赤

營業中

休息中

赤居酒屋係銅鑼灣百德新街難得安靜既角落，木質裝潢，有，有一種置身日本小巷內的感覺，非常適合同朋友小酌。我地叫左幾樣野食，我可以話每一樣都好食。芝麻雞翼外層香脆，芝麻香氣濃郁，咬下去仲感受到雞肉的肉汁。柚子胡椒炸雞配蛋黃醬 這道菜係剛推出的新菜式，我們竟然成為第一台食的客人，感覺超幸運。炸雞外脆內嫩，沾上蛋黃醬後，增添了濃郁的口感，必食!豚肉荔枝卷荔枝的清甜中和了豚肉的油脂，口感層次豐富。牛肉烏冬牛肉軟嫩，烏冬吸收了湯汁，有濃濃既日式風味。蟹籽沙律清新爽口，蟹籽同沙律醬都超級多，鐘意蟹籽沙律既人一定要試下。汁燒大蔥雞肉/雞胸軟骨口感爽脆，作為下酒菜非常合適。雞肉嫩滑，大蔥帶出微甜的香氣，燒汁讓整體味道更濃郁。魷魚筒魷魚外層微微焦脆，內裡彈牙多汁，份量比想象中多。這次的用餐體驗相當滿意，特別是新推出的炸雞，再加上餐廳寧靜舒適的氛圍，又唔係太多人，好岩同朋友慢慢享受美食，放鬆一下。

今日好熱，系CWB行街，行到攰想食下啲涼涼地嘅嘢，就去呢度食下日本野，貪佢夠近我坐車返屋企個位入去坐望住個view又幾寫意，可惜有幾架大車，遮住左個海景，食食下又見到啲遊客系度打卡影相，又幾過癮😹😹😹我就叫左幾樣野食：1. 一個刺身飯lunch set2. 荔枝腩肉串燒3. 雞皮大葉包蝦串燒1. 刺身飯lunch set佢有好多款刺身：三文魚、呑拿魚、海膽、大蝦、帆立貝、三文魚子佢仲有一塊大葉我最中意大葉清新嘅味道，包住刺身同飯黎食，好refreshing佢每款刺身都好新鮮👍🏻👍🏻我叫set嘅，所以佢跟餐有個茶碗蒸同麵豉湯茶碗蒸好好食，有淡淡嘅鰹魚味麵豉湯又唔會太咸，好順喉2. 荔枝腩肉串燒我每次去日式餐廳都會叫，朱腩肉包住荔枝黎食，好甜, offset埋朱肉嘅膩3. 雞皮大葉包蝦串燒蝦超級爽口，雞皮好香脆，大葉又係我favourite, 呢款串燒好有新鮮感，大推

今日放工係百德新街行下行下，竟然搵到咁正既美食。 呢間赤既日本居酒屋，行到門口已佢優雅既門口吸引住，朋友話都想去試，就入左去。 好在時間仲早，未駛等位，不過都有幾枱客。 天氣都仲幾熱，所以我地都決定食串燒。 點好野食，竟然有蔬菜棒做前菜，比起一般既沙律特別好多，亦意外地好好食。 因蔬菜都好新鮮，咬落爽脆又帶點甜味，好啱我地既口味。然後串燒續一上菜。 免治雞肉棒好嫩口又有少少軟骨係入面增加口感，夾埋日本蛋醬油，真係好正。 柚子糊麻豬腩肉好穩身，又有少少糊椒味，好開胃。 雞翼都唔係求其燒，佢用竹籤定住少少雞皮，等佢冇咁易甩，可見廚師既細心。 仲有最正既白鱔，肉厚冇腥味，好爽口。 而雞皮都燒得特別脆身，而且好大串，同出面既好唔同。而豚肉烏冬都好大碗，烏冬好軟糯，唔係平時食開既口感，豚肉都好滑口。 最後食埋超甜既燒菠蘿真係超滿足。冇諗過銅鑼灣都會有間咁與別不同既居酒屋，真係意外驚喜。

