走過十萬八千里找到你

營業中

休息中

旺角呢間以花花作主題嘅餐廳🌸環境充滿浪費氣氛．非常舒適地點位置方便．吸引不少食客🍴Menu上主菜同飲品嘅款式好吸引😋配上蒜蓉包同餐湯賣相好精緻✨三文魚籽龍蝦汁意大利飯🍛除咗加入🦞龍蝦汁同三文魚籽之外面層仲有大大隻青口同鮮蝦🦐口感爽彈 好足料✨玫瑰抺茶🍵餐廳選用日本小山園抺茶抺茶同奶嘅比例控制恰好．亦唔會苦澀上面舖上玫瑰花瓣．同抺茶味道好夾啖啖都滲出玫瑰香味以後同班姊妹聚會，又多個選擇喇

一間少女心又浪漫的餐廳, 餐廳用優美的乾花裝飾, 主打設計簡約舒適, 環境優雅, 打卡一流, 性價比高. 是日餐湯 好鐘意呢個貓貓肉球杯, 裝著磨姑湯 ,個湯好creamy同勁濃郁, 好可愛三文魚籽龍蝦汁意大利飯 $178.0飯粒軟硬適中，原隻青口及大蝦, 蝦肉爽口彈牙, 又鮮甜, 飯粒吸收曬所有材料嘅精華，真係食到停唔到口, 飯面仲有三文魚籽, 把味道加以提鮮明太子岩燒蟹棒貓耳朵 $148.0意粉形狀像可愛的貓耳朵, 貓耳朵軟硬適中, 煙韌得嚟有咬口蟹棒鮮味, 配明太子做基底，既咸鮮又濃稠飲品自家製草莓醬梳打 $60.0自家製草莓醬, 清新香甜，加埋冰凍的梳打調製而成, 酸酸甜甜，味道清新可口冰莫卡 $60.0巧克力向來是咖啡的好朋友，冰莫卡更將他們的關係昇華到極致。口感香甜滑潤，説不出的好味道。重點店員畫了十分可愛的熊bear bear, 打卡一流👍

入到門口全個天花頂垂吊著乾花，而且細心留意還會有輕微的陣陣花香味道，而牆上有月亮和油畫。每個位都是攝影好位置。生日聚會、情侶和朋友gathering都好適合。餐牌有多款飲品提供選擇，而且都有小食品同飯類選擇。北海道帆立貝海膽醬意粉 ＄178意粉有海膽嘅味道帶小小苦和甜味的混合，意粉彈牙，帆立貝大粒。日式原條鰻魚意大利飯＄178鰻魚原條厚肉大條，risotto汁已滲進飯內，還有一些木魚碎在飯上面。香果草莓自家窩夫 配雲呢拿雪糕＄882人份量每人可以吃到2舊，士多啤梨切成星型排在waffle 上，餅底鬆化配上雪糕一起吃好味。忌廉蘑菇湯配蒜蓉包清甜蘑菇味加上蒜蓉包永遠都係最佳組合。

同朋友睇戲之前搵左間裝修美美既樓上餐店食個晏先😆😆😆呢度menu 上既主菜都可以加錢轉為套餐～套餐附有餐湯、蒜蓉多士同自選既飲品😚😚呢日既係忌廉椰菜花湯我地揀左一款pasta 同一款risotto 一齊share🥰🥰✨三文魚籽龍蝦汁意大利飯✨除左三文魚籽之外，配料仲有大蝦、青口、蟹棒同蟹肉，食落調味適中，十分豐富💕✨忌廉龍蝦汁甲羅燒貓耳朵✨忌廉龍蝦汁加上甲羅燒既蟹膏同芝士混搭後，味道香濃鮮味，貓耳朵亦煮得剛好，甚有嚼勁😃😃飲品方面我地都揀梳打～分別係“巨峰提子梳打”同“柚香菠蘿檸檬梳打”，兩杯都清爽香甜又解渴，岩曬依家夏天飲😆😆

呢間餐廳個名好浪漫，令人印象好深刻，之前食過杏花邨杏花新城的分店，上次食完覺得好好食，今日再嚟試吓旺角呢一間分店😍今日我哋叫咗一個鰻魚飯，鰻魚飯嘅鰻魚好新鮮，而且加埋餐廳特製嘅汁，好入味好好食再嚟叫咗一海鮮意粉，海鮮好新鮮，粉質都好有咬口，好味最尾叫咗個窩夫甜品，窩夫好脆，士多啤梨加買朱古力醬好sweet，最尾食埋呢個甜品滿😍😍餐廳位於旺角，距離地鐵站都只係5分鐘左右，地點方便，入面真係好浪漫，播住音樂聽住歌食住嘢，亦都有唔少打卡位，值得過嚟試吓😊

