豬手工房

營業中

休息中

豬手工房位於大圍成運路交通城大廈二樓，隱藏在工廈之中，環境卻令人驚喜。餐廳以工業風為主題，裸露的水泥牆搭配暖黃色燈光，營造出粗獷卻溫馨的氛圍。室內空間寬敞，木製長桌和鐵椅增添硬朗感，牆上掛著復古唱機和飛鏢靶，帶點懷舊趣味。戶外露台是亮點，雖然座位有限，但秋冬季節坐在露台上，微風輕拂，夜空下的燈光讓人放鬆，適合悠閒用餐。雖然有網友提到室內座位間距稍窄，略顯擁擠，但通風良好，油煙味不重。我點了招牌脆爆鹹豬手，皮脆肉嫩，醃製入味，搭配酸菜和芥末醬，味道均衡，雖然酸菜份量稍少，但整體滿足。還試了黑松露野菌忌廉汁闊條麵，醬汁濃郁，麵條掛汁均勻，野菌香氣突出，雖然有些人覺得偏油，但對我來說風味十足。飲品選了德國啤酒，冰涼順口，與環境的豪邁氣氛很搭。唯一的建議是露台可增加更多遮陽設施，方便日間用餐。豬手工房的環境將工廈的冷峻與美食的溫暖結合，是大圍的隱藏美食寶藏。

見到差唔多500個讚好梗係要試吓今次叫咗四樣嘢：1) 金沙軟殼蟹pizza 2)鹹豬手 3) 蒜蓉包 4) 薯條拼黑松露醬金沙軟殼蟹pizza係其中一款餐廳推介嘅Pizza，但實物真係強差人意。一個切開為六件嘅Pizza望落係完全搵唔到軟殼蟹嘅蹤跡，食落先至感覺到一兩隻蟹腳仔，蟹身真係完全消失。當中冇食到啲沙沙地嘅物體，我相信嗰啲就係鹹蛋黃醬，但係完全冇味。鹹豬手係另外一個餐廳signature，肉質軟腍個皮好脆係有驚喜！不足之處就係斬得唔係好徹底，全部都黐埋一夾就兩三件。蒜蓉包係大推，完全想像唔到個蒜蓉包，除咗蒜蓉之外仲有一層芝士，食落仲好味過pizza！薯條都係普通嘢，另外叫咗兩個飲品，飲品唔好有期望，都係糖水溝梳打水變做梳打另外係門面無人。。。得兩個人等左勁耐先落到單

豬手工房雖然地方較小及不起眼，但食物質素不錯，特別是招牌的豬手外脆內軟，就算涼了一會也保持到脆度，實屬難得。Pizza 是自己搓的餅，真的很不錯，滿滿的芝士滿足到喜愛芝士的人。好味指數😋😋😋😋

用心製作的食物，高質素，豬手香脆美味，露天環境開揚。好適合晚間一大班朋友放鬆吹水食飯。餐廳有室內用餐區域，不過尤於在秋冬季節，個人比較喜歡戶外開揚空間，配合夜空和暗淡燈光下，形成了放鬆、有氣氛的環境。

位於大圍工廠大廈的小店，是晚家庭聚會，七個人沒有圓枱，但有一張長枱，店舖非常寬敞，不會太擠擁。菜單菜式非常多選擇，豬手非常脆及肥美，洋蔥圈炸得非常脆，pizza很獨特！

今日lunch 同同事黎呢度試吓係咪真係講到咁好食。千島醬海鮮pizza $158有六件，芝士超級多，做到拉絲效果，餅底係薄底，好食。芝麻醬煙燻三文魚青瓜 $98好大碟，略嫌三文魚唔夠多🤣🤣但青瓜係幾fresh。炸水牛芝士條 $68有八條，正常發揮。招牌脆爆鹹豬手 $238呢個招牌菜又真係幾好食，豬手肉好淋，夠入味，個皮好香脆，正。芝士卡邦尼意粉伴溫泉蛋 $118好重好香濃芝士味，配上煙肉咸香，好食呀。招牌工房炒飯 $168超級大碟，炒飯炒得好乾身，粒粒分明。

