貴緣小鍋米線 (和富)

最近試咗北角一間米線小店，今次試咗兩款招牌米線，整體有驚喜，同大家分享下～🍴 特濃新鮮蕃茄湯米線（雞肉絲+生菜+蘿蔔）$65 ⭐️⭐️⭐️⭐️湯底真係夠濃郁，飲得出用新鮮蕃茄熬製，酸甜自然，帶微微辣勁，好開胃！雞肉絲撕得夠幼，吸晒湯汁好入味；蘿蔔煮到軟淋，清甜無渣；生菜爽脆，加埋一齊食口感豐富。$65 呢個價錢算合理，蕃茄控可以一試！🍴 元祖金酸魚片濃湯米線（炸魚皮）$82 ⭐️⭐️⭐️⭐️金酸湯同一般酸菜魚湯唔同，酸得嚟溫和，帶少少香料香，唔會太刺激。魚片份量足，嫩滑無骨，追加嘅炸魚皮浸湯後半脆半軟，吸盡湯汁好過癮！如果鍾意酸辣口味，呢款值得一試～🍴 巴蜀狂惹雞翼 $29 ⭐️⭐️⭐️雞翼即炸上枱，外皮幾脆，蜜糖同黑椒嘅配搭算惹味，不過肉質未算好Juicy，可以再改善。如果鍾意香口小食，都可以試下，但未算必點。📝 總結* 蕃茄湯米線係必試之選，湯底真材實料；* 金酸魚片湯適合鍾意酸辣但唔想太重口味嘅人；* 雞翼中規中矩，可以一試但未算驚艷。
整體嚟講，小店湯底用心，米線質素唔錯！.............................. 貴緣小鍋米線 (和富) 地址📍: 北角和富道21-53號和富B樓B15-16號舖總評分: 8/10 .............................. 味道😋: ⭐️⭐️⭐️⭐️ 環境👀: ⭐️⭐️⭐️⭐️ 服務👨🏻‍🍳: ⭐️⭐️⭐️⭐️衛生🧹: ⭐️⭐️⭐️⭐️抵食💰: ⭐️⭐️⭐️⭐️ …Read More

今次想介紹這間位於北角的米線小店，這是一間近來我的米線的新寵，店舖的賣點是湯底無味精，啱晒我這個喜歡食米線又喜歡飲湯底的米線控。🍲🤩👏🏼這店同樣也是先選湯底，再追加配料，滿足個人口味偏好。😋🍜特濃新鮮番茄湯米線（$68），湯底以鮮番茄熬製，加入少許辣度，酸甜中帶微微辛辣，味道超夾。在配料方面，揀了魚肉春卷、雞肉絲和白蘿蔔三款配料。一絲絲的雞肉絲撕得很幼細，浸在番茄湯底很開胃美味。白蘿蔔煮得軟腍入味，平衡了整體口感。 🍅🍜豬骨鮮濃湯米線（$61），豬骨湯是用上新鮮的豬骨熬製，其湯底仲可以選擇濃度，店員推薦「5分濃」最適合一口飲晒碗底。這款米線配料選了肥牛、炸響鈴和貢丸。幾值得推介就是炸響鈴，吸滿湯汁後變得超級入味。🐖🦴🥓烤豬仔骨（+$38），這是今期期間限定的新產品，豬仔骨的肉質較為實淨，整個表面調滿了孜然和麻辣粉，充滿了川式風味。咬開時微麻微辣，味蕾也有相當過癮的衝擊。🍗🐷貴緣雞絲火山（$29），雞絲的份量也很多，加入了辣粉，放在雞絲底下就是酸蘿蔔，清爽又開胃。🌶️🐥…Read More

非常好味，又抵食的小窩米線。上次跟朋友來，今次帶先生去食。無添加味精濃湯，可以慢慢飲晒碗湯。餐單同牆上都有提示，証明對自家湯底好有信心。濃度仲可以自選，淡啲濃啲都有得揀。湯底：豬骨鮮濃湯米線（加濃半級至7分濃）$32 招牌酸辣湯米線（小辣，轉芽菜底）$33配料：豬軟骨 $13 魚肉春卷、爽口魚片頭、手打魚腐 @ $11 冬菇王、甜酸齋 @ $10 豬紅、蘿蔔 @ $9推薦：豬軟骨：兩大件，柔軟又腍，連軟骨都入口即化 冬菇：三大件，超厚超滑 甜酸齋：酸甜爽滑 蘿蔔：三大件，清甜冇渣小吃：酒香醉雞翼 $39（五大隻） 娃娃菜 $14（原棵烚熟再切件，好抵食）…Read More

