賢河日本料理

為食🐑有時唔知道食咩好，不如去食放題啦，每樣都可以食少少，今次揀咗同屋企人嚟呢間放題，$300有找食足三個鐘，仲有貪呢度加$88就有任食大閘蟹，真係CP值幾高！🍣午市放題3小時（星期一至五 $258），($88升級任食大閘蟹)食物方面，選擇真係超豐富！刺身絕對係亮點，三文魚肥美、甜蝦鮮甜、帶子同北寄貝都爽口鮮味，我同屋企人都encore咗好幾轉。除咗刺身，仲有各式壽司、燒物、天婦羅等，花款多多。🧡今次加錢升級嘅任食大閘蟹更是回本之作，店員好鬼Nice，仲專登揀咗多膏嘅公大閘蟹俾我哋，非常貼心！連同熱辣辣嘅蟹醋同拆蟹工具一併送上，由落單到開食，全程體驗一流！💛飲品方面更係驚喜！除咗一般汽水果汁，竟然有Sapporo啤酒、清酒同威士忌任飲，鍾意飲兩杯嘅朋友絕對可以大滿足，配搭刺身同串燒簡直一流！💖特別貼心嘅係，除咗雪櫃凍飲，餐廳仲設有暖飲櫃，呢幾日天氣轉涼，飲返支暖笠笠嘅烏龍茶或綠茶，即時成個人舒服晒！✨上菜速度方面，一如以往咁有效率！用手機落單非常方便，刺身、壽司呢類凍食幾乎係秒速送到，完全無漏單。即叫即製嘅串燒同炸物需要多少少時間，但都算快，而且熱辣辣上枱，誠意十足。💜餐廳環境舒適闊落，座位之間唔會逼狹，以呢個價錢，可以喺舒適嘅環境下任食高質刺身、壽司、大閘蟹，性價比確實爆燈，絕對係荃灣區日式放題嘅心水之選，會encore！…查看更多

賢河日本料理鐵板燒放題真係超值之選，今次去完之後覺得讚不絕口，值得大力一去再去！由於呢間餐廳主打放題形式，價錢都好合理，晚市都係$288就可以食足兩個鐘，絕對抵食。另外，餐廳環境寬敞企理，坐得舒適。餐廳價錢收得非常合理，對比市面其他日本放題，賢河每位人頭價錢無論午市定晚市都好有競爭力。除左基本壽司、刺身、天婦羅，仲有串燒、燒物、鐵板燒、鍋物、沙律、飲品甜品，選擇將近成百款，任你揀任你叫，真係唔怕唔夠飽，只怕食唔晒。生蠔刺身質素高，獨家賣點講到生蠔刺身，絕對係賢河最大嘅亮點！刺身類有多款：三文魚、立魚、八爪魚等，但最特別一定要試返幾隻生蠔刺身。每隻生蠔新鮮飽滿，海水味十足，入口鮮甜，唔使加任何醬料，單吃已經好過癮。生蠔喺日式放題餐廳真係無幾間會有，對比往往要去酒店食自助餐付出成五百至一千一位先有生蠔刺身，賢河呢一點真係好吸引。壽司、刺身新鮮，日式主食齊全壽司方面選擇都好多，油甘魚、三文魚、海膽、蟹棒壽司等，全都是即點即做。壽司飯粒黏度啱啱好，刺身部分切得厚薄適中，新鮮度回味無窮。刺身除左生蠔之外，三文魚、立魚都相當高水準，唔會有雪藏味道，肉質彈牙，值得讚。店員落單後出品速度都好快，唔會等太耐。多元日式熟食，再有鐵板燒、鍋物除左刺身壽司之外，熟食都好吸引。串燒推介雞皮、雞軟骨、牛舌、羊架，每款都用燒得好香口，不油膩又不失煙韌口感。天婦羅包括蝦、蕃薯、南瓜等，炸粉酥脆，油分控制得宜。鐵板燒有帆立貝、一口牛、牛舌，全部即叫即燒，保留食材鮮味，又有鐵板炒野菜俾素食者多選擇。雖然今次未試到火鍋，但見到火鍋湯底選擇多，配料都好多選擇，改日再黎一定要試埋！飲品甜品任飲任食，環境舒適飲品除左清酒，仲有Sapporo啤酒、汽水無限追加，加分唔少。甜品方面有馬卡龍、雪糕、朱古力泡芙等，為呢一餐畫上完美句號。…查看更多

