越南表嫂

營業中

休息中

黎開元朗 心血來潮同朋友想食越南菜係行嘉誠廣場個陣發現依家越南菜雖然唔起眼 但都試一試雖然睇落主要做外賣但係都幾張枱可以堂食嫁佢仲有啲枱未開出黎想堂食都可以照黎唔止門口個張 側邊仲有兩張枱有冷氣添我未食過越南野既法包就一於試試佢香茅牛肉法包 $40大大個 好好食 有唔少牛包又唔會太硬入面仲有撈檬既汁夾埋個包😋炭燒豬頸肉 $60全部野都即整 熱辣辣好好味酸辣無骨鳳爪 $45好入味又好食 仲有木瓜係下面我最鐘意食😍😍 份量都好多左邊係 特式炸蝦餅 $45右邊係 特式墨魚餅 $45炸得好好 又唔會太油又香口樣樣都好食右上 特式春卷 $32成個都脆卜卜左上 特式米紙蝦春卷 $32記得點魚露 好食成餐都好好食好滿足又平可以再encore全餐只係$299

📍「越南表嫂」- 元朗今次食食食之旅黎到元朗😌👧🏻不嬲都好中意食越南法包，今次俾我哋搵到原來元朗都有🤩🤩🤩決定試一試😎📷餐廳位於元朗教育路嘉誠廣場地下，店面比較細，家座式經營😇雖然只係小店，而且份量都好多，夠哂抵食🤗🍴豬扒+蝦餅撈濛💰HK$53✨推薦指數：7.5/10呢度好多野都可以雙拼，岩哂咩都想試吓嘅朋友仔😉豬扒好入味，而且好鬆軟，唔會好乾身，好大塊😋蝦餅反而唔似平時泰國店食既蝦餅，佢比較薄身而且淋，無平時彈牙既口感，應該係蝦膠既分別😛濛粉既份量好多，食落唔會太乾，不過可以再凍啲😇啲撈濛汁比平時食開既淡味，岩哂食得清淡嘅朋友仔🤗🍴越式雞扒+香茅牛肉法包💰HK$48✨推薦指數：8/10首先個包係好大個既法包，外層焗到好脆身，內層好軟熟，口感一流😍內層嘅法包搽咗肝醬，非常惹味，完美還原越南風味😇入面包住咗幾入味嘅香茅雞扒、香茅牛肉，雞扒厚身啖啖肉，但雞味唔重，香茅牛肉多汁比較咸😛仲會有扎肉、青瓜、酸蘿蔔絲同埋莞茜去中和返餡料濃郁既味道，份量都好多，感覺好清新🤤🤩🍴越南特色墨魚餅💰HK$45✨推薦指數：10/10呢個墨魚餅好好食‼️😍佢唔會太多既炸粉，又唔會炸得太燶，墨魚餅十分彈牙，而且中

🌟🌟🌟🌟🌟推介🌟🌟🌟🌟🌟唔覺唔覺，原來打左咁多字！支持小店！！呢間真係值得支持！！🌟🌟🌟🌟🌟性價比真係好高🌟🌟🌟🌟🌟（真·唔係打手！真·推薦！）🔖星期日，6點半去到⋯佢地話今日好好生意🥲今日好多野都賣哂sad!!!無河粉、無麵包、無鳳爪⋯我想order既都無😆佢話今日太好生意，4點幾好多野都賣哂了。我話我好想食麵包🥹過左陣佢話有個包今日切錯左，我唔介意既就整比我食😂果斷話無問題，因為我真係好想食！咁多野賣哂證明生意好，都係好事！！🍽豬腩肉香茅牛肉法包$40（雙拼+$8）我第一次食越南法包（竟然係咁），原來咁好食ga!!!!個包真係外脆內軟，咬落去勁脆，個口細d都咬唔哂！入面除咗有自己揀既餡料之外，仲會有青瓜、肝醬、扎肉、酸蘿蔔絲、芫荽、特色越南辣醬。d肉好夠味，有肉汁，個醬係靈魂，每一啖都食到好好味既醬，好食！輕微既辣味提升左整體味道。🍽越南米紙蝦春卷$32傻ga好抵食!!!4舊大大舊蝦春卷只係$32！！魚露汁帶有薄荷葉既味道，好有越南特色。始終個餡係蝦，味道唔會太濃，但加入特製既魚露汁都唔錯！🍽牛肉豬扒撈檬（雙拼$45+8）勁大碗！！呢個真係「大件夾抵食」之餘仲要好食！無論係豬扒同烤

呢一家小店真心想推介俾大家，食物味道完全可以媲美大集團，正如小店門外的招牌所講，真心越南的味道。-今日去到元朗食越南午餐，越南表嫂，餐廳位於元朗嘉城廣場地下，位置唔算非常顯眼，裝修簡單，只有三五個座位，不過想食好嘢，呢啲完全唔係問題。餐牌有兩面紙，已經包括了越南大部分必食必點的菜式飲品，例如越式湯河，撈檬，法包等等。-越式火車頭河 (生牛肉，牛腩，牛丸，扎肉)轉左檬粉，賣相非常吸引，全部肉排得整整齊齊，滿滿地蓋過整碗湯河，生牛肉粉嫩粉嫩，在湯裡浸煮一會兒，嫩滑無比，湯頭十分鮮甜，牛味濃郁，同老闆娘交談中得知，佢地只用了牛骨，無加其他添加劑，真材實料，值得讚賞。牛腩煮得入味夠淋，牛丸多汁。羅勒葉，青檸汁和紫洋蔥再額外為湯河增加味道上的層次，非常出色。-越式法包 (香茅牛肉拼豬扒)法包材料有青瓜，肝醬，扎肉，酸蘿蔔絲，芫荽，特色越南辣醬，香茅牛肉及豬扒非常足料，豬扒切成細細塊，方便進食。香茅牛肉醃得入味，肉質非常軟熟嫩滑。一切開法包，驚喜地見到加了大量肝醬，毫不吝嗇，帶來非常豐富濃郁的味道。-越式墨魚餅及米紙蝦春卷墨魚餅炸得香脆可口，真材實料，非常爽口彈牙，沒有半點兒油膩感。米紙蝦春卷每夠

