越南麵包

營業中

休息中

多謝食家的推介！今天第一次來，點了最想吃的法式油浸鴨腿肉麵包，其賣相討好之餘，味道更令我喜出望外！很喜歡包裡加了藍芝士，其獨特的味道提升了鴨肉和整個包的味道，但又恰到好處，不會喧賓奪主。包的其他配料如酸洋蔥、青瓜粒和生菜就豐富了包的味道和口感。麵包本身並不如法式長麵包般硬，外層脆脆的，很是可口。午餐包一杯飲品，點了越南咖啡豆即磨咖啡，水準絕不下於意式的。下次來九龍城，又多了個好食處。

自越南旅遊過後，我常常懷疑在越南行邊法包的味道，隨隨便候一間小店，也是非常非常的好味！難得有朋自話除了佐敦外，九龍城都有間不錯的餐廳，甘我當然放工後去試下啦！首先是越南coffee,加上煉奶就是最正宗了，咖啡香濃，可能是有點甜，偏偏沒有其他歐洲咖啡的苦澀味，最岩我了！我跟朋友各自點了不同味道的法包，看！餡了非常豐富，要大大大大一口，才能咬下來，喜歡法包內帶點鵝肝醬的味道，口感豐富。當然，價錢一定不能與越南相比，但餐廳的環境、食物質素來算，也是可以啊！

識我的朋友都知我鍾意食越南野，今次係open rice search到這間，見d post & 相都好正，一於weekend同老公去試下。My comment is: 好食。好食。好好食真係唔係講笑，我已經不停介紹身邊d friend一定要去食！加$68有蕃薯條+越南beer (蕃薯條熱騰騰好新鮮）超正超濃Crab+紮肉rice noodles (tomato shrimp soup)必食牛油雞翼超crispy勁入味慢煮手撕豬肉cheese banh 👍🏻👍🏻👍🏻 好食到停唔到All food 即叫即製！全部野食都好想echo.. 佢已經成為我心目中的no.1應該好快再去食。食。食

朋友介紹呢間位於九龍城嘅越南小店、今次試咗佢哋嘅慢煮五花腩肉麵包要$98蚊不算平宜。店員很好可以幫我哋切開share. 法包是脆脆的、舊腩肉炆得好淋再加d酸蘿白絲, 食落啱啱好。推介茄膏蟹肉米粉、個湯好正真係似不含味精咁幾個鐘後都吾覺得口渴。不過都要80-90蚊碗仲有杯冰凍嘅越南滴漏咖啡咖啡夠濃、加埋煉奶啱啱好。食物整體質素幾好、價錢相比其他越南餐廳貴但係店內環境唔錯、坐得舒服。係一個不錯的選擇。有機會會再去幫襯。

黎到九龍城，每次都會幫襯泰國餐館，因為真係對比較多較正宗。但今次揀左間食d特色既越南小店，歎返個tea先。呢個越南麵包 ，有札肉、粉絲、蘿蔔絲同炒香感既惹味肉碎，配上法包，脆口又唔硬。好有特色，又大大份，一人兩舊岩哂。蒜蓉牛油雞翼，又係雞翼時間到。超好食推介。炸到好香口，又好重既蒜蓉，真係十分欣賞，令人回味！米紙卷入面包住豬頸肉、青瓜、粉絲、蘿蔔絲、生菜。好健康，點埋個酸酸甜甜汁，可以中和下油膩既感覺。

九龍城有咩好野食? 好多人一諗就諗起泰國野。其實邊個話呢度只係有泰國野食架? 除左泰國野，九龍城仲有好多出名既小店添。位於九龍城龍崗道既越南麵包，主打越式三文治，可能因為天雨關係，星期五晚飯時段都唔算好多人，未需要等位。餐牌上有各式各樣既越式三文治同埋小食。我地一行二人，揀左兩款唔同既三文治同埋一個小食。烤豬肉紙卷:米紙卷入面包左炸豬肉，青瓜，蘿蔔絲同粉絲，材料新鮮，入口相當清爽，點埋D汁一齊食，入口酸酸甜甜咁都幾開胃。可惜包得唔夠實，食起上黎有D狼狽。咖哩雞麵包: 法包烘過之後外脆內軟，切開後加入咖哩雞，上面加少少洋蔥即成，做法似係好簡單，利潤都算幾深。咖哩既辣度可以自行選擇，我地今次揀左小辣，咖哩味非常香濃，辣度剛剛好，落單既時候仲可以要求店員切開幾多件，真係服侍周到呀。法式油封鴨脾麵包 （低溫慢煮十小時) :鴨脾慢煮十個鐘之後肉質鮮美嫩滑，放入烘好既麵包入面，加埋洋蔥，生菜同埋沙律醬，賣相相當吸引，入口一D都唔油膩，值得一讚。呢度環境同服務都唔錯，食完都唔會趕人走，係同朋友傾計既好地方。

