲飽到差啲飲唔落杯飲品，所以ok嘅，其他飲品都係標準size。 餐廳位於長沙灣廣場3樓美食廣場內，環境唔算高級但乾淨舒服， 服務好ok，食物亦好快送上，總括呢餐係大滿足，好enjoy 😊
繼續閱讀
食咗：海南雞油飯、生牛肉湯河、小食牛油雞翼、豬扒撈檬、串標雞油飯香氣十足，雞肉嫩滑；生牛肉湯河湯底清甜有層次，份量夠大，喺荔枝角算難得！牛油雞翼必試，脆皮帶牛油香好突出；豬扒撈檬味道均衡，肉汁多唔乾。豬扒好有香茅味！撈檬個汁唔夠酸不過都好食同行同事仲叫咗串標，以$18小食套餐來說，份量啱啱好！下次黎會想試下喇沙Lunch set 大概$70包一杯烏龍茶，份量足，性價比高。會再返轉頭食推介菜式： 海南雞油飯、牛油雞翼、越南湯河、豬扒撈檬整體評分： ⭐⭐⭐⭐⭐️ (5/5)
繼續閱讀
平日lunch hr去食，同事已經話依間唔太得。因為上次叫左個生牛肉河既份量好少。但未試過點都要試吓先評論。叫左豬扒喇沙$78，碗麵有半隻蛋同芽菜。湯底同份量都係正常既。到個豬扒先係重點，油得嚟仲要有塊腍滋滋既皮。真係好唔得。要去左皮先食。。同事叫左海南雞飯$68 , d雞既份量好少。個湯咸到完全飲唔到員工服務態度係好既。不過如果要同一個價錢，荔枝角嘅選擇相對多。總結係。。我認同同事既食評。依間野可以唔洗再嚟。
繼續閱讀
荔枝角長沙灣廣場3樓嘅越巴，主打平民價越南菜🇻🇳，裝修簡約光猛，坐得舒服。午市勁多上班族幫襯，$70左右有齊主菜+小食+飲品，性價比高過同區茶記！ .今次試咗燒雞扒喇沙套餐，雞扒超滑冇得輸😍 雞皮燒到微焦脆口，肉質嫩滑到一咬落去肉汁滲出嚟！蘸埋喇沙湯底更惹味🙌🏻 喇沙湯底夠正宗，椰香同蝦膏味平衡，辣度溫和，撈埋油麵同豆卜索晒湯精華。小食有炸蝦餅同埋越式春卷等等，嘢飲有鮮炸西柚汁或鮮榨橙汁等，好夠誠意🫶🏻.環境乾淨上菜快，平日午市要早少少嚟避人龍。想平平地食高質越南粉麵，呢間可以encore～
繼續閱讀
❣️越巴 (荔枝角)荔枝角長沙灣道833號長沙灣廣場3樓310號舖☎️越式熟牛肉河粉$68+$15轉套餐（包一款小食+飲品）河粉上面有滿滿嘅牛肉，牛肉切得好薄，所以食落好軟熟🤤湯底清甜，再配埋吸湯嘅河粉，更加容易入口🥰牛油雞翼（+$15套餐已包）雞翼嫩滑多汁，咬落去啲汁流晒出嚟， $15有兩隻雞翼+嘢飲好抵食！橙汁（+$15套餐已包）鮮榨橙汁細細杯～滿足咗一下想飲果汁嘅我～#荔枝角美食 #荔枝角美食篇 #越南 #牛肉 #河粉 #foodlover #foodies #打卡cafe #打卡cafe #打卡餐廳 #打卡 #打卡美食 #好好吃 #長沙灣廣場 #越南菜 #牛油雞翼 #香港餐廳推介 #靚餐廳
繼續閱讀