越不同 (已結業)

呢間餐廳食過幾次，每次都好滿意！特別推介呢個鯖魚飯，同日式做法唔同，個人覺得比出面燒得更香，而且調味更豐富，係出面食唔到嘅～配上獨製醬汁，好惹味👍🏻👍🏻👍🏻另外跟埋個魚湯，魚湯好濃郁，帶微微酸甜味，個人好鍾意。環境好闊落舒服，裝修有少少外國風情嘅感覺，會令人放鬆侍應會主動問要唔要凍/暖水，凍水仲係有冰嘅水🤤呢個值得一讚的另外推介～之前試過漢堡包都好好食，好juicy結論餐廳綜合食物、環境同服務係高質嘅呢個質素價錢亦十分合理，晚市人均$100都唔洗所以寫個小食評鼓勵一下

晚餐set dinner，選擇有$100內的，亦有大或小份量，餐飲配滴滴咖啡，環境清靜坐得舒服，味道唔錯食物選擇又多，平日消費$100便有免費泊車兩小時，方便呀，一定會再來下次想試越式法包香煎豬腩肉配扎肉飯🌶越式滴滴咖啡☕️

首先見OpenRice 冇咩人講佢平日lunch hour 竟然得小貓三四隻真係好戥佢唔抵如果冇記錯，當年佢開喺黃金海岸次次去都有去食！佢地staff係非常friendly 希望大家唔好吝嗇值得一試 推介係越南濛粉比起成舊水嘅芽莊 真係好食太多了豬扒撈濛，燒到超香，個汁好正好夾！麻辣手撕雞撈濛，好正！個汁較到麻而不辣，好值得一試🤭平日滿$100仲有free parking 2hours黎到元朗諗唔到食乜真係黎試下啦🥰

星期六晏就2點半嚟左食lunch叫左精選套餐入面嘅蒜香炒牛柳粒飯同招牌廚師炒飯可能見佢裝修都幾靚有少少期待但係食落都幾失望😢先講個蒜香炒牛柳粒飯擺盤係好靚架 ，好吸引但係味道始終先係重點 一食落去其實香草炒牛柳粒 味道有少少淡，D牛又冇牛味最大獲d牛炒到好韌🥲 除咗香草同辣其他咩都唔係好食到話晒呢碟野收$128點都有少少期待呀但係食落收$68就差唔多都唔知食咗d咩至於個招牌廚師炒飯 呢個收$108可以話佢係一個好有鑊氣嘅豉油炒飯佢好勁豉油味，但係唔咸嘅食落好似冇咩落鹽咗嘅味道好一般，又稱唔上好食🫠又係最多收$68嘅水平最後呢餐飯加埋一收咗$258係食到我地火都黎一定唔會有下次完全唔值呢個價之前都有聽屋苑嘅人講過話d野偏咸可能有改進啦，但係依家我估係偏淡咗而當中有好幾個明顯嘅問題可以改善嘅：- 估計入嚟呢到開餐廳嘅時候又係會覺得park yoho困獸鬥，冇咩餐廳揀，set貴一貴都有人食。但係正正住咗係到嘅人都習慣咗咁，所以多數唔煮飯嘅人都叫慣咗外賣，其實疫情之後我哋唔係冇選擇，係更多選擇，我寧願叫外賣都未必再幫襯- 餐廳好有心，中間set咗個吧台係到，飲下野chill下，係靚嘅，但係唔知

💖 越不同 (元朗)✨元朗青山公路潭尾段18號Park Circle峻巒地下117號舖〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️早幾日係新年期間食左呢一間餐廳，聽聞佢哋係新開張。因為新年期間唔算好多人，門面比較冷清，但係服務人員仍然非常熱情🧧！佢哋當時仲開咗一盒朱古力，請我哋食添🥰不過最後我腦霧唔記得咗攞走嗰兩粒朱古力😂-洋蔥炒辣美國西冷牛肉片布里芝士漢堡包配薯條🍟 $168當時好後悔，冇叫多一份🙄因為真係好抵食🥳又大份又抵食！薯條份量好多，漢堡嘅超足料😋入邊嘅西冷牛肉片好香牛肉味，食落有少少似肥牛嘅質感，好Juice😳芝士鹹鹹香香勁爆正🤭我已經想食咗好多日薯條啦！不過就係想食波浪薯條😭呢個雖然係粗薯條，但係一樣脆卜卜，好好食🤤-芝麻手撕雞配飯🐤 $98可能因為漢堡包好味d所以食落口呢個手撕雞飯就好似比較平庸🥺比較鹹少少，唔係我鍾意嘅口味，雞肉有少少鞋口，成個感覺整體食完覺得好膩🥵-凍咖啡☕️呢個凍咖啡係跟漢堡包個餐，有漸變效果，幾吸睛。-炸蝦片🦐新年佢哋竟然請我哋食炸蝦片🤤不過個醬汁對我嚟講有少少就辣🤣但係真係好好食，好香好脆口🤩想要繼續睇我分享唔同嘅嘢就𝓯𝓸𝓵𝓵𝓸𝔀 𝓶𝓮 @glady