九龍城食嘢多選擇多數係打邊爐，牛肉餅，甜品咁今次友人帶我試下新嘢，就係呢間越南麵包睇得出店主好有心機裝修店舖同同街其他店舖完全唔同風格叫咗三樣嘢，因為諗住再轉場食蝦米紙卷材料用料新鮮，可惜個汁有少少過甜如果用咸魚露加辣椒會更加夾牛油雞翼真係大讚友人長時期話個雞翼唔知點解咁甜我覺得佢個炸漿用咗番薯雖然係炸物，但食落一d都覺油膩，非常好仲叫咗扎肉蟹肉蕃茄湯粉比係其他越南食肆，呢道蟹肉算多味道唔錯不過要提一提，可能廚房人唔夠，定唔知佢哋想慢工出細貨真係等咗好耐先有得食

九龍城有一間，打正旗號專賣越南麵包，Burger大家就食得多啦，食落酸甜微辣滋味、層次感豐富嘅香脆越南麵包喺香港唔算常見，嚟到又點可以唔試下越南麵包風味呢！ 室內裝潢走自然柔和路線，大家可以坐低慢慢歎，店主話佢開店原因都係因為好鍾意越南菜，煮得好開心，同時都希望大家嚟到可以開開心心食返餐。嚟到又點可以唔食佢地嘅生招牌越南麵包呢？呢個用越式煮法去整，用椰青水去慢煮48個鐘之後先至再加焦糖煎一煎上色，食落舊肉腍得嚟好香，再加埋青瓜、芫茜、自家製牛油同秘製醬汁同酸辣汁，真係好惹味！加上越南麵包特式夠晒鬆脆，食呢個包酸辣之中又帶啲啲甜味，層次真係好豐富！脆炸雞翼幾時都咁給力，引死人！呢度嘅外皮唔止超級酥脆，蒜香味道仲爆晒燈，未拎到上檯已經聞到蒜香味已經超級香濃！雞肉仲保持到肉汁同口感鮮嫩，食落好入味，有陣陣香茅味道！提起越南咖啡總令人諗起滴漏咖啡，呢度當然都有提供比大家解解越南癮！呢杯咖啡香味濃郁醇厚，略帶苦澀回甘，大家嚟到一定要試試。

母親節當日帶母親食佢最鍾意食既越南菜，店鋪雖小，但裝飾不錯。我們點了幾款食物，當然要點最出名既麵包啦！其實最出色既地方係材料，配搭合宜。其他越南菜不過不失，但價錢略貴，如果份量增加會比較好

上星期日諗住去九龍城食下越南野，上網睇下邊間好人食，睇睇下見到一間食越南麵包覺得好特別，評分又唔太差就諗住試下。去到餐廳都坐滿晒人，餐廳裝修都幾舒服。睇下餐牌都好似幾吸引，不過咁岩到咗下午茶時間就叫咗兩個下午茶餐試下，價錢都唔平每個餐都8X元。叫完都好期待試食，因為諗住咁嘅價錢應該有返咁上下份量同好食。點知見到個餐份量好少😓，外表亦無咩特別，食落味道仲非常一般，真係好失望，加上仲要食唔飽，真係無下次lor😤埋單加埋一18X元，真係唔知食咗d咩......

