赤柱中泰美食餐廳

營業中

休息中

偶然遇見得美食餐廳，店員有禮貌，食物水準很好，能做到色，香味皆全，真是不容易的有心 經營嘅 的特色餐廳 ,而且價錢合理，好實惠我們叫了三個餐分別是手打牛肉 菠蘿漢堡 喇沙海南雞 米線 特色豬手撈粗，真係好入味，這家店舖不用做宣傳都 座無虛席 而且平日 都係做到五點半 星期日休息 記得唔好星期日去 唔係就話行一趟。 還有呢度最出名嘅 藥膳湯飯， 梅菜扣肉飯， 鹹蛋黃奶醬西多士,下次一定會encore 會再來 品嚐 ，人情味濃厚 店員熱情介紹 我們，好有誠意 不會錯過的特色餐廳。

因為多咗嚟練獨木舟嘅關係 偶然之間發現咗呢間世一豬頸肉飯其實唔使Sell 基本成個赤柱都好多人識嚟呢度食飯正正喺Bake house對面食完飯仲可以買返個葡撻（唔使排隊）講返個豬頸肉Excuse me係有炭香味㗎😋😋😋真係聞到都舔舔脷第一次食嘅時候係食佢哋嘅拼盤 發現豬頸肉勁正(咁其他都好正嘅，特別係泰菜)然後就每次嚟都係幫襯豬頸肉飯🐖佢仲有得外賣一個餸咁樣$90幾蚊 就會有兩大件啦而家例牌午餐跟飯 呢款係一件裝連飯連凍嘢飲 $72喺赤柱食得飽 掂晒啦！不過可惜嘅係平日先食到㗎😊大家留意返營業時間啦！

自己睇相，仲要唔平我本身係街坊，食左赤餐都2x年，不嬲都覺得赤餐好食今次嗌左個香茅豬扒米線，啲豬扒肥到擺唔好入口，不如你下次入貨入返啲瘦啲嘅豬扒啦。真係好浪費。。。

赤柱的餐廳選擇其實不多，這算是相對便宜又不錯的選擇。首先，讓我談談叉燒炒麵。炒麵麵條彈牙有嚼勁，搭配著香濃的叉燒肉片和新鮮的蔬菜，口味非常豐富。叉燒肉片肥瘦相間，質地鮮嫩多汁，每一口都充滿了美味。炒麵的醬汁則是恰到好處，讓整道菜更具風味。接下來是泰式青咖喱雞飯。這道菜以嫩滑的雞肉搭配香濃的青咖喱醬汁，再配上煮熟的飯，為味蕾帶來一場美味盛宴。雞肉煮得剛剛好，保持了肉質的鮮嫩，而青咖喱醬的香氣和辣度則讓整道菜更加引人入勝。我尤其喜歡附上的茄子，它們增添了額外的口感和營養。這道泰式青咖喱雞飯絕對是一個令人滿意的選擇。最後是海南雞飯。這道菜来自於海南島，以嫩滑的雞肉和香氣四溢的飯為特色。可惜這裏的雞肉味道和質地只能算是一般。飯也不夠香，而且連甜醬油也沒有。總之，這家茶餐廳提供了多種選擇，再赤柱算是不錯的餐廳。

經歷完10號風球同黑雨，完全感受到赤柱係一個孤島，特別係超市啲嘢俾人搶晒，有開嘅餐廳又唔多😪唔似其他屋苑有都落街飲茶。呢間茶餐廳可能明白到市民嘅需要，非常良心地仲喺黑雨嗰日照常營業，而且食物選擇都唔局限於是嗰日初次光顧完之後耐唔中都有落去食晏。喺香港要搵好食嘅泰國菜已經唔容易，喺赤柱能夠有一間平靚正嘅泰國菜更加難，呢間「赤餐」簡直係我心中嘅泰國菜世一，茶餐廳價錢，正宗泰國菜餐廳質素！呢日夥計介紹左炸蝦餅冬陰功湯烏冬比我，兩件炸蝦餅口感彈牙，雖然炸過但感覺唔算好油膩。冬陰功湯酸辣度適中，而且唔算好鹹，好似出邊好少食到炸蝦餅配冬陰功湯烏冬呢個配搭，感覺都幾match!午市時段餐廳座無虛席，應該喺赤柱有相當嘅人氣！下次有機會再試吓佢其他食物

赤柱廣場附近一帶都好少港式茶餐廳，主要都係食西餐，海鮮意粉薄餅牛扒漢堡等。呢間茶餐廳係兩點半都近乎座無虛席，諗住應該都唔差，就入去食，點知就出事。1.環境都幾污糟，我張枱上手倒瀉茶地下有堆濕漉漉既紙巾，感覺不良好。同埋好多職員又拉低晒個口罩。2.坐低叫左野食，轉頭就話你知果樣野食冇晒，答佢諗多陣就好似唔係好高興咁。我眼見起碼佢同4枱客講呢樣冇果樣冇，真係令人好難揀。3. 啲落單既職員都幾冇禮貌，好客氣問佢問題都要串串貢答你，有啲野明明係佢搞唔清楚解釋返佢聽又要懶係串咁，真係唔知搞乜….4.野食可以話劣食，當日既海南雞飯，完全講不上海南雞，似蒸雞多啲… 肉鬆湯飯個湯好難食，肉碎得幾粒，肥膏多….總括而言，食佢既好多都係街坊，似為填肚先黎食，冇乜得揀既情況下求咁就係一餐，老實講出面好多茶餐廳都好食過佢。

