越北牛肉粉專門店

營業中

休息中

今日lunch同同事去食西環嘅越式餐廳，以往食豬扒感覺平平無奇，而且味道偏鹹。而平時其他餐廳雞扒淋而且肉有雪味。但這間越式餐廳，豬扒及雞扒檬粉是我試過最好味的。而且跟餐又可以加小食，佢小食馬拉盞炒菜味道好燶有鹹香味，同清淡粉麵配搭得宜。值得推介。

收工去咗西環呢邊探朋友，打算食啲快嘅嘢就返屋企，另一位同行嘅朋友就推薦呢一間食越南嘢嘅餐廳，佢話之前食過，上菜速度快亦都好抵食 走入去試吓先！我就叫咗咖喱牛腩飯，咖喱牛腩飯嘅份量都幾多，牛腩係用傳統手法秘制，食得出佢用咗多種香料燴製而成，咬落去食得出有非常濃郁咖喱香味 咖喱汁送飯一流，牛腩亦都非常入味越南春卷亦都炸得非常好食，春卷炸左後，外皮薄亦都酥脆，咬落去亦都唔會有好油膩嘅感覺，豐富既餡料一口咬落去之後香味四溢，餐廳在配上酸甜既醬汁，絕對令到春卷嘅口感更好 蝦多士同埋其他嘢就不過不失

【越北牛肉粉專門店】#foodstepsinhk_西環 ·🍜越北生牛肉牛腩片湯粉💰63 Raw beef & sliced beef brisket 發現原來佢係牛腩片而唔係一般嘅牛腩😂不過自己食吓食吓都prefer牛腩片多啲，因為連埋生牛肉嘅話都唔會話好肉好膩👌🏻不過其實牛肉大致上已經熟晒，如果大家鍾意食生牛肉嘅話可能會有啲失望🥲但係有一大舊蘿蔔，欣賞蘿蔔清甜冇渣；湯底唔油，食完唔會頸渴湯粉份量幾多，正常女仔食哂會偏飽🫠·🫔清沅蒸粉包(2件) +💰23 Steamed rice pancake蒸粉包其實係粉皮入面包住豬肉碎、雲耳、紅蘿蔔粒、乾蔥等等嘅材料，可以點魚露嚟食～朋友因為想健康啲所以就喺春卷&蒸粉包之間揀咗呢款🤣佢覺得係好食嘅，不過又未算話好特別，大家可以當係春卷嘅蒸版😹兩細件咁其實都啱俾一個人當小食·🥬馬拉盞炒生菜 +💰23 Lettuce with belacan sauce 同自己想像中有啲唔同，佢嘅馬拉盞係好似汁咁液體啲，不過都ok，生菜有鑊氣，吞嘅時候會食到少少辣😂#foodstepsinhk_越南菜 #foodstepsinhk_港大

招牌好搶眼~而且價錢都唔費 👧🏻綜合牛肉湯河 $60有生牛肉片、牛腩、牛丸、仲有一堆蔥絲，令到個湯底更加香，牛肉片有咬口，唔係d 渣渣肥牛片，牛腩好軟淋淋，正！ 👧🏻雞絲扎肉湯金邊粉 $50有成4,5片扎肉，再有d雞肉絲，金邊粉爽d，湯底又同牛肉河個個唔一樣 👧🏻豬頸肉 $28整到好香，油香味好重，但係好食個種~ 👧🏻炸蝦餅 $30配上一個辣甜酸醬，超正！ 👧🏻水晶芒果沙冰 (跟餐+$8)夏日必叫！超清爽！唔止係芒果味好濃郁，仲有加左d透明爽脆爆珠珠！ 👧🏻薄荷青檸梳打 (跟餐+$8)好清新，唔會好甜~

越北好多地方都有分店～有時想食越南嘢，第一時間就會諗起佢！今次就試吓佢啲下午茶，價錢唔貴而且份量都好大份喎～ 📍三寶飯 (+蝦餅) $65三寶分別係雞翼扎肉豬扒，雞翼同豬扒都炸埋好香脆，加埋扎肉呢個組合正呀～📍豬扒湯檬粉 (+蝦餅)$52豬扒好大一塊，檬粉份量又夠多加埋香草香蔥超惹味呀 📍蝦餅 兩個餐都加咗蝦餅，蝦餅蝦肉超多又炸得剛好唔會好乾柴，推薦～📍三色冰 (+$8) 食越南嘢三色冰就一定係必叫啦！椰汁加埋椰果好咬口 📍黑糖薑棗茶(+$8)朋友就飲啲暖胃野，呢個就啱晒佢喇～