咧間放題真係CP值幾高，原本以為日式放題食嚟食去嗰幾款，但係估唔到佢咧間嘅款式咁多同埋咁高質🤣佢+88蚊可以任食大閘蟹，諗住食返幾隻都回到本，所以直接upgrade咗，最後因為太多選擇淨係食到2隻～但係啲蟹好多膏，下次目標要明確啲，叫多啲蟹！另外佢嘅牛脷厚得嚟腍，係我中意嘅口感～～仲有西冷牛扒，佢會切埋比你，燒得啱啱好，肉質都唔錯。佢有各式各樣嘅刺身同埋壽司，我本人就少食魚生嘅，但見到中意食刺身嘅朋友encore咗幾次，睇嚟唔差😌壽司基本上無乜邊款唔好食，有帶子、海膽、花之戀等等等等....如果唔係怕太飽會叫多幾碟～仲有各款燒物，炸物，如果每樣都講會變千字文🤣試過唔覺得伏，係睇你中意食咩～不過我會推燒🍍，又甜又多汁，超正！！最後甜品，大推巴斯克芝士蛋糕，佢好貼心地細細粒咁上，唔會浪費之餘又試到唔同口味。我個人覺得巴斯克芝士蛋糕係幾款蛋糕入面最好食，其次係朱古力布朗尼，兩個都幾香，而且唔會覺得好甜。抹茶布朗尼如果再濃啲抹茶味就唔錯~…查看更多

最近我去咗荃灣賢河日本料理放題，真係好開心！性價比極高！1. 食物方面食物選擇超豐富！新鮮嘅生魚片、各式壽司應有盡有。我特別鍾意佢哋嘅生蠔同埋魚生，每樣都嗌咗幾轉，味道好正！甜品同雪糕種類都好多，總有一款啱口味！⁠2. 上菜速度上菜速度真係唔錯！唔使等太耐，無論你叫咩，都幾快就送到。即使人多，服務員都好有效率，讓我哋可以不停享受美食，完全無感到等得太耐。3. 餐廳環境餐廳環境舒適，座位間距都幾好，唔會感到擠迫，適合家庭聚餐或者同朋友一齊食飯。4. 員工服務員工服務態度超友善，就算我去當天爆曬場，員工都好有禮貌，亦都好快手收走我冇用嘅碟，呢種服務真係令我感到賓至如歸，食得更開心。5. 價錢方面講到價錢，真係好抵！以呢個質素同服務嚟講，放題價錢真係合理。可以隨便食，性價比高，適合各種食客。…查看更多

最平2100後$250日式放題，呢個價錢竟然有生蠔任食！+$88 升級有埋大閘蟹、大拖羅、海參、牡丹蝦等等。今次揀左最普通個款食都夠食！新鮮刺身有埋鮑魚揀，最欣賞係象拔蚌刺身，清爽脆嫩，大塊切食好滿足。生蠔處理得好乾淨，肉質雪白，無沙，蠔肉緊實有彈性。唔食得生嘅可以食芝士焗蠔，火候控制好好，蠔肉同貝位依然保持滑嫩，加上沙律醬，特別滋味。鵝肝帶子壽司好好食，帶子化解鵝肝肥膩感。炙燒和牛卷 炙烤後油脂融化滲透到肉內，口感好正。蘆薈蒜蓉炒雙蚌，有象拔蚌同蝴蝶蚌，入哂味，好惹味！鐵板鵝肝好正，油脂豐富，外焦內嫩。佢，串燒燒得岩岩好，唔會燶哂，仲可以鎖住到汁水。天婦羅皮薄但金黃香脆，完全無油膩感，口感輕盈。天婦羅蝦緊實彈牙又鮮甜，南瓜綿密入口即化。奶黃流沙年糕幾特別，軟糯香甜。…查看更多