豬屋日本料理

這天難得來了上水，就來品嚐這邊的美食吧。自家調配荔枝果香清酒$19，這個價錢好抵飲，很適合女生，味道清甜有果香，酒味不重，適合搭配壽司。壽司方面，醬燒特長珍寶蟹棒壽司$28，蟹棒厚身，啖啖肉好滋味；灸燒左口魚裙邊壽司$30，魚肉油脂豐富，入口滑溜；醬燒三文魚壽司$22，三文魚新鮮，火候剛好。沖繩便當$100十分豐富，包括吉列千層芝心豬扒，外脆內軟，層次豐富；還有汁燒金菇牛肉卷、螺肉及刺身三種，包括三文魚、帶子、甜蝦，都算幾新鮮，冇雪味。本身個餐跟咖喱飯，我轉了黑蒜油豬骨湯烏冬+$21，份量比想像中大，是一個正常烏冬的份量，湯底濃郁，烏冬滑身。我還加購了三文魚味噌湯+$8，味道自然，有淡淡魚香，還有些三文魚肉在湯裏。…查看更多

便當嘅選擇超多，有啲係豬肉、魚或者雞，有啲配刺身、卷物或者蛋糕，真係多到要慢慢比較一下！鹿屋便當有鹽燒鯖花魚、棒棒雞同三款刺身，鯖魚原條上，刺身有三文魚、帶子、有頭甜蝦，非常豐富🍱便當入面嘅咖哩飯比想像中好，揀咗少飯同埋汁另上，無諗過個咖哩入面竟然有好多蘿蔔粒薯仔粒，而唔係就咁得啲汁🍛套餐亦可以優惠價加配小食飲品，貫徹餐廳選擇豐富嘅作風，三文魚味噌湯係另外加嘅蟹棒蟹籽栗米沙律份量十足🥗7吋珍寶赤海蝦刺身幾大隻🦐依晚一路食一路見到有外賣員嚟攞外賣，所以應該頗受附近街坊嘅支持，係外賣平台上嘅好選擇～…查看更多

🥢 至尊惹味套餐呢份套餐真係好豐富- 三文魚蜆肉味噌湯：好多料，蜆肉鮮味十足，加埋三文魚，簡單滿足。- 蟹籽粟米沙律：清新又開胃，蟹籽爽口。- 刺身三款：三文魚油脂豐富，帶子鮮甜滑口，甜蝦仲有濃郁嘅鮮味，絕對新鮮👍🏻- 香炸軟殼蟹：炸得香脆，唔會覺得油膩，蟹肉仲好嫩滑。- 蒜香牛油比目魚：魚肉嫩滑，牛油香氣四溢，配埋蒜香，真係一口接一口😋- 和風燒汁飯（可以揀咖喱汁）- 福岡濃厚朱古力蛋糕：甜品係完美句號，朱古力味濃厚得嚟唔會過甜，口感滑溜，食完滿足感爆棚。🥢 沖繩便當呢份便當都同樣豐富，啲配搭好有層次感：- 芝士豬扒：豬扒炸得外脆內嫩，加埋芝士溶溶，濃郁又惹味，必食之選。- 金菇肥牛卷：金菇脆嫩，肥牛肉香濃，配埋醬汁，入口即溶。- 刺身三款：同至尊套餐一樣新鮮，質素保持高水準，唔會令人失望。- 味附螺肉：螺肉爽口有嚼勁，調味適中。- 和風燒汁飯豬屋日本料理真係一間抵食又好味嘅餐廳，啲食材夠新鮮，分量又多，價錢好合理。無論係套餐定便當，都食得出餐廳嘅用心。個環境都幾舒服，服務員有禮貌又細心。成個用餐體驗好滿意，CP值爆燈！推介俾鍾意日料嘅朋友，下次再去一定會試埋其他餐牌！🎉…查看更多

朋友仔介紹上水呢間"豬屋日本料理”CP值高，好味又抵食，一於試下先！上水火車站行大約八分鐘路程，對面係龍琛路體育館，位置開揚且非常方便。裝修富有日式格調，環境乾淨整潔，非常舒適👍餐牌食物種類繁多，有刺身🍣炸物、拉麵🍜便當🍱甚至甜品🥧，非常豐富，見到樣樣都想食😝• 薩摩便當$112 (期間限定)鹽燒安格斯封門牛柳、七味燒豬頸肉、挪威三文魚壽司、咖哩飯、味付螺肉值得一讚，牛柳肉質鮮嫩，熟成度適中，三文魚新鮮👍Yummy😋• 香濃培煎胡麻炸雞丼$65福岡芝士漢堡扒、三文魚味噌湯、胡麻炸雞、小食(另+15轉豬骨湯拉麵)👍漢堡扒芝士拉絲，食到舐舐脷😋炸雞唔會太油膩，配上香濃胡麻醬，超級好食• 紫薯三味盛$58新鮮炸物，香脆可口品嚐美食之餘，背景襯托着日文歌曲，尤如置身於日本食店一樣。親民價錢，食到呢個質素嘅食物，小店值得推介👍👍…查看更多

餐廳既便當🍱係日本唔同縣市名🗾揀野食既過程中，搞到好想返鄉下✈️雖然我買外賣🥡但店員妹妹好好，叫我入去坐低慢慢揀🫶🏻揀既時候，都幾密聽到店家外賣平台App通知有新訂單🛵整體價錢唔貴，味道同價錢相符，部份(*限定外賣)款式更抵食🤑~•~•~•~•~•~•~•~•~•~•~•~•~•~•~•~•~•~•~• ▪ 秋田便當 ($100)便當分左幾格🍱一份有咁多款野食 • 幾豐富，外脆卜卜內有肉汁既吉列雞扒🍗(仲有好多舊) • 入味又淋既汁煮豬軟骨🍖 • 香噴噴咖哩飯(有汁撈飯好快清左) • 刺身3種(三文魚x2🍣 • 帶子x2 • 有頭甜蝦x1🦐) • 味付螺肉.👆🏻飯可揀燒汁 / 咖喱汁👇🏻.▪ 蒲燒金鯛魚腩飯和風燒汁飯 ($55)蒲燒汁唔一定係鰻魚既，配滑滑金鯛魚腩都幾夾🐟汁甜味較重，飯量都唔少，男士都夠🙆🏻‍♂️.▪ 滋味唐揚魷魚 ($55)炸得香脆🦑，飲酒一流🍻▪ 福岡濃厚抹茶蛋糕 ($38)抹茶控必試🍵 • 海綿蛋糕底🍰.~•~•~•~•~•~•~•~•~•~•~•~•~•~•~•~•~•~•~•🔺有學生優惠(*著校服學生👨🏻‍🎓👩🏻‍🎓)~•~•~•~•~•~•~•~•~•~•~•~•~•~•~•~•~•~•~•…查看更多