越式香茅豬扒湯河粉$62，湯底味道濃郁，豬扒外表香脆，內裏肉汁豐富，🌶加點指天椒和青檸，變成了正宗的越南風味~香茅炒香後與豬排煎熟🐷兩面呈金黃色，非常吸引！❤茅醃醬之香茅味道突出，清新可口，再配以多款香料製造，齒頰留香。河內生牛肉湯河粉$58，🐮肉上枱時幾乎全生，全靠熱湯灼熟，牛肉食起來嫩滑無渣，亦有肉甜😙河粉薄而滑，帶少少煙韌，吃至最後仍然彈牙。湯底呈淡啡色，夠熱，香料味突出，牛香淡淡👍生牛肉，量夠足，油花分布平勻，有肉甜。

今天又是去西營盤和媽咪食飯的日子，媽咪話食越南河。OK，水街口就有一間。和媽咪開心食咗個抵食下午茶。~~~越北綜合牛肉湯河粉（$60）海防番茄蟹檬（$66）蒸粉包（+$23）青桔仔雞翼（+$25）椰青（+$26）熱鹹桔水（+$0）~~~越北綜合牛肉湯河粉有生牛肉、牛腩片、牛肉丸和蘿蔔，除了生牛肉太熟有點鞋外，其餘都好食，湯底是牛骨湯，相當清甜。海防番茄蟹檬有蟹件、蝦丸、扎肉、肉碎和幾塊番茄。蝦丸和扎肉有質素，蟹件無乜肉，聊勝於無。番茄湯底酸甜，非常開胃。蒸粉包的粉皮很薄很滑，就算是包了幾層粉皮的部份也不覺厚實，餡料是肉碎、本耳等，蘸酸甜汁很好味。青桔仔雞翼是涼拌的，汁料其實和無骨鳳爪的汁差不多，只是用上雞翼，此外還有幾件青瓜，加埋酸中帶甜的青桔仔汁，很醒神。

性價比尚可，但餐廳人員服務態度真的太差，連一星都不值。（一）外賣自取，一般嚟講，餐點完成可以出餐既時候，樓面會叫餐單號碼，令客人知道餐點已完成，可以取餐。不過呢間餐廳係 “唔會叫”，剩係將個餐擺係店內枱面就算，即使有人係出邊等緊都好，都係 “唔會叫、齋擺係度”。等咗一段時間，覺得奇怪然後入去一睇，先知係咁樣，餐廳人員服務態度惡劣，口氣大，直接講：xx號搞掂架喇，不過就喺要你地入嚟拎！而且，仲擰轉背面揮手，示意離開（二）落雨天，或者餐廳人員大多是有錢人士，出入都係揸私家車，所以唔知道落雨天用紙袋裝外賣係會爛同霉，建議餐廳人員增進一下應有既一般常識

好近香港大學站，而且味道正宗，😍好好味！🍜除咗有出名嘅湯河之外，佢哩度嘅小食，🥗同埋沙律同樣好唔錯。🦀椒鹽軟殼蟹 $138即叫即炸，非常新鮮，🔥食起身炸粉好薄，所以口感好脆口。份量都幾多，❤好抵食。🐷烤豬頸肉青木瓜沙律 $68厚切嘅豬頸肉非常滋味，🥢口感嫩滑，而且校味啱啱好。青木瓜絲撈埋生菜絲，🥬多一重口感，清新豐富。態度熱情，同friend傾計＋食tea time，卡位闊落，坐得舒服。

這家越南菜餐廳，主打牛肉撈檬及湯粉，港九新界都有分店，食物味道及質素十分有保證😋店舖用餐環境舒適、卡位闊落，連同性價比高嘅越式佳餚，絕對不能錯過👍晚市2人餐B｜$220 ｜8.5/10軟殼蟹米紙卷（2件）｜8/10米紙口感煙韌，薄身香軟，主角軟殼蟹炸得非常鬆脆，食落可口不膩，整體外內嘅軟硬適中，如果蘸上甜酸醬食相信會更加惹味清新🤣海防肝醬小法包 （2件）｜8.5/10海防肝醬聽落有點陌生，其實係越南特色嘅鴨肝醬，由小法包夾住，第一口咬落先是小法包嘅爽脆，配埋香濃嘅肝醬，再沾上附有嘅辣椒醬，食落咸香滋味，好開胃😋生菜（魚露）｜7.5/10落左魚露嘅生菜不用多介紹，當然係好惹味，不過可能魚露份量多左，食落有點咸🙈除左生菜，客人仲可以選通菜，調味都可選馬拉盞或蝦頭膏順化香茅牛肉（撈檬）｜8.5/10撈檬粉特別適合呢排天氣熱熱哋，清涼又開胃。而且呢個撈檬好抵食！無論係牛肉定係配料，份量都好足😆牛肉整得好鬆軟，完全唔韌，配上大量青瓜絲蘿蔔絲食，清新又醒胃👍河內香茅烤雞扒（湯粉）｜8.5/10湯底絕對係越南風味，濃郁清甜，烤雞扒都整得好出色，口感外脆內軟，食落充滿香茅味，鮮嫩而不韌，配埋炸蒜片一齊