難得約到朋友weekday食晏，特別搵間好啲嘅餐廳慢慢坐慢慢傾馬糞海膽吞拿魚蓉丼 - 一望就覺得好吸引，半碗厚厚馬糞海膽，味道鮮甜，半碗滿滿吞拿魚蓉，鮮味十足，係高質嘅丼飯牛肉壽喜燒鍋定食 - 壽喜燒好香甜，牛肉味道濃郁，口感鮮嫩，配菜豆腐、洋蔥、金菇等等好入味，份量十足lunch set有茶碗蒸、漬物同味增汁，好開胃可以任食椰菜絲，新鮮爽口，有柚子汁同麻醬可以揀裝修好新，整體環境乾淨闊落，播住日本歌，感覺好悠閑好放鬆，服務亦好，嚟食晏好寫意

值得一讚：燒岩手懸生蠔（味噌）、燒北海道帆立貝（味噌）：燒得嚟仍然 充滿肉汁同埋鮮味, 帶一份燒烤嘅味道, 帆立貝size 好大! 生蠔入口嫩滑！朋友最鍾意食：燒花魚一夜干cp值高！燒得好靚！外脆 內裏魚肉嫩滑, 魚肉帶有鹹鮮味！我哋都好鍾意：燒羊架羊架調味得好好, 尤其係面頭上嘅大蔥, 配搭得好好, 而且羊肉軟滑、充滿肉汁！日本長崎雞腎、日本薩摩赤雞雞皮、雞翼、多春魚：全部嘅鹹鮮味啱啱好！係串燒嘅靈魂！雞皮同雞翼咬落好脆口, 會有卜卜聲！雞腎咬落去軟硬度適中！秋葵：燒過嘅秋葵, 別有一番風味, 而裏面嘅口感 仍然係滑捋捋！燒菠蘿Wow, 十分鮮甜多汁, 作為飯後水果, 喺一個完美嘅句號！黃昏嚟食個 early dinner, 靜靜地, 有其他食客, 但唔會太多, 所以氣氛係比較 chill, 遠望街景, 三五知己傾下計, 或者放空！

銅鑼灣百德新街新開的赤居酒屋，多款午市套餐親民價位打造和食體驗！前菜四重奏先以清新開場：脆爽椰菜絲沙律、滑若凝脂的茶碗蒸透出高湯底蘊，自家醃漬蘿蔔酸香醒胃，暖心的味噌湯輕撫脾胃!必點「刺身盛丼」$178 （赤蝦，吞拿魚，三文魚，油甘魚）大大碗刺身丼驚艷視覺：赤蝦蜷曲如紅寶石，甘甜在舌尖化開；厚切吞拿魚赤身泛著櫻花色光澤，三文魚脂香豐腴卻不膩，油甘魚片透出淡粉銀輝，每片刺身都像剛離海般鮮活🤩醋飯溫度拿捏精準，粒粒分明裹著淡雅酸香，與刺身共譜和諧二重奏!貼心供應無限續添的椰菜絲，更顯性價比十足🤤

位於百德新街的銅鑼灣居酒屋位置絕了！逛街shopping完直接就能去吃～餐廳是居酒屋風格，晚上去喝兩杯，吃幾串串燒，氛圍更好！點完串燒，店員放上了一盤前菜 - 蔬菜，可點麵豉醬或海鹽。這個原來要收費$30….岩食先好要..點了4 款串燒 - 汁燒大蔥雞肉超愛大葱，再加埋鷄肉真係好夾！大葱爽脆得黎入面都好 juicy!!- 免治雞肉棒口感棉滑,味道鮮香再配上溫泉蛋，味道更加昇華～～- 厚切牛舌芯肉質鮮嫩，香氣四溢，是當晚最令人印象深刻的小吃- 白鱔皮脆肉爽，肥美得很相當美味宵夜當然不少得叫碗牛肉稻庭湯烏冬，滿滿的牛肉，濃濃的湯汁和Q彈的麵條，不論是搭配牛肉還是串燒都很好吃，暖乎乎的一碗下肚才叫滿足

