越南麵包

營業中

休息中

眾所周知, 我愛麵包程度接近癲狂, 每次經過麵包店定必如獵犬般索下陣麵包香, 真係好病態!! 朋友有見及此, 話帶我去食D特別既麵包咁話, 我仲話有幾特別先?Came from越南的麵包, 問我見過我未? 老老實實係外國麵包真係當飯食架! 越南美食印象多是湯河粉麵類, 而且市面都唔多越南食物, 所以又熱切又期待佢地既麵包會係點既!臨近聖誕, 店內亦有不少聖誕佈置, 增添不少節日氣氛, 店內環境幾優靜, 都好岩三五知己聚餐聊天呢~店員為我們放上暖水, 之後送上讓我們慢慢選擇, 餐牌是好簡單的設計, 所有食物種類都一目了然, 好吧! 先選杯越南有名的滴漏咖啡, 咖啡平時只會飲星xx/太xx那種, 只怪自己太咀刁! 滴漏咖啡本以為是特濃咖啡, 後來才知不是無糖的, 凍飲會較熱飲味道更出眾, 其實只要等滴漏滿左之後, 加落杯有冰既玻璃杯就可以飲啦, 個咖啡味甘香, 而非死甜, 與平時茶記之咖啡實屬不同, 值得一試!朋友仔那杯青桔仔蜜, 就普普通通, 如果佢唔係怕飲完咖啡夜晚會訓唔著, 佢話都想試下個咖啡咁話係街出面食野最怕味精, 食完最怕要狂飲水, 所以當我見到佢地標榜零味精, 當堂心頭冒一絲

突然間很想食越南湯河，在openrice找到這間，倆口子便去了，環境很舒服，坐下才知道沒有湯河食，為有點其他食物。香茅牛肉米紙卷(HK$68)：香茅味少，包得扎實，味道清新，酸度適中，做開胃菜一流。越南麵包(HK$58)：法包鬆脆，夾雜大量酸紅及白蘿蔔絲，中和了豬肉碎及扎肉，味道幾好。磨菇批(HK$40)：沒有磨菇香味，面頭的磨菇吃落很乾，𥚃面的蛋漿很老，可能焗久了或番焗。

去九龍城廣場行下，老婆要食越南菜，食評好似呢間最好。位置唔難搵，假期關係驚要等位…12:30 急急腳去到，得兩枱客，坐低定一定神，服務員遞上餐牌，有Set有散叫…Set 都係多杯野飲。叫左個越南法包，香茅牛肉米卷及磨菇批…香茅牛肉米卷好快到…個樣都 ok，就係唔係好見到有牛肉。口感扎實、味道清甜，就係食唔到有香茅味，牛肉亦唔係好食到，佢叫素菜卷會貼切少少。再黎越南法包，佢介紹係BBQ Pork with Vietnam Sausage Baguette..........期望有一塊塊多汁既BBQ Pork夾住食，但係就無，只係見到一粒粒炸左既肉碎........ 又係多菜少肉。好彩佢個法包焗得香脆鬆軟，酸菜味道調配得好，食落又另有一番美味。最後就係磨菇批…個子不大，賣相唔係太好，切開無咩磨菇，亦無磨菇香味，蛋漿亦有少少老。但係批皮夠薄夠香酥，反而為另一賣點。整體味道其實不錯，就是餐牌與實物差太遠，寫BBQ Pork，來到就得少少…寫磨菇批，就得幾片…香茅牛肉就無香茅味，牛肉少得可憐。改一改餐牌，讓食客有合理期望會較好。