港九新界都有分店 (~今日食咗香港大學分店)叫咗兩個Dinner combo set ($88)越北綜合牛肉湯粉 • 炸春卷 • 椰汁斑蘭糕 • 椰青 (+$28)好大碗呀，成碗牛肉湯粉好足料，有牛肉，牛腩片同牛丸。最有驚喜竟然係牛丸，細細粒但好有牛肉味同有肉汁。仲有蘿蔔都好林好入味，食得好滿足。炸春卷新鮮炸起熱辣辣脆卜卜，味道都幾正宗。至於甜品椰汁斑蘭糕都幾出色，斑斕同椰汁味都係唔會過甜，真係食到斑斕味，而且好煙韌。追加多個椰青都係$28，幾抵而且好大個好清甜🤩 我仲慢慢刮埋啲椰肉食添。順化湯濛 • 會安蓮藕蝦餅 • 薄荷青檸梳打 頭先牛肉湯粉係用河粉，呢個就係濛粉，比較爽身啲。湯啲微辣帶酸，幾惹味。牛肉丸一樣出色，札肉都唔錯。蓮藕蝦餅食到蓮藕粒，整做蝦餸好夾，幾好食喎。薄荷青檸梳打係試咗椰青再飲就偏酸啲，不過好fresh，好解渴！

呢日得自己一個食lunch，想食越南菜，發現附近有間近近地嘅越南嘢，地理位置唔錯，方便去。餐廳裡空間非常充足，有濃濃越南菜風味。每枱都有越色酸辣汁同辣醬自助調味。我叫咗1個粉麵，1個小食同1杯飲品。越北三寶 (豬扒，雞翼，扎肉三寶有豬扒，雞翼，扎肉三款，份量充足！好豐富啱晒我呢啲食肉獸！豬扒厚身，啖啖肉，肉質爽彈，而且好入味；雞翼外脆內嫩，好juicy，有濃濃嘅香茅味；扎肉彈牙，好好味！湯底清甜，又好夠味，忍唔住飲咗幾啖湯，事後亦唔覺頸渴，冇味精。炸蝦餅必食炸蝦餅！外表金黄，入口非常彈牙！唔油膩，感覺好足料而且好有蝦嘅鮮味！三色冰越色特飲三色冰，甜度適中，椰味清香。

想食越南菜嘅話，第一時間就會諗起越北牛肉粉😚 越北除咗有多間分店十分方便之外，食物質素唔錯，價錢亦都好實惠。咁啱公司附近有一間分店，所以平時午餐或晚餐都會時不時去食！越式綜合牛肉湯粉 - 生牛肉片同牛腩片都好新鮮鮮嫩，生牛肉浸兩浸就熟，口感幾嫩，牛丸牛味香濃幾彈牙。如果唔想太濟我會揀湯濛粉，當然都可以選擇河粉/ 金邊粉。牛湯以咸味為主帶點清甜。想健康啲嘅不坊叫一客魚露雜菜，有西蘭花、椰菜同紅蘿蔔等等。另外點少得一杯清涼特飲越式青檸梳打🤤

今日第一次去越北用餐，環境不錯，屬近幾年標準的茶餐廳裝修。卡位闊落，臺面亦夠大三人用餐一d都唔會逼。越北有提供紙袋和濕紙巾，這點非常方便。我點了生牛肉湯粉，等左5分鐘左右就有得吃，上茶速度算快。生牛肉湯粉有幾片切得非常薄的生牛肉，係湯底浸兩浸就熟，一大舊用來襯托的蘿蔔和葱花、香茅、洋蔥等配菜，另外有一小碟載有幾片辣椒和一小塊青檸。味道不錯但太濃厚，吃左幾口已經覺得落得太多味精和鹽，太甜又太咸，吃完超口渴，建議可以加一半水落湯底再吃。

.📍 越北牛肉粉專門店📍香港西環西營盤皇后大道西389-391號地舖點了個晚市套餐(88hkd)，裏面包一個順化湯檬、兩件會安蓮藕蝦餅和薄荷青檸梳打，湯檬裏面有牛腩片、扎蹄、扎肉和牛丸🥰牛腩切成薄片，肉質夠軟，不會很難咬，檬粉煮得很剛好，不會太軟爛也不會太硬，比較能掛湯，湯底真的好喝😂可以吃到有明顯的牛骨香氣，雖然表面有紅油，但不會太辣，只是起了一個提味的作用😍蓮藕蝦餅的口感很扎實，可以吃到爽脆的蓮藕，還有Q彈的蝦肉，加上泰式甜辣醬很開胃💕青檸梳打的酸味很突出，完全不會死甜，是很清新的感覺，加上有氣泡的飲品就是讚，感覺喝了幾口又可以再多叫其他小食了😂#foodiblum東南亞