母親節前上openrice訂座留位，去到當日晚飯前半個鐘先收到餐廳打黎話好多人，要walk in 再等位……呢個安排得較差餐廳好多食客，座位之間好逼，環境一般般啦。呆等了15分鐘才入座。現場職員都好忙，沒有安排妥當。食物方面，等20分鐘才上沙律菜，所有食物味道普通，不過不失，豬手正常發揮，未去到好出色。網上食評不能盡信，試一次中伏就算，唔會再去食第二次啦。價錢唔係特別平，呢個價錢有其他更好的選擇，失望的一餐。

以為星期日晚會冇人幫襯，好彩在open rice 訂咗位，去到驚喜發現滿座，今時今日有這個成績，食物質素一定唔差！先來蒜蓉包，脆卜卜味道一流，再來是最出名的豬手，果然皮脆肉滑，不負眾望，之後到羊架，個人覺得比豬手更出色，至於扇貝則畧為失色！其實豬手工房，並唔係只有豬手食，相反佢嘅菜牌包羅萬有，雞煲烤魚麻辣鍋，沙律意粉.piz硫a.都有得食，有機會一定會再試埋！

同屋企人食飯 去左呢間野！ 叫左 金牌自家製薄餅， 招牌脆爆鹹豬手，鹹蛋黃脆炸魚皮，狂野勁辣魷魚鬚 同埋秘製特色碌鵝😂😂 可能本人太愛炸魚皮喇 係咁食個鹹蛋黃脆炸魚皮 我真係好鍾意 ❤️❤️當然 其他都好好食

星期六 * 拿破崙意粉⭐️⭐️⭐️* 星洲炒米⭐️⭐️⭐️⭐️每日自助靚湯⭐️⭐️⭐️⭐️⭐️；隨便任飲跟餐可選 茶或咖啡「凍飲＋$2」「外賣＋$2」各款式一律 $50一黎飲碗超熱嘅老火湯，非常足料，唔會好稀，好似飲緊水咁樣。因為落咗好多蜜棗嘅關係，個湯非常甜，加埋嗰日好凍，飲咗呢個熱辣辣嘅湯，立即暖粒粒。最誇張嘅係竟然可以任飲，真係難得一見高質老火湯。其實兩碟嘢食都非常高質，但係比較之下拿破崙意粉甜咗少少，意粉係偏幼嘅，唔會「腍啤啤」。星洲炒米就非常多料，同樣都好夠味，見到相片顏色就知道餐廳落料絕對唔會手軟。

係大圍番工既朋友推介左一間隱世西餐仲話佢哋既豬手係世一咁話 真係要試試佢工廈距離大圍站5分鐘左右平時真係未必會特登行過黎餐廳感覺好Chill 仲有露天既座位♥︎招牌脆爆鹹豬手 $238勁大隻豬手真係好鬼正 外表烤到勁脆入口真係有卜卜脆既感覺滿滿既膠質仲有小小漿口 調味唔會太咸 配左芥末同酸椰菜更開胃呢個豬手真係勁出色 怪唔之得咁多人推介我地得2個人食真係夠哂飽葡汁焗雞扒飯 $78另外呢個雞扒飯都幾有驚喜除左葡汁仲加左芝士 每一啖都有拉絲效果雞扒好大塊 仲嫩滑多汁生煎手工墨魚餅拼炸蝦餅(各兩件) $88墨魚餅同蝦餅都係自家製墨魚餅食到粒粒墨魚同墨魚 口感好彈牙蝦餅大大塊 炸完好香口 蝦味夠濃郁

本人很喜歡吃德國豬手💗，上網見到大圍區呢間店即刻冒名而來，點一手鹹豬手來品嘗。✨招牌脆爆鹹豬手擺盤幾特別隻碟好似一隻船，旁邊配菜有德國酸菜，幫助開胃，少了不黃芥末。佢地既豬手切得比較大塊厚身🐷，外皮真係超級無敵脆，肉嫩食落去充滿鹹香既味道。的確係好出色既一道菜，沒有讓我呢個豬手迷失望。✨懷舊豬大腸 （3串）當初我以為係分開炸3串，好似街邊買小食咁，結果廚師有細心地把豬大腸切成一舊舊，咁就好方便食啦，非常好👍🏻。✨洛神花梳打洛神花味道不算很重，偏向甜多一點，容易入口不酸。餐廳既裝修不算特別，但坐得舒服環境安靜，適合聊天💬，仲有電視機可以睇📺，職員做事速度都好快手。