話就話21:00收舖19:57去到已經話截單冇堂食其實可以同客人講明九點前要走但冇諗過一個鐘前堂食都唔得唔好話香港經濟差 我眼見都有四台客諗住入去食點知無功而返 都唔知係店員趕收工定點樣？…Read More

今次試咗和富中心附近嘅「貴緣小鍋米線」，價錢合理 質素高，最大賣點係湯底可以自選濃度，同埋配料選擇好多😍🍜 豬骨鮮濃湯米線 ($87)湯底勁清甜，飲得出係新鮮熬製，食完唔會口渴。豬軟骨每件都勁大舊，炆到軟腍入味😍秘製豚肉有驚喜，微辣惹味。手打魚腐口感軟嫩，肥牛有咬口得黎又唔韌～勁飽肚🌶️ 招牌酸辣湯米線 ($68)酸辣湯底做得幾有層次，7分濃啱啱好夠味又唔會太鹹。小辣剛剛好，酸味自然唔刺喉。特別欣賞個炸醬，肉碎炒得香口，同酸辣湯意外地夾😍 雞肉絲份量十足，必點！🍗 巴屬狂惹雞翼 ($33)新推出嘅黑椒雞翼值得一試😍😍 醃得夠入味，黑椒味香而不嗆，肉質好嫩滑 juicy…Read More

**貴緣小鍋米線的招牌酸辣湯**特別推薦大漠烤豬仔髀及黑芝麻豆漿最近去咗貴緣小鍋米線，試咗佢哋嘅招牌酸辣湯，真係好正！一碗熱辣辣嘅酸辣湯送上嚟，湯底5分濃啱啱好，咬落去係唔會太過濃厚，斟得恰到好處，仲有啲小小嘅辣味，配合少少酸，喝下去超開胃，真係太爽啦！而且，米粉煮得啱啱好，滑滑地，加上鮮嫩嘅配料，啲嘢食落去好有滿足感。每一口都係驚喜，特別適合趕時間又想食好嘢的人。再講講佢哋嘅大漠烤豬仔髀，加購兩隻都係唔可錯過！豬仔髀烤得金黃，外脆內嫩，肉質多汁，搭上啲蘿蔔，真係好有口感，每一口都令人讚不絕口！飲品方面，我試咗黑芝麻豆漿，飲落去口感滑嫩，芝麻香味十足，唔會太甜，正好可以中和酸辣湯嘅味道，飲完之後特別舒服，真係一個好選擇。整體而言，貴緣小鍋米線嘅招牌酸辣湯、大漠烤豬仔髀同黑芝麻豆漿都令我好滿意，完全值得再返嚟！#貴緣小鍋米線 #saludlivingstyle #養生殿堂 #11月 #香港 #hongkong #november #foodie #香港美食推介 #香港美食日記 #香港 #hkfood #hkfoodie #hkfoodstagram #hkfoodlover #hkfoodblogger #foodblogger #foodporn #foodstagram #igfood #igfoodies #foodie #hongkong #養生 #藥膳 #薬膳食 #happiness #hk #hkgirl #番工狠鮮fu系列 #番工狠鮮fu系列happi…Read More

雲貴川的米線，總能勾出最痛快的食慾！食過兩種口味。嚐了豬骨湯米線，乳白湯頭溫潤醇厚，蘿蔔清甜、海帶柔滑，配上韭菜角的辛香，每一口都暖心滿足。仲試左酸辣薯粉，一入口，酸勁竄上舌尖，辣意隨後襲來，搭配處理得毫無異味的豬肚、肥牛與大腸，嚼勁十足，酸辣交融得酣暢淋漓，教人直呼過癮！小吃酸辣雞絲同樣出色，雞絲撕得細嫩，酸辣醬汁涮嘴開胃，既解膩又醒脾。這一餐，濃醇、酸辣、清爽交替衝擊，彷彿在味蕾上展開一場雲貴川的風土之旅——飽足之後，餘味仍久久不散。…Read More

