貴族蛋糕

營業中

休息中

人生第一個食評第一次試呢間，買左曲奇同蛋糕仔啲野偏貴唸住貴啲會好食啲就試下曲奇半磅都50有小小貴，味道普通蛋糕仔32蚊，貴小小味道又唔係話好特別仲要勁大舊蛋殻😡真心唔推薦，所以寫下人生第一個食評

黎到太子，記得呢間曲奇幾好食曲奇癮起，買番半磅曲奇食下啦！不過而家d曲奇越黎越貴咁$50 先得半磅，仲只可以揀2隻味喎唯有揀2款黎食下啦揀左人氣No.1嘅香濃朱古力同埋人氣No.3嘅咖啡合桃啦…依舊好食，好鬆，好濃朱古力味咖啡合桃，有淡淡嘅咖啡味，合桃香脆見到有即時出爐嘅蛋撻，菠蘿蛋糕下次先買黎食先

Wa 係新鮮出爐既鮮奶撻同椰撻😯太子既貴族蛋糕🍰係名人幫襯既1st choice 人氣絕對唔會遜色其它店鋪✨.材料雖然話就話冇現加做得咁特別，但勝在夠傳統👍皮夠厚夠鬆脆 唔會食到散開一團粉 😄鮮奶味 奶味香濃 佢同其他既分別 係有淡淡既牛油香 😁一般椰撻小編食半個已經覺甜 但呢個甜度還好👌 佢椰香夠突出 唔會話太濟 😋非常難得既一點餡皮做得實在 唔易鬆開 ‼️係貨真價實❗️

今日搞即慶飯局，下午兩點幾諗起要買生日蛋糕，上網搜尋，見到貴族提供whatsapp訂蛋糕服務，我當然膽粗粗試下，即時有人回覆。我話想要水果蛋糕，朱小姐第一推介鮮什果蛋糕，再追問下又傳咗幾幅蛋糕相，但最後都係選擇第一推介。七點幾落到舖頭拎，見到實物係靚好多，屋企人一路食一路讚，好耐冇食過咁新鮮好味嘅蛋糕，只係士多啤梨酸咗少少~

對上一次到來買曲奇已是8年前，其實期間有來過數次，都沒買。原因不是不好吃， 而是…“太邪惡"。今日有得食，因為情人節，總會放肆一點。合桃曲奇，朱古力曲奇。和以前一樣，無得輸! 港式口味曲奇，鬆化度一般。但甜度比以前輕，烘焗味相當香。

仔仔臨時說想開生日會，只有一個禮拜的時間給我準備。仔仔特別沈迷星球大戰，所以臨時請朋友介紹可以特別訂製蛋糕的店。問了幾家，都要提前至少一個禮拜訂購。朋友推薦了這家位於太子花墟的餅店，話整得靓又好食。一開始以為款式比較舊，心想時間不多，能有就好。原來這老店可以特別客製，只要自己來圖一樣可以做新款。而且提前兩日抱著試一試的心態去問，居然可以訂製自己款蛋糕。訂了五磅的白武士蛋糕，本想訂糖皮蛋糕，為影相靓。店長推薦要試一試他們的忌廉蛋糕。食過果然有驚喜。客人都讚蛋糕好食，幾位平時限制小朋友食甜嘢的媽媽也允許小朋友食兩塊，三十幾個人居然把五磅蛋糕吃完了（連我從不吃水果和甜品的老公，居然食完整塊）。我忙裡偷閒吃了一塊，忌廉滑而不膩，口味偏淡，不會死甜。海綿蛋糕好鬆軟，而且水果都是新鮮的，蛋糕很足磅。可以看得出老店的良心製作。雖然態度很港式，不算特別熱情。但算有問必答，也很老實回答。總體來講很滿意，還會再訂！

食完超羣嘅阿華田系列後, 繼續向太子風向行, 見到呢間貴族餅店有人排隊。香港人心態, 睇睇排咩先, 原來有新鮮出爐蛋撻。為左滿足食唔到蛋撻嘅欲望, 就排隊買一隻蛋撻($6)。$6一隻蛋撻係有啲貴, 食落牛油皮偏脆口, 唔鬆化, 牛油味欠奉, 如果崇尚健康嘅人, 應該會鍾意, 但我比較鍾意牛油味濃, 鬆化嘅牛油皮。

夏威夷果仁朱古力70元100克， 正常有朱古力香味朱古力好薄的一層， 因為價錢都唔算便宜所以朱古力唔會落太多， 因為平時食開比較便的平價朱古力而又有朱古力味嘅 ～蓮姐和G牌。 因為平時食開85 % , 所以就揀左黑朱古力的沒有揀牛奶朱古力的， 夏威夷果仁都ok但是因為平時食開自己剝殼的所以有比較， 果仁味道不夠新鮮， 朱古力沒有什麼朱古力味感覺係好cheap的朱古力， 但是店員話這些朱古力士本店每天新鮮製造的

此店可以訂購代糖鮮果忌廉蛋糕好鬆軟的蛋糕配新鮮生果口感一流軟硬度適中簡簡單單是自小吃的鮮果蛋糕模樣沒有花巧的變化用了代糖味道方面和「正常」的完全無分別反而沒一般蛋糕甜更易入口無咁滯可以有不同造型甚至印相片給糖友一個生日驚喜可以考慮