早早幾個月前已看中了越南麵包。第一次來，卻碰上暑假休息，再接再厲。龍崗道跟其他街道不同，食肆沒那麼集中，人流較少。整條街最搶眼的，必數越南麵包。下著毛毛細雨的星期天，又冷又濕，打消不少人外出用膳的念頭。下午兩時，店內只有寥寥可數的客人。店內座位不少，但毫無壓迫感。小盤栽添上綠色，有讓人放鬆的田園感覺。佈置充滿聖誕氣氛，喜氣洋洋。還以為主要以法包為主，沒想到有這麼多頁選擇。單是越式法包，有足足一整頁的變化。另有小食、濱海、米紙卷、沙律和飯。飲品有咖啡、茶、沙冰和啤酒，又是一頁。幸好有細心的店員推介，不然單是點菜，都得花上半小時。店員為我們送上暖暖的熱水，現代版的雪中送炭。紫薯沙冰吃飯前，去了AEON逛逛。經過雪櫃見到牛油果，拿上手全都很硬，即使想吃都無謂勉強。竟在餐牌上見到牛油果沙冰。五月的越南四天之旅，至少一日一杯，可見我有多沉迷。可惜，店員說，牛油果未是時候，太硬。紫夢沙冰口感不錯，但味道一般。甜味跟真正紫薯的甜，差一截。泡沫鮮奶鍚蘭紅茶店員推介咖啡，但我倆對咖啡的興趣都不大，要了第二推介的奶茶。奶香跟茶香混為一體。只有薄薄一層泡沫，卻稠得令人滿足。乾玫瑰花除了添上一份高貴，還在茶香

九龍城真食一個搵食既好地方，今天黎到就搵左間幾有特色既越南餐廳。以麵包為主打既越南餐廳真係第一次試。入到店內見到充滿聖誕節既裝飾，感覺到聖誕節就到既氣氛。整體店內環境都不俗，十分舒適。見到餐牌有兩款新既麵包就試左其中一款法式油封鴨脾包。法式油封鴨脾包($108)鴨脾慢煮十個鐘先完成，配合藍芝士同埋辣椒等配料令到鴨脾肉十分惹味。麵包選取左較軟既一種，入口唔會太難嚼。碟邊更放埋料理好既洋蔥，加埋一齊食令到味道更濃郁可口。喜歡濃味食物既朋友真係要試下。越式鮮蝦豬肉米線($78)湯底完全無味精，鮮甜既番茄同埋蝦煮左好耐既美味湯底，配料加上豬肉估唔到效果十分好，味道無衝突外更加有驚喜。配合得恰到好處，海鮮既味道同埋豬肉既肉味，口感味道層次都有所提供。加上店員介紹係限定期內先有既菜式，剛好今晚食飯有機會試到。越式蝦餅($88)用料十分足，食落十分彈牙。蝦餅炸既火喉唔錯，外面甘香入面就保存左鮮蝦既肉汁。養喉潤肺茶($58)味道都幾甘香，食完蝦餅用黎清下口腔油膩既感覺。

【2015 年 9 月】好鍾意食脆卜卜的法包最正就是外面脆卜卜，但是裡面仲是軟軟的麵包早前見有網友介紹九龍城的越式法包 ... 好吸引咁 ... 趁周末就去開餐囉 !!!店名 Banh Mi 在越南語意思是越南法包和法包不同的是越南法包會加米粉，令麵包更脆，包身更輕店內裝潢也以簡潔為主，白牆、木枱、彩色椅子 ... 予人悠閒舒適的感覺午餐時間當然點至抵食的午餐午餐可以加配小食，蕃薯條和越式蝦餅每款 +HK$25外面炸到脆卜卜的蕃薯條，裡面軟軟的，香脆甜香，好好食越式春卷 +HK$18慢煮蕃茄牛肋條麵包法包咬落去真是好鬆脆，但不會乾乾的蕃茄牛肋條又淋又入味，裡面還夾了帶甜酸味的紅白蘿蔔醃菜，食落清新又開胃香芧豬扒飯薄切豬扒除了有香芧味，還有甜甜的蜜糖味，好好送飯羅望子雞飯其實唔知道望子是咩，也不知是咩味道 ... 這次第一次食羅望子咋原來是甜甜酸酸的味道，幾開胃的餐飲 ... 熱越南豆即磨咖啡和凍檸檬茶凍檸檬茶裡面無新鮮檸檬片，是已沖調好的檸檬茶餐飲轉滴漏咖啡 +HK$15用越南滴漏咖啡壼即席漏滴，將漏滴好的咖啡倒入冰中，就是一杯冰凍的越南咖啡喇 !!!越南咖啡通常配煉奶，原來杯底已經加