暑假係me time嘅時間💗呢日我就去咗浪漫感滿滿嘅 💐走過十萬八千里找到你 全店佈滿好多乾花同埋浪漫壁畫🥰無論自己一個人嚟chill、約朋友定另一半都非常合適👍🏻我自己就最鍾意身後嘅🌕月亮+沙灘壁畫🖌️🎨個月亮仲識發光💡好靚.我叫咗北海道帆立貝海膽醬扁意粉🍝加$55跟餐仲有是日餐湯、餐包同埋一杯$60以下飲品添~我就揀咗🌹玫瑰鮮奶咖啡餐湯嘅擺盤超可愛，係貓貓造型🐱當日飲嘅係南瓜湯，味道唔錯幾甜，餐包亦好香脆海膽醬扁意粉夠creamy掛汁，醬汁味道香濃，海膽量都唔少，帆立貝亦煎得好香，連埋面頭嘅木魚碎食好夾👍🏻玫瑰鮮奶咖啡☕絕對係少女心爆發之選，唔係成日飲咖啡嘅我好鍾意佢奶味夠濃，淡淡玫瑰香氣令人好放鬆🥰下次要帶埋朋友嚟再影多啲相📸

朋友同我講走過十萬八千裡終於遇到你😍朋友又搵到呢間佈滿乾花嘅樓上cafe，牆上仲畫滿好多夢幻嘅畫好浪漫,好似進入咗一片花海午餐，令感覺人好舒服💐✨北海道帆立貝海膽醬扁意粉帆立貝大大隻，鮮甜彈牙，再加埋香滑嘅海膽醬掛滿扁意粉,真係好正！😋✨日本原條鰻魚意大利原條鰻魚好大條，肥美肉厚，加埋個意大利飯口感好夾,食落啖啖肉好滿足，令人回味無窮😋🍓自家製草莓醬梳打自家製草莓醬加梳打好特別，真係食到原粒草莓，清新又開胃！🍋柚香菠蘿檸檬梳打柚子同菠蘿嘅組合好fresh，梳打飲落真係好解渴！🌾餐廳仲有啲貓貓小陶瓷杯蓋好cute cute 餐廳環境設計好少女心，又充滿夢幻感,真係好啱同朋友生日慶祝或者sweet sweet拍拖！

3個人叫2人餐再加野食，明知係3個人食都唔會分多份或者俾多個碗碟，飲品等咗好耐先到，食物質素還可以，但以樓上cafe黎講偏貴，3個人食咗$8xx！最大問題係20:30話last order叫人賣單，21:00趕人走，OpenRice寫收22:00，如果同我講openrice 寫錯而你真係收21:00，我都接受唔到，一定唔會再幫襯！三個人七點幾食飯，九點要離開間餐廳真係勁掃興，就算食茶餐廳都唔會趕你走!

今晚收工後約左朋友去旺角花海cafe，呢間cafe主要用唯美牆畫同埋乾花做主題，好適合去打卡影靚相📸🩵餐湯：濃稠南瓜湯配蒜蓉多士一上枱已經聞到好香南瓜味，湯入面仲有南瓜溶，我就最中意將蒜蓉多士浸落湯度，食落個人暖暖地，好warm🤭🩵主食：日式原條鰻魚意大利飯$178Risotto上面鋪左一條長長既鰻魚，鰻魚份量十足，意大利飯軟硬適中，面層放咗紫菜同木魚絲，配上特製鰻魚汁，趁熱食大大滿足感😌🩵主食：明太子岩燒蟹棒貓耳朵$148貓耳朵煮得好彈牙，份量啱啱好，仲有好多明太子醬，同貓耳朵撈勻佢，超級入味😉🩵飲品：紅寶石巧克力草莓鮮奶$68濃郁巧克力撞上了鮮甜草莓鮮奶，成杯好有驚喜，飲落仲有朱古力碎同埋草莓果肉，大推🍓🩵飲品：玫瑰果洛神花茶$52朋友叫咗花茶，好香玫瑰花味，本身放左工後好攰，飲完都即刻精神晒😎

