影片
以上資料只供參考, 請與餐廳確認詳情
得知馬鞍山近來落成的全新地標 - 西沙 Go Park已經於一月下旬正式開幕，我最近便約了朋友去朝聖一下～🤣整個 Go Park的園區範圍十分大，可能由於是新開幕的關係，人流也十分多，然而商店及餐廳的範圍卻相對小，加上有不少舖位仍未對外開放，餐廳的選擇不算多，只見週末的午餐時段每間餐廳外都大排長龍，似乎未能應付客流。幸好這次我預訂了貓員外精釀酒館，職員很快便安排了我和朋友入座😌餐廳的裝潢風格獨特，結合了現代與復古元素，營造出舒適又放鬆的氛圍，而且燈光柔和。這裡除了提供多種手工啤酒和獨特的餐點外，還有桌球和飛鏢可供客人玩樂，非常適合朋友聚會或約會。1. 🐷炭烤椒麻豬舌 ($65)豬舌的份量不少，有炭火的焦香和微辣，是十分好的下酒菜😋2. 🐷炭燒豬頸肉 ($68)充滿炭火香味的特色豬頸肉，份量都算幾多，配上餐廳的手工啤酒是一流的享受！😋3. 🐮麻辣牛腩粒 ($75)外層是薄薄的酥脆炸粉，內裏的牛腩粒煮得軟腍，配上麻辣醬，令人回味無窮！🤤4. 🦆北京烤鴨薄餅 ($145)沒有想過原來北京烤鴨和意式薄餅可以如此配搭，口味獨特又有新意！可惜這裏的薄餅製作需時，職員解釋是他們的烤爐每次只能製作四件薄餅，因此人多的時候只能耐心等待🫢5. 🍺茉莉小麥啤酒 ($38)味道糅合着茉莉的淡淡清香，是十分易入口的手工啤酒😜6. 🍺水蜜桃小麥啤酒 ($48)香濃的水蜜桃味，加上入口清甜，相信會是女生的摯愛！😝名為酒館，這裏的手工啤酒不但種類繁多，而且各有特色，值得一試。但如果想每款啤酒都試一次的話相信要多來幾次才行🤣總括而言，貓員外精釀酒館是一個讓人放鬆的好地方，無論是啤酒愛好者還是美食愛好者，都能在這裡找到滿足。唯一要注意的是食物製作需時，只推薦來這裡慢活和享受假期的人喔！
繼續閱讀
難得 Long weekend, Honey 話想去馬鞍山 Go Park 睇下行下食下 hea下。行行下就見到呢間貓員外精釀酒館，見咁多人喺入面食嘢，我哋都入去試下😂原來佢係一間結合中式菜，同意大利的餐廳，而且仲有自家品牌的手工啤酒！最鍾意佢哋的港式叉雞薄餅🍕見到師傅人手差薄餅餅底，然後親手將薄餅推入焗爐，就好似正宗意大利薄餅咁，焗到嗰邊有少少燶，圓卜卜脆卜卜，食到意大利風味又混合中式的叉雞味道😋我哋又叫咗個酒搭子椒鹽鴨架🦆同醬燒豬肋排🥩 呢兩味配合手工啤酒，真係絕配👍原來佢逢星期一至五午餐時段會有一人 Pizza 優惠套餐，仲包一杯罐嘢飲，都只係90幾蚊仲要冇加一喎！除此之外，佢今期的 Special Menu 有咖哩飯 Curry rice🍲😋雖然等候時間係長咗少少，因為係全人手而且用心製作，性價比高值得等👍同場仲有得玩掟飛鏢同波枱，仲有大電視機可以剝花生飲住手工啤酒睇打波，一流👍
繼續閱讀
成家都好中意食手工pizza，但好食又正宗嘅意大利薄餅都幾貴，呢日特登揸車去咗西沙GO PARK行下，因為聽聞環境靚又多打卡位。去到行完就見到呢間餐廳，主打正宗，意大利薄餅嘅西餐廳，Weekday lunch menu 一百蚊內帶一個pizza加飲品，今期個special memu仲有咖喱飯添。不過見到每台都食pizza，令我都係想食pizza多啲。太肚餓，掛住食冇影相。總結係個Pizza好出色個圓邊脆卜卜，餅底口感堅韌鬆軟，加埋啲配料同醬汁真係幾唔錯。餐廳人手比較少，不過體諒嘅。
繼續閱讀
Go park 最近成日踩單車會經過有日平日放假經過呢間食pizza見逢星期一至五，午餐時段會竟然有1人Pizza優惠餐+1罐飲品，都只係90幾蚊冇收加一，食環境食物質素都好揀咗個北京填鴨pizza老實講，通常我會揀啲fusion口味佢呢度pizza我覺得正宗意大利風味Pizza包邊好好味，少少炭焦味我見佢仲有special menu 今期係Curry rice應該會周不時轉Menu，唔想食pizza嘅可以有額外選擇呢度似係一腳踢，好有小店風味，慢活生活模式
繼續閱讀
工作關係成日要周圍走，又會不時stay喺某一區，呢排就要stay喺馬鞍山，開頭幾日都好唔慣，唔知去邊食lunch，試左幾間都唔太好.. 然後終於入左一間正野叫 「貓員外」，個名幾有趣，開頭以為係貓cafe (!?)點知原來係出名食正宗意大利薄餅嘅西餐廳，正喎！ 即嗌個「一人餐」 試吓，$90幾蚊咋！我食左個芝士番茄薄餅，批邊好脆但批底好有酸種包口感，好抵食又好食，終於喺馬鞍山有食堂啦！可以日日食唔同款薄餅🍕
繼續閱讀