👍🏻 豬頸肉湯河粉一上枱個份量真係嚇親人 非常抵食嘅一碗越南湯河 仲要係好好味❤️豬頸肉有炙燒嘅香氣 雖然已經切咗一片片 但仍然睇到邊邊位落足香料 咬落去油脂分布均勻 好味🐷湯底清甜 係不論冬天夏天食都好適合嘅味道 仲有好欣賞店家將辣椒同青檸分開上 比客人自己選擇要唔要落！👍🏻 越南特色墨魚餅金黃色嘅墨魚餅 令人食慾大增💁🏻‍♀️咬落去口感係爽口彈牙 食到墨魚嘅鮮味、甜味 可以搭配少少甜辣醬一齊食🙌🏻👍🏻 越南特色炸蝦餅有別於墨魚餅 炸蝦餅嘅外皮有少少麵包糠 入面包裹嘅蝦肉真材實料 屬於比較紮實嘅口感 超級厚 蝦肉鮮味都幾出✅👍🏻 豬腩肉雞扒雙拼法包（雙拼加8蚊）越式發包一直以餡料多為名 今次呢度亦唔例外 除咗自己選擇嘅豬腩肉、雞扒之外 入面仲有扎肉、青瓜、肝醬、酸蘿蔔絲、芫荽等等 搭配得天衣無縫☺️☺️肉類份量都好慷慨 另外要比大大手指公個法包 香脆酥軟🥖外賣一樣正注意事項⚠️- 小店位於街坊商場 好多人以為佢淨係做外賣 其實堂食都有少量位置😸- 由越南人主理 老闆好客熱情 好希望可以有更多人能夠食到真正嘅越南味道💯

見呢間野 系屋企附近 有又外賣 就諗住試下….點知…..米紙卷硬到要蒸返熱先食到個越南法包…..加左辣醬完全唔夾 個包硬過我條命叫左個雞扒飯….飯好似未熟咁 舊雞還可以.

好耐無係元朗食越式法包啦，知道近期新開左間越南小店就黎試下，主要係做外賣生意，雖然鋪面唔大，但都keep住有食客幫襯，今次就order左豬扒越式法包，有唔同味揀，入面啲料好足，有青瓜、扎肉、芫荽等等，好味😋豬扒越南法包$38

越南菜黎講，元朗無乜小店式經營，呢間越南表嫂係絕對值得支持嘅一間👍🏾我地係第二次食架啦，而質素亦都一樣保持水準（兩次堂食經驗當中，叫外賣嘅人係無停過嘅！你就知佢咩料啦！）講番食物，法包就必食架啦，麵包係翻熱後，仍然保持外脆內軟，口感一流。最重要係個靈魂「肝醬」！即刻帶左我番越南（免來回廿八日隔離，係咪值得一試先？）今次食嘅法包係豬腩肉，幾特別，油香味突出（如果唔鍾意咁油，可以揀豬扒）叫多碗生牛肉湯河，個湯有牛香味，我成碗湯飲哂都冇口渴嘅問題，真材實料👍🏾仲有個炸蝦餅，即叫即炸，蝦餅入面有啲香草同鮮蝦肉，我個人覺得都拍得住酒樓啲炸蟹鉗嘅鮮同香👍🏾（㊙️ 如果只可以叫一樣食物，我會揀豬排法包-可以走辣架，請盡早揚聲則可☝🏽）

啱啱喺附近剪頭髮，髮型師推介呢間越南表嫂，越式法包同埋牛肉湯河好味，見有啲肚餓，就行去嘉誠廣場後街睇吓呢間小店。小店有兩張室外嘅枱，主打越南地道小食同埋越南湯河。我叫咗越式法包，餡料叫咗雙拼，烤牛肉同埋扎肉，餡料豐富，份量都幾大份，配以越南地道醬料同埋肝醬，仲加埋辣椒，外賣返到屋企食，個包仲好香脆，烤牛肉好野味，味道一流，味道媲美喺越南硯港好出名嘅法包舖頭，價錢都好大眾化，下次一定要試吓其他小食。

越南表嫂開張左一段時間，此店位置嘉城廣場後街位置，店舖細細，經過此店好多次，都好多人買外賣，朋友每星期都來光顧外賣一次亦推薦此店多次今日終於有機會買外賣湯粉、撈檬、飯料，單拼42元，雙拼加8元本身想食蝦餅或墨魚餅，朋友兩樣都吃過，推薦食墨魚餅有選擇困難症嘅前提下，選擇食雙拼撈檬越式豬扒·墨魚餅·撈檬50元有一件豬扒及一件墨魚餅豬扒調味好，惹味，肉質淋，好吃墨魚餅返到屋企仲脆的爽口天熱炎熱選擇食撈檬係正確的開胃又好吃。