賞茶 (德福廣場2期)

營業中

休息中

極品波霸賞奶茶 Deluxe Pearl Milk Tea💰HKD24-買賞茶好多時候都係比佢嘅包裝吸引，店舖嘅裝修走台式小清新風格，好可愛🤩奶茶嘅茶底濃滑，奶味香，兩者平衡得幾好。珍珠煙韌，但偏甜。-The alluring packaging of the milk tea grabbed my attention. Unlike other shops, A Nice Gift uses a fresh and eye-catching design for the packaging. The tea base was rich with a silky finishing. The Pearl (Zhen Zhu) gave a chewy texture and extra sweetness to the milk tea. -Please follow #fatty_couple on instagram for more food and beverage reviews

度度都手搖奶蓋，黑糖波霸唔輸蝕。通街都有，通街都試囉咁，嘻！假日都多人排隊，但都有秩序，而且唔會等好耐。難得唔洗比熱潮消磨時間，又可以飲到！黑糖波霸鮮奶(2/5)黑糖大家都知甜度係限制左，冇個人喜好既。不過我就覺得真係偏甜左，而且變左咖啡味，唔同平日既黑糖珍奶。個人唔太好甜，所以我比2分。至於叮叮呢，就乜都5分㗎喇，因為係珍珠囉！但依度唔錯，又有得比人企係度嘆下，差個電又得，望下啲特色牆嘆住珍奶，又真係幾似去左台灣喎。I won’t let go. Because I love you. 😘

行街行到又攰又口渴，經過賞茶諗返起之前飲過佢哋嘅冬瓜茶，印象深刻，決定再試。下雨天，天氣涼涼哋，想飲杯熱嘢。起初係想試“小時候波霸奶茶“，行到埋去先知無，所以改咗柚子烏龍茶，微糖😌以為味道都係清淡啦，點知第一啖已經改觀，好濃郁柚子味，仲有淡淡嘅烏龍香味，感覺好舒服☺

雖然唔係每天放工都飲一杯，但就每天都會掛住，尤其胚芽奶茶，好似上引一樣。今天外出工作一陣就已經熱到人都癲，返到公司暈暈地又肚餓，放工衝去買一杯，爽呀！雖然唔會好飽，只少可以捱到回家食飯。

突然間好想飲珍珠奶茶，見到呢間店裝修咁得意，門口又咁多人等緊，牆紙係有啲手繪畫，內裡又有企位比你飲野同埋充電，不過企位果度成枱都係飲完嘅杯，無人清理。叫左杯少甜少冰的珍珠奶茶，珍珠夠晒多，軟硬度適中。可惜奶茶冇奶茶味，好淡味，好似飲緊糖水咁，失望

2018年6月1日。晴。九龍灣。放工時間想買杯野飲，德福台式飲品店唔多，除咗超市嘅天仁，就好似得呢間我覺得個位置其實有啲隱蔽，喺二期上兩層嘅扶手電梯後面嘅窿窿位舖位細細，裝修好可愛門口擺咗架懷舊單車舖位右手邊有個凹位，有啲似班房，有塊黑板，有幅畫滿插畫嘅牆上到去估唔到無論落單定攞野飲都已經要排隊睇完menu決定點極品波霸奶茶，少冰半糖等啊等～等咗15分鐘有多先攞到手個杯都好靚好得意～～奶茶嘅茶味香濃，奶嘅份量啱啱好，令茶底有香滑感，但奶味唔會太出，喧賓奪主珍珠有咬口，本身仲有甜味，煙韌好味因為唔鍾意飲太甜，已經專登叫半糖點知都仲係好甜都可能係因為個珍珠本身帶甜，所以令個奶茶比平時更甜建議選擇甜度嘅時候要比平時喺其他飲品店叫開嘅再降一級係甜度爭少少，奶茶同珍珠都好味

我曾經係三四個月前係黃埔分店飲過賞茶 當時賞茶仲未太出名 我見佢平平地 就試左試佢個波霸奶綠 當時一飲就已經驚呆左 點解可以咁難飲。。。奶冇奶味 茶冇茶味 好似飲緊水咁 珍珠算正常 但我就好似飲緊珍珠溝水咁 完全冇味 跟住呢幾個月我即使見佢越嚟越多人飲 越嚟越多分店 我都冇再試過今日太口渴 所以又鼓起勇氣係九龍灣分店買多次 今次我買左波霸鮮奶綠 諗住鮮奶綠會好飲過奶綠 而且又貴啲 所以就抱住一顆期待嘅心再試多次一入口 嘩。。。。依然係又冇奶味又冇茶味 飲多幾啖 仲有種好奇怪嘅廁所水味。。。。。真係好衝擊 辛辛苦苦飲左三分一已經開始作嘔 真係飲唔落去 只好將呢杯26蚊嘅野送左比朋友飲洗左兩次錢係呢間垃圾到 我真係 絕對 唔會 試多第三次冇試過飲野嬲到上openrice打食評 今次真係一粒星都唔想比。

