影片
以上資料只供參考, 請與餐廳確認詳情
今次介紹小店係：賣撻My Tart今次幫襯係朋友介紹，朋友提到賣撻 My Tart 剛剛由西九龍中心搬遷到沙田石門達利廣場啲新工場，短短一段時間，已經成為該區的人氣烘焙店之一。由擁有20年烘焙經驗的師傅主理，選用優質食材（如意大利開心果醬)，係深水埗去區可以搭286C，坐幾個站就到石門，當日走個陣就選搭地鐵，店鋪好近石門站，穿過好多野食京瑞廣場一二期，行2-3分鐘已經到達，非常就腳，佢地signature嘅冰袋隨處可見。近排好多餅店都大推開心果，見佢哋有開心果撻同蛋糕，我係愛撻之人必選撻底，用料十足，採用100%意大利開心果醬，搭配岩鹽焦糖忌廉，低溫烘烤果仁粒，口感濃郁且帶鹹甜平衡，賣相又貴氣又吸引，同老闆傾過傾知道，做撻底部分係有助外送，唔會到客人到時成個蛋糕散哂。老實叫得撻底係比較脆硬，切勿用一般膠刀，因為膠刀難一刀切到餅底，我就用匙羮，由頂層開始一層層去慢慢嘆，品嚐每一層味道，頂層部分喺開心果忌廉加上開心果碎，第一啖食落去就體驗到一陣好清開心果忌廉味，唔會好太甜又唔太膩，而且開心果味道好出，依一啖自然想食第二三啖，中層切開係炒香啲開心果醬，口感同味道好有層次，滑順嘅開心果慕絲，鬆軟的海綿蛋糕層次分明又口感豐富，開心果味唔係唔係味精味甜得恰到好處，所以用上這麼多忌廉都唔會太重口味，繼續食到底應該係咁多層嘅總結，依層開心果同甜味都係最多最重，原因可能為享受個撻底做好準備，底層完就係曲奇撻底，散發住濃郁朱古力味，再聞真啲，慢慢渗出牛油香味，整個撻底整得勁香脆，所以我話膠刀唔可切到依個撻只會切到碎哂個撻，難怪店鋪叫賣撻，主打就係撻類製品，外賣蛋糕仲有紅白藍保溫袋pack超級之靚同搶眼。地址：沙田安麗街18號達利廣場18樓1812室（港鐵石門站C出口步行約3分鐘）。營業時間： 每日12:00–19:00建議提前查詢或預訂，避免售罄或摸門釘。
繼續閱讀
估唔到有美食沙漠🏜️之稱嘅馬鞍山有一間咁高質嘅手工蛋糕小店「賣撻」，每件蛋糕🎂甜品都係全人手用心製作，蛋糕或者撻品選擇眾多，仲有多款人氣口味，開心果、夏威夷果仁同近排大熱嘅薄荷朱古力口味都有🤗🤗完全係升職慶祝、散水餅、回禮🎁party cake 嘅好選擇😎除咗一人份嘅蛋糕🍰外，哩到仲有放大版嘅5吋家庭分享size 嘅蛋糕🎂今次我就一早預訂了人氣打卡之選 - 富士山一嚿雲 。薄荷朱古力撻🗻🎂拎蛋糕個陣真心靚到嘩咗一聲🤭蘋果綠色嘅富士山🗻造型超級吸睛👀 記得要放埋手工製棉花糖再打卡📸📸外層薄荷cream 包覆添入面5層嘅內餡🥰朱古力碎、薄荷朱古力慕絲、海綿蛋糕、薄荷啫喱，每一層都有驚喜❤️每一啖都食到多重口感，先係脆身嘅黑朱古力碎🍫，再嚟係軟綿綿嘅海綿蛋糕，最後係食落唔會過甜反而薄荷啫喱嘅薄荷好出，仲有一陣清新嘅感覺🥰最出色就要數牛油皮曲奇撻底，牛油味香濃而且撻底十分鬆化💯💯雖然價錢上唔算平，但無論係賣相定味道都相當高質，值得一試，回頭率💯💯下次要試埋個開心果千層撻😎😎
繼續閱讀
今日朋友生日，有朋友推介石門這一間蛋糕店。每天自家製造。在眾多款蛋糕內揀了朋友最愛的開心果口味。其實開心果蛋糕都幾難搵。開心果戚風蛋糕（5寸）（$360）好可愛，又好食和好似Jelly Cat的開心果戚風蛋糕。餅面舖滿了大量粗粒的開心果碎及香滑非常香濃的開心果忌廉和岩鹽焦糖忌廉。內裡有三層鬆軟開心果戚風蛋糕，中間夾住香脆焦糖的開心果碎和細滑的開心果吉士忌廉，Yumyum！happy birthday my friend
繼續閱讀
為左慶祝週年紀念，終於俾我物色到一間令我鍾意既蛋糕店估唔到沙田有間隱世手工撻，手工蛋糕店毫不猶豫地簡左開心果戚風蛋糕蛋糕仲可以簡可愛表情餅面佈滿粗粒開心果碎，有口感之餘食起上來十分滿足外層擦一層食用花香滑開心果忌廉，切開內層有一層層濃厚開心果忌廉及鬆軟開心果蛋糕中層有香濃開心果吉士忌廉Cream 一啲唔膩，忌廉細滑，香濃，足料，甜味恰當店舖仲有唔同size 撻訂造，迷你撻size都有，仲有手工蝴蝶酥，最難忘係粟米湯味，好特別全部made in Hong Kong
繼續閱讀
一直都好支持本地小店，所以每次朋友生日都一定會喺網上訂蛋糕，今次就訂咗呢間用夏威夷果仁撻出名嘅cake shop不嬲都好鍾意食夏威夷果仁今次竟然全個蛋糕以夏威夷果仁為主題，成個蛋糕都超級真材實料，除咗表面見到真係有夏威夷果仁之外，裏面嘅內涵層層都好有驚喜，而且係用唔同嘅夏威夷堅果做出嚟，嘅配搭非常之出色，無論係最表面嘅cream有加入夏威夷果仁，中間有焦糖夏威夷果仁碎，夏威夷果仁粒粒吉士，岩鹽焦糖忌廉，最出色一定係佢哋招牌嘅撻底，牛油香之餘仲非常之鬆脆，整體甜度都好適中，同朋友大家都好鍾意，下次一定要試埋佢哋其他款式
繼續閱讀
您可能會有興趣的...