今日去位於大圍既豬手工房晚餐。餐廳用左木造彩色的牆壁，配上深色大梳化，同燈光柔和既植物吊燈，裝修很有獨特的風格。除左室內仲有超大既戶外座位，環境很好，好適合一班朋友聚下。黎到當然要食佢最出名既招牌脆爆鹹豬手啦，豬手炸到金黃香脆，外皮酥脆內裡嫩滑，肉質鮮嫩，味道剛好唔會太咸，而且份量十足！加上酸椰菜和芥辣一齊食，完全唔會覺得肥膩，口感一流，非常美味，真係必食之選 。另外，仲叫了香煎牛舌，有五大厚片，下面配有沙律菜墊底，牛舌煎後仍保持肉質鮮嫩，再配上佢地特製的醬汁，令味道增加更多層次，帶來豐富口感，超正。食豬手牛舌梗係要飲下啤酒啦，但平時唔飲開酒既我亦有0%酒精既水蜜桃啤酒作為最好既選擇！雖然係啤酒但亦無乜苦澀味加上有粒粒桃增加口感，非常適合平時唔多喝酒既人同女仔！最後仲食埋個甜品提拉米蘇芝士蛋糕Tiramisu，蛋糕口感幼滑，芝士味夠濃，非常唔錯。這餐廳除了招牌豬手外，仲有好多其他食物選擇，下次一定要再來試下。

本人很喜歡吃德國豬手💗，上網見到大圍區呢間店個名即刻冒名而來，必點一手鹹豬手來品嘗。✨招牌脆爆鹹豬手擺盤幾特別隻碟好似一隻船，旁邊配菜有德國酸菜，幫助開胃，少了不黃芥末。佢地既豬手切得比較大塊厚身🐷，外皮真係超級無敵脆，肉嫩食落去充滿鹹香既味道。的確係好出色既一道菜，沒有讓我呢個豬手迷失望。✨懷舊豬大腸 （3串）當初我以為係分開炸3串，好似街邊買小食咁，結果廚師有細心地把豬大腸切成一舊舊，咁就好方便食啦，非常好👍🏻。✨洛神花梳打洛神花味道不算很重，偏向甜多一點，容易入口不酸。餐廳既裝修雖然不是豪華風格，但坐得舒服環境安靜，適合聊天💬，仲有電視機可以睇📺，職員做事速度都好快手。

雖然天氣不似預期，但週末照去大圍踩單車拍下拖，順便試吓單車站附近工廈最近大熱嘅🐷✋🏻豬手工房. 餐廳裝修非常raw 好工業風，一入門就見到部流聲機同飛鏢，感覺懷舊.座位都算舒適寬敞，另有室內平台座不過當日就冇開放. 我哋試左兩個推介小食同個必食嘅豬手. 兩個人埋單四百蚊有找都算合理. #招牌脆爆咸豬手真係名符其實好爆脆，皮脆肉嫰，唔會太乾身，咸味剛好，好大份. 不過呢如果酸菜份量多啲就更好喇. 配埋芥末醬風味更佳. #香辣蒜片德國啤酒蜆呢個估唔到有d 驚喜，個sauce 有酒味得嚟又幾鮮甜，因為有香草、紅椒同洋蔥等調味，直情可以當湯飲. 蜆肉好爽口好味而且都有d 肉地. #咸蛋黃脆炸魚皮魚皮炸得超香脆，面層鋪滿咸蛋黃，不過份量好大，多啲人分享會更好，兩個人食會有啲飽. 美中不足係餐廳冇酒牌，所以僅提供果汁梳打養生茶及一般茶記飲品. 不過呢店員話如果想飲酒客戶係可以自備. 餐廳兩頁纸menu充分演繹左中西融合嘅港仔精神極全能，既有薄餅意粉煎牛扒等西餐，又有烤魚雞煲炒飯等中菜，估你唔到，掂！一班人食飯唔洗煩，完全可以滿足大家不同需求. 整體價錢唔算特別平，不過就冇加一，所以呢都係平過出面餐