寫開曲奇, 想起手機中亦有一張太子"貴族蛋糕店"的曲奇相片未寫, 越積越多, 跟本寫到年尾都未寫晒存貨...話說'貴族蛋糕'店 --- 行開花墟的各位都應該有點印象, 因為'想當年'的時候, 會看到店面雪櫃擺放著好幾個大大個壽桃忌廉蛋糕做生招牌, 很容易吸引人腳步停下看看, 真正是: .   是不是它先做的造型已無從稽考, 但至少那個大壽桃蛋糕應該都幾奪目耀眼替它帶來了不少顧客光顧吧?!  我食過它的普通鮮果忌廉蛋糕就是普普通通ok的, "貴族"就說不上, 味道大概是一般舊式西餅小店的出品那種味道, 視乎大家會否欣賞, 總之樣子可能俾到你驚喜因為3D/4D都有做算多樣化, 內裡就正正常常那種口味 . 今次不是寫蛋糕而是餅乾, 但只是影了包裝因為之後拆開和母親大人吃, 她今時今日見到我'相機食先'都仲未習慣, 每次都'依依哦哦...'.  為免煩我沒有逐一影相.其實當時買的時候有半磅自選兩款味依稀記得是$45元; 或已包裝好的內有幾個口味, 因為我想吃咖啡合桃、朱古力杏仁及提子曲奇, 要多過兩款味的就規定要買一磅, 但我覺得未試過它的餅所以都是買少少不要一次買一大包否則誰包底吃光?  

香港已經愈來愈少見呢類舊式餅店,朋友話呢間貴族蛋糕既椰撻做得好出色,所以買左幾個黎請我食,呢度d椰撻size幾好,細細個唔會太滯,平時Vi好怕食椰撻, 因為覺得食到中間成口都係椰絲,好肥好油膩, 但因為呢度既椰撻細個,所以啖啖都食到tart邊,Tart邊幾鬆脆, 而裡面既椰絲好香,烘得有點焦香, 朋友果然無介紹錯

最愛生日，希望送她一個特別的蛋糕，最後為她送上一個粉紅色的玫瑰花生日蛋糕。這蛋糕雖非始創玫瑰花蛋糕的前帝苑餅店甜品大廚 Tony Wong的出品，但造型同樣維妙維肖，粉紅色的玫瑰花瓣，像真度極高，其實是染成了粉紅色的朱古力。在一片片玫瑰花瓣裡面的，則是有芒果肉的柔軟蛋糕，軟熟可口，芒果肉也甜而不酸，整個蛋糕的材料雖然簡單，但頗為好味，我固然喜歡，而更最重要的，是她跟我一樣覺得這蛋糕好食和喜歡，我就更加高興和滿意了。其實，這間「貴族蛋糕」雖然只得一間店舖，並無其他分店，可也薄有名氣，好像它的壽桃生日蛋糕，便有不少顧客訂來作為祝賀老人家大壽之用。要是小女孩的話，這兒的芭比公仔造型的蛋糕，也十分神似呢！而這兒的玫瑰蛋糕，則有粉紅色和紫色兩種，要是不喜歡粉紅色的話，紫色也不失浪漫呢！

剛在花墟買完花束賀媽媽生日，本想行上帝京酒店買蛋糕，點知落大雨，又趕時間，唯有走進花店旁呢間餅店睇下有咩現成的蛋糕買。第一眼見到個壽桃蛋糕，嘩，好似老土左啲喎😬旁邊個玫塊蛋糕好似grand啲～但又太細個，唔夠食⋯ 左揀右揀，最後都係買左個壽桃。點知在壽宴上，一打開個盒，全場（尤其係年長朋友）都大讚個蛋糕好靚😍 味道方面，仲好驚喜，鮮果忌廉甜度適中，雜果是鮮果，海綿蛋糕柔軟有蛋味，桃皮雖是糖皮，但好薄，唔膩。唯一要彈嘅係店內姐姐有D忙，忙中有啲亂，購買過程有D混亂😓

今天來花墟買了點東西，離開前路過久違的貴族蛋糕，買了半磅曲奇餅和寶貝一起分享。($43/半磅，可同時要兩款混合)上公車後忍不住開始吃了。選了咖啡曲奇和牛油曲奇。味道老實說偏淡，不太吃得出牛油和咖啡的香味，至於鬆化度，牛油曲奇比咖啡曲奇優勝。不過不失而已。久違的曲奇餅，今次再嚐，竟然有點失望。

星期四因事去新世紀廣場後，見離晚上上舞蹈課的時間還遠，便決定慢慢行經花墟去旺角準備上課。行到一大半見到有兩家餅店，但又不想食太多東西，便決定試一下這家貴族旦糕。餅店除了蛋糕曲奇麵包等賣之外，還有朱古力呢。環顧四周，決定買個菠蘿蛋糕試下。蛋糕用錫紙盤盛着，外面用透明小膠袋包着。蛋糕約有大半隻手掌的長度，面頭有一塊極薄的菠蘿片。咬下去蛋糕偏乾身，但十分鬆軟，蛋糕帶菠蘿香，整體來説很不錯，若菠蘿片再厚一點就好了。