今次嚟到旺角嘅「走過十萬八千里找到你」，呢間餐廳嘅名字已經好吸引。店內裝修以工業風為主，牆壁上仲有好多充滿藝術感嘅塗鴉，氣氛輕鬆自在。座位安排得好舒適，無論係同朋友聚會定係情侶約會都啱晒。餐廳入面嘅燈光柔和，令人感覺好放鬆。今次我點咗佢哋嘅招牌牛扒，真係無得輸。牛扒煎得啱啱好，外面香脆，入面嫩滑，肉汁豐富。配埋嘅薯條亦都好有驚喜，外脆內軟，絕對係完美嘅搭配。另外，我仲試咗佢哋嘅煙三文魚沙律，味道新鮮清爽，配上自家製嘅沙律醬，真係令人回味無窮。甜品方面，我揀咗佢哋嘅朱古力熔岩蛋糕，入口即溶嘅朱古力真係好滿足。「走過十萬八千里找到你」真係一間值得推薦嘅餐廳，無論係環境、食物質素定係員工態度都非常出色。價格亦都合理，性價比高。如果你鍾意食西餐，又想搵一間有特色嘅餐廳，呢度絕對係唔錯嘅選擇。下次一定會再嚟幫襯，推薦俾大家！🍽️

呢度既環境以乾花為主題，好適合影相打卡 📸 Pumpkin cream soup 🎃濃稠香甜既南瓜湯配埋蒜蓉多士，配搭不錯北海道帆立貝海膽醬扁意粉 $178帆立貝啖啖肉，被煎過後味道更加出眾好鮮味，配埋海膽醬勁Creamy，每條意粉都掛住濃濃嘅醬汁，一啲都唔漏 🤤🤤 原條鰻魚意大利飯 $178飯面上既正中間有大大條原條鰻魚鋪係度，鰻魚熱辣辣甘，而且有豐富嘅鰻魚汁，味道唔錯，意大利飯入面有蘑菇片同埋洋蔥絲等等，口感層次唔錯柚香菠蘿檸檬梳打 自家製草莓醬梳打 價錢雖然唔算平，但係食材優質而且水準都高，已經夠晒飽 👍🏻👍🏻👍🏻📍旺角彌敦道575號Ladder Dundas 10樓☎️ 98898055

尋晚朋友預約咗話過嚟食飯，一行四人預約了七時，今天早咗收工就直接去餐廳先。餐廳有限時90分鐘。不過職員都好好俾我坐低等朋友唔計時先😆不過坐坐下發覺好熱，就問吓職員可唔可以再開大少少個冷氣，不過職員回覆已經開到最大，因為冷氣壞壞哋所以係比較熱少少，見佢都不停幫我哋再試下個冷氣。但係依然地好熱，真係出晒汗咁滯，眼見佢哋自己都係手拎一把風扇咁吹，佢哋見我地係咁抹汗都有不停我哋講唔好意思真係冇辦法，之後仲拎咗自己把風扇俾我哋仲比埋冰水我地先叫好小小。如果唔係朋友暈係到都似🙂‍↕️食物其實係幾好食，不過真係熱到冇乜心機食，有小小掃興咁囉。希望店方望到注意下囉，畢竟依家夏天要個客熱住食飯就唔好囉，雖然職員好盡責幫我哋處理，不過我哋短期都唔會再嚟食啦。

個環境同相係一樣，都真係幾靚，光線ok，適合打卡，但如果只係想食餐飯就真心唔推介呢間餐廳😓 食物質素有待改善 某d食物係有焦味，其次d職員態度真係麻麻地😓 唔會有下次，被好評洗左版嘅劣食😢

走過十萬八千里找到你旺角彌敦道575號 Ladder Dundas 10樓經開旺角信和對面，老友介紹樓上西餐，環境不錯，入去chill吓先。😁甘筍湯大廚將甘筍打蓉，原汁原味鮮甜開胃。😺蒜蓉包又香又脆，口感煙韌，加了適量的蒜蓉醬，點湯食好正！😋北海道帆立貝海膽醬扁意粉帆立貝新鮮彈牙夠爽甜，香氣四溢，面層加了紫菜和木魚提升層次，扁意粉吸收了海膽醬汁的精華，口感煙韌，好惹味！😽原條鰻魚意大利飯鰻魚份量十足，口感煙韌，意大利飯軟硬適中。面層放了紫菜和木魚，加了適量的鰻魚醬汁，趁熱食好好味，大滿足。😍自家製草莓醬梳打酸酸甜甜的草莓醬好開胃，消暑解渴，冰底夠凍，攪勻飲味道更佳，推薦！Mocha面層有朱古力醬和忌廉，甜度適中，奶味和啡味濃郁。😃走過十萬八千里找到你 食材新鮮，沒有味精，環境舒適，侍應服務態度好，還會再來。🤘🏻😎

Grilled cat ears with creamy lobster sauce were an unexpected delight. The sauce was rich and buttery, pairing perfectly with the tender cat ears.....Japanese Whole Eel Risotto... eel was perfectly cooked, adding a smoky, savory touch to the creamy risotto. Each bite was a delightful mix of textures and tastes.....The Hiroshima oyster risotto was a standout. The oysters were fresh and plump, infusing the risotto with a briny, oceanic flavor.....Hokkaido scallop and sea urchin ......The sweet sca