貓之茶房 (海防大廈)

營業中

休息中

今次已經係我第二次嚟呢一間餐廳，佢最大嘅賣點就係餐廳主要係幫助流浪貓，裏面嘅貓貓都被照顧得好好。之前因為疫情關係，餐廳曾經有一段時間唔容許顧客有堂食，所以就冇喺裏面試過任何嘅食物。今次再去，只係點咗一杯飲品，飲品嘅味道不俗，但係嚟得呢度，主要都係諗住同貓主子一齊玩。一入到餐廳，店員都有詳細同我哋講解收費同埋規矩，例如唔可以用閃光燈同貓主子影相，唔可以抱起貓貓，唔可以為貓貓食自己人類嘅食品。餐廳地方寬敞，貓貓都十分自在。星期一至五頭一個小時嘅收費係$60 ，第二個小時起就每個小時收費$38 ，如果係紅日價錢就會另計。如果你好鍾意同貓貓一齊活動嘅，呢度會係一個好好嘅地方。

去個日冇book到位攞左即日籌然後好好彩咁一落樓下就收到電話有空位🥰 不過呢到位置超方便，幾分鐘就行到去donki，所以就算真係要等都可以慢慢行住街等😚 呢到每人頭一個鐘$68包一杯野飲之後每個鐘+$38 我諗幾特別嘅地方係會有board games!!除左同貓玩都係一個同朋友聚下嘅好地方～👉🏻麻辣手撕雞撈麵 $44係炯記餐室嘅外賣，都係正正常常不過就等左超耐🥲差唔多成個鐘先到⭐️7.5/10👉🏻抹茶鮮奶 um.....好兩頭唔到岸嘅味道（？抹茶同奶味都搞唔掂🤣🤣⭐️4.5/10

同朋友book咗餐廳食飯之前仲有個幾兩個鐘嘅時間要打發喺search資料之下發現咗呢間貓貓cafe🐾🐱朋友係貓奴於是就go go go揾貓仔玩🐾🐾🐾第一次嚟貓Cafe🐾🐱一入店舖職員就會俾一對一次性拖鞋你換上$68/hr包1杯嘢飲，續鐘只係$38/hr叫咗杯matcha latte，淡貿貿，無乜味道不過嚟得呢度嘅人都係為咗同貓貓玩對食物飲品期望唔好太高店舖入面好乾淨，好多玻璃窗，空間感好大入面有大概十幾隻唔同品種嘅貓貓各有性格，有啲好懶掛住瞓覺、有啲不斷行嚟行去、有啲一見到你就即刻跳走、有啲郁都唔郁……好得意❤️😆😆大部分貓貓都唔驚人，可以俾你摸嘅☺️以後想打發時間，又可以同貓貓玩多咗一個好去處👍🏻

知道海防道開左間貓咪cafe, 放假專誠來到訪💗之前去過觀塘一間工廠大廈的貓cafe, 又迫又細，所以今日沒抱太大期望😌聽講假日好full, 建議事先預約。$68首小時，包一杯飲品，其後每小時+$38一推開門，就有一隻貓行過來招呼我地😍Cafe有即棄拖鞋比客人，又提供一個大袋比客人裝起d隨身物品，非常貼心🐱Cafe還提供少量食物，用QR code order完飲品，我地就瘋狂同貓貓影相📸️Cafe 大概有10幾隻不同品種既貓貓，基本上大部分都比人摸，係間中一兩隻比較有性格😅叫左兩杯花茶，味道較清淡，不過大家都唔在意，在意同貓貓打卡🤣📸️，一個小時好快就過去。Cafe環境闊落，以淺木色系做主調，而且非常乾淨，唔會成地貓毛，d貓都好乾淨。店員都幾友善，睇得出佢地都好錫d貓。

難得放假⋯和閨蜜一起食飯，食完飯冇嘢做去咗尖沙咀貓咖啡店，$68一個鐘包兩杯飲品其實主要係過嚟睇貓貓🐱掃描QR code點餐 ，點了一杯荔枝味梳打和一杯綠茶🍵鮮奶貓貓好可愛全部都好眼瞓

店舖其實可以講明幾多歲以下小朋友係唔可以入，我有小朋友約2歲，本身屋企都有養開貓，小朋友只係想摸吓隻貓 ，仲未掂到 ， Staff未望清楚，就已經過嚟同我講口頭警告第一次唔可以打貓，我絕對明白動物要愛護 ，但是小朋友從來冇打或意圖打隻貓，場面令我第十分尷尬，四週食客即是望住我哋（當時係滿坐）咁我同個Staff講我地離開，佢話我哋嘢食就到 ，我哋坐低連食嘢，總共四杯嘢飲有兩本都未飲已經唔想再留喺度，食得實在太大壓力

