越南麵包

營業中

休息中

5點鐘 喺九龍幫想搵間Cafe坐下食少少野揸車兜下兜下 見到間門面幾靚嘅鋪頭 喺車房中間格格不入門口難得有位泊低車就入去坐鋪頭10張枱 得一枱客個下個心離一離因為多客無伏呢個道理 我好耐以前已經知樓面姐姐無咩特別招呼 比左個餐牌我睇一睇 唔怪得咁少人啦第一版廚師推介見到牛油雞翼本身想叫 一望$132再打開menu是旦一個撈濛都過百越式法包都至少九十幾or過百九龍城 車房區 咁嘅價錢 唔怪得星期六下午都無咩人都坐低左 就點都叫D野食啦叫杯乳酪飲下 想叫荔枝無 想叫奇異果都無唔緊要 我即刻問姐姐 可唔可以士多啤梨香蕉 姐姐話：又得喎呢下幾開心 竟然唔洗加錢然後叫左個牛油果燒豬頸肉法包乳酪好快就上 賣相就無咩架啦😂 但唔似係買返嚟嘅 似自家制 好味牛油果豬頸肉法包 賣相正常 但唔係打卡able嘅樣啦食落包脆 豬滑 多汁 牛油果都唔少中間仲有青瓜 菜絲 好好味 份量就唔會飽架啦 不過食個tea如果食到過2百 但又唔喺酒店or打卡cafe 會有D心理唔平衡 所以無再叫其他野食由於鋪頭無其他客 所以都坐得好舒服靜靜地比我打埋篇食評

喺九龍城想搵間越南餐廳輕食，當然選越式法包配個滴漏咖啡，上OpenRice睇吓，呢間打正旗號叫「越南麵包」，而且like唔少。不過，係必須先調整一下香港人嗰種時間效率觀念丶唔趕時間丶最好有返2個幾鐘buffer，同埋，唔係太餓先好嚟。餐廳係cafe style，幾有心機同舒適嘅佈置。唔講，真係唔似已經開咗八丶九年（最早嘅留言係2014）。坐低，九成抬滿、樓面、收銀丶水吧得一個女仕！叫咗一份法包丶慢煮咖喱牛腩配蒜蓉包，加埋杯滴漏咖啡，前𢓭等咗一個幾鐘先齊嘢，用咗十分鐘就食完。有理由懷疑，個廚房都係嗰位女仕負責。平心而論，佢嗰法包係baguette，唔係豬仔包扮的，暖身脆口，落埋辣椒同芫荽，夠正宗。嗰咖喱牛腩，慢煮睇嚟同平時炆嘅效果，分別不大，都係林。可能怕你滯，牛腩不算多。二個人食完好似唔係咁夠，不過冇時間再等多一個鐘，埋單走人盛惠$444.4。整體嚟講，食物方面係算理想，不過，就要睇吓你識唔識得，用法式金錢同法式時間嚟欣賞佢。

趁周末，慢步前來試試好評的越南法包。預先問了店員，當天是午飯後，沒有長龍排隊，到場便可以輕鬆入座了。*慢煮五花腩法包 *法包熱食外脆內軟，香煎了肥美五花腩肉,慢煮令醬汁充份滲透到肉中，一咬即溶，沒有肥滯感。此店加了扎肉,醋醃紅蘿蔔和白蘿蔔，醒胃及使口感更清新。此物好吃,但脂肪還是很高，每人吃半份,可減少罪惡感。其他選擇 - 牛肋條或蠔都在暢銷榜。*蟹粉蟹肉湯檬粉 *泛油的蟹粉蟹肉，舖滿在檬粉上，加上洋蔥和蔥花，蕃茄和肉碎，賣相極吸睛，令人垂涎。每啖湯都有香濃蝦蟹鮮味，不能停下地追吃，實在好味道! 怪不得受歡迎。向店員反映若湯底可以煮滾些，可能味道會更好。店員堅持奉上時，湯檬是滾燙的。但我覺得不夠熱呢....

舖頭名叫～越南麵包～當然一定要叫佢啲特色嘅麵包啦！包保你哋連見都未見過😆🔥慢煮五花肉麵包，香，juicy，包脆，好味😋呢個包都可以encore下次我要試慢煮咖喱牛肋條麵包😎🔥蟹肉湯濛～味道有少少複雜，又蟹肉又肉碎又番茄，樣樣都夠味不過個人認為有少少失重點😆🔥又係小食拼盤啊😆😂雞翼炸到好脆👍🏻順化豬肉村👍🏻蔗蝦👍🏻春卷👍🏻炸扎肉餅👍🏻木瓜沙律佢哋啲肉多數都係慢煮（保留肉汁又夠淋）

