財記海鮮飯店

營業中

休息中

琴日中午落雨就唔出去食飯叫外賣，打電話係個男人聽，講唔正廣東話，又聽唔明我講乜，唉，嗌4盒野講左成十幾廿次，我都唔介意講，佢仲要發我老脾，話要就要，唔要我都唔在乎，我打份工姐，痴線架，咁都得，平就要當客係乞兒架喇咩～好~算數，等左半個鍾飯盒送到，一打開，都唔知係我地黑仔定班伙計有心玩野，4盒飯有2盒裡面有隻蟑螂腳仔😱😱唉…真係慘，雖然我都知依間野衛生情況真係好差，但我地依d窮鬼都無計，拎走有料個邊後再轉盒放入微波爐叮，希望個心舒服d，點知，唉…個盒底真係勁多油，聞落有朕油益味同有少少黑油，唉…唔係咁折墮比黑心油人食吖😡。最終我都係唔敢食，雖然窮鬼飯堂，但食完可能終生後悔，算吧了！我都係食返正常價錢嘅飯盒算了，咁平真係唔好貪，依個世界邊有咁便宜嘅事吖！又平又正?哈哈

最好的小炒王 - 觀塘財記愛吃小炒王，是考驗大牌檔功力的小菜，坊間極少做得夠鑊氣又足料，駿業街財記是我吃過最好的。韭菜花、韭黃、大葱、鮮魷、土魷、菜甫、魚片、蝦乾蝦仁，認真包羅萬有，少少辣，絕對是佐酒妙饌，送啤一流，有時一條冷都會來吃一碟兩枝啤酒，是男人的浪漫。推介鹹魚煎肉餅，冶味非常; 椒鹽雙魷亦乾身出色。 露天牌檔麻甩味濃，很喜愛，大大碟又平，值得推介。FB專頁: smallsmallsmalllin

鹽焗雞! 雞有雞味! 西蘭花炒鮮魷! 菜有菜味! 鮮魷有鮮魷味!椒鹽多春魚! 魚有魚味!講下笑啫!!!! haha~~~鹽焗雞! 真係好夠滑, 唔"鞋", 汁唔會太咸, 很野味!西蘭花炒鮮魷! 夠香口, 西蘭花熟的程度剛剛好. 鮮魷夠香, 但係差咁D蝦醬味!椒鹽多春魚! 煮法同一般唔同! 好似齋炸, 無加平時的細細粒野味香口配料咁, 所以食落唔夠香口野味.不過價錢夠抵, 都會再幫襯!

當日食星洲炒米，食食下見到碟底好多黑色既油，地上同牆上不時有小強同蒼蠅…好恐怖呀！！，同個講唔正廣東話既伙記講，點知佢仲惡過鬼話返我轉頭，話食廿零蚊係甘架啦！痴線架佢簡直！個刻真係嬲到爆！同第二個頭帶有少少金髮講，佢又係甘既態度！算數，即比27蚊佢走人！都知道依家唔會有甘平既野食，便宜莫貪，d油真係黑到似萬年油…食完身體都補唔返，走時，仲聽到有個疑似是頭婆既老女人大大聲話廿零蚊咋，即炒即炒，噢，我暈了。真係無下次，我見到依間野有夜市，d野貴過中午成4倍價錢，一樣既黑油，一樣既食材，一樣既地方，一樣既伙計，夜市一樣送要貴成4倍，大家麻煩考慮下會唔會幫襯。另外，佢地中午有特價蒸飯23蚊，有魚或肉餅，但大家要小心，因為我見到有個廚師整緊一條應該死左好耐既魚，條魚係超級薑硬同灰白（open kitchen)，人食左身體都唔芳好……好恐怖..難怪會有甘多烏英…仲有呀！佢地個地係超級滑…濕立立！孕婦忌去！我都唔小心滑到一滑

駿業街財記的羊腩煲其實不算是十分出色, 羊腩普遍偏瘦, 炆得不夠淋, 不合我口味, 但調味方面是不錯的, 不論羊腩及支竹的份量十足, 一煲有二十多件, 絕對抵食可惜近兩年開始羊腩煲都沒有了筍, 失色不少食物方面是合格的, 但餐廳的環境實在可以用地獄來形容於如此店舖用餐, 我對環境本身已經沒有要求, 但當晚實在嚇人, 餐桌附近的地下有幾個小強遺體...死的, 算吧, 我逆來順受, 但身後的牆上竟然發現另一小強正在趕路, 嚇得我整個彈起~這一個是我死穴, 實在大大打擊我再來的鬥志

這擋大排擋位置觀塘工業區內的熟食街市，我多是去吃晚飯，所以晚上它周圍的舖頭都已經關門，若不是有人介紹也不懂來，以前APM未有的時候，總是覺得它距離港鐵站有點遠，但有了APM後，朋人告知APM內近元氣那邊落一條小電梯，之後穿過港易中心，便可去到巧明街，大概3分鐘就可到達，立時覺得十分方便，吃完晚飯又可到APM逛逛。 這大排擋在熟食街市我地下，它雖是大排擋，但地上是乾乾的，舖內大多是4至6人的細枱，但因我多是和一大班人來，又是熟客，所以會坐入面的”VIP”房(大房)。每次來到一定會叫的”避風塘茄子豆腐”，因很大碟，皮很脆，很好吃，但因不太會吃辣，所以多是叫小辣，如能吃辣，不防試試大辣，都幾刺激。 冬天一定吃這裡的羊腩煲(只在冬天供應)，因料又多(中煲：$90，大概有13舊羊腩)、羊腩夠林又入味、湯濃、又不羯，一定會加多枝竹、加多生菜，食到臨尾，就會打撈一吓重有咩食，發現有很多馬蹄沉底，食埋馬蹄十分滿足，一班人剩食羊腩煲已是半飽，叫了羊腩煲，就要叫少d其他餸。有很多食肆的羊腩煲多數煲很大，但羊腩祇得幾舊，重要起碼要$180一煲，羊腩汁過稀或過咸已很常見，但這裡的羊腩煲很足料，價錢超級超值)。