最近我去咗位於銅鑼灣的日式居酒屋「赤」，真係一個好隱蔽但又充滿特色嘅地方。餐廳環境雅緻，燈光柔和，適合朋友聚會或者輕鬆的晚餐。我哋試咗幾道招牌菜，首先上嘅係冷的Inaniwa Udon，麵條細滑，口感非常好，配上清新的醬汁，十分解暑。特別適合炎熱的夏天，吃完之後心情都變得愉快。接著就係熱的Inaniwa Udon with Pork，湯頭濃郁，肉質軟嫩，麵條吸收咗湯汁，味道更加豐富。兩者的口感完全不同，令人驚喜。然後，我哋點咗Chawanmushi，這道蒸蛋滑嫩，味道鮮美，裡面仲有蝦仁和香菇，口感層次非常豐富。這道菜係我哋嘅最愛，簡單卻令人回味無窮。另外，Chicken and Leek亦係一個亮點，雞肉嫩滑，搭配清香的韭菜，炒得火候剛好，味道鮮美。最後，我哋試咗Sautéed Vegetables with Sakura Shrimp，這道菜清新健康，蝦米嘅香味為蔬菜增添咗不少風味，食落去非常開胃。總括來講，「赤」的每一道菜都令我驚喜，無論係味道、質素定埋服務態度都相當出色。下次一定會再來嘗試其他菜式！

鍾意呢度環境舒適, 卡位舒服. 一大片陽光射入, 有種暖洋洋、休閒嘅感覺！1️⃣燒花魚一夜干🐠肉質嫩滑, 帶有魚脂, 花魚肉浸漬鹽水後, 風乾一夜！2️⃣燒岩手懸生蠔（味噌）🦪及 燒北海道帆立貝（味噌）：生蠔 燒得好 juicy, 帆立貝好大粒味, 兩者食得出新鮮, 味噌鹹度啱啱好！3️⃣燒羊架🐑肉汁軟淋, juicy, 有再encore😆4️⃣日本長崎雞腎：咬落去軟硬度啱啱好, 鹹鮮味好滋味！5️⃣日本薩摩赤雞雞皮 及 雞翼：非常香口滋味, 咬落有脆口聲！6️⃣多春魚🐟鹽燒 好滋味, 咬落魚皮爆開好脆口！7️⃣秋葵：外面香口, 裏面口感軟糯粘滑！8️⃣燒菠蘿🍍切開 6大粒, 鮮甜, juicy 爆汁！

”赤“係位於銅鑼灣百德新街的日本鋪，表哥住喺百德新街，呢日就約我喺度食飯。有唔同嘅lunch set 揀，呢日我們嘅選擇係Bafun Sea Urchin & Minced Tuna Rice Bowl（馬糞海膽吞拿魚蓉丼加流心蛋一個）Add On- Onsen Egg 和 Kabayaki Eel Set（原條蒲燒鰻魚飯定食）海膽肉是很誘人的是金黃色，入口軟滑，入口即溶，帶有啖啖的海水鮮味，有海膽獨特的味道💖💖💖吞拿魚蓉油脂豐富，同様係入口即溶，鮮甜嫩滑配有少許蔥花，更加帶出鮮味及中和油膩感，两样都咁高質，食到我💚花怒放。另一個每日限定20份的鰻魚飯，係成條㗎，睇到都開心。肉厚味香，又咁大條，慢慢嘆好過癮。椰菜絲沙律係無限添加的，又有柚子醋/胡麻醬随你喜歡添加，每個lunch都有的茶碗蒸亦都好嫰滑，成餐飯都係好享受的，店員服務亦好好

夏日將至，今日決定食啲清淡啲嘅。但係去到銅鑼灣 百德新街呢啲美食天堂，點可以待薄自己？行過街口見到呢間係轉角位嘅日本居酒屋。簡潔嘅裝修，街角兩邊大窗，對住油站個位，心諗坐喺裏面望住個街景，慢慢食過魚生飯都應該幾chill。秉承日本簡約實用嘅裝修，雖然鋪面唔係好大，但係啲位就坐得好舒服。Set Lunch 嘅選擇好闊，由簡單嘅 滑蛋豬扒飯，到 馬糞海膽丼 有成16款。呢度嘅前菜係無限添加嘅 椰菜絲沙律，一定要睇嘅係佢哋嘅芝麻沙律醬，好啱我口味。我添咗3次。友人 叫咗 馬糞海膽吞拿魚蓉丼。甘香嘅海膽好新鮮。吞拿魚嘅肉打得晶瑩飽滿。睇佢食得好滋味。我就叫咗個三色刺身丼，吞拿、油甘、3文 正常新鮮。佢哋嘅茶碗蒸蛋都做得好出色。其實呢啲lunch 無論係材料服務都好簡單，唔會做到飛上天咁。新鮮嘅食材、安心嘅材料來源、乾淨企理嘅地方、寧靜嘅環境、只有用唔用細語嘅食客，當然唔少得四平百穩嘅枱凳。就係咁樣，滿足嘅午餐。