這在位於民居商場裏的米線店，進入商場已經聞到一陣刺激味蕾的香料味。簡單餐廳格局，還算乾淨企理，桌與桌之間不會很近，坐着不焗促。點餐用QR Code，非常方便。🍜秘製麻辣湯米線 $68我點了麻辣湯底小辣及5分濃，濃度可以飲用。我蔥怪，多蔥還不夠，還加$1要增倍蔥，點了3款配菜，魚肉春卷／滷水雞翼／滷水大腸。滿滿一大碗，米線爽滑，配菜入味，辣度是我可以接受的。🍜招牌酸辣湯米線 $66朋友點了酸辣湯底中小辣5分濃，也點了3款配菜，秘製豚肉／手打魚腐／冬菇皇，豚肉好多好惹味，魚腐好滑，酸酸辣辣，好醒胃。🐔巴屬狂惹雞翼（黑椒味）$33 好有自己燒蜜糖雞翼的感覺，如果不是米線太大碗吃得我太飽，我會多吃幾次，最後我朋友全吃了，還說越吃越好吃。🧆小食甜酸齋 $26酸齊一直都是我喜歡吃的小食，是車仔麵必點，這裏可以單點，好吃。飲品：玉泉西柚 $8檸檬可樂 $8總結，米線口味很多，也可以自選不同口味，特別他家的雞翼，我朋友自己吃完幾隻，還說不夠。…Read More

私心推介嘅一間超好食米線餐廳！本人雖然對米線冇乜特別感覺，但呢一間真係令我超級有驚喜同留下深刻嘅印象！佢米線湯底超級香同惹味，乜都冇就咁飲一啖湯會感覺到佢嘅濃郁同整湯底嘅用心，豬軟骨係必點，咬落去有口感，豬骨軟腍又入味，肥瘦適中仲要甜甜地，湯底越食越香越食越辣，米線嘅質感Q彈有咬口，配上吸汁又脆脆哋嘅芽菜超級濃味，雞絲火山份量超級足，食極都有咁，調味係香濃又麻辣嘅蒜香，雞絲有咬口撈落湯底更掛湯，突出咗湯底嘅麻辣特色，成件事超級幸福又香口，震撼咗我嘅味蕾！…Read More

今晚與家人去到北角和富道用膳，走進一間低調卻令人驚喜的米線店——貴緣小鍋米線（和富）。這間店專注於滇菜（雲南風味）、車仔麵及各式粉麵米線，距離港鐵北角站A1出口步行約七分鐘，交通便利。一踏進店內，首先感受到的是整潔舒適的環境。店面規模雖不算大，但座位安排合理，光線充足，令人感到放鬆。店員態度親切，點餐流程簡單流暢，上菜速度亦非常快，即使在繁忙時段也能保持效率，令我們印象深刻。我點選的招牌酸辣湯米線是必試之選，湯底酸中帶辣，香氣撲鼻，入口後酸味先行，辣味隨後湧現，層次分明。配料方面包括魚肉春卷、冬菇皇、豬紅及蘿蔔，搭配得宜。魚肉春卷外脆內嫩，豬紅滑溜無腥味，冬菇皇厚實鮮香，是必點之選。蘿蔔則吸收湯汁後更添風味。整碗米線既有口感又有香氣，令我一試難忘。另一款值得推薦的是特濃新鮮蕃茄湯米線。湯底以新鮮蕃茄熬製，味道濃郁但不膩，帶有自然的甜酸味。配料方面有豬軟骨、冬菇皇、娃娃菜、酸菜及蘿蔔。豬軟骨炆得入味，口感軟腍；娃娃菜清甜爽口，酸菜則為整碗米線增添一絲鹹香，與蕃茄湯底互相輝映。除了主食，店內的小食亦相當出色。黑椒巴屬狂惹雞翼是其中一款人氣之選，雞翼外皮微脆，肉質嫩滑，黑椒香氣濃郁，惹味十足，作為配菜小食非常合適。飲品方面，玉露綠茶清新解膩，與酸辣或濃味米線搭配恰到好處；而支裝豆漿則口感醇厚，甜度適中。整體而言，貴緣小鍋米線不僅菜式味道出眾，環境亦十分舒適清潔，服務效率高，是一間值得一再光顧的好店。#貴緣小鍋米線 (和富)#和富道21-53號和富B樓B15-16號舖…Read More

今日去咗北角一間主打冇味精湯底嘅米線舖，一坐低就聞到陣酸香味，成個人都醒晒。招牌酸辣湯米線湯底酸得嚟唔嗆，辣味係慢慢滲出嚟，唔係死辣嗰種。飲得出係真材實料，冇味精嗰啲乾喉感。炸醬夠晒惹味，拌米線啱啱好；雞絲嫩滑唔柴；木耳絲增加咗少少爽口感；娃娃菜吸晒湯汁，有啲清甜。整體層次幾豐富，每啖都有唔同口感。元祖金酸魚片濃湯米線 + 秘製豚肉呢個湯底就厚身啲，酸香帶少少奶白色嘅魚湯味，魚片滑滑哋冇腥味，幾新鮮。再加上秘製豚肉，油香突出但唔膩，食得出有醃過，香氣好吸引。蒜泥白肉豬肉切得夠薄，肥瘦比例啱啱好，蒜香夠勁。個蒜泥汁做得好，鹹香帶微辣，配埋冰凍白肉入口好爽，越食越開胃。巴蜀狂野雞翼（黑椒味）名雖然誇張，但真係有驚喜。雞翼炸得香脆，外層黑椒味濃郁，肉質入味唔鹹，食到尾會有陣微辣同黑椒香交錯，幾過癮。整體水準唔錯，湯底清爽無味精，食完唔會口乾。酸辣湯同金酸魚湯各有特色，配菜用心，小食都有水準。以北角嚟講，係一間值得再去嘅米線舖。…Read More