放假唔知有咩做好？落雨唔知做咩好？去下貓貓cafe 都幾正同佢地玩下 飲下野🍹🍹🍹🍹我都係第一次去貓cafe~D貓貓好乾淨第一個鐘$68 包一杯飲品其後每小時$38味道都係正常啦重點是貓貓🐾🐾🐾🐱🐱🐱仲有得買糧餵佢地🥰好正啊有乾糧/雞柳$6/半份 或 $12/份 嚟之前記得book左先暑假都多小朋友放假😳貓之茶房 (尖沙咀)尖沙咀海防道53號海防大廈3樓3室

這家店網上好評不少，我來過的感覺，這些好評並非言過其實，喜歡！所有貓們身體都很健康，貓們的心態屬於晴雨不定，每隻小貓都是自我和自戀的典範，過癮！等了好久才等到買貓糧，實在店家怕貓們食多，用心良苦，有愛！親手餵貓的感覺，雞肉乾和無鹽濕雞肉棒果然是最愛。通過餵貓，一週間累積的辛苦（如果有的話）終於可以有個管道去緩釋，養生！門口看到了許多捐款，果然是愛貓人士的良苦用心，有愛！這家店，值得推薦給各位朋友！！！🌟🌟🌟🌟🌟

d貓又令又年輕又可愛環境舒服到唔捨得走，地址近港鐵站出口好方便。見到佢哋玩捉依因、係隔離訓教好幸福仲有長枱可以玩board game,睇書Tim,真係好寫意～大部分貓都肯比人摸，好溫順😇😇

一入內需要除鞋，Cafe好好會提供一次性拖鞋👍🏻成功入到去就即刻有店長歡迎你啦🥰坐低之後完全比貓貓吸引晒啲注意力唔記得要嗌野飲/野食收費$68一個鐘，包一杯野飲如果想餵下佢地，可以買一份貓糧$12見到佢地食到jap jap聲好開心🥰 今次貓cafe體驗好開心Cafe足足有十幾隻主子，全部各有特色❤️ 仲要唔驚人😍佢地會係成間鋪周圍走，比你見足晒佢地！即刻去相睇下佢地幾可愛呢隻厭世樣: 你地班愚蠢既地球人🤣有野玩有野食佢地會衝埋黎用逗貓棒🪅佢地追得好開心，跳到好高有1,2隻特別好動，淨係顧住玩Cafe環境好乾淨，以白色+木色為主調上去飲杯野摸下貓貓陪下佢地好治癒，即刻疲勞消失了🥳中意貓貓既朋友一定要黎玩下！店舖收到既錢部分仲會捐比流浪貓團體☺️👍🏻

貓都很可愛，環境也很舒服三個大人加三個小朋友，晚上七點多到餐廳坐左兩小時。店員沒什麼招呼，不冷不熱咁。由於只得一個洗手間，結賬前後我們三個大小朋友輪流的去洗手間。去到第二個，店員已經有啲唔禮貌話結帳後要立即離開。我哋就已經即刻揹哂野準備走。等緊最後一位朋友出嚟，小朋友再摸下隻貓，店員攞住個iPad 話要㩒掣mark 鐘計錢，唯有即刻退出門口。(留意番，當時只有4-5位客人)但最後臨走留意到學生可以收平10蚊，但店員話我地沒有主動show 學生證，所以計成人，呢啲服務態度真係有問題。

過馬路咁岩睇到呢間cafe就walk-in上咗去入場前店員姐姐會解釋一下對待貓貓嘅規則,,無問題就叫消毒雙手,可以換埋紙拖鞋入場,場內除咗飲野之外,口罩都唔除得大人細路都係 $68/hr 包一杯飲品,疫情關係無食物提供,飲品好無飲都係其次🤣🤣重要嘅係貓貓🐱場內大概有7-9隻,因為我無去細數..貓貓都好nice,好可愛行街行到攰上黎叉下電都唔錯

尖沙咀家貓貓cafe我第一次陪朋友呢裏面真係好多貓呀好可愛好活躍咁同人玩呀我哋都玩得好開心可以餵啲乾嘅雞肉畀佢哋食佢哋真係好為食呀返嚟嘅大家要畀啲愛心支持領養呀 價錢一啲都唔貴68蚊可以坐一個鐘加一杯嘢飲後再飲都係幾十蚊真係十分化算呀地點方便就喺地鐵站a1出口消磨嚇時間都真係唔錯呀裝修係日式簡單嘅裝修可以坐地下同 貓仔 一齊玩 貓仔 都唔怕人啦好可愛但當 貓仔 瞓覺嘅時候大家都唔好騷擾佢啦 地方舒服乾淨店員都好親切有禮呀加上都有好多隻貓覺得十分抵玩啦