提起九龍城，每個人都會想起泰國菜。九龍城正正就是泰國菜的集中地，想吃正宗泰菜，來九龍城就最適合不過。九龍城愈來愈大變化，開始引入不小新式的Cafe和西餐廳，變成一個多國菜的地方。今晚我和來自遠方的朋友來到九龍城光顧一間越南餐廳。餐廳的招牌非常顯眼光亮，漆黑的街道上份外突出。主打越南麵包的餐廳，晚上時間人客並不太多，但感覺非常寧靜和平。餐廳播放平和的音樂，感覺非常舒服☺️☺️餐廳有很多聖誕擺設，店員和老闆娘微笑示人，一進去非常親切。越南餐廳主打越南麵包，餐廳最近也推出新菜式，手寫餐牌十分有熱誠和美觀😉餐牌選擇非常多，有小食、飲品、甜品、飯、濱海和人氣的越南麵包。我和友人先點上兩杯飲品。牛油果沙冰 $48/青檸七喜。牛油果沙冰非常罕有😃我非常喜歡牛油果的味道，難得遇到當然要試一試。沙冰幼滑，口感不會甜不太膩，入口濃香清甜，非常清新👍🏻青檸七喜有陣陣檸檬的酸甜，酸度剛好，開胃之選😉豬頸肉米紙卷 $68。豬頸肉爽口溫熱，配上大量蔬菜，入口爽脆清新。底部有豬頸肉醬汁，入口惹味香口👍🏻慢煮咖哩牛肋條越南麵包 $88。越南麵包的特色就是外層的裂紋，香脆香口👍🏻麵包中包有牛肋條 惹味醬汁 洋蔥 辣椒粒 香

今晚又同老婆仔又圍搵野食黎到九龍城 當然要食返啲只係九龍城先食到既餐廳啦Search左openrice 見到依間越南麵包好似好吸引 就黎左依度啦人客唔多 所以我地都即刻就有位 餐廳已經佈置左好多聖誕裝飾 好靚 再加上人客唔多 坐得都好舒服今日叫左4樣野 再加2杯飲品第一樣係小食拼盤 依個拼盤有雞翼 扎肉 蝦餅 春卷雞翼特別要一讚😄好香好濃既牛油味 絕非一般既雞翼 而且啲牛油味好出 係我食過最好食既雞翼 本身諗住同老婆再散叫多一碟雞翼 無奈食埋其他野太飽 食唔落 另外蝦餅都好彈牙 細細粒可以一啖食哂 但千其唔好咁餸因為會辣親個口架 每樣野都新鮮整好 非常之熱再之後親係豬頸肉米紙卷 豬頸肉很淋身 而且有好多汁 一夾起就已經有汁係米紙卷度流出黎 一放入口 味道好豐富 除左豬頸肉仲有其實材料 爽甜淋咸集於一身 好好味再之後就係主菜啦 我就要左個咖哩牛肋條包 落單既時候 老闆娘都問我地食唔食到辣😛原來真係幾辣 一開始未食之先 已經見到有辣椒係包面 入面既咖哩汁 非常香濃 很有泰越的風味 牛肋條亦都淋 唔怕會咬唔斷 麵包十分既脆 夾在一起吃 真係別有一番風味老婆就叫左個油鴨脾包 我只係試左一啖 感

九龍城最多泰菜，但食到厭晒，見到呢間越南麵包好多越南菜簡，即刻試試！越南麵包叫得呢個名，麵包一定係招牌菜啦！叫左個五花肉越南包，超大份，三個人食麵夠晒飽！叫左小辣，所以入面包左少許辣椒、越南紅醬，加上慢煮過超入味既五花肉同埋大量菜同青瓜，食既時候唔漏，好好味！食呢個包既時候真係覺得幸運滿瀉！下次一定會再幫襯，從此去九龍城又多左個選擇啦好足料！