假日去九龍灣休閒shopping，行到悶悶地想飲杯野，又唔想去starbuck似mocha，逛逛下到德福二期原來有「賞茶」。賞茶鋪位設計幾貼心，provide一個空間予客人可以充電&休息位置，就算等緊拎飲品 都唔怕阻住街道/空間，印象分倍增！除此之外，店口設計好懷舊小屋feel，有部單車在旁邊，本主題好令人舒服感覺。今次叫左鮮奶賞紅茶(凍），好濃郁奶味，有點蓋過紅茶味道，總體係好飲，大大杯都只售$23，好低飲！

口渴時見到有一間特別的茶店，決定試一試😋點了芋香奶綠🥤店員解釋一下，茶底係用綠茶做膽，可以少甜不過唔可以少冰❄️❄️，因為係用碎冰打成😉都幾特別！等待的時間發現小店仲有小食賣，可惜我個胃無太多空間收留！接過飲品，店員會問開不開？開的時候小心無用手直接接觸飲管，很細心衛生👍🏻飲一飲，真係有芋頭肉！同平時飲開用芋粉沖製的很不同，很香！冰都打得很碎，無咬到一舊舊，$26元的價錢，真係好化算😊😊

今天經過德福賞茶，決定買杯紅茶奶蓋試試。店員服務態度不太好，所以第一印像已經不太好。由於人流不算太多，店員也快手快腳，等候3分鐘已能取得飲品。但奶蓋很多碎粒，口感不是太好，覺得$28一杯不太值得。

外觀裝潢好靚，打卡一流，行文青路線，飲品包裝有插畫，有少女味道，係幾靚嘅。店外聞到茶香。但所揀嘅飲品味道好一般，茶味唔香濃，奶味不鮮不香，叫咗微甜，就現形，水似乎比較多。波霸奶茶係好多波波珍珠嘅，有甜味，但唔香。芋頭奶綠，芋頭似有加糖，冇香味，但幾大舊。整體嚟講，飲品算大杯，會飲飽嘅，包裝靚，打卡之算。偏好淡茶味，可以一試，或者order多啲甜，可能會濃味啲。店外聞到嘅茶香，唔知會唔會係其他純茶嘅飲品，比如高出採茶等，不過就未必會再試。個人比較偏好同商場嘅天仁茗茶，茶味比較濃。波霸鮮奶紅茶 去冰 微甜 $26手工芋頭奶綠 冇得去冰 微甜 $26

相比之下個人覺得貢茶好飲好多，買完之後係35號，點知39號拎完之後都未到我地，原來店員擺左係一邊差奶蓋未倒，都算了……飲起來D奶蓋仲有D一粒一粒嘅唔知咩來…不過入左戲院由佢

我今日係我第一次飲奶蓋奶茶，我以前一路都係飲開珍珠奶茶，有一次系街上面見到人哋攞住奶蓋綠茶好似好好味，今日經開九龍灣即刻試一試！我揀咗有推介嘅產品，芝士奶蓋紅茶！選擇了半糖！雖然有三四個等緊，只係等咗大概3分鐘到就有得飲啦，新年期間隻杯個樣好可愛好吸引，好有新年喜慶嘅氣氛！服務員仲好細心問我駛唔駛放入飲筒，唔使我攞住啲嘢又要放飲筒咁麻煩！第一次飲嘅時候覺得只有紅茶味好淡，但係個茶都幾香下！好飲過天X茗茶！之後我就抽起條飲管試吓上面嘅芝士奶蓋，有幾得意喎，鹹鹹地食到少少芝士粒，同紅茶造成好大嘅對比！飲完都有少少飽飽地！不錯不錯！

今日行過九龍灣德福商場，見到新開咗間賞茶，雖然呢間有好多分店，但我都未試過，但可能新開嘅關係，門口企咗有多人，抱住多人排一定好，加上唔執輸嘅心態，點都要叫番杯試吓先叫咗杯最傳統嘅珍珠奶茶，等咗都唔算好耐，10分鐘都已經到我，杯嘢比我想像中大杯好多，值得呢個價錢，飲完真係飽飽哋，杯嘢茶味好濃，珍珠亦都夠甜，好好味，而且佢哋可以揀少甜，少冰，真係夠細心，而我覺得正常咁點已經啱我口味，下次再去我會再試佢哋其他嘅嘢

食完完飯見到賞茶，作為一個超級芋頭fans,見到有手工芋頭奶綠，仲要有個印（應該係best seller?) 就諗都唔諗就order 左！order 果陣店員有親切地問我洗唔洗少甜，我先醒起所有飲品店都要講...飲左一啖之後有d後悔無講微甜...😅我點的是熱的手工芋頭奶綠，個芋頭係糖水度撈出黎，未撈均佢會偏甜，之後會覺得有陣怪怪地嘅味，係平時天仁或者其他地方都未試過嘅人造味，愈飲愈怪...😢😢有無人試過？