今晚專程前往北角「貴緣小鍋米線」，品嚐近期在米線關注組爆紅的「元祖金酸魚片濃湯米線」，果然一試難忘！這碗金酸魚片濃湯一上桌就令人驚艷——湯底濃郁醇厚，酸香誘人卻不過嗆，入口溫潤開胃。據悉湯底每日用數十斤豬骨新鮮熬製四小時以上，絕無味精，喝得出真材實料。魚片份量更是誠意十足，鋪滿整碗，肉質滑嫩無骨，毫無腥味，與酸菜完美交融。米線吸附湯汁能力極佳，每一口都飽含湯底精華。配料中的酸菜畫龍點睛，讓整體風味層次更豐富。雖說定價在米線中屬中上水平，但考慮到魚片份量與熬湯功夫，絕對物有所值。小店雖是街坊格局，但服務親切，上菜迅速。作為米線關注組新寵，這碗元祖金酸魚片濃湯確實名不虛傳，值得專程到訪！下次定要再試其青花椒麻濃湯與招牌雞絲火山。…Read More

好友約我去位於香港北角和富道21-53號和富B樓B15-16號舖的<貴緣小鍋米線>食米線，環境舒適，裝修簡約，坐得舒服。🥢豬骨鮮濃湯米線（含有韭菜、芽菜、蔥），配豬軟骨：湯底濃郁好味，豬軟骨軟腍入味，配菜豐富又好味。🥢元祖金酸魚片濃湯底（內含韭菜、芽菜、蔥）米線：湯底酸辣惹味，魚片鮮嫩好味，份量不少，米線軟滑好食。🥢秘製大漠烤豬仔髀（2隻）：豬仔髀的肉質結實有咬口，面頭有孜然粉，烤得入味，口感豐富 。🥢巴蜀狂野雞翼(原味)：雞翼有五隻，皮脆肉嫩，雞皮香脆，加上芝麻又幾好味，肉質鮮嫩好食。🥢皮蛋豆腐：豆腐十分嫩滑，配皮蛋及蒜泥，秘製醬汁微辣，十分惹味。…Read More

呢間位於北角米線小店，朋友話佢幾正湯底無味精，有酸辣湯底或金酸湯底入面餐牌好多選擇 ，小食，加配料都幾多用QR code 自助落單 非常快就上到招牌酸辣湯 $33湯底5分正常小辣+墨魚丸 +墨魚春卷小小辣的味道入口剛剛好最面的好多芽菜，濃郁湯有著米線入口啖啖都充滿層次條條米線都軟滑有彈性，吸收曬湯汁好滋味5分湯底濃度飲埋個味道真的夠鮮香小食甜酸齋 $26真的要必食，推介食下酸酸甜甜酸齋，食完好醒胃一舊又一舊酒香醉雞翼 5隻入口肉質剛剛好，帶有淡淡酒香不太濃，凍食入口更加彈牙巴蜀狂惹雞翼 $29 (新品) 5 隻來到大大隻原味雞翼外皮口，肉質都夠滑都夠多汁滋味娃娃菜少少蠔油配上菜入口好爽口，娃娃菜好清甜黑芝麻豆漿，健康之選貴緣小鍋米線北角和富道21-53號和富B樓B15-16號舖…Read More

✨北角和富「貴緣米線」一向人流多、生意好，今日嚟開呢頭梗係唔可以錯過。這裏餐牌有很多選擇，湯底都有幾款，而且不含味精，湯都可以飲埋落肚唔會頸渴。***** ***** ***** ***** *****招牌酸辣湯米線🍜湯底5分濃滷水雞翼冬菇王滷水雞翼軟腍腍，非常入味，所以我每次都會加呢個，湯底保持水準，非常惹味。招牌酸辣魚片米線🍜另外魚肉春卷酸菜魚米線真係超正。巴蜀狂野雞翼🐔這個做法雞翼口感非常Juicy，面層有少少甜味，實在令人開胃。最後叫埋支裝豆漿，非常滿足。…Read More