越式小食九龍城多泰國菜就大家都知，但原來而家都越開越多小店，間間都裝修好精緻，而且咩菜式都有！今次司令就搵到呢間越南菜，入到去見到裝修已經首先加左分😂。食物都好好味！即刻講講先😍！今次司令點左幾款野食，包括有香茅豬扒飯、蒜香牛油雞翼、越式春卷同招牌菜慢主五花肉越南包。牛油雞翼加錢加既蒜香牛油雞翼，雞翼有先煮過再炸，所以入面肉質仲係好juicy，而且蒜、牛油味好濃，可以話係司令係咁多間越南餐廳食過最好味嘅雞翼！越式春卷裡面肉碎比例偏多，質感厚實啲，但略嫌有少少乾，但包生菜尼食，再點埋佢地個酸辣汁，都算幾開胃架。凍檸茶既冰唔係話，凍檸茶既冰都要講😹？冇錯，味道尼講杯檸茶冇特別，但特別在佢既冰都係用檸茶雪出尼，冇錯好多舖頭都有用奶茶冰，不過得一粒起兩粒止。但尼到就有大半都用檸茶冰，誠意滿分！香茅豬扒飯（$58）講埋香茅豬扒飯先，豬肉扒用蜜汁燒過，微焦微脆，食嘅時候點少少酸辣汁，甜甜酸酸超開胃！同平時食開既香茅豬扒唔一樣，唔會乾而且竟然做到有汁，加上豬扒燒得微香，好味！而且份量都好大，絕無欺場😋。絕對食得飽架。慢主五花肉越南包($88)越南菜除左河粉麵食之外，不得不得就係越南包。司令梗係要試試

係九龍仔公園打完波落山食個飯. 行下見到呢間越南野靚靚地就去支持下. (小妹就係唔鍾意九龍城只係得泰菜.火鍋. 甜品! 一個地方應該要有diversity 同埋小店是值得撐的!!)既然店名是越南包, 我地就點左兩款.蕃茄慢煮牛肋條包. 外形唔多討好但又幾好味. 牛肋條煮得淋. 而豐厚肉質令成件事好有質感. 大啖咬落去, 見到一絲絲的牛肉, 好實在! (食肉獸都能滿足啊!) 茄味幾重, 開胃又易入口. 不過亦因為茄底, 個包易d變軟. 宜快食.燒豬頸肉包辣辣地. 豬頸肉邊燒得幾好,邊位脆. 而中間的肉是易咬而非豬肉乾type. Overall 幾惹味~ 但比前者dry.兩款包都夾左大量蘿蔔絲, 酸菜絲同青瓜絲. 感覺light d 健康d. 跟餐既薯條同樣係走健康路線- 蕃薯條. 炸得香脆而不油. 蕃薯甜甜的. 很好吃!飲品比較普通. 越南啤酒個label 係999, 個名幾得意. 味道正常啤酒味. 而青桔仔蜜就似檸蜜. 可能叫滴滴咖啡可能特別d

Happy Friday搵野食特別難, 今晚黎龍崗道呢邊食Banh Mi就唔洗等位  揀左一個Dinner Set 豬豬三重奏小食春卷少少咸, 濱海米粉生菜都唔錯, 不過無咩驚喜SET既另外2款夾埋左係一碗推介烤肉伴飯, 靚米香肉, 唔經唔覺就食哂成碗蕃薯條都做得好好, 甜脆夾番杯越南啤酒999越南啤甜味重, 麥味濃, 岩女仔飲再黎就食招牌既麵包啦~豬頸肉夾扎肉不過不失.配料有蘿蔔絲, 青瓜條, 辣椒, 同埋少少青木瓜絲沙津. 牛肋條就比較出色, 慢煮出黎好淋身, 蕃茄酸酸甜甜, 好襯個包.店員好細心,見我地3個人就幫手切成3份 法包唔會太硬, 可以輕鬆咬到.叫左凍既滴漏咖啡, 就一次過可以試哂熱飲同凍飲 睇住佢一滴一滴咁滴落黎, 嗅覺加上視覺都引死人飲落好香唔苦, 杯底有少少煉奶, 撈埋就岩岩好