午餐時間，可以看到赤餐人山人海，不論學生、居民都會來吃個午餐。餐廳很大，人來人往，很受歡迎。眼見過幾個鋪位的餐廳拍烏蠅，這裡一定有它的魅力吧！☛泰式豬手飯想不到茶餐廳的泰菜水準也很高，很有泰式風味。豬水炆得很軟，但不會軟到爤，依然有應有的咬口，而且醬汁很好配飯。豬手很多，很足料；還配了一隻溏心蛋，有點驚喜。還叫了一個豬頸肉冬蔭公烏冬，烏冬是小時候打邊爐的港式烏冬。湯底比較水，但冬蔭公還是有的，只不過烏冬質地真的還好。

好少寫食評，但昨天去赤柱吃了一間很多人堂食的茶餐廳，我們少有沒有去海邊的餐廳就來了茶餐廳試新地方。先下單一個泰式拼盤：豬頸肉新鮮燒烤，肉質鮮嫩，春卷熱辣辣，泰式鳳爪爽滑，雞翼醃製味道恰到好處。我朋友本身都做飲食，他也覺得廚房是用心烹調食物的。我們也叫了一個越南火車頭，湯底夠味道，只是少了一些青檸。火車頭落足材料有靚牛丸，牛展，肥牛肉片，牛柏葉，牛筋。我們兩個人還叫了一個豬扒包，豬扒質素醃製質素也很高。由於現在六時後沒有堂食，這個是我們的提前晚餐，兩人合共連飲品$218。

偶爾到赤柱竟然有中泰越的下午茶餐而且仲有一個咁地道的冬蔭公海鮮烏冬下午茶餐62$看看不便宜但有青口3大只2只大蝦仁三大片鮮魷魚一舊仲係鬚我朋友好中意個湯食完要加個厚多士占醬厚多士下午茶餐22$反而我杯熱檸樂要加8 大元疫境自強大家都好

赤柱餐廳雖然人多，有大排檔感覺，但勝在食物熱騰騰，吃飯很有氣氛，今日來吃午餐，平日的下午相當多人，想必是在附近工作的人，這間餐廳差不多全院滿座，比較隔離靜英英很大分別，他們是日午餐都係40幾蚊，今日點了蘿蔔牛腩飯，味道相當不錯，還有熱飲送👍🏼。

泰式豬頸肉湯河粉 📍赤柱 | 赤柱中泰美食餐廳·好耐冇post喇 因為完sem之後我返大陸旅遊講係旅遊 其實都係為左食好西今次去到潮州同汕頭但post就要等我做完paper先嚟po·尋日出赤柱 諗住同frd一齊吹吹風吹吹水可惜天公不作美好大風 跟著又落雨🌧️不過好彩有美食作伴·其實從赤柱plaza行過都有幾間西式餐吧但我地入市集搵到嗰間泰式小店憑店員推薦 點左冬陰功湯底河粉豬頸肉不愧是店內招牌鮮嫩多汁 我本身唔係好鍾意冬陰功嘅其實但呢到嘅湯底我都可以接受到有d辣 如果唔食辣都可以揀清湯嘅我frd點左蝦餅質素都ok入面蝦肉彈牙 調味也過得去👌·店內我最在意嘅其實唔係佢地嘅食物而係所有店員之間相處好融洽每個人都好幽默連我都被感染壞心情一掃而光我想這就是環境對食物的加持好心情的人做出來的東西味道應該也不會太壞·

其實要喺赤柱遊客區搵食，真心唔易，特別係星期六、日或公眾日期呢ｄ人多擠逼嘅日子。假期帶仔仔去赤柱沙灘，正當我地係市集搵食嘅時候，其中一個攤檔叔叔可能見我地抱住個細路搵食，所以就介紹呢間喺後巷位置嘅餐廳比我地（多謝叔叔介紹）。赤柱中泰美食餐廳位置唔係大街，如果最方便去到嘅方法應該係：由屈ｘ氏向前行兩三間店鋪前有條樓梯，沿樓梯直上，再行十零步就見到。赤柱嚟講，餐廳都算大間，整體坐位都舒服，服務同食物都唔錯（阿叔會同ｄ細路仔傾計）。我地果日一家三口都係叫粉麵食，一碗係泰式肥牛＋牛柏葉湯河、一碗係越式手撕雞肉湯河及特色銀針粉。三碗味道都唔錯，分量及配料都好足，性價比非常高，一家三口三碗加杯野食，賣單都係＄１２ｘ左右。遊客區嚟講，真係算唔錯！！！爸爸話下次再嚟赤柱會再encore~~~~

係赤柱工作，食午飯對我地來講真係傷腦筋。近大街就係遊客區,要行到赤柱市集內街後巷先有選擇，上次個間有好味的麻辣牛腩都停業裝修，好在～發現另一間前身係有三層到現有轉了地鋪的赤柱中泰美食 餐廳，去過二，三次。午餐日日不同，不喜歡的話可叫其他⋯⋯整體坐位舒服，服務可以，食物不錯。我較喜歡豬手同特別一點的紅汁牛腩撈拉麵。前都醬汁夠濃，而且係去了骨的豬手，本身豬手都好多汁又入味～又不會太咸再配飯食真係可食多碗。到紅汁牛腩撈拉麵～牛腩大大件，入味又有咬口而不太癡牙，麵都煮得剛剛好配紅汁好醒胃，麵的份量如果多一點就滿分💯了，另外試過餐牌的沙羗雞～咸了點而且有點肥。會再來試其他午市特色飯類白加油