貴族甜品 (埃華街)

營業中

休息中

椰王產品大家食唔少，呢一家嘅椰王產品連續試咗兩次，失望，失色，失敗！！！好難食！！！！！！第一次試椰王雪燕，雪燕同椰王根本無融合嘅感覺，白色果pet嘢味道根本唔掂。第二次試椰皇雪鴿膏，以為95蚊會有好野，點知，一樣咁難食！！！不知所謂，奶冇奶味，只有一股苦澀味。 叫佢俾紙巾，佢俾得果一張超薄紙巾我，結果我連鼻涕都抹唔到，叻！大家冇咩事真係唔好黎，真係好過份成件事，點解可以咁難食。我絕對唔會再幫襯！！！

每次放工都會嚟呢度行一下睇吓有冇嘢啱食👀，今日突然好想食布甸🍮，所以就走咗入去叫咗個傾城之戀！傾城之戀入面有香蕉🍌、朱古力🍫布甸同埋雪糕🍦。因為個肚唔舒服所以叫咗老闆走雪糕，老闆竟然好好人俾咗好多香蕉我，香蕉唔會太熟，啱啱好。朱古力布甸上面冧咗朱古力醬🤩，口感好滑，雖然布甸本身朱古力味再加上朱古力醬，但唔會太甜，原來香蕉同朱古力都幾夾😍。我相信我下次嚟都會再encore💯💯💯💯。

一入到去等埋朋友先再落單，然後朋友到咗想落order叫極都冇人理。後來終於有人理但侍應一邊幫你落單又一邊幫其他人落單（一心二用？）甜品都算幾快黎，味道還好。食完想埋單又係叫極都冇人應，起碼叫咗成3次。如果繁忙時間可以理解，但係加埋我呢枱先得3枱客又忙得去邊？就算忙都可以應一聲叫我等陣既其實等唔到佢黎收錢到最後俾齊數放低係枱就走= =不過價錢都叫平既，$168有4樣甜品。只能講咩價錢咩質素。服務態度真係差到一個點，店如其名，店員先係貴族。

時隔一年半終於又同朋友一起去食貴族甜品芒果白雪公主🍧 $35賣相唔錯!有芒果雪糕 芒果粒 河粉同刨冰雖然中間食到一兩粒大冰未刨完 不過整體來講都幾好味 芒果愛好者應該去試試😜下午茶套餐 (雪糕雞蛋仔＋飲品) $40Oreo雪糕雞蛋仔＋熱情果特製飲品🍹睇落去幾靚!不過其實係朱古力雪糕加朱古力雞蛋仔配埋兩三塊oreo 個雞蛋仔太軟 一d都唔脆 雪糕都唔太好味 同埋杯熱情果特製飲品有d太過甜 有少少失望😥雖然分量＋呢個價錢係抵食 但個人唔太推介呢個套餐

外賣自取買左3樣野 有7折及8折1 兩串丸子 落單寫到明要黑糖同oreo 落到去oreo變左紅豆 入去叫佢換 仲黑口黑面話呢張紙冇寫到 指埋俾佢睇先換 仲要大大聲話 要重整呀 佢話佢寫左喎2 芒果小丸子 佢折左25蚊 佢用比平時細成倍既碗裝 如果係要迷你版既 就唔好話係折3 白雪公主 不過不失 因為係正常價格 所以用返大碗普普通通一定會再幫襯 今次已經食第3次以上 但係丸子方面 我都唔介意俾時間再整 仲要我係寫到明 都要黑晒面？我最後講晒唔該 佢一句回應都冇 我老馮受氣？

晚上去食糖水點知冇得用優惠券而餐廳又不早通知，叫了椰奶燉雪燕，10分甜非常甜超級甜，另外叫了合桃糊，一點也沒有合桃香味，就好似飲漿糊一樣，俾多佢一次機會都嫌多。

食完午餐轉場，途經貴族甜品，多年沒光顧，心思思就入去試下。.居然比我見到雞蛋仔下午茶套餐CP值超高🍨連飲品，只需四十大洋。.📍香蕉榛子窩夫（曲奇冰淇淋）賣相與海報的有出入，可能係器具問題。（海報靚點）整體用料大方，曲奇冰淇大大球。雪糕上還有兩支朱古力棒棒和香蕉，另外加了榛子醬，女生的甜品胃絕對可被滿足。好抵食！