邊個話去九龍城一定要食泰國野？！呢間越南野都係回頭之選！凍滴漏咖啡- 越南咖啡，飲既大概唔係佢既咖啡香味，而係地道既風味！呢到既滴漏咖啡就滿足到喇😌響香港既快餐文化裏面，傳統不銹鋼滴漏裝置，可謂難得一見！能夠響步伐急速既都市生活中，靜落黎望住咖啡一滴一滴落下，絕對係一件美事。而且配合鍾意搞搞震既我，可以攪攪下又斟黎斟去，係開心既😝蟹粉蟹肉蕃茄湯檬- 蟹味出乎意料地突出！相反，唔講我都唔記得咗佢係蕃茄湯底😅檬粉掛汁功能一般，所以大大隻湯匙應記一功🤨芽菜新鮮爽口，扎肉唔會太咸，湯底夠熱，整體口感唔錯😋肝醬慢煮五花腩肉越南法包- 黎呢度既重點行程！牆上既黑板會介紹番最近top5既人氣選擇，加入創新既元素之餘，好多款都係考廚師功藝既菜式。慢煮五花腩既然能夠登上Top1寶座，當然要試試佢幾有架勢😏同傳統既越南法包一樣，法包脆卜卜，塗抹一層肝醬之後，夾有已醃製既白、紅蘿蔔絲，因為個人對辣既接受程度而放入既辣椒絲，再配合不同的肉類。今次既慢煮五花腩果然名不虛傳！一上檯已經香味撲鼻；慢煮技術傳五花腩肉夠哂腍、豬皮夠哂膠，而且秘製醬汁完完成成入哂每一絲肉、每一寸脂肪；真係好好味呀😍炸蕃薯條- 酥脆、甜絲

去過兩次越南當地法包的確好好食、麵包烤得鬆脆、入面有肝醬醃菜肉片、實在令人回味！今日去開九龍城睇戲（好平好抵睇！）諗住搵間好嘢食，就嚟試吓哩間越南法包店！真係估唔到都幾貴，午市套餐都要百幾蚊🤔包一份包一杯熱飲🥖➕☕️越式慢煮豬肉芝士法包$144麵包都算烤得幾鬆脆、冇乜芝士味、都食唔出慢煮豬肉有乜特式、更加冇越南風味⋯⋯唔係唔好食就係一份三文治囉⋯⋯跟普通咖啡咋喎⋯⋯連加一百六蚊？食三文治？越式香茅牛肉法包$114哩個少少似越南風味、事關有香茅又有酸瓜、都有六成越南滋味⋯⋯搵餐廳唔想伏、真係要睇多幾編食評先好幫襯😕

呢間一睇餐牌覺得佢好貴，本著佢有慢煮豬法包好特別，把心一橫去試所有菜式都對得住個價錢！食過就返唔到轉頭🥺🥺成日都會心思思想再黎食🥰蝦豬湯檬既蕃茄湯底鮮甜到可以飲曬，可以飲到完全無味精，呢個湯粉相對比較抵食慢煮五花腩法包外脆內軟，肝醬同沙律醬個味超夾，不過以法包來講，佢百幾蚊真係好貴，唔可以成日食🤔️另外叫左牛油雞翼，成廿蚊隻都幾貴但好出色，脆卜卜又有肉汁柑桔沙冰幾清涼，可以叫走甜健康啲 應該係用生果即打。

呢間小店encore左兩次 想介紹好耐 雖然價錢有d貴 但係幾高質 有驚喜嘅😍 小店環境舒適 不論我lunch定夜晚去都試過包場咁濟😂 兩個人去建議好似我咁一個叫包一個叫撈濛 係夠飽嘅 又可以試多d😋. 蝦餅肉碎撈濛 . 呢個濛粉係我食過最好食嘅濛粉 以為好林個種普通野 點知咬超爽又彈牙之餘又好索汁 蝦餅炸得香脆 肉碎送粉係唔錯 落埋個汁小清新 唔會太咸 👍🏻. 牛油果法式麵包 .呢度必叫麵包!! 個包非常脆口 幾時都keep到咁乾身 之前試過軟殻蟹 肝醬 今次試牛油果 🥑 啖啖牛油果 仲夾左d扎肉 佢個醬汁叫左小辣好醒胃!! 而且好貼心幫我地分好哂👍🏻Lunch會包野飲 set由$90-130不等 相對抵食過dinner 檸檬茶會偏甜 都可以加錢轉滴漏咖啡☕️同事話好推介 唔食芫茜記得走呀💚

難得與好友相聚，就去越南麵包去試一試食過下午茶，入到去環境清靜，佈置簡潔，點了個慢煮五花肉麵包，味道相當好，好有肉味，非常特別，和點了個雞肉拌飯，拌飯好清新，我和朋友麵覺得2樣菜式都很滿意，值得推介！