從工作的地方來到九龍城，九龍城的確有很多餐廳，但是和以前相比，九龍城好像已經沒有以前那一種人情味，好像少了士多、泰式小店、甜品小店、又或者串燒店。當然，大小食肆也還有很多，但是吾等今天來了甚多好評的越南店。室內環境非常舒適，但是又未去到所謂文青那種裝潢。不算非常多人，但是之後吃着吃着，看見了無視暗星譚凱淇。猶豫了一會兒，究竟點不點這兒比較著名的越式麵包，但是本人一向對這種法式越式的麵包非常之抗拒，因為非常之堅硬，好像有一種咬不斷的感覺。第一個端來的是牛油雞翼，也等了大約15分鐘，我想因為是這家餐廳全部都是即叫即整吧，雞翼非常之熱燙，看來小小的碗子，內裏放了五大隻牛油雞翼，本來也覺得沒特別。但是食下食下，慢慢仔細欣賞外皮與及內裏的雞肉，覺得吃得多，越來越甜的感覺，好像有一種甜的醃料在雞肉之內，定還是牛油雞翼的牛油太多，令到雞翼都變甜了？牛油雞翼面頭還有些辣椒絲、青蔥絲及蒜。結果點了一個粉卷，薄薄的外皮包着內裏的粉、蝦、豬肉，也看見有食評表示非常之鬆散，其實應該是因為外邊的粉皮太薄，但是我覺得還算皮薄餡靚。一個小型砧板放上四大件粉卷，賣相精緻，賣相也成為這間店舖的主要賣點之一。業本店主的餐

早前去左越南旅行，對果邊嘅野食真係充滿好感。無論係生牛肉河粉、札肉法包、越南咖啡，全部都食過翻尋味。掛念越南野食，從openrice得知九龍城有間好多好評嘅越南餐廳，咁啱過黎呢頭當然要懷緬一下。越南咖啡，本身咖啡豆唔靚，要加煉奶。反而咁樣，就成為當地特色。個人認為所有咖啡，都係要熱飲先最好味，但香港天氣實在係太熱，無辦法忍受，只可以叫凍飲。越式法包餡料豐富，札肉、肉碎、莞茜等樣樣皆齊。上面加上辣椒，辣得惹味。

到九龍城總會想到泰國菜今晚反正就想吃泰國菜以外的餐廳門面吸引 就決定你啦環境很舒服水杯~碗~用具都很漂亮 蝦豬肉米紙卷味道ok 可惜太鬆散 一咬下去就四散了 好狼狽每個小吃都想試 又怕量太多懶得去想去研究 所以叫了客小食拼盤同行一致認為 沒有一款小食值得再吃春卷太鹹 蝦餅太粉似乎分開去點想吃的比較安全慢煮咖哩牛肋骨法包法包脆口 肉柔軟 好吃咖哩入口帶甜 有辣度有後勁總括來說好味道 值得推介蕃茄湯底蟹肉肉碎檬粉整體很不錯 推介

星期六又同屋企人一齊食lunch。老媽提議去食越南麵包。呢間食過幾次，佢嘅法包係真係好好食，食過好多款之前每次來都係食法包lunch set。今次黎到決定試下其他菜式$158 得五件，食落係好香但卡路里應該好高，因為用牛油炸嘅。好邪惡啊唔抵食全部都係骨無乜肉法包好香好脆其實呢個係下午茶set，首先要讚下個迷你檬粉，檬粉食落煙煙韌靭，係非一般的檬粉，其他越南餐廳未食過加上忙果絲同好好味嘅檬汁，真係好正好開胃紙米卷正正正同炸蝦都好特別，尤其炸蝦好考工夫，好難做到的總結: 五星級酒店嘅價錢，五星級酒店嘅水準!但加單後上菜慢，店內環境唔錯幾有風格三個人埋單$393，好貴唔飽囉如果只係評越南麵包 and 其他菜式可以份量多點，我就會比好評，現在我只可給他們OK。下次食返店舖主打嘅法包抵食D

上星期四約左朋友去九龍城食lunch，叫左個軟殼蟹麵包同香茅豬扒麵包大家share黎食。麵包外脆內軟，軟殼蟹炸得好香脆，但香茅豬扒就煎得有啲乾，整體黎講味道算係唔錯。不過我最欣賞佢哋嘅凍檬茶，啲冰粒係用茶做，就算熔左都唔會令杯茶變淡。