其實一直都知貴族係好麻麻但係之前食過一次外賣拎走既酒釀桂花芝麻湯圓就正正常常既因為湯圓其實都係買返黎加入去都唔會難食得去邊今日心血來潮又想食糖水但無奈大角咀無乜選擇所以就諗住再試多一次 同一款野都係‘’酒釀桂花芝麻湯圓‘’外賣拎走我滿心期待諗住食糖水點知兜野係完全無味！我以為係自己未搞勻特登再搞多兩搞 再試多次都係無味 好似溝左水咁！仲要個顏色偏黃 好似煲左啲桂花好耐咁 煲到無哂味個隻但慶幸既係佢既湯圓發揮到正常水準所以我最後只係食哂所有湯圓 留返哂所有桂花酒釀滾水係個兜道因為係外賣拎走 無得同老闆即時反映但我唔希望老闆會覺得外賣既人唔會投訴而比一啲劣質既糖水比顧客

年年新年附近都唔多餐廳開，貴族甜品係少數有開既餐廳之一，所以次次拜完年都會食，係指定動作黎，但今年真係叫人人極失望囉叫左個原個椰皇燉蛋白配雙丸，有湯圓同芋丸記得之前食過類似既紅豆燉蛋白都幾好味點知哇。。。一上枱，都唔知係燉蛋白定燉水稀到呢。。。。。芋丸又少。。得個面係熱，食到中層(唔好話個底)都已經凍凍地另外食左星空同榴蓮公主，好一般食2啖已經唔想食講真咁既質素都要成$53蚊，真係不了，一定無下次

叫左一個綠茶同埋紫薯棉花冰, 餐牌睇落好靚 點知實物差勁遠 好似就黎溶咁 唔相都影唔落🤢糖漿D綠茶味好假 淨係得個甜味 我食咗一半就要放棄 如果唔係一定糖尿病🤢🤢🤢🤢🤢🤢🤢🤢🤢🤢🤢🤢🤢🤢🤢🤢🤢不過值得一讚係座位好舒服冇乜人 服務態度還OK起碼落order收餐牌 同埋收錢 都識得講多謝 其他甜品鋪通常都好大牌快D趕你就做下一單生意 重點係附近都冇乜其他選擇 如果大家自問食得好甜而且唔介意近$50一個甜品係可以值得一試

天時暑熱，有時真係想食下冰涼嘅甜品去消一消暑。係大角咀其實選擇不多，好在有一兩間有質素嘅甜品店。今次就點咗兩款甜品，都係有冰做底既。《白雪公主》呢款平時都有食開。當中嘅芒果雪糕，食得出係三色雪糕嘅味。不過椰汁做既河粉好香好滑，食落嘅口感都幾過癮。而芒果可能當做，好香好甜好新鮮。雖然放係底，但我覺得反而係主角既芒果冰。消暑效果一流。《意味情濃》聽到個名都覺得浪漫。曲奇雪糕配上神秘高貴嘅黑色意粉，加上底嘅奶凍，整個甜品散發著高貴既感覺。而入面嘅紅豆，又叫相思豆。食落又甜又粉。好滿足！

每逢夏天晚餐後都想來一個冰凍的甜品，大角咀選擇有限，只好去貴族甜品一試。今晚試了榴連公主及乳酸綿綿冰。先來榴連公主，味道不錯，很有榴連香，可以encore。到乳酸綿綿冰，等左一陣，以為好野，怎料出事，那個乳酸綿綿冰好像加了怪味，一點也不像乳酸味，難食到想吐。而且質感硬實，相信放出門口亦很難融化，勉強吃了兩口投降。加上那個著熱褲的女侍應態度惡劣，而且衣著暴露，是為這個夏天降一降火嗎？相信再也不會幫襯......

坐低又無人理又無人抺枱，叫左3樣野，牛奶燉蛋白，系唔熱既，系微暖個隻，仲要勁多倒汗水，同個侍應講唔熱，佢就甘拎番入去翻熱再拎番出黎，仲有個合桃糊，好似變左甘，有酸味既，龍珠二世就正常，總之唔會再幫襯😪喇！..............................

同朋友特登走入大角咀食日本野，食完覺得就咁走好浪費～好日都唔會走入黎，就食個糖水先走啦！去食晚餐前已見到呢間甜品店，門面睇落好西式～但原來有中有西～而且價錢都幾合理！！朋友叫個港式甜品，我就試試法式既焦糖燉蛋個面燒得略微硬左少少，但雪糕夠大球！特登影埋個menu對比下！又同張相唔大出入wo!!佢比個雪糕球係算偏大個！如果大家似我地咁好少去大角咀就可以試下呢間糖水店，價錢算中下，味道環境都合理，但我就覺得唔算得上係貴族

第一次試依間，試左三款🌟榴蓮公主 👸依個值得食，面頭有2隻啫哩，再配埋榴蓮蓉加個布丁底 nice 👍 🌟芒果腸粉椰汁皮包住芒果，芒果都甜嘅 整體中規中矩🌟椰皇蛋白桃膠一般般，首先椰皇起唔到肉食！其次燉蛋白唔成功，一pat野咁，整體無乜味！not recommended