貢茶 (黃埔108商場)

營業中

休息中

紅磡開咗一間新嘅豪大大雞扒幫襯$40以上就送一張優惠券買一送一飲品，買完豪大大雞扒嘅我哋就決定過嚟光顧吓貢茶呢間分店呢個女人態度差到爆炸，問吓優惠券買一送一，嘅內容，叫我自己睇後面，當我哋揀嘢飲嘅時候佢都好唔耐煩，呼呼喝喝，其他人都喺度揀緊嘅時候佢就喺度追問，人哋都感覺到佢態度差佢就話，我講聲你聽啫 大晒呀，使你講啊飲杯嘢飲，要受佢氣，唔想做就唔好做啦返屋企呀 叫你老闆唔好做呢啲優惠，唔好同其他舖頭合作，有呢啲職員真係倒米

我本身係附近嘅居民，有個姨姨員工做咗都好耐，服務態度又好又有禮物，整野飲速度又快效率好高！！！所以見到呢位員工每次買野飲都會開心啲。至於奶茶方面，只係飲過珍珠奶茶同奶蓋綠茶，兩隻都好飲。奶蓋綠茶可以封蓋或就咁放個蓋係奶茶上面，不過因為我本人鐘意用吸管將奶蓋同綠茶搞埋一齊再飲，通常都直接叫店員封咗佢。

·珍珠奶茶（全糖少冰）珍珠幾好咬😋😋，份量唔多，咁樣就冇咁滯👌🏻，幾鍾意珍珠味，使得整杯珍奶變得獨特。奶茶全糖先好飲同過癮，茶味都OK濃厚，都幾提神🧋。

哈哈…呢期好鍾意飲珍珠奶茶之前一直飲開芋香奶茶加椰果架（基本上次次都係嗌呢個飲）今日發現原來佢哋都有咖啡凍架！咁緊係要嗌啦！好鐘意佢嘅口感！煙煙un Un … 好味道丫 😋😋😋 朋友都係叫佢個次次都會叫嘅水蜜桃蒟蒻⋯我覺得叫左小甜都好甜牙！ 我就麻麻哋啦！另一個朋友叫左個百香果蒟蒻⋯ 🤣🤣呢個係無得叫少甜，佢仲要叫走冰，甜上加甜丫🤣🤣笑死我⋯返到公司佢要自己加番d冰 溝返淡杯野！但呢個幾好飲嘅⋯下次千祈唔好走冰啦⋯⋯

今日係紅磡食完媽咪雞蛋仔後，口乾乾，醒起附近有間貢茶，咁方便點可以唔買返杯止下渴！野飲既種類五花百門，仲可以加唔同既配料，有QQ布丁，珍珠，寒天同愛玉等，加加埋埋真係有好多選擇！最後叫左杯唔普通既珍珠奶茶，佢係烏龍茶奶茶加珍珠！飲落去陣茶味真係好唔同！有好濃郁既茶香，但又唔會蓋過d奶味，兩者既混合真係好創新好正！加上成杯珍珠奶茶的甜度岩岩好，唔會係平時飲開果D一味死甜。同埋d珍珠的份量好多，基本上啖啖飲落去都會食到珍珠～～ 珍珠的軟硬度適中，好有口感！飲完之後仲可以解左岩岩朱古力雞蛋仔既膩，仲有已經可以當一餐，因為已經好飽喇XD順帶一提，雖然平時間唔中都會幫襯下貢茶，但感覺上呢間分店的staff態度係特別好架！XD至少佢會主動問你要幾甜果D，加上又好好笑容～～～ keep it up ah~

估唔到第一次寫食評係咁嬲嘅狀態下寫行過見有芋圓食，我呢個芋圓怪緊係要試下一心想食芋圓就叫個九份芋圓湯拎上手個時已經覺唔對路望入去係黑色一片，搖都見唔到一粒芋圓返到屋企打開，成碗都係糖水把心一橫倒哂啲糖水佢結果就好似圖咁，一碗23蚊嘅芋圓湯得20粒左右今日第一次知原來芋圓咁矜貴！

買貢茶飲品 服務態度好 又親切 飲品多選擇 又有新一期印花貼紙 公仔好得意  野飲好多料 扺飲 飲一杯已經好飽 沖野飲亦好快 唔洗等好耐 野飲好飲 太懶冇影相 寒天粒粒好食 杯邊又冇痴笠笠 會再幫襯的goood