在IG上看到推薦，正巧經過九龍城就過來試下。要了IG上推薦的蒜蓉牛油雞翼配紮肉飯，香茅雞扒飯，青芒果沙律同炸蕃薯條。牛油雞翼好好食！好脆好香，咬落去嚓嚓聲，滿嘴都係牛油味！不過飯上面落左蔥油，有小小膩。紮肉有兩種口味，味道都不錯。炸蕃薯條唔油膩，蕃薯好新鮮，甜蜜爽口。香茅雞扒就普通左啲，偏油小小。青芒果沙律都不好不過。鍾意個環境，一開始無乜人，侍應播Ｄ好清爽的音樂，又唔會嘈住你，好舒服。有機會可以再食。

造訪完香港最後一條城中圍村—衙前圍村，來到附近的九龍城覓食，選定了這家位於龍崗道的明媚小店。很喜歡門口和店內的小盆栽，溫馨之餘又充滿生氣。店不大，基本上就是左右兩行，大概十張桌子，外加兩個小吧枱。但樓底高高的，白色為主的裝潢，配上雅緻的綠色，簡潔卻不會顯得冷。午後的陽光穿過玻璃透射進來，一洗我心中目睹古村消亡的無奈。顧名思義，小店以越式法包作賣點。先來一個招牌越南面包和牛油蒜蓉雞翼飯。 法包夾著烤豬肉﹑扎肉和酸漬紅﹑白蘿蔔。口感很豐富，粒粒的豬肉烤得香脆﹑惹味，片片的扎肉味道稍淡﹑軟軟的，絲絲的漬蘿蔔酸酸辣辣﹑爽口又新清，剛好封住肉類入喉以後正要漫上來的油膩感。最值得一讚的就是面包，脆脆的，一刀切下去“嗦嗦”的，卻又不能一刀切到底，保留一點法包的韌性。昔日法國人將Baguette帶到越南，但處於東方熱帶的越南種米比種麥合適，於是越南人就摻入米粉做法包，結果越式法包比前宗主國的要脆要輕。遙想當年窮遊巴黎，一歐羅一條長長的法包插在背囊，被朋友取笑既是一整日的食糧，亦是自衛的武器。可見法包之硬，不是人人喜歡。從這角度看，越式法包口感就比較遷就東方人。而且比起牛油，越式法包裏面酸酸辣辣的醬汁

已是第三趟來這間越菜小店光顧了。小弟說來很少會短時期內重覆幫襯同一間店子的，此店的水準之好，由此可見一斑....當然店內並不是所有製作出品都令我十分滿意，但其中有一款東西卻是讓人回味的。為了它，小弟可以專道回來一吃再吃....不過在此之先，首先要提的便是這裡的掛頭牌之作 ---- 越南法包....法包依舊外皮鬆脆內裡軟熟，不過拿上手後卻覺熱度好像有點不太夠；醃酸蘿蔔依然刨得幼細之餘酸度也調得剛好；肉餡方面味道最突出的可算是醃得超重味的BBQ碎豬肉，而其餘號稱說存在的豬耳腸以及PORK ROLL卻是全然吃不出一個所以然來....未曾嚐過這裡的小食，就來一份蜜桃蝦丸米紙卷吧....這兒法包的組合選擇好說也有十來款，甚麼西冷牛扒或豬頸肉等等的材料亦可弄成一件法包。同樣地傳統的越式米紙卷的款式也有十多種。好像這份以蜜桃及蝦丸作餡的，小弟就從來未試過，可說是頗夠創新。相比起平常常吃的以燒牛或豬肉作料的，這個很明顯是屬清爽的一路；蝦丸本身肉不算很彈牙鮮甜，但配合著啜口又甜到漏的蜜桃肉，再加上帶少許煙韌彈性強的米紙卷及爽至嗦嗦聲的青瓜及醃蘿蔔絲，整件拿起後醮點酸酸鹹鹹又帶辣的越式魚露來食，確是一道十