赤(香港) 地址: 香港銅鑼灣百德新街66-72號地下A號舖電話: +對唔住我敗家，一出糧就控制唔到自己個胃同口腹之慾，走左去食串燒。出糧就是豪氣，$138 燒油甘魚鮫，唔好睇少，入面用筷子挑下挑下好多肉，仲有魚油香，皮又燒到卜卜脆$38 豬腩 $38 汁燒大蔥雞肉 $38 兩串，限優惠時段指定，要了雞軟骨同車厘茄，好抵食，有十幾款$88 櫻花蝦炒雜菜健身人，今餐蛋白質夠野，又keto 無澱粉，同而家晚餐都食6-7分飽，健康唔怕滯

天氣熱想食一碗湯麵， 從告士打道落巴士，行過見到這間日式餐廳坐低就開始睇餐牌一開始就見到沙律部分有一個吞拿魚長芋沙律， 太特別一定要叫另外就叫一串雞軟骨加兩個牛肉稻庭湯烏冬串燒雞軟骨整條都均勻鬆脆， 鹽度適中， 絕對係上品吞拿魚長芋沙律面有好多吞拿魚刺身，底又有好多山藥條冇諗過山藥係可以咁爽甜， 配埋柚子醬汁酸酸甜甜， 係一個好新穎又健康嘅配搭主食各自叫咗一個牛肉稻庭湯烏冬一嚟到都幾有驚喜牛肉份量都好多牛肉味好濃鬱， 食落唔會太過油膩好大塊一啖食落去，牛肉的味道仍繞不散烏冬底係煙煙韌韌， 有置身日本的感覺整體不需每天吃珍饈百味簡簡單單吃烏冬也是生活中的小確幸

位於銅鑼灣百德新街「赤」店內裝修以木系和風為主🪵主打各款串燒 日式小食 刺身等等氣氛和氣氛都十分溫馨 Staff有禮貌好客 令人印象深刻 值得回頭🥰❥ 刺身盛 - 三文魚 吞拿魚 油甘魚食得出非常新鮮 魚生全部都厚切👍🏻每款魚質充滿彈性 非常飽滿 入口甘香 好出色💗❥ 燒原隻魷魚筒原隻魷魚筒 賣相相當吸引🤩外脆內嫩 燒得啱啱好 醬汁唔會搶咗魷魚嘅味道 爽口得嚟又新鮮❥ 唐揚日本薩摩赤雞皮Staff重點推介 必試 即叫即炸 脆卜卜 雞皮軟滑 調味惹味有炭香就算食晒都唔會油膩 送酒好正🙌🏻❥ 串燒雞皮蝦大葉卷 - 外層雞皮烤得焦脆 雞皮和大葉包著原隻海蝦🦐蝦肉非常厚實爽口 大愛👍🏻雞腳筋 - 有嚼勁 入口脆中帶著軟糯小甜薯 - 甜度適中 一啖一個 皮薄軟糯✔️設加一服務費 '͜' ​​​抵食程度：🌝🌝🌝🌝🌖 '͜' ​​Encore程度：🌝🌝🌝🌝🌝

位置於銅鑼灣百德新街的轉角位有一間新開的精緻日系裝潢的居酒屋燈光氣氛非常之舒適帶種悠閑溫馨的感覺鬧市之中找到一絲寧靜好適合同三五知己一齊飯局👍🙂***牛肉湯稻亭烏冬配鰹魚湯***烏冬質地非常嫩滑鰹魚湯好清甜好食到停唔到口串燒種類都算幾多即叫即燒件件都係熱辣辣上枱好香又唔會太油膩串燒***日本蕯摩赤雞雞皮******雞皮蝦大葉卷***（推介）***豚肉露筍卷***（推介）***豚肉荔枝卷******豚肉鵪鶁蛋卷***（推介）***燒飯團***（推介）***油甘魚刺身***order 左油甘魚刺身試吓食得出食材都好新鮮其實除咗以上的選擇外，居酒屋還有鍋物同埋不同款式的清酒。喜歡飲酒的人士應該都會喜歡呢度😌