影片
營業時間
今日營業
11:00 - 22:00
星期一至日
11:00 - 22:00
以上資料只供參考, 請與餐廳確認詳情
之前經過荃新千色店幾次都想試，今次終於成功趕喺下午六點前落到order，仲嗌到抵食嘅下午茶餐👅👅嗌咗碗【越北火車頭湯河粉】加【熱奶茶】，落單兩至三分鐘後就即刻有得食，上餐速度好快手！雖然係下午茶餐，但個份量一啲都冇揸流攤㗎~ 有幾塊生牛肉、牛腩片3塊、同埋牛肉丸3粒！對於比較細食嘅女士，或者早瞓嘅人士，絕對可以用相對較抵嘅價錢當埋晚餐👀 青檸仔同辣椒仔會另外分開上，我兩樣都有加埋落去，更加惹味😋
繼續閱讀
[✨荃灣越北牛肉粉 ]#荃灣 #越北牛肉粉🔸西貢咖哩牛腩 配 米飯 追加小食 清沅蒸粉包 $100牛腩燉煮得好軟嫩入味，搭配香濃辣度適中嘅咖哩汁，容易入口，配埋白飯一齊食真係停唔到口！小食蒸粉包皮薄煙韌，餡料飽滿，口感好正😍🔸順化香茅牛肉撈檬 追加小食 馬拉盞生菜 $94香茅牛肉帶有濃郁嘅香茅&香料味道，分量仲要好多；撈檬有各種配料好似醃蘿蔔、生菜青瓜絲、花生碎等等，材料口感都好豐富，淋上特製魚露醬汁就更加好食開胃，唔錯！馬拉盞生菜好爽脆，鹹香同微辣完美融合，好下飯！🔸凍檸水 跟餐+$3————————♡♡♡♡♡♡————————✨總結每次想食越南野都會諗起呢度，味道好之餘價格亦合理，CP值好高嘅越南菜餐廳！📍越北牛肉粉🏠荃灣大河道98號如心廣場二期2樓216號舖#jmhkfoodie #hkfoodie #hkeat #hkeats #hkfood #hkig #hkgirl #food #hongkongfood #hongkongfoodie #852food #香港美食 #香港食評 #香港餐廳 #為食港女 #荃灣 #荃灣美食 #荃灣好去處 #荃灣餐廳 #越北牛肉粉 #越北 #越南菜 #如心廣場
繼續閱讀
順化香茅牛肉撈檬首先個撈檬嚟到嘅時候真係好大碟 而且啲牛肉都好多 除咗份量大之外 味道都好足夠 啲牛肉都好重味 再加埋啲碌冧 真係好好食！香茅雞扒湯檬塊雞扒真係好高質 好大塊之餘 仲要好嫩滑 六十幾蚊嚟講真係好抵食 而且個湯檬個湯底都好好味馬拉盞炒通菜呢個係加$22加配嘅 $22嚟講 真係好抵 仲炒得好有鑊氣添 而且食吓啲菜 感覺都健康啲最後嘢飲方面我哋就加錢叫咗兩杯特飲分別係水晶芒果沙冰同椰汁紅豆冰 呢度嘅椰汁紅豆冰係沙冰嚟嘅 而且椰味好重 非常推介😋
繼續閱讀
燒豬頸肉撈檬燒豬頸肉撈檬真係好抵食 一嚟到見到成個碗嘅面都係燒豬頸肉 起碼有10塊以上 而家香港都好少啲足料嘅餐廳呀生牛肉牛肉肉丸湯檬另外就嗌咗一個生牛肉牛肉丸湯檬 嚟到食越南嘢就當然要叫佢嘅招牌生牛肉湯檬 牛肉啱啱熟唔會好嚡 而且個湯底都好重牛肉味越式酸辣無骨鳳爪之後我哋就跟加配左個無骨鳳爪 無骨鳳爪唔算太辣 但係酸酸辣辣咁都幾開胃凍老薑蜜同三色鹹檸七我哋叫咗兩杯飲品 呢度普通嘅飲品都唔普通 就算係老薑蜜都唔算特飲 三色鹹檸七有話梅鹹柑桔同檸檬 好味過一般嘅鹹檸七🤣
繼續閱讀
好友約我去位於荃灣大河道98號如心廣場二期2樓216號舖的<越北牛肉粉>食下午茶餐，環境舒適，坐得舒服。我哋點咗：🥢海防蕃茄雞絲蝦丸湯檬粉 $58 蕃茄新鮮，雞絲嫩滑，蝦丸彈牙，檬粉好食，湯底濃郁。🥢越式燒豬頸肉配米飯 $62 豬頸肉燒得外脆內 嫩，肉味鮮甜，配菜有蛋餅，好好味。🥢香茅厚切雞扒紅飯 $56厚切雞扒煎得雞皮香脆，雞肉嫩滑，十分好味。🥢峴港 炸蝦餅（半份）$28蝦餅炸得香脆可口。🥢水晶芒果沙冰 $8（ 跟餐）芒果是我的至愛，沙冰最啱天氣咁熱的時候，又食到粒粒芒果水晶。 🥢熱越南老薑蜜（跟餐）潤喉的最佳飲品。🥢熱檸檬茶（ 跟餐）好飲。
繼續閱讀