之前經過九龍城，除咗泰國菜之外，都見到有啲越南舖頭，網上見到有人講一間所以我就試吓，呢個價錢都唔平，小店形式經營，嘢食都會出得比較慢嘅，不過呢佢哋個法包就好大個，今次我哋叫咗佢個肝醬扎肉慢煮五花肉麵包，再另外加咗個番薯條，同埋七喜，個包嘅份量都好大，啲材料都好多，一次過擺唔到落個口度，我都要分開來食，不過佢嘅慢煮五花肉，真係煮得好好，食落去都唔油，不過女仔嚟講算半個都好飽啦，不過小編就鍾意食脆脆的燒腩豬肉啦，大家有興趣你試一次都無妨嘅

👵🏻嫲嫲鍾意食東南亞既野食黎九龍城就最適合不過平日十二點半到只有我地一枱客去到大約一點令就坐滿八成平日普遍都係冷清啲餐廳樓底高 座位尚算舒服闊落👍🏻裝潢設計令人舒適又不失時尚我食法包既經驗唔多 但呢個絕對係我食過最好食既法包👍🏻😳最驚喜係加入左芫茜 即刻香氣大增 齒頰留香唔誇張燶邊豬頸肉爽口 油脂滿滿 唔會乾🤤越式法包不乏青瓜絲蘿蔔絲扎肉 仲有少少沙津醬🤩酸酸甜甜好fresh好開胃好好味🤩岩晒熱焫焫既夏天🤔略嫌豬頸肉太少 定價亦偏貴未必有下次喇

我曾頗活躍地寫食評，因疫情關係，差不多攔筆一年。 今日在這餐館的經歷，忍不住要寫一寫我感受。幾年前報章推介此餐館，特此前來幾次，對餐館的印象蠻不錯。 今日下午駕車到九龍城買東西給媽媽，本來買完東西便驅車回家，喜見前面有一私家車泊離咪表位，立即泊入。時間是3點許，我們想想不如找家店下午茶，不約而同想起這間店。 怎知換來一肚氣。到埗時，餐廳內已有幾枱客人，有幾兩張空枱的杯碟還未收拾。店員將一張近門口的四人枱清理後，指示我們入座。 我們點了一碗豬肉蝦檬粉和一客下午茶(豬肉腸＋迷你檬＋粉卷＋飲品)，飲品選了港式奶茶。等了二十分鐘後，店員才給我們兩杯水。 隔鄰的二人枱，枱面的杯碟待了同樣時間還未清走。 察看情況，樓面原來只有店員一人，她沒有因應客人多而加快腳步，而是好整以暇，慢條斯理地工作。等了三十分鐘後，我忍不住問店員，若是還未開始準備我們點的東西，不如取消吧。 她不慌不忙回答幾次，說正在準備中。  可能因我的「催促」，五分鐘後她端上一杯奶茶。 奶茶溫度不熱，牛奶成份多，說不上是港式奶茶。再等五分鐘後，店員備上那客下午茶，兩小串豬肉腸，兩小塊粉卷和一個迷你檬。天呀！ 這三樣東西都應是未開店前，

［不喜勿插］好想自私食，因為好容易有位，但係真係幾好食，價錢係稍為貴嘅，但係小店製作好認真。咖喱慢煮牛肋條同手撕豬肉芝士包都係超水準濃味之作。牛油果沙冰逐杯逐杯即叫即整，要有耐乜等一等，但真材實料。另外有河內啤酒飲，有到種說不出嘅甜味。

疫情下的每個星期日，令人最頭痛的總是「吃甚麼」的問題。今天忽然想起open rice 的外賣自取功能，便點了薑黃雞肉、香茅牛肉、肝醬扎肉幾款越南麵包回家開餐。雖說是外賣，但包裝精緻整齊、麵包的水準依舊超卓：麵包外脆內軟、蔬菜清甜可口、肉食入味香嫩。越南麵包不失為留家抗疫之選。

想食越南菜，第一時間會諗起中環嘅明珠，好可惜明珠已經結業😢但依家有另一選擇，就係九龍城嘅越南麵包🤩為何好有家的感覺？因為越南麵包用嘅餐具好可愛，杯子同碗有花花、波點圖案，可見呢間餐廳連餐具都精心挑選，食物質素同樣不錯🤩◭ 香茅牛肉麵包 $95法包雖然未到熱辣辣，但依然好鬆脆，唔係好硬嘅法包入面材料好豐富，有牛肉、蘿蔔絲、青瓜等，配以特調醬汁，好好味😋◭ 越式鮮蝦豬肉湯檬（鮮茄蝦湯底）$89有時食出面嘅越式湯河好油膩，但呢款目測湯底無一層油，仲係好濃郁嘅鮮茄湯底檬粉好爽口，好怕食到好「淋」嘅粉麵鮮蝦同豬肉碎正常水準◭ 炸蝦餅 （3件）$62炸到金黃色嘅蝦餅好彈牙，沒有太多炸粉，真材實料👍🏻越南麵包係一間回頭指數極高嘅餐廳，餐牌選擇非常多，每次都可以試新嘢🤩